［魔幻］【職業魔法師ＩＩ：神威破滅．獵戶座的終末勘星者】

廢事成個ＰＯ氣氛咁沉重，要考慮下讀者感受
始終只係岩岩開始

想早Ｄ訓
但又１２點幾

估唔估到我一直除左靚仔咩都唔寫佢都係伏筆呢
連之前問佢係邊個黎既讀者,讀者本身都變埋伏筆

人無事咪好囉

由於尋日2倍文左
調整加更日程表

12月30日 照舊停文
(原定取消停文加更 但因為已經2倍左)

*******

1月6日 取消停文 加更
12月31日 公開CG
1月13日取消停文 加更

聽日停文, 但會回顧一下2021既創作
同大家傾下計, 特別係呢篇
例如范老爺同阿仁回憶中點用場景交代年代
呀蘇既角色設計
晨月既靈感之類諗到邊打到邊

姐係仲有排sad

追post話
每個角色有岀場意義

博士 個意義係咩
講真名無耐就死左

maybe又簡單講下個timeline？

全職啲人都接廣告 寫專欄 開課金之類

天航應該就搵唔到食嘅，孤泣可能已經係環境最好嗰個，但一年要出幾本書咁，仲應該有啲唔知嘅副業掛。不過孤泣勁多fans喎，簽名個啲打曬蛇餅，應該都ok嘅，但得佢ok

估到我就係你啦

古sir2.0
雖然古sir好似多戲份啲，博士睇落想玩愛情線之後化咗灰

貳．零．貳．壹

因颱風而激盪的怒海上，爆爆哥以鳳凰的姿勢炸向方舟！激射而出的裝甲貨車化成整個戰場都為之炫目的反抗星辰，第一次直接威脅到方舟８５２！

縱觀整個末日歷史，反抗方舟者不計其數。

單人匹馬擊損方舟者，只此一人。

「或者我地係你眼中係無資格上方舟既人，但係—我們會！！證明！！自己既！！存在！！係有價值！！」

「砰隆！！」

【末日下的那些人：方舟爭奪戰】

玉石俱焚，重奪／守護他們的未來

https://lihkg.com/thread/1598494/page/1

———————————————

「…亞娜，綁安全帶，捉實，迎接衝擊！」

「嗄？」

「照做啦！」

「係…係！」亞娜拉上安全帶，雙手放到頭上擺出撞擊姿勢！

我推拉船舵，法老號為之一震，角度調整，我深呼吸拉上安全帶，死命地捉住船陀，然後——

ＰＯＳＴ錯，大家當無睇過

貳．零．貳．壹

因颱風而激盪的怒海上，爆爆哥以鳳凰的姿勢炸向方舟！激射而出的裝甲貨車化成整個戰場都為之炫目的反抗星辰，第一次直接威脅到方舟８５２！

縱觀整個末日歷史，反抗方舟者不計其數。

單人匹馬擊損方舟者，只此一人。

「或者我地係你眼中係無資格上方舟既人，但係—我們會！！證明！！自己既！！存在！！係有價值！！」

「砰隆！！」

【末日下的那些人：方舟爭奪戰】

玉石俱焚，重奪／守護他們的未來

https://lihkg.com/thread/1598494/page/1

———————————————

「…亞娜，綁安全帶，捉實，迎接衝擊！」

「嗄？」

「照做啦！」

「係…係！」亞娜拉上安全帶，雙手放到頭上擺出撞擊姿勢！

我推拉船舵，法老號為之一震，角度調整，我深呼吸拉上安全帶，死命地捉住船陀，然後——

往前，殲仇，然後一同沉沒。

往後，還恩，然後放下過去。

費勝嵐這一去就將不復返。

亞娜卻也是。

副引擎正在用最後一口氣運轉，無論選擇那一邊，也會是這廿載恩仇的盡頭。

【獅子山恩仇記】

恩仇兩斷—等待，並心懷希望！

https://lihkg.com/thread/2464287/page/1

———————————————

「獵戶座天文台，立即投降！」三昧真火把我包圍，漩渦收縮，我感到頭髮末端已經被燒焦，「否則我就將范普仁就地正法！！」

「阿仁！」身後的伙伴們想來救我，但無不被伐魔隊制服或牽制。

