保險問題 理性討論 佛系你問我答(4)

無限感激你嘅回覆
呢個community
需要你呢D對產品認知咁豐富嘅人

我本身公司包的


想買一分供到老，
但年年加果D，老左未必比得起
還是決定唔到買醫療定係危疾好

睇唔到右邊個金額喎，冇數目字睇

咁同埋都係相對嘅，危疾就係危疾先可以做到一次性賠償，醫療就相對萬能少少只要係同住院或者門診手術相關已經可以做到賠償，兩邊個功能好唔同，醫療其實係買一張年票入私家醫院冇乜分別

想問埋boclife隻188危疾點睇

想買generali儲蓄危疾，想問佢哋喺香港有無agent？
我喺官網查詢過，留低咗啲聯絡資料，但無人follow up
如果要經broker買有無話邊間好？

23歲，無食煙
啱啱轉工頭一年團體保險好廢（宏利），自己有一份細個屋企人買落嘅人壽加住院醫療（AXA真智安心）。人愈大就愈多病痛，頭暈、心口痛同婦科病，成日睇醫生。最近因為長期心口痛同心跳快睇私家門診醫生比左張心臟科轉介信我去做檢查。

請問我依家應該買危疾先定再買多個高端醫療呢？同有冇推介？唔該晒大家。

有份儲蓄人壽，供咗十幾年，其實供好少錢，不過都想睇返供落去有無意思？

Thanks

點解覺得好似伏伏地，回報咁低，係咩公司

係咪要自己配搭唔同公司嘅保險先最好
乜都唔識

想問bowtie 醫保+ 危疾2m + 戰癌夠唔夠做

身邊朋友的，佢唔多點理呢啲，係十幾年前買完就算
因為供款額好細，佢話費事煩

個 plan應該係包一個好細嘅保額，但我睇係足一世，計保證額就一世定一百歲先回本，非保證計都要差不多成40年先回本

佢 agent好似話唔供都供咗十幾年，近呢幾年開始有紅利，無理由宜家 cut單，問我意見

10life 有冇你份

我都想係精算師
我自己個人就冇開到户口
以前曾經有幾個高評分户口係我負責答問題，我之前都有apply 過佢公司不過冇得in，佢地理念同我好似對佢地好有好感，唯有裝備好自己等佢哋再請人就再apply下

推一推 公司冇保險

份嘢朋友的，佢有另買醫療和 term life, 佢純粹考慮緊上面張十幾年前買落嘅儲蓄人壽 cut 咗去定少少錢供落去好

我自己意見就有儲蓄成份由頭到尾應該都唔洗買，不過供咗十幾年保證果 part 開始儲錢，佢agent 同佢講紅利而家有3厘幾，又好似唔一定 cut, 始果係新單我就肯定叫佢唔好買

你可以叫你個朋友睇返佢紅利個派發息足唔足，好多時啲儲蓄單比人鬧，就係講緊個啲非保證紅利派唔足，得個數永遠無得袋。同埋睇返佢而家cut 拎得返幾錢，拎完筆錢又有無諗住用嚟做咩。
如果佢紅利keep住3%，cut 完筆錢又唔會投資嘅，咪keep住滾大佢，3%當定期都好。

直接買份pink再加危疾會好啲
揀15000 25,000墊底就可以
你呢個揀法我驚你大病搞唔掂，大病除咗癌症都仲有好多項目係會燒錢，倒不如用一個自己見到上限嘅錢即係墊底去應付未知嘅無底深潭，都好過只係眼淺應付到下限嘅錢去應付可能無限嘅開支

分野個身故賠償係幾多？冇右邊好難判斷喎
如果我就咁評論儲蓄部份呢，你都見到計埋飛保證部份b+c，都要第39年先會超過你個保費，同埋個保費係要keep住交落去我就未睇都係要供到幾多歲，till 65？

你呢份係終身人壽嘅可能性多過終身人壽，應該係個人壽成份比重比較大嘅，咁就要睇埋個人壽部份有幾多咁我就可以落個判斷。

如果係就咁睇個儲蓄部份呢係垃圾嘅，供嚟都多舊魚，不過就要睇返個身故部份係講緊用一蚊保費換到幾多返嚟，如果個槓桿效果都有返咁上下呢咁都仲可以放喺度

等我一陣研究完同返你講先，呢隻我都未睇

冇agent
係咁㗎，我之前都係特登射自己啲單出去買，係上人哋公司直接簽嗰隻，都係放低咗資料成個幾兩個禮拜先有人通知我

其實間間差唔多，我個人就會心儀10life專業好多嘅，佢之前有一期係其中一個老細負責簽，有咩專業得過一個精算師係你面前解答你問題
而家佢請咗人就會係新請嗰班去負責

等我睇睇你內容先

就咁睇你而家應該都有啲病歷喎？咁嘅話呢我建議你就盡可能搵多幾間公司睇睇而家投保嘅話，會唔會有不保事項出現又或者係現階段你可以買到嘅最好Offer會係點先。因為有機會你係好多部位不保，又或者要加好重保費先可以投保到，咁就失去左買保險槓桿嘅效果，又或者保障唔到你想保障嘅地方

如果你而家呢個情況優先次序應該會係，首先買咗個醫療先然後再處理危疾。因為你有咩事可以用醫療去入醫院處理唔同嘅病症，呢個就相對萬能小小嘅，入院相關就可以用到。但係危疾顧名思義就係有危疾嘅時候做一筆過賠償，咁人生有幾可有危疾，咁呢方面嘅風險就可以歸類喺醫療後面，咁呢個生活費開支都係重要嘅但係個優先次序就應該係先處理喺自己負擔唔起嘅醫藥費上面先，然後再處理咗個危疾去應付患病期間不能返工嘅生活費開支，咁個保障上面就會比較充足嘅