［魔幻］【職業魔法師ＩＩ：神威破滅．獵戶座的終末勘星者】

點知，我連聽日要出咩都未諗

我覺得唔會係咩好諗法

無得同真出文機器墨說比較，全職打文，應該儲咗唔少文，有做野個啲我又有睇好多都唔夠你快。
我睇得唔多依家，不過每日有文都唔易。

墨說出第一本書都成六 七年前，啲fans數目應該唔少，同埋佢勁多長篇，以前成日用其他ac雙線出故，好撚癲
佢都有課金網，不過依家香港做作者邊個係搵到錢唔會停筆就收皮，我都唔知

嗰d死催爛催嗰d連登仔呀,
先反省下自己sub 咗樓主個patreon 未先啦.

如果佢Patreon 夠人,
令佢可以唔洗做全職寫文,
你慌樓主唔會變出文機器咩

(利申:見識過樓主未做野/做冗員嗰排加更得有幾密)

patreon無返幾百人sub都幾難靠寫文揾食

無join我認衰仔，我都係出返去先
雖然我都見識過。
不過獅山十字 80蚊，要全職最少要有200人，但200人已經好難咁，見有人開完都要接出面job搵食，有個好初期，高登開始嘅人，出過幾本書，佢patreon顯示個數先60人

雖然睇唔到嗰60人join幾錢，計唔到。

明白上面幾位嘅concern,
但如果個個都話好難湊夠數而唔join,
咁最後就更加唔可能夠數...

(不過樓主都唔係要push人join 嘅,
唔係佢都唔會特登分連登連載嘅故同patreon only 嘅故啦...
但肯join 佢patreon 都係對佢嘅一種支持la...)

要返工了

推 等文

今晚無啦啦2倍左

范老爺子是個混蛋。

事情要由清朝末年說起，真是要命。

１９１２年２月１２日，大清政府發佈了「退位詔書」，正式結束帝制。但是根據《中英展拓香港界址專條》，香港的新界部分是暫時租予不列顛，即使由異國管理，還是清朝的領土。而英國人使用習慣法—指在管理上沿用當地的法制，所以即使清朝滅亡後，香港還是行使「大清律例」，是這部律法最後生效的地方。

於是在清朝滅亡後，這遙遠的維多利亞城是大清帝國的最後領地。

就是因為這個原因，當時於紫禁城中的末代皇帝及其小朝廷就動了歪腦筋，把宮中的珍寶們秘密運去香港暫存，幻想有朝一日能東山再起，即使不能，流落民間後也有錢可用。

「然後，我伯爺就係當中撈左少少油水。」范老爺子一喝醉就自吹自擂的毛病又發作了，「結果大家都見啦哈哈哈！呢餐我既！！」

這段似是而非的歷史就是他自稱的家族發積史，眾人當然不相信，但又沒法否認，只是當成天九牌局時的吹水話題，今晚范老爺子又贏了一把，當然是他請客，他也不放過這機會。

「老范，你尋日唔係同班番鬼打交咩？見你無咩事既？」

「成班番鬼，我食過夜粥架嘛！」

「明明見你俾人打到爆晒江！」

「你就爆江啦！成班大舊衰，正一打壞後生！」

「…明明人地同你差唔多大啊？醉啦老范！」

發現自己失言范老爺馬上閉嘴，他忘了即使自己和對方表面看起來差不多年齡，但是自己實際上老上多了：「係啊！貓貓地！返歸先！聽晚照舊？」

「照！梗係照舊！無天九打我會肚痛架！」

范老爺子站起來轉身離去，眼前的九龍城寨在黑暗中散發著混沌的氣息，他最接近的距離也只是在外圍的大牌檔和豬朋狗友們打打天九，如非必要他可不會進去。

即使今夜無星，無月，半醉…不，已經變成三分醉的范老爺子還是熟練地順著道路回家。對於他來說，酒精的無效化也是相當困擾，畢竟他喜歡喝個爛醉，但是自從那之後，即使多猛的酒精也能被不死身瞬間分解。

