保險問題 理性討論 佛系你問我答(4)

Thx 同佢傾吓

再問過，佢份單個人壽保額係 around HK$240000，供款係大概HK$160一個月,定額不變直供至100歲

剛剛上bowtie 睇過 term life, around HK$240000人壽額，要去到63歲保費先升到過 $160一個月，即係純睇人壽就63歲前俾多果舊就去咗儲蓄度？

你第二段第一句唔太明

即係大概兩千蚊一年啦
你可以咁樣理解，保險係有分兩個部份，一個就係人壽保險成本，另外一個就會係儲蓄部份，兩邊組成嘅部份就會係成個保費

終身人壽即係講緊成份單主要係做緊人壽為主，一蚊保費可以賠到5至6蚊，有槓桿效果嘅，統稱係叫終身人壽。咁另外一種儲蓄人壽就係講緊成張單唔係作為人壽使用為主，主要係攞嚟儲錢用嘅係講緊退保時候嘅金額增長為主，身故賠償個金額同個保費賠償嘅槓桿就會比較低。

呢個就係同我上面第2段嘅回覆係一樣道理，兩個部份佔嘅比重就會定義咗呢張單應該係屬於邊種類型嘅人壽

thx 巴打 危疾應該揀幾多投保

1蚊賠5、6蚊咁少？

終身人壽來講係呢個比例到

你用年輕時期嘅定期去比較係比較唔到，因為呢個時期係槓桿效果最高，1蚊係換取到10蚊20蚊以上，但係呢個比例係會隨着年紀上升不斷下降，去到大年紀甚至係會出現得一至兩倍嘅情況，所以會存在最佳存續期

終身就係拉平均有5至6到既，都係同交出去既保費去做比較，25年供斷咁去睇

100至200應該都足夠

人工本身再高先考慮更高

謝謝意見/資料先， 其實個人意見就人壽都唔洗買終身
我上網睇 , 如果term life計，當保額$100萬，
30歲時保費一年$456
60歲時保費一年$5664

我覺得人壽目的係替代受保人的收入照顧身邊人，咁60歲後，正路子女都出身，退休後本身都無工作收入，我當層樓未供完差少少錢，而家啲人又健康啲，60歲退休後都可搵份正/party time做多幾年，基本上人壽保險買到 around 60-65歲都ok

如果終身保25年供斷計，25年加埋和term life 保費差額都應差成幾十萬, 不如自己做保守投資算

兩個功能嚟嘅

你上面講嘅係人壽最正路嘅做法，保障自己早逝風險，補充自己唔係度嘅時候都仲可以提供到收入比屋企人。

買終身形式嘅多數係正正係覺得早逝風險呢樣嘢正常就唔會發生到，但係就都要預防有呢個情況發生，又唔想比出去嘅保費消費就係想拎得返，就會買呢種類型嘅保險。同埋多數係想用佢另外一個功能去做財富傳承留錢比下一代，因為正正就係預計自己唔會係正常年期或者退休冇幾耐就會觸發到事件，又想留一筆錢比下一代又或者作為身後事好好睇睇，就會用呢一種形式去處理

如果你上面講嘅就係純粹需求法去處理中短期嘅人身財務負擔，呢兩種做法都冇話邊種特別好邊種特別差，只係純粹個人取態不同同埋稅制問題，香港嘅話就真係冇乜財富傳承嘅需求，同埋樓價高嘅問題就變相係要有份人壽去應付供供下樓冇人供呢個問題。

巴打你好 小弟26歲冇煙冇酒 做醫護行業 有兩條關於保險嘅問題想問下 (打算一次過同Mxxxxxxx 嗰間買) 宜家月入>$50000
1)危疾保 如果呢個歲數買150萬保額會唔會太傻 事關同個agent傾咗兩次 我原本心入邊打算買100萬但對方表示如果再老啲先加單一嚟審核麻煩 二嚟保費都會加咗 100萬供25年 每個月$1500 150就$2200

2) 醫療保 因為係公家做睇門診會比普通市民快 referral都會比較快 其實如果本身個底冇乜特別 呢個歲數係咪都應該買自願醫保 佢有3個plan 0墊底 8000墊底 同25000墊底 聽講仲有個50000墊底 如果真係有需要買 係咪50000墊底嗰個都好夠用
唔該晒 Ching

點解要轉介信

正常都唔需要個喎

去診所姑娘會幫你安排哂d form

至少等一年啦

想問我上個月中簽咗份兩份保險，佢月尾扣左我數，我呢幾日收到broker通知話會加loading/改條款，其中一份更加扣左我adjust左既價錢，個broker係扣數嗰日就同我講佢會改保費，但要我簽名確認先生效，想問咁係咪正常？

做緊醫管局 簽左長約 三十歲月入60K左右 太太月入低我少少
有一個一歲細路 層樓爭緊銀行6球
唔計老母早年比銀行氹完買落果D低保額人壽儲蓄 暫時大家一份保險都無
上年做運動整斷左骨（已經康復 覆診都停埋）住過公院之後開始想買保險
唔計大病 買bowtie既升級靈活夠唔夠cover一般普通私院eg仁安既手術住院開支？洗唔洗再加多一份墊底費既醫保？另外係咪一啲超過5年既病歷係唔洗申報?（細個因為運動意外做過2次小手術）
以我地呢個情況 下一份應該係買危疾 意外定係人壽？保額應該定係幾多？
近期有agent sell我地買細路既危疾 另外係附加條款到加左D醫保條款 係咪搵笨? 獨立買醫保會好D?

買醫療/危疾要唔要disclose性病紀錄果啲野

如果你呢個收入嘅話買呢個額都係合理嘅

只不過你係可以考慮頭100係儲蓄形式，之後50或者100係定期形式，咁樣交叉去買換來嘅保障會比較大啲同一時間保費又唔會佔你收入太多。不過都係個句綠色真係不了，建議你睇其他會有驚喜

至於醫療保險上面呢，其實就係視乎你想出事嘅時候自己負責係比8000 25,000定係50,000，0呢就真係不作考慮嘅因為太貴，除非係幫小朋友買然後佢18歲之前半價咁就可以考慮嘅，大人就唔好咁諗啦。同埋個墊底費用呢，係每年你用嘅時候先至會收取一次嘅，因為公務員就冇公司醫療啦，即係你所選擇嘅薦底費用就係你每年入醫院嘅第一次都要硬食既，我就會建議中間落馬15000 25,000呢啲位會好啲。你揀得越高嘅話就變咗你自己要比得越多

最少等返一年半載啦
如果唔係你自己棧捉蟲

要

如果係可以處理到嘅都係可以appeal到，最緊要係當刻做嘅檢查係可以證明到你係真係冇事

其實就係視乎你嘅過去病歷同埋呢一刻嘅身體狀況係咪真係可以appeal 到，如果你本身係係胃部有問題嘅，咁而家呢一刻都仲未衛報完全康復嘅話冇個證明提交到，咪一樣會失敗

有時有啲保險公司會係咁，冇關係嘅

因為只要你唔簽署更改保費單條款嘅確認書，保單生效唔到就一樣都會原銀奉還返俾你，純粹係預先扣咗先方便你可以盡快生效

好呀唔該你，想問通常有冇話幾耐會退款？