［魔幻］【職業魔法師ＩＩ：神威破滅．獵戶座的終末勘星者】

聽日FB會有篇影評「千萬別抬頭」
其實我覺得自己真係唔太叻寫影評

薯

彈出彈入…

真係加甜

爺爺死左都幫手助攻 (好似係)

少聽歌SOR 但睇歌詞幾岩FEEL

咁我都兜到

伏筆唔一定係寫落某D野希望讀者留意到
伏筆可以係某D理應要交代既野而無寫到
例如講到同爺爺幾CLOSE 但18歲生日禮物竟然唔見左咁
例如好鐘意呢種有原因既命運
即係凌晨月唔係咁岩加入第七期
咁岩見到阿仁
咁岩鐘意佢
而係全部有原因 感覺上成個時間線就會完整好多, 有說服力好多
無野, 我只係臨訓自推, 晚安

同貓妖有關？

推下先

方加

到家

冇堂食都咁遲返屋企

我與晨月分開時，二人的唇間甚至還有垂涎相連。我們張開的雙眼中只有對方，她的心跳與她的吐息我也能感受到，即使分開時已心滿意足，但還是依依不捨。

「你之前唔同我講？晨月。」我說，「如果我真係諗唔通既話點算？」

「…我想你自己感受，諗通…如果你唔黎既，只可以講我地真係無緣。」她一臉黯然。

我撫她的秀髮：「…對唔住，我之前咁對你。」

回想起啊，還真是…真是很過份。

糟了，我覺得好內疚。

我到底對她做了甚麼…想到這兒心中一陣就是心痛，我要好好疼她，不敢說要使她成為世上最幸福的女人，但至少要在我能力範圍內使她最幸福。

「唔緊要啦，係我對唔住你在先。」晨月失落地苦笑說，「你有呢個嬲我既資格。」

「好啦，返去再講，係人地條屍面前我都…唔太自在。」

「尊重啦，咩屍啊。」細坤說。

細坤？嗄？

「……」即使沒鏡子我也知道自己臉色好像看到鬼似的。

畢竟真是看到鬼啊？！

「嘩啊？！？！？！屍變啊！！晨月！！佢，佢未死啊喂！！」

「竟然用自己女朋友做擋箭牌，你係咪男人黎？」細坤說，話說他怎麼全身都容光煥發，地中海也復原了，皺眉全部消失，連肌肉也健壯了不少，連煙屎牙也不見了！

「晨月？！到底係…」

晨月可愛地笑著說：「阿仁，唔使驚，岩岩我咪話無必要，同埋你唔見我無講個句＂願你於彼岸安息＂咩。」

的確是，剛剛的確沒有注意到這異樣！

「好似後生返３０幾年咁啊！」細坤躍起來，開始做起了掌上壓，看樣子力氣真的不小。

「細坤，貓妖俾你個條命唔可以任由佢永續落去，我黎殺死既係個一條多出黎既命。」晨月說，「但係咁都唔代表佢救左你一命呢件事無發生過，就好似醫生救返一個人咁，貓妖係生死線既邊緣救左你一命後，同俾自己一條命你係兩回事黎。」

「所以…我由３８歲再次活起？」

「無錯，你個條命已經被我殺左，你已經回歸到３８歲既狀態。」晨月，「之後，你就係血肉之軀，會生老病死，可以活幾多年就睇你既造化，可能聽日你就車禍死，可能過百歲後笑喪而死，但係死亡一定會來臨。」

