保險問題 理性討論 佛系你問我答(4)

1001 回覆
31 Like 15 Dislike
2022-06-02 11:38:47
因為佢咁樣會令到個醫生記得原來係邊個邊個介紹,咁平時閑話家常嘅時候又會話你今個禮拜介紹咗兩個客俾我呀好多謝你呀咁樣,咁又會可以義務解答下agent嘅醫療相關嘅問題。
大家都係互相合作關係,或者覺得你對佢太好,佢會相應同你買返少少
2022-06-02 11:54:17
2022-06-02 11:57:42
呢個咪就係我平時同醫生嘅合作方法

當然啦,都係自己客之間互相合作,例如有人做會計嘅,其他人有稅務問題我都係介紹佢,即係醫生都唔會係萬能咩都識,總係需要有其他人幫助下佢
2022-06-02 12:16:00
有已知疾病不嬲都係比較困難嘅

咁舊年preunderwrite 結果係點?有exclusion 定係要加loading?

另外elite 係會好過superior ,但係價錢就貴3成,睇你覺得多出嚟嘅項目係咪自己想要嘅。同埋兩隻嘅核保結果係一樣,唔會話一個鬆手一個緊,兩個結果係一樣嘅

至於ax_你可以參考我第一頁Q&A,我係唔建議客人選擇,除非係類似你呢個情況係冇得好揀又真係好想買,了解清楚個風險之後咁就可以繼續買呢間。

自己如果我俾你嘅建議就會係,如果你係只係pre underwrite有少少exclusion 同loading 都會建議你接受,又或者如果你係公務員就可以選擇公務員醫療計劃,呢個都係會包含已知已存在疾病,希望呢個幫到你。
2022-06-02 12:19:24
係呀醫療上面係足夠

你醫療上面基本上係cover晒嘅,你進一步如果你想考慮其他嘅咪可能係買危疾,保障患病期間返唔到工嘅生活費,又或者係買人壽或者意外呢啲,應付萬一早逝遺留落嚟嘅財務負擔,又或者意外受傷需要去睇意外門診或者後面嘅物理治療費用都會包含

另外俾少少建議,因為你係買煲呔靈活計劃,咁你後面c記嘅薦底費用你就可以選擇高少少,因為佢靈活計劃就算你選擇50,000墊底,你前面需要比嘅費用都係好少部份。又或者你係直接一份15,000/25000墊底就算數,而家就有少少係overlap咗可以有微調嘅空間
2022-06-02 12:20:08
呢個我又拎唔到佢嗰個核保指南去睇,每一間公司唔同,通常我係睇紅a做一個參考
2022-06-02 12:20:53
呢個幾好㗎

我依家自己都係用緊佢,因為我對其他住院現金同埋其他項目不太感興趣,我就覺得就咁保障住院相關內容就足夠所以我先揀佢
2022-06-02 12:23:47
唔會呀

因為危疾係全球通用,只要你係認可醫院發出嘅危疾確診報告,之後郵寄或者電子形式交返去做一個索償,然後醫生簽名作實,一樣都係可以喺全球範圍收到個賠償,最好就當然一樣有返個喺香港嘅戶口方便收錢。

我會建議繼續供落去嘅,我覺得佢呢個係目前市面上最好因為無限次賠償同埋個機制唔錯,至於加拿大係應該冇美國嘅全球回報機制?如果只係短期讀書又或者係當地定居都好,繼續供落去有呢個保障我覺得問題不大,至於如果係醫療保險嘅話我就會建議長居當地嘅話就買一份當地嘅會比較好,始終當地買返當地保險係最平嘅
2022-06-02 12:38:32
我就黎要續保Cixxa個尊尚醫療保
但呢期我諗緊其實佢個尊尚同自願醫保唔係爭好遠,我係咪應該轉返自願醫保就好呢
尊尚既分別好似就係得咁多分別?
1. 上限多2000萬
2. 多左每年有身體檢查
3. 出院後保180日 (自願90日)
4. 少左精神科?
5. 冇得扣稅

如果轉plan既話仲有冇D咩要留意架
2022-06-02 13:12:19
2022-06-02 13:14:10
恭喜晒

有冇不保事項?
2022-06-02 13:15:28
2022-06-02 13:19:21
1.半私家房嘅話大家係一樣,除非你專尚係買私家房,如果唔係一樣的
2.係,自願醫保係三年冇索償過先會送
3.係,同埋出院後輔助治療嘅天數限制都會係有分別
4.一樣都有,自願醫保係可以用盡3000萬,專尚只有6萬
5.係,只有自願醫保可以