到此為止呢，如果真的要死我倒希望最後能見到的是凌晨月，而她揮刀了斷我這懦夫一樣的人生。

凌晨月任由鐮刀落空，旋體後借寒光掩護穿出一腳把夏隊長踢飛幾步，然後立著鐮刀守在我與夏隊長之間！

「唔準你…再奪走我身邊既人！！！

雙眼還有淚痕的凌晨月舉起鐮刀指向夏隊長。

職業魔法師ＩＩ

神威破滅．獵戶座的終末勘星者

https://lihkg.com/thread/2757125/page/1

（連載中）

———————————————

「…最後，係你，阿正。」影片中的妤庭說，「你係中學開始，就無自信…你睇下你呢段日子，每個人無左你幫手，每個人自己既問題都唔會得到解決，又為我地出頭，連日本都去埋…
你比你想像中更勁，只要你敢，我敢講我地每個都會鐘意你。」

「再見啦，大家以後…要好好生活。」

影片結束。

胸前的寂靜，感覺快要壓跨肋骨了。

「快D打俾佢！！」

＊＊＊＊

「啊啊！！」

即使妤庭苗條她也有３，４０公斤的重量，我右手傳來劇痛大概是甩骹之類！但我死命忍著因劇痛而冒出的淚水捉住她，整個人半身飛身天台邊緣，曾經與她們吃著外賣的操場化成地獄向我揮手！

不行！太重了！我也探太多身體出去了！這樣下去——

——要滑下去了！

【與五個女生同居不是想像中的美好】

https://www.patreon.com/vantablackstory

————————

完了，我要坐牢了嗎?

「喂！你見點啊！」

「好痛?！」女人說，「依加竟是連不死身都唔再係…只係具具鐵獸……」

「你…唉你叫咩名?」

「你連我都唔識?我堂堂格拉斯頓帝國既魔王，禍世魔女，災厄之后——凡塔莉雅．伊萊恩．法塔．摩高斯！」

「你個名唔好再長D！？縮手！」我查看她腳上的傷口，似乎是被擦傷了。

＊＊＊

我張開眼，只見連綿的雪山在地平線臥伏，破曉的旭日把萬道光芒投向世間，一道長河從腳下的大地流過，一座和上次大城市不同的小鎮於腳下正在醒來，這邊是…

—格拉斯頓帝國．邊境城市：伯里市—

—上空４０００米—

【魔王穿越到我家中要我送她回異世界】

https://www.patreon.com/vantablackstory

————————

「我係國立冒險者公會睇過書…將軍你有用魔王作戰過，亦見過魔王本人，但係同魔王一模一樣外貌，聲音，名既凡塔莉雅出現係你屋企，你好似無咩點驚訝。」

「因為我個仔有講過話，魔王凡塔莉雅係異世界同一個男人相愛，已經唔再係以前既佢。」將軍交出無懈可擊的解釋。

「定係你早就知道凡塔莉雅唔係唯一既魔王？」

凡塔莉雅生氣了：「我就係唯一既魔王！阿怡！個個…只係冒牌貨！」

「將軍簡直就好似早就知道晒一樣…其實計返都奇怪，凡塔莉雅只係廿幾歲，按佢講，佢係魔王城出世，成長，混入格拉斯頓讀大學，然後成為魔王…但係凡塔莉雅既魔王傳說係格拉斯頓流傳左過百年，將軍你係係年輕時同魔王軍作戰…咁個時你既對手凡塔莉雅又係邊個黎？」

…不愧是我妹，即使我想到了，我卻沒這勇氣問出來。

不是怕將軍。

我是在怕凡塔莉雅。

【與魔王在異世界以討伐魔王為目標】

https://www.patreon.com/vantablackstory

（連載中）

—————————————
——————————

２　　０　　２　　２

預告

https://youtu.be/Lp312hwhqVY

１２月３１日晚７點首播
超豪華既PowerPoint
——————
———
—

多謝大家今年支持，原來有咁多個故係２０２１之中係寫過。今年最大件事其實就係轉行，今晚再同大家傾下計先，呢個留言就黎爆字

末日後呢？

好似要2022年底?
完咗魔法師2之後又有個原創古?