「你女朋友真係麻煩死，直接同我講唔得既咩？」

我苦笑：「可能你岩岩死左唔發現，我頭先咁問完佢黎。」

「點用呢條你本來既命就係你自己既決定，願你每日都可以活出自己生命既意義。」

我抱起小黑：「咁樣你有時間幫佢搵主人啦？」

「……唔通你地都想反口？小黑佢真係好值得有一個主人。」肌肉中有青筋躍動的細坤溫柔地摸著小黑的頭，小黑閉上眼似乎相當享受。

「但你已經…」

也對，即使細坤回到了３８歲，他也明白小黑是很難找主人的那種。

「晨月，要照顧佢一世架，你有呢個覺悟？」

「我…真係可以咩。」

「梗係可以。」我說，「你都識話，佢同你都一樣，根本咩都無做過，佢唔係不幸既化身，你都係，你係我女朋友，呢隻貓貓既主人，唔係咩天煞孤星。」

凌晨月高興地一笑，眼角有喜悅的淚花，然後謹慎地點點頭。

我轉身抱住貓向細坤說：「咁交佢俾我地，我地一定會好好照顧佢。」

「間中Send相俾我睇下啦咁。」細坤露出滿意的笑容，瞬間年輕了３８年的他真的判若兩人，可見這段日子以來他沒有閒著，沒有暴飲暴食，而是以自己的努力不斷地做自己認為有意義的事。

是因為那條無限的生命，被晨月指定了死期的原因呢。

如果不是這樣的話，大概就會和我爺爺年輕時一樣吧。

離開後回到獵戶座天文台的宿舍已經是凌晨，安置好小黑後我沒有想太多，只是疲累地躺上了床，回憶著晨月的體香和柔軟。

所以那時我沒有馬上想起，沒有意識到不尋常的那件事：破滅之相因為晨月的心境還未到達大死神的境界，所以只能對死物使用。

但是在坤記狗場中，晨月可是貨真價實把幾棵樹以破滅之相轟成了渣。

樹木…是活物吧。

如果說那種可畏的力量在甚麼時侯覺醒，就是這一晚。

＊＊＊

小貓的名字改了，現在牠叫「Dr」，就是博士的英文。這小傢伙現在於晨月的房間中住著，本來她極力反對，說自己一定會剋死牠之類，但是我們第二天帶牠去獸醫處檢查根本精神得很，和細坤說得完全一樣，所以我說服了她留著Dr

接著，我們復職了。

「依加第七期既任務主要有兩個。」

回到會議室，溫主任向我們第七期簡介著現在我們的目標，令人驚喜的是芷瑜也回來了！

「芷瑜？！你見點？你無事嘛？你…」Carla一見到她就關心她，連瞌睡也沒打。

「Carla,我無事…博士一定想我返黎，繼續佢未完成既任務…專心聽溫主任講先。」

竟然反過來說Carla聊天不專心了，已經很了不起呢，芷瑜。

大家也是吧。

「聚完舊啦嘛？下。」溫主任似乎心情不佳，「咁我繼續講，哼，總之為左調配人力資源，你地唔使負責日常既魔力觀測，而只要完成呢兩個任務。」

投影片切換。

「首先，尋找宋校長據點所在，佢手上依加有四件聖物：奧林匹克聖火，彌賽亞之血，佛心舍利同尼泊爾活女神，神性反應理論上已經係強到連麻瓜也有感覺，但係我地既魔力雷達，甚至連獵戶座既私人衛星都觀測唔到。」

連私人衛星也觀測不到？怎可能，光是佛心舍利一件已經在香港的魔力分佈上造成好像台風一樣的結果！

「下？！咁多？！唔係得佛心舍利同庫瑪麗咋咩？！」

「…我都係岩岩先知，我地事前完全唔知道！」溫主任生氣地說，「北斗會館個班人竟然仲話係我地錯！最好係我地錯啦，我地情報根本就唔完整…總之，依加我地要搵到佢齊集咁多聖物既地點先。」

「咁…我地點可能搵到？」

「就要靠阿七。」

「佢？」文師兄說，「佢可以點搵到…」

阿七走出去切換投影片，一個男人的樣子出現在投影幕上：「佢叫陳師傅，係北斗會館既潛夢師，可以對夢境便行施法之類。搵佢原因好簡單：幾日前，庫瑪麗佢報夢俾我，似乎想傳達一Ｄ訊息。」

「係夢境中，可以直接透過意識交流，所以語言都唔係阻礙，庫瑪麗身為活神，同阿七亦結下左緣分，可以做到咁既法術唔出奇。」溫主任說，「你地要分析圖表，數據，再跟阿七既夢境中搵出庫瑪麗既下落。」

