我覺得個重點唔係防唔防重症乜乜物物。
個重點係強逼。
一向疫苗,或者絕大部分醫療上的預防性措施都係基於自願原則。
當然你可以話TB/mental illness有強逼性,但係果種係treatment,唔係preventive measures。
你又可能話小朋友打疫苗都係強制,但小朋友法律上係自己做唔到consent,依家武肺疫苗係講緊打落成年人身上。
咁你又可以話,疫苗打唔打自己揀。問心,真係有得揀咩?如果咁都叫有得揀,呢個都唔會係一個free choice。如果咁都叫consent,最多只會係一種tained consent。
你會唔會走去同一個住天橋底的阿叔講,喂,其實你有得揀架喎。
即係好多野,唔係你話可以決定做唔做,就等於有得揀。如果係的話,d咩人可以飲岩漿但只能飲一次 / 你嚮金日成廣場都可以屌金正恩老母,雖然只能屌一次,但你都有得揀
。咁一樣可以成立。
咁你話保障大多數人,咁係okay。但你保障大多數人的同時一樣損害左部分人的權利。咁如果你覺得係冇問題嘅話即係其實係一種功利主義,去最大化所有人嘅快樂。咁其實係真係冇問題嘅。呢個學說係一直都存在。
但係個問題係如果你覺得咁樣係ok嘅,咁我哋係咪應該對有錢人收更加重嘅稅或者行共產主義?因為將有錢嘅人得到嘅財富去分比窮人一樣係可以增加整體嘅快樂。
又或者你起個競技場出嚟,掟條口入去俾獅子咬。可能在場有幾百個人響度都覺得睇呢個show好開心。畀人殺死嘅係得一個人咁如果根據功利主義原則,呢樣嘢都係justified。
咁我相信大部分嘅連燈仔都會覺得接受唔到嘅,但係點解呢樣嘢接受唔到,逼人去打針又接受到呢。
又或者列車問題大家好熟悉啦,兩條路軌,一邊瞓五個人,一邊瞓一個人,架車就嚟車埋佢報五個人身上,你會唔會改變軌道,寧願車死一個救五個。
可能好多人都話會,但係如果改變做法,而家得一條路軌,路軌上有五個人,你企喺路軌上面的天橋,你隔離有個肥仔。如果你推個肥仔落去,等佢卡住架車嘅話,你可以救到五個人,咁你又會唔會推個肥仔落去?
你今日畀個政府利用去做防疫,我唔係話疫苗一定係差,或者打左會更加衰。
但強迫打針呢一個行為可以有好多implications。今日為咗社會整體利益佢可以逼你打針。今日個整體利益可能就真係防疫。他日嘅整體又會係咩呢?佢會唔會可以逼你絕育或者其他嘢呢?
我覺得呢一個問題大家真係要諗下