所以他知道眼前的人不是酒醉後的幻覺。

「范老爺。」

身穿黑袍的男人擋住他去路，全身散發不祥氣息。

「無錢呀！咪講左幾多次收貴利去搵我個仔同我個新抱！！屌！」

他一手推開眼前的人繼續走。

「我唔係放貴利既大耳窿。」黑袍男人在他身後說，「我叫關海生。」

「我叫山海關呀哈哈哈！」

「你係不死身？」

名為關海生的男人簡單一說，范老爺子全身凍住，然後面青口唇白地說：「你講…咩呀，咩不死…老而不死就聽過…」

「我係死神，我呢對眼叫死告之瞳，可以睇到眾生既壽命，你既壽命係無限。」

「……」

「唔怪得生活得咁梳乎又無所事事，當然…你又使咩急？」關海生步步逼近，手上多了一把鐮刀。

「所以你係班番鬼既皇家魔法師！…我唔知剩低既藥係邊，禁…禁宮既野已經係我老豆個代既事…我…」

那年代還沒有北斗會館。本土的華夏魔法師，術數師，風水師都藏身於九龍城寨中，與對岸維多利亞城的不列顛皇家魔法師對峙。

「我唔係黎追問禁宮珍寶既下落，我係黎警告你。」

「警告？憑你？哈哈，哈哈哈哈！！」

銀芒一閃。

「啊…嘩啊？！！」

浮誇地指著關海生的前臂被劃出了一道血痕，但是這一次血痕卻沒有馬上止血，沒有重生，就好像個普通人一樣！

「如你所見…所有不死係我面前都無意義，我係死神，我想既話呢道傷口可以開係你喉嚨上。」

久違的恐懼淹上心頭，嚇得倒在地上狼狽後退的范老爺子恐慌地望住手上流血不止的傷口，又看看眼前雙眼正泛起瞳芒的關海生。

「你有三日時間去對面海既美利樓向獵戶座注冊，佢地會定一個死期俾你。」

「死期到會點…？」

「死。」

關海生扔一個理所當然的單字後便消失在夜色之中。

逃不掉。

這次絕對逃不掉，他心知肚明。

范老爺子知道自己遇上了不得了的人物，即使在關海生離去後手上的傷口馬上自癒，但是他知道自己逃不掉。

三日後，他來到了當年還在上環的美利樓，直到１９８２年拆除搬至赤柱前，這兒都是皇家魔法師的基地。

＊＊＊

由此行開始推薦ＢＧＭ：https://youtu.be/XLMBuRRKhiY

約定的日子來到了。

范老爺子的死期就是今天。

醫院中，多年未見的關海生如期出現在范老爺子身邊。

「…黎左啊。」沙啞的嗓子，瘀黑的眼袋，血絲暴漲的眼珠。

「你個仔同你新抱既事，我感到好遺憾。」

「聽得出…坐啦，雖然我死期係今日，但今日仲未完。」

「…的確。」關海生坐到范老爺子身邊。

醫院走廊空氣中死氣沉沉，范老爺子絕望得好像已經死去，即使關海生還未將其生命線裁剪掉。

「工業意外？」

「…係。」

「兩公婆一齊開工？」

「係。」

「……」連關海生都說不出甚麼安慰的說話了。

見證了諸多死亡，生離死別的他了解到一個殘酷的事實：所有安慰說話也是沒用的。面對永遠的離別，面對宇宙間名為「生死」的鐵律，所有安慰說話也顯得無比的軟弱。

「家婦佢生完仁仔只係一個月，豬腳薑都未食過，已經要去洗大碟幫補屋企…佢話坐係度唔辛苦，明明隻手浸到巢晒，指甲都出血。」

「……嗯。」

名為關海生的死神即使只是坐在那兒聽著，對范老爺子已是一種支持。

「後來…身子好返Ｄ，就同我個仔去地盤做女工，話…搵多份…嗚…」他說著說著，開始老淚縱橫，「明明…嗚…明明Ｄ債係我後生打天九，花天酒地欠落，係我後生唔生性欠落…」

「係啊。」

「你點估到個棚架會冧落黎先得架！仁仔…先幾個月大…」

「意外呢Ｄ野，無人估到。」

「…如果我後生個時唔係咁樣賭，如果我話仁仔俾佢湊，其實我係不死，我可以去做野搵錢，咁家婦佢就…佢就…佢係要俾仁仔我湊，話我年紀大…我…」

范老爺子這年１３６歲。

「我…個晚之後我去左美利樓，佢地話…我條命只可以有１３６歲命，我先明白…唔可以咁落去！唔可以咁日日賭錢，飲酒過日辰！但係已經太遲…太遲…！」范老爺子一拳又一拳捶向自己大腿，低頭使淚水淌到破舊的褲子上。「如果我早Ｄ明白，我就唔會咁過日辰！我就唔會咁樣害到個仔同新抱要…仔啊…新抱啊…仁仔以後點算呀…嗚嗚…」