又等多年

大家好我係陳立正，恭喜大家活過左呢一年先啪啪啪啪啪啪

今年我最大既改變就係轉左份ＨＥＡ工，如果有睇末日故前傳既人就會發現個個故既連載速度同獅子山恩仇記係無得比，年度回顧呢個動作係２０２０年好似係無發生過，有都係ＨＥＡ做，因為個年只有一個故係進入過「連載中」既狀態就係末日前傳

唔係呢，末日前傳真係好好睇，得閒去睇下啦

今年年頭我記得係新年咁上下劈左炮，又係裸辭，真係頂唔順每日返十幾個鐘頭工，依加人工少左一大截，但係我同大家講我成世人未咁開心過，個Ｄ錢買返人生最精彩既年紀，超值。

然後我就一口氣寫緊／寫完好似６個故　（Patreon 同居故, 魔王I, 魔王II, 連登末日前傳，獅子山，魔法師ＩＩ），爽啦屌

轉左工後我都唔只係坐係屋企打打打打打打打文，我學左超多野，試左超多野，個排同個套ＹＥＳ　ＭＡＮ　（係咪叫乜都得先生？）冇咩分別，人地叫我去玩咩，學咩，試咩都ＹＥＳ！ＹＥＳ！　ＹＥＳ！全部去！預我！報復式咁為個年幾地獄級社畜生活復仇，雖然好多都係試完玩完就算，但係都有唔少到依加仲堅持緊。

咁先係生活架嘛

雖然patreon都係今年開，但係真係唔係純粹為左錢，每個月少少支持某Ｄ月尾山窮水盡時一次過黎出黎的確救過一命，感覺上有大家課金支持，我個人大膽左咁去寫自己覺得好同有興趣既野，例如patreon既魔王故，我一向唔寫異世界故，因為異世界真係太太太多了，基本上諗到任何設定都會有人寫過，所以我寫左逆向穿越（唔知係咪咁叫），再基於逆向穿越再寫穿越，然後之前明明話自己唔玩選擇故，結果獅子山大玩特玩左，今年真係好多改變。

獅子山恩仇記係我寫過最滿意既作品。

簡單講下今年連登三個故既感想啊

末日前傳，個時寫有一個最大既痛點就係：許少傑一定會輸，因為佢贏左既話正傳就唔會係咁，所以末日前傳同本傳一樣，結局都係預定左既，本傳中必然陷球產，前傳許少傑必敗，所以諗個時落左好多心機。前傳亦係第一次完全咁雙主線推進，因為要補完楊芷欣同許少傑兩個人，寫既時候不斷睇返正傳中既細節，設定，寫起黎真係好吃力。

不過見到大家睇到有心理陰影我就放心了

獅子山恩仇記，一口氣中三野回力鏢：話過唔寫鬥智故，話過唔使選擇故，話末日前傳後下個故要輕鬆Ｄ，哈哈哈哈哈…………其實都算輕鬆呀！有人結局慘咩？無呀！結局慘既都係壞人，好人有好報，唔錯ＷＯＲ，係路上有Ｄ炮灰同角色之間互片得太Ｄ大力啫。記得個時睇住正負皮個比例係到拉鋸我自己都撚驚

