沿著拱廊逃命,獵戶座自爆的警告聲響之不絕,但三十分鐘我們遊刃有餘,真正要擔心的,是第二橋那邊。
我們逃出了獵戶座後又遇到了Jean.
「好耐無見,Jean!」可柔竟然有點高興,那是看到信任之人的眼神。
「叙舊遲下先,可柔,正門個邊頭先有過一輪猛攻,走左一堆伐魔隊入去獵戶座,你地無事就好,但係依加佢地明顯撤後左少少,維持住防線但無進攻。」
「無理由,佢地目標就係要接管工房棟…莫非已經估到我地備份完資料就走?」我反問。
「唔出奇,明知輸都打既仗一定有其戰略意義,佢地都會諗到,我地拖延時間當然係為左你地有時間走,應該話佢地估唔到先怪,夏明慧八婆係施子雄條仆街教出黎,係愚忠但都蠢唔晒。」
「所以佢地唔攻已經無意義既正門,而係集中火力截住我地走佬既路線!仆街啦今次,咁第二橋個邊咪出撚晒事!!」阿七竟然是第一個想通。
「呢邊我地會繼續守住,至少守到獵戶座自爆為止,廢事你地俾佢地前後包抄。」
可柔說:「Jean,獵戶座自爆後所有防禦結界都會解除,你地可以由山路,樹林之間撤退架!」
「知道啦!你啊…」Jean突然輕摸可柔的頭,「…大個女喇。」
「我,我仲好後生架咋!」第一次見到可柔這紅著臉的樣子,剛剛用幻人活撕伐魔隊的人是誰?
「哈哈!咁我地就撐多一陣咁大把啦!」口上說得輕鬆,但Jean眼中卻滿是凝重。
前有進攻的伐魔隊,後有準備自爆的獵戶座,我們那邊失守的話就到正面這邊被夾擊了。
我指著第二橋那邊:「我地快D過去,如果佢地集中火力攻橋繞後既話,文師兄…得文師兄唔知撐唔撐到!」
所有人都是一臉驚怕,除了可柔,恍如知道發生過甚麼事,和將會發生甚麼事一樣。
穿過天文台外頭的戰場,泳池,草坪,食堂,籃球場等地,可以看到已經烏燈黑火的宿舍,第二橋就在附近!平日我與晨月早上晨跑從宿舍過去也只是五分鐘,馬上就到了!
「啊呀呀呀!!!」
「嗚呀呀!!」
第二橋方向傳來慘叫聲,拐過轉角的我們馬上看到—
一個又一個伐魔隊隊員被中世紀式的處刑木樁貫穿刺到空中,或是釘到樹上,或是釘到牆上,火焰在木樁內噴出,恍如回到獵巫時代對行巫者施刑的畫面!
是女巫之鎚(Malleus Maleficarum)!
第二橋橫跨雨水明渠,現在橋的對面是密密麻麻的伐魔隊隊員,但是他們全部都不敢上前強攻,原因就是在我們這邊,文師兄正全身浴血同時發動著「物種起源」和「女巫之鎚」,任何有魔法之人接近第二橋,馬上就會被解除所有魔法加護然後被處以火刑!
「文師兄!!你…你成身血啊?!」阿七嚇傻了,文師兄四肢上的肌肉全部滲出鮮血,說是副作用也太嚴重了!
「你地黎左喇。阿七,你地成功左?」
阿七點點頭。
「我就知道,我地第七期一定可以成功。」
伏伏兩聲,兩個試圖從橋下突破的魔法師被刺穿慘叫,火舌吐出,聞到可怕的燒肉味。
「文師兄你…一個人守到依加?」可柔說。
「你明明知道我做到,溫台長。」
「……」果然!
對面的伐魔隊之中可以看到夏隊長也趕來,正氣急敗壞地說:「對面頭先得一個人!!你地點解咁都解決唔到?!」
「佢…佢比起星環階仲恐怖啊!!」
「襯佢地唔敢輕舉妄動,我幫你地開路,你地就帶住獵戶座既資料…唔係…帶住獵戶座既靈魂走啦,總有一日獵戶座會再次掛係夜空中。」文師兄說。
「你呢?!一齊走啊?!」
「我受既傷已經太重,跟唔到你地走咁遠,但係可以係度攔住佢地。」文師兄說。
不。
不可以,不可以不可以!!
「文師兄!我要用神器黎開路!你咪犧牲自己!!」我把手探向背上的神器!
「范普仁!!你知道神器係咩黎咩!你知道有咩功能咩!你知道點用,有咩限制,有咩後果咩!」
「…我…我唔知…」我無奈地低頭握緊雙拳,為自己的無力而生氣。
「同我照顧好第七期其他人,將呢度交俾我。」
阿七拉住文師兄,所以他身上也沾了不少文師兄的血:「點可以!唔可以架!文師兄!文師兄!一定有其他計架!阿仁你唔係最多諗頭既咩!快D諗方法啦!」
我望向橋的對面,伐魔隊的人至少三,四百人,我們這邊的人只有我,晨月,芷瑜,阿七,Carla,呀蘇,可柔,和文師兄。
不…我們沒人能拖住這樣多人。
「唔使咁既表情…你地啊,可能唔知,我其實超擅長呢種場面,原因…」文師兄冷笑一聲走前。
即將宣讀真名,好使自己的魔法因為自己的存在而達到最大火力嗎?
…文師兄臉上只有決意。
「之前馬場,詩珮,宋校長…我都無宣讀真名,因為我好厭惡用自己真名既過去,連自己最愛都保唔住,我無資格再用呢個名。」
隨著文師兄步步進逼,伐魔隊竟然怕得往後散開,似乎也感覺到某種災難即將顯現。
「但係,我睇到阿仁明明身為麻瓜都咁努力,所有人都唔敢負責任時溫台長挺身而出,仲有阿月,阿七你地…我先至明白到,就算我幾厭惡過去既自己,為你地值得用上全力最後一次,即使全力發動物種起源會將我既合成身體瓦解……所以我個時先係勘天廳同溫台長講,如果真係走投無路既話就交俾我。」
全力?!甚麼合成身體?!
「物種起源並無副作用,而係因為我身上既魔偶部分被效果侵蝕……我本身無戰鬥力,但身為製造出康天賜二世既魔偶師,身為製造出安倍明里既魔偶師,如果唔將魔偶部分接係自己身上,又點樣當年點一個人力敵成個伏見稻荷大社?」
文師兄…他是!
迎著千軍萬馬,那個男人即使厭惡自己的過去,也最後一次宣讀出真名。
﹁
吾
輩
之
真
名
,
乃
安
倍
哲
也
!
﹂