死神在奪去生命的同時，也為生命賦予了意義。

因為永恆而腐朽的生命，在死期被定下後終於重新回到正軌。

正因為有終結，才有了意義，有了方向，有了目標。

正因為時間會用盡，我們才要向前，向前，再向前，務求在終結之前，那個人回來之前好好用盡交付到手中的每一個塔冷通。

但是對他來說已經太遲了。

「Ｄ債還晒未？」

「如果用佢兩個既安家費就還晒…但係又點呀，又可以點呀…嗚嗚…」

「照顧你個孫到１８歲夠未？」關海生說。

「嗄？」

「你無理由照顧佢一世。」死神溫柔地望向范老爺子。

「夠…夠晒，我咁既人！早就應該去死！！應該死既係我！係我呢個正一老而不死！！唔應該係我個仔同家嫂！咩不死身，皇帝藥…垃圾藥…嗚嗚…」

「范普仁１８歲既生日，我會黎帶你走。」關海生說，「唔好重蹈覆徹，范老爺。」

關海生站起來。

「節哀順變。」

即使沒有意義，沒有幫助，關海生也拍拍范老爺子他膊頭道。

以朋友的名義。

「…有…心。」

＊＊＊＊

「你先？我先？！」我說，「屌，咁我先啦我生日！！ＷＯＯＷＷ～～」

我滑進馬會之中，轉身擺出勝利的手勢：「係馬會！！！」

「到我到我到我！！」

我旁邊的中學同學一個接一個的躍進來，旁邊的保安似乎已經見慣不怪：「黎，檢查下身份證先，雖然你班中學雞擺明岩岩夠１８歲，真係無聊…咦你唔係前排黎過咩細路，又黎？」

被保安指著的一個同學說：「陪阿仁黎囉，佢最遲生日啦！今日佢終於生日！喂生日快樂啊小ＤＥＥ ＤＥＥ！」

「收皮啦你你先早我２星期！」我說。

「係係～生日快樂，你幾個玩夠參觀夠買埋張六合彩好走，咪阻住Ｄ阿叔，等陣佢地投訴你地係度跑又要我難做！」

「得啦！阿仁你買咩冧巴？」

「６，９，６９。」

「邊有６９買…」

１８歲生日那天，我直接在學校換過了校服，即使昨天爺爺叫我早點回家，早就被我拋諸腦後。

「喂喂喂，俾你地睇下我生日禮物。」一個同學站著，然後隆重地掏出腰間的曠世奇珍。

「唔撚係下嘩…」

「Ｏ，Ｍ，豬…」

「各位觀眾：Iphone 4S！！！！！」

「噢噢噢～！！！！！」

「仲係我家姐係澳洲帶返黎既！！！香港未有得賣！！」

「噢噢噢噢噢噢噢噢噢噢噢噢噢噢噢～！！」

那時的我們…特別是我，真的像個白痴一樣。

「喂，玩夠啦你地，再噢既話我要踢你地出去啦！？」馬會保安說。

如是者，我突然想起爺爺叫我今天放學早點回家，會不會是送Iphone給我？！不不不，這當然是幻想，爺爺的口頭禪可是錢財身外物，他才不會送這樣貴重的東西給我。

「喂我返屋企先啦。」

「下，你唔玩水果忍者呀？」同學問，他們正在馬會內的凳子上用手指剪著水果，那流暢度，那大屏幕…

…簡直就如魔法一樣誘人。

「唔啦。」我拒絕了這如魔法的存在。

