保險問題 理性討論 佛系你問我答(4)

得
但我都係會建議有得用AppleCare就用咗先，因為用得太多金額比較大嘅好快下年就會冇得續保，所以我都係睇住次數同金額去慢慢用，費事有一日跌隻窗落街/爆水喉壞lift要用大錢呢d搞唔掂

哇你個upload好鬼差喎 好矇

係 不過你第二頁嗰個呢如果係非工作時段都係會收附加費，簡單講就係正常返工時間就會係免費，放工時間開始就要比附加費

雪櫃嗰個呢就比較難少少嘅，因為多數就係講緊搬屋期間或者突然之間停電整壞晒啲冷藏食物，咁就要個雪櫃係符合幾年內購買呢個條件先得嘅，有個購買年期限制，係呢個位就要比較小心少少。
其他地方就係你眼見的就是會包含的項目

佢呢個係講緊請人去幫你執意外發生之後嘅，多數就應該自己做唔掂嘅，例如火燭爆門正常應該成地都係野又好多唔同野爛咗，要搵人執嘅

個緊急家居支援服務即係如果發現漏水, 可以call Zurich叫佢搵人嚟整?如果喺基本時段嘅標準地區內就免費?

係 要經佢轉介去幫你搵

同汽車全保可以call拖車一樣，正常時間就唔需要收錢，半夜咪要收錢

瑞士係 zu 果間？我都想買家居保險

咁都幾好,家居保通常每年一千幾百,但你call人上嚟整水喉一次都座底一千幾百

係 幾抵玩

當然一定要

已有疾病都係要申報，特別係網上買危疾醫療呢啲都係要，因為好多時候會牽涉免疫系統相關疾病或者係性器官，咁呢啲本身HPV呢啲所謂自己唔檢點所得到係唔會包(原本就係不保事項)，但係如果係講其他都係一個已存在病徵都係需要申報上去，俾佢知道個情況係點，再去判斷接唔接受你呢個投保

普通小病小痛嘅話夠用嘅，自己需要比嘅費用唔係特別多，因為你唔係用港怡plan。自願醫保靈活即係變相有個額外醫療保(應付多出來費用八成)，你自己都要比一部份。
如果你本身係會擔心之後會有比較大單小小嘅疾病需要住院，醫療開支未必夠應付嘅話都係強烈建議你加一份高端醫療嘅。我個人就會係建議你一份高端走天涯就好，冇需要話特登分開兩份，因為都係羊毛出自羊身上， 除非你每一兩年就會入一入醫院如果唔係出事嘅時候先比一次墊底費仲好。

呢個就要睇唔同公司要求，有啲公司就會係得大病先要成個出生去到而家嘅記錄都要問，有啲公司就係咪都想知道晒你由出世去到而家嘅紀錄。如果係淨係需要問大病嘅話而你呢個記錄又係過咗五年咁係唔需要申報，但係反之咁咪要。

佢呢個做法簡單講就係用一個儲蓄危疾做個主計劃，然後配搭一個醫療計劃咁去買。小朋友早買危疾價錢係最平嘅呢個當然OK，仲可以保障一啲先天性疾病，都係防範未然。只不過多數用配搭形式去買醫療計劃就會有個九折左右嘅優惠，我自己就多數會建議客人另外分開購買會比較好。咁有咩事隨時cut醫療都唔需要煩，可以轉來轉去都得。捆綁埋一齊咪有個唔好地方就係當你有一日唔想要個危疾嘅時候份醫療咪會影響咗，特別係如果有病歷嘅時候你就出面買唔番一份可以全數保障到身體狀況嘅保險，會有呢個缺陷。

同埋你係ha背景就幫小朋友用c記la，你同你老婆是但一個搭個小朋友，你小朋友去到18歲之前嘅終身四折，你兩公婆會有終身八折，應該係最化算個喎

係呀
你可以參考我第一頁有個Q&A
簡單講咗保險四大類別有咩功用 你睇吓邊種適合自己情況再去買就得

至於綠色。。。我都係建議有得揀嘅話不如買第二間成日出事。
咁另外你有公司醫療嘅話呢其實都係可以買多一份個人嘅跟住自己，又或者係彌補公司醫療嘅不足。咁你就可以買一份有墊底費嘅保險就可以，公司醫療會幫你負擔咗呢部份費用，咁你亦都可以享有一年幾千萬嘅醫療保障咁就唔需要特別擔心冇錢醫病。

屋企人意思應該係父母？父母嘅話因為年紀比較大呢我就會建議就咁買高端醫療就算啦，如果唔係對於你來講負擔好重，醫療咁佢哋有咩事都可以入私家醫院等於係買一張私家醫院門票咁樣，有咩事放低墊底費就可以走咗私家醫院條數，用得着嘅時候同個保費相比個槓桿效果係非常高係抵買嘅。

樓主 想問 應該 買份基本醫保42萬 再加高端 5萬墊底好d

定係直接高端 2萬墊底好

假設冇公司醫保下

23歲 唔食煙 2萬5 墊底

買邊個好

cigna 靈活優越
Aia 尊裕
Fwd 尊衛您

Cigna 唔好(180日膳食 ,25 日icu）
Aia 包得比較好(但少貴）
Fwd 唔好（入院/手術前門診護理得1次， 出院/手術後門診護理3個月內得6次）


點揀好

買自願 + 高端
如果冇公司保，你淨買高端
你俾墊底都死呀

唔正常 你狂打去chur cs
Cigna內部好混亂 有機會miss咗你張單
建議你打多幾次去

自願係咪最基本42萬 就夠
高端 2萬 定5萬 墊底好

2萬墊底都幾貴

我都用開one degree，上次幫隻貓claim手術費佢哋一個禮拜就claim到好快手.

Ching, 諗住買火險,見到one degree有七折咁係咪應該而家入手？

有折唔買等幾時?