森羅萬象會繼續寫的，一路都諗緊。

獅子山個故既靈感講左好多次了，唔再重提，呢個故係最同現實緊扣既故，亦係某個古老世界觀既一部分，換句話說只要我想……

職業魔法師ＩＩ，凌晨月小姐我喜歡你啊！！作為第二集，我覺得反應係比預期好，因為通常續集都係反應無第一集咁好，但其實易寫好Ｄ，因為少左好多世界觀同設定要交代。我寫第二集通常都係以「唔使睇第一集」為前提去寫，如果有新讀者係新睇呢個系列既，應該會完全明白先台。范普仁呢個名就係由「普通人」呢三個改出黎，「普」「仁」，而「范」就係拎「廣泛」既意思，至於凌晨月，就無咩意思，我只係個次去荒島露營，係萬賴俱靜既夜晚抬頭見到凌晨月光好靚就改左呢個名。

呢個故我係由結局諗左先，再反推出之前既時間線，所以寫到愈後結構會愈好，劇情張力愈強。係啦，上面有人問博士已經瓜左佢有咩意義，好簡單答句就係佢既死會對其他人帶來影響，所以佢瓜左都有意義。

另一個想講既角色係呀蘇，係呢個故之中，一共有兩個角色係由patreon訂閱者設計，呀蘇就係其中一個，俾大家睇下設定數據

真名:蘇輝雅
通常人稱：呀蘇
屬性配點（每項最高６點，６項合計２０點）
魔力：4
體魄：２
意志：４
家境：２
智力：2
外貌：6

每項最高６佢設定左做最高，所以就有左呢個超爆靚仔既設定出黎，我一直都係度諗點寫好，然後發現我諗左幾日，都最記得係佢外貌滿分呢點，所以就利用呢點俾左個角色成長佢，除左佢既樣之外咩都唔使，結合埋蘭陵王既故事，就成為左佢，所以係打宋校長個時有人問佢係邊度黎，我完全係「計劃通」個樣


來年既故聽日會有預告片，所謂既片只係有配樂既超豪華Powerpoint, 但係我自己係覺得勁既，技術上都有突破，除左片外會有文字預告，目標都係連登寫到三個故，就係職業魔法師ＩＩ既結局同？？？？以及？？？？？？？。

係啦！今年重有一件事，就係我一腳伸左常眠入講故台，一直以黎我都係無同其他人講過我係連登寫故既呢件事，今年開始我覺得都叫有少少本錢可以同人講了，然後常眠本身都鐘意創作，所以我說左佢開始寫故，佢有得著既，詳細就問佢／佢想講先講啦，創作黎講除左讀者交流都久違地同其他作者交流，有分享到亦有吸引到，唔錯

所以～～都係最老土個句啦，多謝大家今年支持我，有讀者先係故事而唔係作者既自言自語，今年有好有壞，壞既我相信佔多數，而下年我可以肯定壞既部分會佔更多，除左疫情似乎已經變左無限之戰外，其他事都藥石無靈，我想引用下獅子山恩仇記中主角鄧泰思係結局既一段說話黎總結。

「個時我係菲律賓，完全唔知道自己未來會點，應該話困係個度根本無未來可言…但係我知道自己要堅持落去，只要等待，心懷希望咁樣等待，唔好忘記希望咁等待，機會就會係未來某一刻來臨。」

