[魔幻]【職業魔法師II:神威破滅.獵戶座的終末勘星者】
陳立正VantaBlack
1001
回覆
80 Like
3 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
第 41 頁
陳立正VantaBlack
2022-01-05 01:20:19
我都唔捨得
陳立正VantaBlack
2022-01-05 01:20:31
Foever 10
陳立正VantaBlack
2022-01-05 01:26:21
尋晚出文算係自己有進步
明明無再死任何人,只靠回憶殺都寫到我想寫既野
回憶唔一定悶或者令讀者想SKIP
亦令死左既角色都繼續發揮意義
我自己寫個時都濕濕地(眼角)
多謝大家有共鳴
座右銘
2022-01-05 03:53:26
屌你咩
寫到咁都有嘅,我怕我再睇你寫嘢會寄刀片比你,博士好撚慘
鐵拳無敵鍾培生
2022-01-05 06:51:43
樓主傲嬌
鐵拳無敵鍾培生
2022-01-05 06:52:27
男
主傲嬌
錯的是世界
2022-01-05 15:43:20
陳立正VantaBlack
2022-01-05 19:10:52
?
黑椒牛丸河
2022-01-05 19:46:01
佢戀妹喳~
座右銘
2022-01-05 19:58:14
妹控樓主
陳立正VantaBlack
2022-01-05 21:48:09
末日下都無故出過妹妹角色 又屈
陳立正VantaBlack
2022-01-05 21:51:35
末日故之後都無故
陳立正VantaBlack
2022-01-06 01:47:37
一日未訓今晚都係未完
陳立正VantaBlack
2022-01-06 01:58:09
「凌晨月!」
凌晨月一言不發,呼一聲飛奔出殺向那個在遠處正在跑動的人影,目標當然就是細坤了。先不說細坤抱著貓籠,凌晨月只是廿多歲而細坤已經是60歲以上的大叔,二人的體能本來就是差天共地。
我跟著她跑出去,突然之間—
「嗚…」
天旋地轉,好想吐,這是甚麼回事…
「噁…」
「阿仁!」
凌晨月旋即回到身邊扶起我,把鐮刀放到我身前:「握一握刀柄!」
刀柄上有幼細的金線在流竄,我一握上去金線流到我體內,馬上頭昏的感覺被清除,身上好像有甚麼被解開的感覺,就好像利用腔中氣壓把耳鳴衝破,瞬間聽力變清晰的感覺似的。
「阿特羅波斯既加護應該可以將你身上既妖法殺死。」
「妖法?」我扶住凌晨月說。
「當年貓妖俾佢既唔只係多一條命…你留係度,我會捉佢返黎。」
「定係你照顧我,然後無辦法下俾佢走甩?」我建議她放水,上班太上心也不好。
「阿仁,唔可以咁,所有野都要有終結既一日。」凌晨月說,「你爺爺同佢都係。」
確認我沒有大礙後凌晨月站起來:「而且佢敢傷你,我唔會放過佢。」
話音剛落,凌晨月已經消失在眼前。
遠方的樹林馬上狂風大作,樹影之間有金光閃爍,零零落落的飛鳥在樹冠上驚慌地拍翼起飛,可以看到有樹幹在瞬間腐朽成枯樹再瓦解成木碎。
「到此為止!!」
「砰!」
金光爆發,一個人影被重擊飛回來這邊,悶哼一聲躺在地上無法動彈。凌晨月抱住一個貓籠走回來,輕輕把籠子放到角落後走到他身前:「之前無見過你用妖法?」
「…嗚…啊…咩妖法?」
「明明頭先對我同阿仁精神攻擊…」
「我唔知…頭先只係自然反應…」
似乎是無意識間使出貓妖給他的法力吧,先前就有麻瓜母親為保護女兒展開強力魔盾擋下施子雄一擊的案例。
「我以為你係個好人,係好處理既案例,細坤,唔好逼我難做。」凌晨月冷冷地俯視著他說,「你唔會走得甩,死神永遠都會捉到你,就算你離開我視線范圍,呢位阿仁可以輕易透過魔力觀測鎖定你,你走到天腳底都無用,倒不如諗下剩低呢幾個鐘點幫到小黑。」
距離今天的結束十二時…只剩三小時多一些。
「得返咁少既時間可以做到D咩?!你答我啊死神小姐!你除左係度冷言冷語仲做過咩啊?!」
這傢伙雖然是個好人,但不代表他可以向凌晨月亂吼!
