［魔幻］【職業魔法師ＩＩ：神威破滅．獵戶座的終末勘星者】

主席

北斗開會？

出文

副連載lm

作者過勞死指日可待

佢之前做design狗都未死
我對佢有信心

死左個故會爛尾唔死得住

搵常眠頂到你回魂

五行山魔法師監獄，位於新界某岩洞之中的地下秘密設施，除了以結界隱藏，包裹，更加在岩壁上安裝大量的黑曜石。正如黑曜石被視為辟邪，淨化的礦石一樣，在黑曜石的覆蓋下這兒沒法施展魔法，所以監禁了諸多邪法師。

正如名字「五行山」一樣，是連齊天大聖也能封印的地方。

唯有我與晨月才能見她們嗎…

電單車停下，我與晨月按指示穿過結界找到了岩洞的入口，一亮出獵戶座陀錶，馬上岩壁後退露出通道。

「晨月你有冇黎過？」我就是第一次來。

「…有，有一Ｄ永生者被囚禁到死期，就會叫死神黎處決。」

和我想像中差不多的理由。

「你地係天文台既人？」接待處的人望向我。

我解釋：「我先係，佢係北斗會館既死神。」

可能會有人誤會，雖然文師兄，晨月，Carla，呀蘇這些魔法師常常在天文台出現，但其實他們都是北斗會館下注冊的職業魔法師，只是在天文台工作；而我，阿七，芷瑜則是直接由天文台聘用，所以我的陀錶是刻有獵戶座的星紋，而晨月的是北斗七星的星紋。

「嘖，啋，就黎過年先見到死神。」

喂你說甚麼啊你這地中海，正當我準備諷刺這傢伙幾句時晨月牽起我的手握了一下：「唔該你。」

…那麼便算了。

我們被帶著穿過重重的鐵欄，鐵門，時不時就看到有黑曜石被鑲在天花，最後被帶到了一個房間。房間一眼就能看盡，只是普通的會客室，一張木枱被在中間，兩邊各放了兩張凳，房間盡頭的牆上鑲上了一個沙漏，但沙漏中流動著的卻是黑色閃亮亮的黑曜石顆粒。

「你地係度等。」

我與晨月坐下，這兒死氣沉沉，也安靜得叫人窒息，除了冷氣的低沉運轉聲外甚麼也沒有。

我拿出IPAD PRO登入，背景是我與晨月的合照，每次解鎖也忍不住看上個幾秒。

因為相當安靜，腳步聲也變得明顯，抬頭一看，對面的鐵欄後有幾個人影正往這邊走來，因為背光所以看不清容貌。

「入去。」

鐵欄打開，兩個女生進來。

「詩詩，珮珮。」我說，「你地…最近點呀。」

正是詩珮二人，穿著啡色囚衣的二人明顯消瘦了不少，一個獄卒進來把二人腳上的腳鐐鎖到枱腳上，這枱是直接焊死在地板上，二人插翼難逃。

「我地？我地幾好啊。」二人說，「倒係你地…我地收到消息，你地好似差Ｄ死？阿仁，你聽我地講，你唔係戰鬥人員，更加係麻瓜，你唔好咁樣向前線衝…」

她們竟然還在擔心我。

「做咩咁既表情？」

我低頭用眼角望向二人：「你地唔嬲我？」

「…我地只係立場唔同，我地無嬲過第七期任何一人。」

「…博士過左身。」晨月說。

「嗯，我地知。」

「呀蘇毀左容。」

「真係可惜。」

「詩佩，我地要你幫手。」我望向二人。

「……宋校長對我有恩。」二人說，「我地唔會害佢。」

「已經太遲，佢已經被晨月打敗，應該都係度。」我說，「依加我地淨係想你幫手阻止佢準備既襲擊。」

「…憑你？」二人望向晨月。

晨月點點頭。

「所以唔係叫你地害佢，係阻止更多人受害。」

「講下你地知道Ｄ咩，你都已經準備左。」詩珮望向枱面上的IPAD。

我拿起IPAD，向二人展示。

根據大英博物館文物修復館的航時師說，時間跳躍也有範圍限制，正如空間移動受交通工具的航距所限，時間移動也受術式的航距所限。那邊的航時師提供了魔力波動樣本，套用到獵戶座天文台的雷達對比後發現在宋校長搶得聖物後，在西貢結界中的大型靈點「鎖羅盤」中出現時間跳躍的時流殘響。

正如空間移動會干擾空氣流動，產生聲音，地面震動，時間跳躍也會產生時流殘響。分析時流殘響，就可以反向推算出時空跳躍的方向和幅度。

至於悖論問題我們沒有問，始終不是學術交流而是分秒必爭的截擊行動

「佢係將聖物向未來傳送，最大範圍係未來三個月後。」我放大圖形，ＦＰ軸之中Ｆ一端代表Future，Ｐ代表Past，波峰在F-91那時停下，９１代表天數。

「……」看二人的眼神大概是說中了。

「詩珮，我地要一個準確既時間地點座標，如果唔係…聖物就會係未來某一刻突然之間出現，到時我地就無辦法阻止之後發生既事。你地知道宋校長係要鍊成真神架嘛。」

「嗯，佢講過。」

「但佢有冇講過係已經被科學文明主宰既世界，鍊成真正既神明會有咩後果？！」

所有魔法師都堅守著把魔法隱匿的信條，因為現代世界已經由科學統治—這是我們的共識。

假如魔法曝光，假如真神降臨，對世界的法則，社會系統，人們的認知，常識，一切也會動搖，世界律會被顛覆，物件和力之間的互相作用不再按物理法則運行。

整個世界又會回到樹林中有龍種棲身，處男處女被捉去祭神，妖魔鬼怪橫行害人的神代，植物動物會成精，神明互相殘殺如希臘神話一樣，人類只能像螻蟻一樣求神明開恩。

舉個例吧，當日在橋咀島上發生的全島成精就是類似的「現實」，不過已經是弱化版，動物和植物在現代文明世界沒法成精，但是由於神權賦魔，牠們就能按自己意志成精，使橋咀島化成群魔亂舞的地獄。