我閉上眼感受海風，感受眼前的美好，最重要是感受心中的自由。

「無人會話到俾你知幾時機會先黎到，但係如果失去希望，失去信念，個一日就會永遠唔會出現。」

不是看到希望才堅持，而是堅持下去才看得到希望這句話有一個漏洞，就是把希望和堅持對方起來。

但其實為了看到希望而堅持下去，本身就是一種希望，希望「看到希望」的希望，二者並不矛盾，並不對立。

所以能堅持下去的人，永遠心中抱有希望。

「所以…文俊，景遙，記住，未來係幾黑暗，幾痛苦，眼前絕境有幾困難都好，你地都要記住呢一點。」我還是改不了說教這壞習慣。

獅子山代表的拚博與堅持也需要原因，需要原動力。

利教授那時也是這樣教我的。

「人類所有睿智都總結在兩個詞之中：等待，並心懷希望！」

祝２０２２年，眾人平安，幸福，快樂
我係陳立正，聽日連載再見

始終新故易Ｄ吸引讀者，一個唔小心出埋書添嘿哈哈哈哈嗚嗚嗚嗚

然後係導讀

范老爺回憶篇

首先，由於係回憶，故事發生係主線既好耐之前，對白上我盡量用返一Ｄ睇落好老土既用字

「然後，我伯爺就係當中撈左少少油水。」

「成班番鬼，我食過夜粥架嘛！」

爛賭既佢要同朋友賭錢，本身諗住麻雀，然後我諗到無咩代表性，於是轉左用感覺上年代久遠Ｄ既天九，我幾驚下面有人問咩叫天九

那年代還沒有北斗會館。本土的華夏魔法師，術數師，風水師都藏身於九龍城寨中，與對岸維多利亞城的不列顛皇家魔法師對峙。

呢段其實來自於設定集，睇左設定集既人應該會有共鳴，無買到既都唔緊要，我一定會俾全世界都有同樣既認知，而唔會因為無課金而睇唔明，唔可以用故事體驗黎好似勒索咁

久違的恐懼淹上心頭，嚇得倒在地上狼狽後退的范老爺子恐慌地望住手上流血不止的傷口，又看看眼前雙眼正泛起瞳芒的關海生。

呢度有小小分鏡，唔知大家睇唔睇得出

第一鏡：范老爺指住關海生
第二鏡：銀光一閃
第三鏡：正面影住范老爺，最近鏡頭既手臂出血
第四鏡：第一人稱望向手臂
第五鏡：第一人稱望向關海生
第六鏡：ＺＯＯＭ近關海生發光既雙眼

其實之前既故都會有人話有畫面感，然後最近無咩咁既評論，所以一直都好努力寫出畫面感，唔知大家睇唔睇得出

「你點估到個棚架會冧落黎先得架！仁仔…先幾個月大…」

「意外呢Ｄ野，無人估到。」

呢度想用關海生既冷靜同范老爺既激動做對比，除左范老爺角色成長左外，最後關海生都有成長

關海生站起來。

「節哀順變。」

即使沒有意義，沒有幫助，關海生也拍拍范老爺子他膊頭道。

之後到阿仁

阿仁個篇除左交代時空背景係佢１８歲生日當日外，仲想寫出佢係出面同係屋企係兩面性，係外面同朋友係馬會玩得好癲，但係返到屋企都算乖，就好似大個左後係天文台開工同與阿七，晨月相處既分別一樣。

另外呢度亦交代左年代＋阿仁既年紀

「各位觀眾：Iphone 4S！！！！！」

「噢噢噢～！！！！！」

「仲係我家姐係澳洲帶返黎既！！！香港未有得賣！！」

「噢噢噢噢噢噢噢噢噢噢噢噢噢噢噢～！！」

１８歲生日個時既Iphone 係4S, 當返依加主線發生係２０２１年，大家就可以計算出阿仁既年紀，反正唔重要，就用呢Ｄ小事日常間接透露就可以，設定集係我自己睇的，咩一黎就姓名：范普仁，性格：男，打斷左述事既流暢

「當年無錢煲豬腳薑過你吔，遲到好過無到…返黎啦，仁仔。」爺爺說。

呢句除左交代爺爺專心拜神，亦呼應返當年個句

「家婦佢生完仁仔只係一個月，豬腳薑都未食過，已經要去洗大餅幫補屋企…佢話坐係度唔辛苦，明明隻手浸到巢晒，指甲都出血。」

［帝寶 皇帝藥］

劇透一下：帝寶，唔只得一種。

話說呀，我都係寫個時先知原來香港係大清律例最後生效既地方，所以先有清帝將禁宮秘寶收係香港呢個設定，本來係阿仁佢太爺係宮中既人，八國關軍入侵時帶埋皇帝藥走佬之類，香港呢個地方係歷史上真係好特別

就係咁多
本身今日停文都搞到咁夜訓，不過我唔想本身預今晚有文睇既人失望而回所以打返咁多字，聽日見