也是分析，整理數據的工作，是我們擅長的。

我舉手問：「咁第二件事係？」

「…第二件事唔關魔法社會事，我想大家幫我聯絡台長。」溫主任突然咽哽起來，要知道她一向是天才少女的印象，沒甚麼是她解決不了的，只要有問題就去找她便一定能解決，但，但她竟然這樣子就哭了起來，我們要完蛋了吧？！

即使爬上了高位，但畢竟是個女孩嗎？

「台長？」

「如果再聯絡唔到佢，我地真係捱唔住。」

「捱唔住Ｄ咩？敵人係邊個？」呀蘇瞬間就點出了問題關鍵，相比起會法力高強的文師兄，會照顧人給建議的Carla，呀蘇更擅長看到如何解決問題。

「…北斗會館。」

敵人是北斗會館—我沒想到有朝一日會在溫主任口中聽到這句話。

第十幕：他朝君體也相同

完

終於要打北斗會館

今晚有文？

有,星期六

今晚講設定,算係我自爽,但亦關劇情事

喂好型，睇下配唔配到圖先

第十一幕：抬頭又見獵戶座

北斗會館是敵人。

「點解北斗會館…溫主任，你話…敵人？」晨月不安地問。

「啊，係啊。」溫主任臉上已經沒有了昔日的平和與輕鬆，這段日子以來天曉得她面對了甚麼，「佢地只係一班識玩弄政治手段既人，嘖。」

「我地有冇野幫到你手？」阿七問。

「你頭先有冇聽我講？！咪岩岩講撚左個兩樣……」意識到自己激動起來的溫主任頓了一頓，揉一揉皺起的眉頭說，「就係岩岩個兩樣，麻煩你地第七期，我仲要招呼北斗會館班人，大家可以解散，阿仁，晨月，跟我黎。」

第七期的眾人面面相覤，大概誰也沒見過這樣子的溫主任吧。

「望咩？聽唔到？！出去做野啦！要搵台長同聖物！！！」溫主任說，眾人連忙站起來逃向外頭的拱廊上，我突然想起曾經流行過的希特拉系列惡搞。

「溫主任，你有冇事？」晨月問。

「我…無事，唔好意思，要留低你地，希望北斗會館班人黎左，無人肯見佢地，但我…唔想一個人見佢地班人，所以我想你地…」

「我地兩個可以陪你見佢地班人。」我心領神會說，「你唔嫌棄就可以。」

思考起來還是合理的，我們每個人都在宋校長的一戰中都受到了創傷，或是物理或是心理，文師兄，博士，呀蘇，我，晨月不在話下，連不在場的芷瑜也是，但是現場不只有我們幾個人。

溫主任也在。

她只是在太陽風爆發瞬間被扔到了那個結界中，但她也與宋校長戰鬥過，還受了傷。

「多謝你地。」她的笑顏中帶著疲憊。

我與晨月跟著溫主任穿過拱廊，走到接見外賓的會客室之中。這兒有著介紹獵戶座天文台歷史的展板，拱形的牆以黃銅包裹，星羅棋佈的光點按星宿的位置分佈其上，加上投影機映出星座的形象，是很有科技感的房間。

又是那個秘書長。

「又係你啊，溫主任。」秘書長站起來一臉諷刺，「仲有個炒散既，同死神。哎呀，你唔嬲佢殺左你爺爺啦？真係好，我鐘意有情人終成眷屬既故事。」

「你好，秘書長。」溫主任擠出笑容。

「我仲以為會有高級Ｄ既人黎帶我地參觀，等我地可以對你地獵戶住恢復信心，定係觀測主任已經係最高級？」

當然不是，溫主任的頭銜是勘天廳的觀測主任，在她之前還有營運顧問，研究總監，技術總監，行動總監等等的人，只是那群傢伙知道佛心舍利落到宋校長手上，北斗會館準備把所有鑊摔到我們身上，所以龜縮起來了。