「咁我地可以玩多幾輪啦Kai子！」

我背起書包離開馬會，回到家中。

＊＊＊

才一出升降機，我就聞到了家門傳來香味，似乎是我爺爺煮了大餐。

推開門，他在拜神，應該說是我雙亡的父母。

摺枱上放著燒雞，燒肉，齋菜，豬腳薑和紅雙囍牌的香煙。爺爺凝重地看著黑白照片，專注得甚至沒有發現我已經回家。

「當年無錢煲豬腳薑過你吔，遲到好過無到…返黎啦，仁仔。」爺爺說。

「我返黎啦…？阿爺你做咩拜神？」

「你生日啊。」

「嗄？」我不懂這些傳統東西。

「黎，陪我化寶。」

「哦…」

爺爺抱起準備好的金銀衣紙：「仁仔，你拎個樽野就得。」

［帝寶 皇帝藥］

我看看那張破舊發黃的油紙上面寫著的一行字，然後拿起跟著爺爺走到後樓梯。

把金銀衣紙化掉後，爺爺拿起我手上的皇帝藥，默默地看著上面。那其實是一個很精美的小瓶子，材質我那時不知道，但後來在博物館中看過，那是玉石，而且還是和博物館展出的皇帝玉璽一模一樣。

「爺爺…咩黎？如果係生日禮物既，我比較想要Iphone…」

「害人不淺既垃圾黎，無資格做我粒孫既禮物。」

爺爺把瓶子打開，入面是一些極為芳香的油，而幾顆象牙白的丸子被油包裹著，油和丸子一落入火中，竟然變成了七彩躍動的火花。

「爺爺，我生日禮物係煙花？」七彩的火花在化寶爐中躍起，然後消逝於後樓梯中。

「唔係啦，點會，只係Ｄ害人既垃圾。」爺爺把瓶子也扔到火中，然後輕摸我的頭髮，拜託我十八歲了！還是小孩子嗎！

生日飯過後，我爺爺和我聊著天，聊著聊著…我就忘了生日禮物的事。

大概不需要吧。

他問了我學校的事，我答爺爺不錯；

他問我想讀甚麼科，我試探地說歷史，爺爺卻沒說會乞食，還鼓勵我說有興趣就去讀，讀書要襯後生；

他問我談戀愛了沒有，我答爺爺隔壁班有個女生我很喜歡，但大概很多人追吧，爺爺卻說喜歡就要去追，大不了失敗，對比漫長人生，一時失敗只是小事……

然後我就忘了生日禮物的事。

明明還未夠１２時，我卻很倦了。往日我一向是和朋友同台ＳＭＳ到凌晨，因為是同一個電話台，我們之間ＳＭＳ是無限免費的，但是…我很睏了。

還好吃飯前爺爺就著我先去洗澡。

「眼訓就刷牙訓啦，仁仔。」爺爺說。

「但點解咁早…哈欠…飯氣攻心掛……」

事後想起，當晚的生日飯，其香味濃得不正常。

「早抖啦，記得好好照顧自……」

「梨講喵話？」我把頭從洗手間探出，一口都是牙膏泡。

「…無事，刷牙唔好講野，唔係會食泡。」

「哦…」

「你大個仔啦，終於。」

我痛恨當時自己沒有發現。

沒有發現他臉上的滿足，沒有發現他的淚痕，沒有發現未來一年的房租水電煤氣上網費都繳清了，沒有發現衣櫃中多了一堆四季衣服，沒有發現家中被打掃得一塵不染，沒有發現爸媽的神主牌後多了一個爺爺的神主牌，沒有發現在我睡了後有兩個人來訪了我家。