你呢個情況嘅話因為係由一個高級計劃轉去一個低級d計劃,係唔需要重新核保嘅,只係需要留意新計劃係咪適合你需要就可以
2022-06-02 13:19:33
咁就好啦
2022-06-02 13:21:36
2022-06-02 13:33:30
我見自願醫保係保埋未知已有疾病 尊尚係唔保
點計都好似自願好d
同埋佢個身體檢查 都係羊毛出自羊身上
每年自己出返1800都得啦
2022-06-02 13:36:12
師兄
多謝你答我

有樣野想問 唔知係咪俾人昆
我本身月頭中左covid 已康復 有證明書
前日買左危疾 term 月供100左右
之後我仲想買自願醫保 打左電話問一個agent
佢叫我要退保危疾因為中個covid 之後佢再send s有saving 元素比我 要月供3000
其實我係咪唔洗退保本身個份?
2022-06-02 13:37:05
當然唔係啦

市面上都會有定期危疾係可以有多重賠償呢個功能,至於包終身就應該得幾間會有,不過你買到後期保費都會貴,睇吓到時會唔會仲想要姐

就咁網上面你都會見到煲呔嘅多重危疾已經係做到多重,但係佢之後嘅多重賠償你都係要繼續交個保費先會有,唔係話一中招就會之後唔需要繼續交但係繼續會有,呢個要留意

咁至於有邊一個係符合你上面兩個要求又係定期呢,你可以留意意大利嗰間,佢嗰隻更愛無限就係定期嚟嘅基本上係同跨越無限一模一樣,只不過佢呢個係定期版本買到自己唔想要嘅年紀就可以,一樣都係中過一次之後就唔需要再交後面保費可以保障終身

咁至於如果只係需要單一次定期嘅話市面上都好多選擇,蘇黎世係唔錯嘅,我最近自己新加嘅危疾都係買佢,10年均衡保費
2022-06-02 13:40:21
其實一樣都係包到,只不過自願醫保係寫到明咁,因為佢要符合政府個框架要求

一樣都係只要你係過咗佢個生效期,之後做檢查先發現到有個疾病,除非係類似好大個腫瘤類別嘅,唔會係一時三刻存在,佢先會懷疑會唔會係有機會係有咗呢個病好耐,所以就通常建議買咗之後唔好咁快即刻做身體檢查,最好就等幾個月或者一年嘅時間,等張單身後得耐少少然後再做檢查就算係腫瘤類別嘅都會有多啲嘅時間被醫生推斷返個病存在時間

至於後面身體檢查,卓健咪都係成日做折扣唔需要呢個價錢嘅,同埋你都可以留意網上有啲團購價錢嘅body check,實際上如果係同一個項目做晒出面應該係1000就做到,不過你要上網搵搵
2022-06-02 13:42:39
唔係好睇得明你意思

你意思係咪即係講緊本身已經買咗份定期嘅危疾係佢公司,之後想買多份自願醫保,之後佢就同你講因為你係中過COVID,佢公司唔俾你買定期危疾落去,佢又send咗個儲蓄危疾又或者係一個儲蓄人壽計劃俾你咁樣?

佢應該係扑傻瓜咁睇吓扑唔扑到你啫,退一步講,當真係佢呢間公司唔接受你申請,出面大把公司香港咁多選擇一定要買佢咩,咁你明我意思啦
2022-06-02 14:08:58
2022-06-02 16:41:04
Q. 如果自己疑神疑鬼覺得自己有病,冇正式check過咩事,冇任何醫療記錄同驗身報告,係應該買咗咩保險先去做body check?同埋推薦咩計劃
A. 係,絕對係應該要買咗先去check
同埋唔好做任何body check 又或者化驗先
等賣咗保險過咗等候期之後先去check會係最好。
你可以買咗醫療同埋危疾先去check,咁過咗等候期之後,當萬一見唔到有咩問題都可以即刻動用,咁會比較好,同埋又唔會出現之後買唔返保險呢個情況。


咁我想問 過完等候期做驗身 查到有事 醫生寫你醫學上大概係買保險前已經有病咪一樣?

又舉多個例 買完保兩年後中左癌 醫生寫推斷三年前已經有癌不過可能有/冇病徵 咁又賠唔賠到呢
2022-06-02 16:45:48
停車場漏水整濕我部車
可否向管理處索償
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