［魔幻］【職業魔法師ＩＩ：神威破滅．獵戶座的終末勘星者】

阻止神代氾濫可不是我這種臨時觀測員可以幫上忙的事，所以我們又回到了勘天廳。這邊已經回復了原狀，我們回到自己的位置上登入，一切如常了——但願如此，在現在香港，如常如舊已經成為了不切實際的幻想。

「依加庫瑪麗都會報夢俾你？」我吃著晨月送我的熊仔餅問阿七。

「嗯，會啊，所以訓唔太好。」阿七說，「芷瑜教緊我清醒夢，你想像下但你同三上打緊茄輪個時，庫瑪麗突然出現係你後面，個種恐怖…」

這傢伙學清醒夢到底是為了甚麼，而且他性癖也太多了吧，順便一提我性癖只有晨月一個。

「咁你咪唔好發春夢囉…」

「睇發揮，我唔係次次都控制到夢既內容，發現自己發緊夢同控制到係兩個層次黎。」

我有一個問題想不通，庫瑪麗現在的時間座標是在未來，可以從未來往過去報夢的嗎？

我到圖書館找了資料試圖了解，似乎夢境之中時空尺度不同於現實世界，但一大堆理論和名詞光是看目錄已經頭昏腦脹了。

「佢到底係穿越緊，定已經穿越完？即係點，有個時間隧道咁既空間？但如果到左未來，咁咪即係開始鍊成真神…」思路開始進入鬼打牆，我連吃飯時也在想著這些事。

「佢應該處於到達既瞬間。」

「但佢晚晚向阿七報夢啊？」

「庫瑪麗係夢中將時間尺度拉長，即係現實既彈指之間，佢係夢中拉長成幾十年至無限，所以佢可以等阿七再入夢然後再報夢。」坐在我與晨月對面的芷瑜說。

「下？？下？？？？但…嗄？下？？呃…」亂七八糟！

「阿仁，諗唔明就唔好諗。」晨月笑著看住我。

這不就說我比芷瑜還笨嗎喂？！

好吧，接受就好，這樣想下去腦袋會燒掉的。

遠處發生輕微騷動。

「呢度就係食堂？」幾個西裝人和溫台長走進來。

「係…幾位餓未？可以係度食埋飯再繼續。」溫台長說，她身後跟著幾個高層，但通通逃得老遠。

「唔需要。我地係黎評估價錢，服務，衛生，唔係黎食飯。」

怎麼了，食堂也要拚米芝蓮嗎？如果拿到了星級不會加價吧，這樣下去月中就要開始去外面草坪刨草吃了，都怪阿七說甚麼課金要碼不課，課了就課到抽中為止。

「明白…」溫台長點點頭，臉上盡是強顏歡笑。

但剛剛在這兒她才是台長，而且她現在最當務之急不是研究出復活節的神代氾濫截擊方法嗎？怎麼在這兒當導遊？

「使唔使…過去幫手？」芷瑜問。

我看看那邊的氣氛：「我睇唔使，我地過去只會累街坊。」

這是典型的「評估」場景，那些垃圾公司最喜歡在四月財政年度完結前評估員工表現，藉機炒人，不加人工，調職之類。那些人大概是北斗會館的人，現在北斗會館正在針對獵戶座，這幾天都看到那些人在這邊出入，又是拍照，又是在抄筆記。