一男一女。

老男人和女孩。

從房門隙中傳入來的破碎金光。

＊＊＊

「凌晨月，你殺左既男人就係一個咁既人，對我講係咁既爺爺。」我說，「你覺得依加事到如今做任何事仲有用？」

房中凌晨月本以為說出其師傅與我爺爺的故事，我就會釋懷。

沒想到我也會說出我１８歲生日當天的故事。

「我唔理你師傅有咩覺悟，有咩道理…我唯一既親人，我唯一既至親，就係死係你手上，對你黎講，佢只係練習處決目標既人偶係咪？！就好似上生物堂劏隻牛眼咁簡單咁輕鬆！！咁微不足道！！」

我好似是第一次這樣向她咆吼。

喉嚨好痛。

心好痛。

「唔係…唔係咁架…我…我記得每個死係我手上既人，佢地唔只係一個任務，佢地唔只係一個名…」她跪上地上哭著說，「阿仁，我本來真係想同你講…但係我好驚…我好驚…如果你聽左之後要同我分手，唔要我既話我點算…」

「……事後你講咩都得，你連唯一可以做既野：親口同我講你都做唔到！凌晨月，你估得無錯，…我地…」

……分……分…手…

說出來，我要說出來！！

「Ἄτροπος。」

突然凌晨月以死神之名召出生命線，那道金線從視野盡頭而來，消失在另一端的彼岸，晨月說過這是無限壽命線，不死者的生命線便是這樣。

那是她的生命線。

「我寧願被你愛住而死，亦唔想孤令令咁而生。」晨月把手一遞，手中執住了憑空出現的死神鐮，然後交到我手上，「砍斷佢，你都做到，呢一下唔使魔法，阿仁。」

「以死相逼係無用，凌晨月。」倒不如說我不喜歡這種一言不合就要生要死的女人，這只是一哭二罵三上吊的魔法師版。

「我係死神，死亡就係我既處世方式。」

「你明知我落唔到手，唔好逼我愈黎愈憎你，凌晨月，大家一場拍檔好黎好去。」

「拍檔…」晨月聽到這二字差點昏死過去。

金線在我們之間流竄，微光照亮了我與她的臉龐，和她的淚目。

「但我唔會俾返把鐮刀你。」我緊緊握住，「因為一俾返你，你就會自己砍斷佢，我唔會俾你死，絕對唔會。」

「你好殘忍，范普仁，你真係好殘忍。」

站著的凌晨月看著我垂淚。

「我殘忍？！你知唔知我幾鐘意你？！我好鐘意你啊！凌晨月！！我超超超超超鐘意你啊！！點解偏偏要係你？！我又點接受到我女朋友係殺死我爺爺既人！？」

「偏要係你！偏要係你！！如果係其他人我真係會一野斬爆條線！點解係你啊晨月！我都好痛苦，我都好想再抱住你！好想可以變返好似之前咁樣！！我…我…嗄…嗄…」

這次輪到我跪到地上崩潰，甚至痛哭至過度換氣，頭暈眼花。

唔知今篇你地點睇…我自己寫到喊左

另外今晚雙倍出文，聽日會重整追更時間表

悲報：作者好似玩到太大依加收唔到科

爆文

新人黎明

我有join㗎

趕時間訓教聽日覆大家留言，有睇晒的，多謝大家支持

爺爺