萬一真神被鍊成，這樣子神代的世界律就會重現，然後向現實侵蝕，把科學文明的現代覆寫過去。

「神代氾濫。」

我說：「呢種災難係咁稱呼，詩珮，我地要知道聖物幾時再出現，穿越左去幾時既未來，先有機會阻止到神代氾濫。」

「宋校長話，鍊成真神目標，係要阻止活佛戰爭。」詩佩說，「只要確認到真神降臨，轉世既活佛就唔再重要，亦唔使為左搶活佛而生靈塗炭，佢咁為國為民，我唔覺得佢會咁做。」

「你知唔知前幾日佢想用宇宙大爆炸炸爆成座ＩＣＣ？」晨月問。

「…唔知…」

「佢又有冇講鍊成之後會發生咩事？真神會係點既存在？佢會做Ｄ咩？有冇任何野可以制衡佢？係咪佢想做咩就做咩？」

人智之世其中一個特點就是制度運作，即使是誰也會受到制衡。但神代氾濫之中，神是絕對的，諸神發動戰爭，創世滅世也不會考慮凡人，隨便看看神話中那些荒謬就知道。

「無講過…我地只需幫佢排除所有阻礙就得。」

「你地真係想睇到世界毀滅？」我說，「詩珮你地都係好溫柔既人，個日係馬場你明明可以直接召喚流星炸過黎，但你都放我地一命，你地無理由想睇到世界末日。」

但是他的手凝在空中，最後卻緩緩握拳放下：「快D放棄，襯未有人死之前。」

「宋校長已經走火入魔，佢被伐魔隊拉個下話無所謂，應該就係指聖物一出現個下就會開始鍊成真神，到我地發現到時已經阻止唔切，詩珮，我地要你幫手先可以制止神代氾濫。」

「我就知道…你地突然黎唔會係想探下我地咁簡單。」詩詩說。

「黎講咁多，就係想利用我地？」珮珮說。

「…唔係啦…我地唔想到時神代氾濫做成大災難後，你地會罪加一等…」我說，「我好想你地快Ｄ出返黎…返返黎第七期。」

「……」詩珮不發一言。

「阿仁係講真，詩珮，佢一直都話第七期永遠係十一人，就算你地咁，佢都無當過你地係敵人。」晨月道。

我關掉Ipad，放下。

「就算你地唔講都係，詩珮，我仲記得個時你地幫我剪頭髮，我同晨月嘈交個時你地幫我地好返…你地講得岩，我地始終只係立場唔同。」

她們二人被我們所有人視為大姐姐，特別是芷瑜更是和二人情同姊妹。

晨月嘆了一口氣：「如果你覺得宋校長對你地既恩情，值得你地陪佢毀滅世界既，我地都無話可說…但係，阿仁話你地唔會。」

我握緊拳頭：「可能係我睇錯佢地…晨月，對唔住。」

「ＩＣＣ…件事，係真既？」

「原始奇異點＝創世霹靂。」

「睇黎係真…個招，的確可能將成座ＩＣＣ炸成平地。」珮珮說，「家姐？」

詩詩點點點：「佢之前唔會咁做。」

突然我想起一件事。

「宋校長，係佢親手殺左副台長，係我地面前。」

效果超群，二人一臉震驚，果然宋校長也有告訴過二人自己年輕時曾經喜歡過副台長。看詩珮姊妹二人的表情，總算明白宋校長喪心病狂到那個地步。

「點會…」

晨月補充：「依加台長係溫主任，副台長已經過左身，個晚我都見到。」

「……」二人動搖著。

「佢已經唔係當日個個人。」

「……地點我地都唔知，但我地記得，佢講過我地有咩緊要野做既，要係今年復活節之前做完，復活節之後會有排忙。」

…復活節！！神子重生，再次來到世界上的那天！！

「詩珮，多謝你地。」晨月激動地牽住二人的手。

「我地唯一可以做到既就係咁，係咪？」

「詩佩，撐住。」我用手蓋到晨月和詩珮的手上，「只要我地阻止到宋校長…我地就會向北斗議會提出你地帶罪立功，我地同時識得獵戶座既台長同北斗會館既會長，就算唔可以即使放監都一定可以減刑！」

二人卻是搖搖頭。

復活節嗎，現在馬上就要過年，還有兩個多月時間阻止神代氾濫，能做到嗎？

一定要做到！

「阿仁，晨月。」詩珮流下淚水，滴到我地手上，「你地一定要小心，一定要好好好小心，特別係你，阿仁，唔可以監硬黎，如果有危險一定要走知唔知？」

「你地都係…呢度環境無出面咁好，小心身體，出到黎我地再一齊去。」

「約實你地。」二人又笑著又哭著說。

現在我們的工作結束了。

接下來就由伐魔隊，獵戶座天文台，北斗會館等等研究出聖物出現時如何阻止發動鍊金術，制止術式把真神鍊成。

沒想到北斗會館那群混蛋想法也是一樣：獵戶座的利用價值結束了。

以為係物理層面既頂

你想睇佢地決鬥定SHESHE

佢地有男朋友

但冇女朋友

好呢味

加更？

訓前自推

再推
弱者先訓教

俾人當condam

宋校長係葛林戴華徳

咁邊個係宋校長嘅鄧不利多？