這種情況下，被評估的員工多半已經準備好，被人看到的地方全部都弄成「見得人」的樣子，我們如果直接衝過去，就會做成溫台長沒法預計的場面，這樣子反而對她不利。

明明是台長，那些高層們卻不幫她；明明是台長，卻怕著那群西裝友寫的一句評語。

真是辛苦她了。

聽證會在北斗會館舉行，前幾日都是各方自詞之類，我，晨月，文師兄，呀蘇四人因為在天文台被捲入一戰之中，所以也要出席。

「你地有個句講個句就可以。」疲憊不堪的溫台長說，今天她不用出席卻陪我們四人過來。

「溫台長，你應該要攞幾日假抖下。」

她的樣子使我想起在電視台做臨記時看到那些場務，每天只睡三至四小時，一開始我還以為他們是扮演喪屍的臨記呢。

「唔得…緊張關頭，之後仲要搞神代氾濫既事，我無問題既。」

明明這年紀是青春最閃耀的時候，既有錢又有時間去探索世界，開拓視野，她卻要這樣。

聽證會負責問話的正是北斗議會的人，不論是盤問我們獵戶座天文台的人，還是盤問北斗會館的人，一律由北斗議會的人負責，根本從一開始就已經對我們不利。

我印象最深刻是震怒的溫台長。

「你地根本就無講伊勢神宮同聖血聖殿既失竊事件！！佢地聯絡左北斗會館後，你地完全無同我地提過！！如果有我地一定可以阻止佛心舍利被人搶！！」

「講同唔講有咩分別？如果講左就有更嚴密既防禦，即係你同意你地個時唔係用最嚴密既防禦啦！！咁即係你地既失職！溫台長！！」

「嗚…」

溫台長沒法反駁，但事實上同一等級的防禦，也有針對不同威脅的類型。那天紅館的防禦已經是最高等級，但防禦對象是從外部襲來的敵人，而不是從內叛變的人，要知道觸發襲擊的人，正是被視為宋校長親屬，由他帶進場的庫瑪麗。

唉，太難為溫台長了，職場對她來說還是過於殘酷，她應該是留在工房之中研究的那種人。

「…唉，對唔住。」最後一日聽證會結束後，我們坐呀蘇的車回天文台路上，溫台長突然道歉。

「溫台長，做咩事？」

「…我可能…保唔住天文台，保唔住副台長同康台長留低既天文台。」

我又回想起那天她宣佈所有天文台的事由她負責的樣子，根本就是其他大人坐視不理吧。

正是因為大人們的長年坐視不理，將要溫台長這種少女面對如此絕境。

獵戶座如是，這城市如是。

溫台長把頭側過去看著車窗外：「康台長話獵戶座已經只係殘渣，係可以捨棄既野係咪？副台長話唔係，一直營運到依加…但係…落到我手上之後…明明個時係獵戶座俾左一個容身之所我…我依加……」

「…」芷瑜輕輕拿出紙巾，放到溫台長手心，即使芷瑜可能不是最聰明的人，也一定是我們第七期之中對他人情緒最敏銳的人。

「唔該你，芷瑜。」溫台長脫下眼鏡，用紙巾輕印淚花。

我沉重地說：「即使我地話就話係北斗會館旗下既機構，但一定以黎大家都視我地同北斗會館平起平坐係咪？佢地負責行政，我地負責行動…好明顯，有人唔鐘意呢種制度，唔鐘意一個香港有兩種制度，要所有野都係北斗會館話晒事。」

「佢地自己都搞唔掂自己啦。」文師兄少有的咬牙切齒說，「你有冇聽到伐魔隊條八婆點講？……我睇唔到錶呀，Sorry呀！妳見唔見到頭先都幾亂下㗎？見到㗎可？……屌佢啦，大大隻北斗陀錶掛係條腰話睇唔到時間。」

呀蘇也說：「佢目標好簡單，就係想我地同宋校長戰鬥。」

我怒道：「如果我地打唔贏咪成座ＩＣＣ同西九龍陪葬囉。」

「…你誤會左，阿仁，佢地係有把握打贏宋校長。」

「嗄？」

呀蘇搖搖頭說：「佢地唔係要借我地手打贏宋校長，而係已經有把握打贏宋校長，但見到我地在場而唔出手。佢地係希望打贏宋校長之餘，借佢既手順便削弱我地既戰力。」

文師兄沉聲道：「所以…即使我地制止唔到宋校長，伐魔隊都有信心及時阻止佢？咁樣戰鬥過程中我地損失幾多戰力就對佢地有利。」

為甚麼要這樣做？

是因為預計到未來和我們天文台會鬥法——我馬上想到這個結論。

「證據就係一直由伐魔隊保管既法器：誅仙四劍一早已經係基地中啟動，當時隨時可以發射。」

誅仙四劍…是出自封神演義的對魔法師專用武裝，當然是由會長借予伐魔隊。

文師兄也搖頭說：「天下烏鴉一樣黑，當年同今日，一啲都無變。」

回到天文台後又過了幾天，聽證會的結果出爐。

明明完全是由於北斗會館隱瞞情報才引致當日紅館的慘劇，結果卻說是我們獵戶座天文台和北斗會館大家也有錯。

這種中立結論只能用不知所謂來形容，就好像胖虎揍了大雄，明明完全是胖虎的錯，你卻得出胖虎大雄各自也有錯，這就你公平了嗎？這就代表公義了嗎？不，這完全是強詞奪理，還順便套了個自己很公平的噁心光環。