由其說她已經高級得能接見這群北斗會館的人，倒不如說低級得沒法避開這豬頭骨。

「見你，我呢種職位已經足夠。」溫主任冷冷地扔到誰人也想不到這一句，然後才馬上補上一句，「我指既係我地相信由我黎接待咁多位係最適合不過。」

溫主任更年輕時也是個狠角色，我看過記錄。

「咁我地開始得未？」秘書長的樣子難看到極，臉上肌肉在跳動。

「呢邊請。」

在獵戶座天文台中，有一個區域是展覽廳，這兒展出獵戶座天文台的歷史和介紹魔力觀測的原理，當外國魔法師來香港交流時這兒是必到的景點之一。但是現在這兒好像多了一個新的區域。

［乙太式魔力探測雷達］

「為左尋找失落既聖物，我地獵戶座天文台現在投入左新既技術，新型雷達技術由已經犧牲既副台長領導，同樣已犧牲既博士，同埋我主導，已經開發左幾年…」

難怪見到博士和溫主任常常往工房中跑，溫主任大概也很難受吧。

但沒想到秘書長那混蛋竟然說：「依加所有貢獻都計落你身上，真係期待你既成就。」

那一瞬間，秘書長身後出現了一個殺氣騰騰的巨大黑色人形，但溫主任一握拳人形馬上消失。

「……大家對乙太有幾多理解？」

旁邊一個下屬才想開口，馬上被秘書長怒瞪一下而低頭閉嘴：「等你表演，你地先係專家。」

「阿仁，唔該你。」

我點點頭，這情況不可以使溫主任失威：「係！溫主任！各位，乙太最早由亞里士多德既五元素中提出，係既火風水地之後既第五元素，屬魔法理論。但係１９世紀，物理學家將乙太認為係光同電磁波既介質，變成物理理論，係一種捉唔到摸唔到，測量唔到既假想元素，不過去到後來科學文明既研究中，已經證明亦無乙太呢種物質存在。」

溫主柔接話：「之但係乙太係咪真係完全虛構？近年來科學界提出一個說法：宇宙中一種物質，捉唔到摸唔到，測量唔到，１９３３年天文學研究星空時已經提出星系團中充滿不知物質，被稱為被丟失既質量。」

剛剛秘書長的下屬馬上說：「但岩岩唔係話乙太被證明唔存在…？」

「收聲啦。」秘書長壓下聲音說。

「１９３３年所謂被丟失既質量，性質同傳說中既乙太幾乎一樣，而現代科學文明亦將佢稱為暗物質。你以為暗物質係新既理論，其實暗物質理論就係乙太說，公元前既亞里士多德已經提出左呢個概念。」

溫主任拿出手機，調出程式的介面按下，展覽中心的燈光暗淡了下來，一個長條形玻璃箱由磨砂變成了透明。

「乙太說已經被淘汰，但暗物質理論正發展，無論叫乙太又好，暗物質又好，呢種元素同瑪那一樣介於科學同魔法之間，所以我地成功重現出乙太。」

玻璃箱最左出現「乙太」二字。

「但因為始終未成熟同我地故意將佢命名為更古典既乙太，乙太更偏向魔法一側，所以乙太會受修正力影響被抹消，但係就視乎瑪那魔力濃度。」

咦，如果這樣…莫非說是利用…

「阿仁，我唔明…」思考到皺起了眉頭的晨月在我耳邊輕聲說。

「我今晚同你解釋。」

溫主任再按一下手機，玻璃箱最左側升起一隻迷你的鑊形天線：「世界上始終需要有一種架空物質—基於呢個前提下，瑪那同乙太無辦法共融。」

玻璃箱中升起白煙。

「假設白煙係瑪那魔力，我地利用術式生成乙太，再將佢發射出去，係瑪那魔力密集時，乙太好快就消失。」

因為白煙太濃了，那道由天線發射出的激光根本就沒法被觀測到。

「但係當瑪那變得稀薄時。」溫主任按下手機，玻璃箱那一邊的電腦風扇啟動，白煙被排走，激光變得清晰能見，「乙太就可以存在更耐。」

等等，這很利害吧？！還不用開一堆傳送門！

「呢個就係我地既新技術：乙太式魔力觀測雷達。」