我站在凌晨月面前吼回去:「佢只係負責今日殺左你,你鬧佢做咩啫!佢只係負責確認今日殺你,其他事唔關佢事更加唔關我事,咪係度一把年紀發老皮!」
「咁依加可以點?小黑可以點?放佢出街呀唔通?!」這傢伙完全不是在為了生存下去而焦急,只是為了眼前的小貓,明明自己大限已至卻根本不在意。
「我…我唔知,總之你唔好再走,呢位死神小姐好犀利,你走只係浪費時間。」
他看著貓籠中受驚的小貓苦笑,眼前真是沒有任何辦法了。
雖說我可以上網為小黑求助,例如在細坤死後的說主人急病去世求人接收小黑也是輕而易舉,但這就超出我的職務範圍了。而且凌晨月說我們不可能為所有被處死者處理好身後事,如果出手幫他等於對其他人不公平。
畢竟,他明知今天死神會上門處決他,他不應該把這隻貓留到最後一天才解決。
「…我知道你地諗緊咩,將隻貓放到最後先送養,有咩事就走投無路,搞到咁抆係我自己攞黎。」細坤頹然地坐在地上。
「我無咁諗…」凌晨月說。
「佢係好難搵到屋企,D人當黑貓係天煞孤星咁,而且大家都想要貓B,成貓加上黑色…唉,已經係第唔知三定四家人反口。」
不懂人語的小黑也沒精打彩的伏在籠中一角。
「真係慘,明明…咩都無做過,就俾人當成天煞孤星。」凌晨月看著小黑,眼神沒之前那樣冷淡,甚至還帶著幾分憐愛,好像看到小時候自己一樣。
莫非她…對了,之前凌晨月就也說過當初被自己父親當著所有人的面前說她是天煞孤星,是因為她去同學家中和奶貓玩耍後那隻可憐的奶貓突然暴斃吧。
所以說其實她不討厭小動物。
「只有動物先唔理你係咩人。」呀蘇這樣說過。
不理是極醜,還是極帥,還是別人眼中的天煞孤星。
我走過去打開貓籠,小黑馬上蹭到我身上撒嬌,我一手抱住牠胸口另一手托住牠屁股拿到凌晨月旁邊。
「唔好拎過黎…阿仁…唔好…佢會俾我剋死架!」
她竟然往後躲,但是我動作更快…
「呀!!」緊張得閉上眼的凌晨月被小黑用舌頭舔了一下鼻刺,嚇得她失聲叫了一下。
「嘿,佢都鐘意你啊。」
這個樣子還是剛剛說著「你逃不了的」那個死神嗎?
我轉過頭向著細坤說:「既然係咁,或者我地可以收留住小黑先。」
「喵?」小黑和凌晨月同時說。
「反正宿舍都可以養貓,呀蘇隻貓頭鷹成日係走廊飛黎飛去。」我說。
剛剛凌晨月喵了一下對吧!?能請她再喵一次嗎?!
「你地…真係可以?」細坤看著我。
「嗯。」如果不算我們在分手邊緣的話。
但總比放牠出去外頭好。
「阿仁,我咪話過唔可以干涉太多,我地無辦法為每個人處理身後事,呢個係佢地自己既責任黎,如果我地幫得一個既話就對其他人唔公平…」
我打斷她:「我唔同你,死神小姐,我係凡人,無咁多原則同規矩。」
「……同埋無必要…」這句雖然超小聲但我聽到了。
「你講咩話?」
「…無,無事。」
「已經無時間問你背景,但你望落人畜無害。」
這是讚賞…吧?