「基於獵戶座天文台眾人於寶物庫中制伏宋冠堯，故功過相抵，不對紅館失職一事加以追究。」我在溫台長房間中讀著那份判詞，愈讀愈生氣，「屌佢啦，佢就失職啊！呀…對唔住，溫台長…但不加以追究，咁既結論都…叫好掛？」

溫台長說：「讀落去，你以為真係唔追究？」

「嗄？」

「後面仲有。」

「噢……但本次事件反映獵戶座天文台存在系統性不足及動態管理失當，因此北斗會館正式宣佈對獵戶座天文台進行整頓，重整架構，務求獵戶座天文台的運作於北斗會館管轄下可以恆之已久，維護本港魔法社會安全及利益…講緊咩呀…」

溫台長揉揉眉心：「你可以直接飛去最後，前面全部廢話黎。」

把視線移到最後，有台長的蓋章和簽名，在那之上。

「…全面準確落實完善天文台制度。」

阿仁：要搵工了

康台長

喂唔好啦

係前傳嘅味道

要閃光唔要甜thx
reference我有幾個 要嘅就出聲

無睇過封神演義，唔知咩係四劍
好想知文師兄咩料

原來你好依味，牙膏牙刷？

常眠唔係絲黎嘅咩？
佢紅字男巴？

btw你想俾常眠頂都得嘅 你鐘意啦....我有文就ok架啦

Patreon係咪應該出設定集ＩＩ

要啦

甚至具備神性

可摸耳講多少少？？

聖物可以無神性
但亦可以有

聖物＝信念既集合
神性＝神話背景

四個屬性

聖物有神性：耶穌寶血　　（信念既集合＋神話背景）
聖物無神性：聖貞德軍旗　（信念既集合但非出自神話）
非聖物但有神性：聖包皮　（非信念集合但神話背景，唔出名既神話遺物）
非聖物亦無神性：你屋企個吸塵機

咩係閃光
即係純愛閃光彈？
唔使

下面有寫
有機會講的

？？？？？？？
開始進入我唔明既領域

佢係邊一邊就睇佢自己講唔講

唔好了

好撚燒腦
你知我設定得太仔細
好易有ＢＵＧ或者矛盾
寫設定集係好玩但超攰

以前高登有人開嘅post嚟

佢同我同班，今日返到班房一睇櫃桶就見到有封信 起初仲幻想會唔會係女神寫嘅  點知一睇信入面啲字同個簽名就知係肥仔
信嘅內容係 :
我係肥叉燒，你係白飯。
我係牙膏，你係牙刷。
hehe
嘩屌乜撚嘢嚟，我睇到眼都凸埋
放學嗰院佢仲拍下我問我收唔收到封信
究竟佢嘅行為想表達啲乜意思

之後有人咁答

我係肥叉燒，你係白飯。
(一碟叉燒飯， 叉燒比人桔完再比白飯抱住， 暗示佢菊花唔係處，但佢已接受左你)
我係牙膏，你係牙刷。
(牙膏總是被牙刷深深插入， 暗示佢係0你係1)
hehe
(he是男性的他，兩個男性的他在一起，就像拍拖行街， 暗示佢想約你放學去拍拖同仆野)

不過常眠有得物理上頂你嘅咩

對
男男純愛閃光彈～

不過常眠有得物理上頂你嘅咩

如果冇得頂 可以用呢個黎「代替月亮懲罰你哋 漫步水面所有置諸不理」

如果無理解錯，啫係孫悟空係神話人物，金剛棒係法器。釋迦牟尼本身係人，之後成佛，因為信佛嘅人好多，舍利比好多人視為神聖嘅嘢，所以就係聖物，但佢又成咗佛，所以有埋神性？

咁有創意

好彩細個冇睇光之美少女

諗住放置幾日再返黎睇

點知都係忍唔到手

睇黎新年要睇返上幾個故加深返同樓主(d故)既感情先得

btw有無睇過天航套d系列