反正凌晨月和我也喜歡這小傢伙,牠也喜歡我們二人,這樣子也可能使凌晨月能彌補她童年的遺憾…
「咁可以郁手,死神小姐。」
「…嗯。」
一下對答,凌晨月把我從自己的幻想中拉回來,她不是普通女生,而是死亡的化身。
也是殺掉我爺爺的死神。
凌晨月召來死神鐮,看著正坐在安樂椅上的細坤:「成方坤先生,本來你係38歲個年因為拯救一隻貓而死,但被你所救既貓係得道既貓仙,佢將自己九條命中既其中一條送俾你作救恩。根據北斗會館既判決,呢一條命只可以維持你本來壽命既長度,即係38年,今日我—死神079,凌晨月會將你呢一條命殺死。」
我還未察覺異樣。
「啊,我明白啦死神小姐…凌晨月,你原來叫呢個名啊,真係好聽。」
同意。
「老豆個時做狗場害過咁多貓貓狗狗,我先決定用呢條命去幫佢地,我細個已經覺得佢地好慘。」細坤說,「凌小姐,我無浪費呢條貓仙俾我既命呀可?」
「…咁要留俾你自己判斷。」凌晨月說,「但你有勇氣繼承父業後作出咁多改變,我自己係欣賞你。」
所以細坤本來也是動物販子。
「唯有死過一次先知,作為人,條命其實同貓貓狗狗無咩分別,又有咩資格去賣佢地既命黎搵錢呢。」
「Ἄτροπος。」
沒有起始,沒有終結的金線浮現在凌晨月眼前,她舉起鐮刀一揮。
「砰啦!」
金光似乎比以前強烈,一時間我沒法清晰的看到二人,只見凌晨月站在細坤面前沒有離開。
「阿仁,我從來唔會抱惡意去殺死目標,細坤爸爸本來係村長,佢本來都係村霸個種人黎,變成依加咁識得體諒弱小係因為親身經歷過死亡。」凌晨月說,「正因為萬物皆有終結,人類先會進步,學習—師傅係咁講。」
金光散去。
「但即使係佢咁講,我親手殺死佢個時我個心都係咁痛,真係好痛,真係好痛…」凌晨月說,「我唔敢話自己明你感受,但係…我都失去過至親,仲要係自己落手。」
是在鬥慘嗎?這樣子代表既然你這麼慘我就要接受你嗎,凌晨月。
我希望可以這樣自我說服,但我也騙不了自己。
「如果無一個死期,你爺爺會唔會變成後來咁樣既佢?如果唔係死過一次,細坤會唔會明白到自己既渺小,開始同情其他生命?」
「正因為有終結,生命先完整,先搵到意義。」
「我知道做死神注定唔受人歡迎,我甚至同芷瑜一樣,好質疑係咁殺人既我值唔值得你去愛我,我有冇呢個資格?仲要…殺死你至親既人竟然係我,我真係完全唔敢講,我好驚你會唔要我。」
我搖搖頭:「道理我明,我都鐘意你…但係…」
「你係咪唔記得你爺爺送俾你既18歲生日禮物呢。」
「…嗄…?」
是的…之前回憶那時,唯有那份最重要的18歲生日禮物我完全沒有一點印象。
回想一下,怎麼可能?那可是我最重視的爺爺,給我的生日禮物啊?!
莫非…!!
突然間凌晨月對我舉起劍指掂著我眉心:「交換喇,現實與夢。」
果然!!
陳立正VantaBlack
2022-01-06 01:58:19
****
「既然你地係魔法師,可唔可以幫我做一件事?」房門外傳來爺爺的聲音,我大概是被下了藥之類吧,12時還未到我那可能這樣睏,他到底想幹甚麼?我用盡意志去抵抗睡意,算是勉強張開了眼睛。
「我地唔可能幫每個目標處理身後事,呢個係佢地既責任,而且幫左一個就代表對其他人唔公平。」關海生說。
「嗯,有道理,我明白既,但係…可唔可以當幫我呢個老鬼送份18歲既生日禮物俾佢?」
「係同魔法師有關?」關海生察覺到了。
「嗯…如果可以,我想仁仔忘記今晚既事,最好連屋企同魔法社會有關係都忘記埋佢。」爺爺說,「我只想佢做個平凡人,心存仁德,普通咁過活已經夠。」
「……咁唔太好。」
「如果唔咁做既,佢會因為呢件事而記恨,更加會限制佢未來,佢太後生,唔明白你地死神既意義,正因為你定出死期俾我,我先似返個人,而唔係當年既人渣。」爺爺說,「當係我呢個老野最後送俾佢既禮物,唔該你地。」
「……我地盡力。」
黃金之線破碎,然後化成星塵散落。
「師傅,真係要咁做?」凌晨月以略帶稚氣的聲音問。
「佢講得岩,只係用個小咒語完左一個老人家既夢,舉手之勞就幫到人,何樂而不為。」
「但係干涉記憶,即係干涉靈魂…魔法師既大忌…」
「放心,今晚既飯菜一聞就知加左料,佢應該訓到死左,只係加多層保險。」關海生說,「而且唔好直接洗走記憶,而係用夢境同現實交換,封印係佢腦海中,他朝一日佢成長到明白死亡既重要,終結既意義,唔因為呢件事而記恨,唔再因為呢件事而被困住,就可以回復。」
關海生停頓了一下,聽到髮絲被輕撫的聲音。
「但係,可能到時要由你黎郁手,晨月。」
接著不屬於我的記憶流入腦海中。
我變成了一個女生,名字是凌晨月。
「加入第七期臨時觀測員?阿月,你係死神,好少可有死神會…」溫主任向"我"說。
「呢個叫范普仁既男仔,我…有需要見返佢。」"我"的心在狂跳,除了責任外有從未感受過的感情在胸前躍動沸騰。
****
所以我忘了自己18歲的生日禮物。
所以我不知道自己的背景和魔法社會有甚麼關係。
所以我見到凌晨月,才記得這身影不知在那兒見過,爺爺最後那晚的記憶才愈來愈清晰。
凌…
不。
晨月站在我面前。
低著頭,不發一言。
「晨月。」我叫喚她。
「係…?對唔住,阿仁,我…」
我摟住她,抱她入懷中深深一吻,那一瞬間我與晨月忘記了四周,忘記了過去,眼前懷中只有最愛在。
陳立正VantaBlack
2022-01-06 01:58:38
趕時間訓教聽日再講聽日停文晚安呀呀呀呀呀
陳立正VantaBlack
2022-01-06 02:00:20
只係1.5倍出文,唔消耗加更次數
黑椒牛丸河
2022-01-06 02:12:36
我還未察覺異樣。
錯的是世界
2022-01-06 02:18:04
一篇咁sad 一篇咁sweet
IT狗等投胎
2022-01-06 03:14:00
甜呀
雨曝し
2022-01-06 09:12:20
爺爺
是個好人
留左2份咁好既禮物俾個孫
鹵水雞翼
2022-01-06 13:50:52
最後果句嘅畫面即刻起埋歌
一起出走千百里 若你亦都厭棄這地
凝望一個我 和這個你
同親吻閉著一口空氣
把思考統統放棄 感覺變鋒利
看身驅每寸飄起
溶掉萬象中的真理
往昔再多的悲哀被當刻沖散
在秒共秒追逐間 沒計較多短暫
天色再轉 不阻你我 藐視事物變幻
在這定格緘默間 踏破暗海冰山
越計時間越欠時間何妨留於 這晚
陳立正VantaBlack
2022-01-06 19:13:20
唉屌哎唉
2022-01-06 21:55:23
釋懷了
黑椒牛丸河
2022-01-06 23:38:45
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
第 41 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