［魔幻］【職業魔法師：獵戶座天文台炒散中伏血淚史】

前幾日睇有師兄問物種起源同休止符有咩分別，我自己係咁睇，物種起源似係因為有果，所以先返到起源，有啲似回溯，休止符就本身係用反瑪那黎中和瑪那，令魔法失效，雖然效果睇都好似無效咁，但休止符強制停止魔法，物種起源停止唔到（感覺上），用無限寶石比喻，物種係時間寶石，休止係現實寶石，個人淺見

沈醫生出場了

最近都有出新版

想問普通書靈術師係用咩書，可唔可以重複？文師兄啲書全部都咁猛料，不過佢上次用獵巫個時話咩唔會比悲劇再發生之類，今次咁樣宣告偽名，文師兄真實身份係邊個古人
話說白色泥土 鍊金術 宋校長上次咪玩土，佢又真係大粒過施子雄

9up 文天祥

沈醫生

咦唔係WOR今日停文

唔岩
等陣我黎講下詳細既設定

呢一篇係設定解說
分別講：「反瑪那」「萬咒寂靜的休止咒」同「物種起源」呢三件事
——

想像依加有一個魔法師，佢係具現系既魔法師，依加要具現出一支木棍作戰。

步驟：

一：詠唱咒語
二：空氣中既魔力被消耗
三：木棍於手心中成形

————

如果佢面對既對手係沈默然／白千雪，會發生既事就會變成

一：詠唱咒語
二：空氣中已經無魔力，因為被反瑪那抵消
魔法發動失敗

反瑪那要係魔法發動之前放出，先至可以做到呢個「沉默」既效果 （沈默然呢個名唔係鳩改的），另外無實體既魔法例如詛咒，強化，魔盾呢Ｄ可以係發動後用反瑪那洗走

————

依加再黎，佢面對既對手係沈默然／白千雪，但係搶先一步完成左具現

一：詠唱咒語
二：空氣中既魔力被消耗
三：木棍於手心中成形
四：反瑪那發動，但因為已經完成具現，所以木棍依然存在

注意一樣野係「修正力」，因為世界上本來無呢支木棍存在，世界本身本來就會不斷去排除走木棍，所以依然需要魔力去對抗修正力，維持木棍既現世，當然消耗既魔力比具現少，所以黎到下一步

五：反瑪那持續發動，維持木棍現世既魔力消失，木棍存在變得唔穩定
六：沈默然／白千雪發動「萬咒寂靜的休止符」
七：修正力被召喚，強力排除，木棍消失

萬咒寂靜的休止符效果就係召喚修正力，集中修正力抹消異物既存在。

—————————————

如果係文師兄既「物種起源」係點樣呢？

「物種起源」係一本書，所以其實係一個象徵。物種起源代表住科學革命既完成，歐洲以教會做最高權威既時代過去，呢本書象徵住既係「科學既世界」，相比起上面，物種起源比較似係一種結界，以書為中心強化呢個象徵。

一：詠唱咒語
二：空氣中既魔力被消耗
三：木棍於手心中成形
四：木棍揮來，對文師兄做成傷害

無錯，物種起源係好難對付呢種咁普通既攻擊，始終木棍唔係咩神物，反而息壤呢Ｄ神物就會被無力化。因為木棍即使係科學既世界都無問題。如果物種起源接近Ｄ，　係第二步既時候發動，魔法就可以被解除，無辦法變出木棍。

物種起源亦擅長於張開一個範圍，因為象徵神權終結，第一集有一個咁既情節：天主教學校鬧鬼，沈醫生，千雪同鐘靈去對學校既十字架進行「象徵強化」，令佢地由普通既十字架重新變成耶和華信仰中驅魔既象徵。

「象徵強化」比較接近物種起源既原理，書靈術既原理亦係咁，「人類群星閃耀時」象徵偉人既努力，成敗都創下自己既傳奇，所以效果係全體友方強化；而「女巫之槌」係對所有魔法師進行攻擊，連友方都唔例外，只要魔法師就施以火刑。

一本書可以有好多象徵，唔同人亦可以有自己理解

最後係文師兄身份，我梗係唔講
但係伏筆一早埋晒，有興趣既可以諗下，佢既書靈術，佢既言行，偽名…不過你估岩估錯我都唔會答你，或者你可以等我講故，總會揭曉俾大家知


係咪應該出職業魔法師設定集ＩＩ？

設定說明有長，大家唔好成篇quote

故台quote文慣例係死全家

好鍾意睇呢啲設定集

咁又唔算文既

我都鐘意寫
ＦＦ完唔使負責任

Q : 普通書靈術師係用咩書
A：都係睇施術者最了解咩書，多數同自己興趣有關始終自己有興趣既事先會深入研究，書愈耐歷史，愈廣泛流行威力愈大，但會造成負擔，例如愈耐歷史，愈廣泛，咁不如用聖經呀～威力過大，人類無辦法承受，會死。

不過佢上次用獵巫個時話咩唔會比悲劇再發生

岩

文師兄真實身份係邊個古人

無講過係古人亦無講過唔係，佢係一個有故事既人

宋校長上次咪玩土
唔知架

咁拎本西遊記，中國作品可唔可以，定係要西方作品？假設用到唔會死
又埋咗伏筆，獲獲都唔知

到家

文？

依加開始打

瞓先

用尋日儲既文出，執返靚打返多少少

白千雪身邊那個男人自稱姓沈，是個醫生，挺高，頭髮又黑又白。

「係～係～晨月好犀利，請你食糖～」白千雪掏出一顆人參糖，塞到晨月口中，馬上她緊鎖的眉頭放鬆了不少，也能站到地上。

晨月點頭道謝：「唔該你地…如果無你地既話，我同阿仁，仲有其他人…」

「如果係大死神個一招，早就解決左。」姓沈的混蛋說。

「哈啊！？」我大怒，「你條友等到最後一下先出黎尾刀係度牙斬斬？！你知唔知晨月已經用盡全力…」

「最後一下？尾刀？需要解咒師既災情依加先開始，觀測員。」沈醫生在舞台上環視四周。

「災…」

四面台下都是倒下的魔法師，他們剛剛都被賢者之樹刺穿串在空中，一些已明顯死去，但傷者們…在扭動。

「啊…嗚…嗯…」突然旁邊的夏隊長倒下，按住剛剛被刺穿的血洞痛苦地掙扎！不止是她，連博士，其他被刺穿過的魔法師全部開始在掙扎，好像被甚麼無形的惡魔折磨一樣！

「啊！！嗚…好痛…好痛…啊！！」

「隊長！你見點？！啊…！！我都…嗚…」

我與晨月嚇得摟在一起，這到底是…！！

「晨月你無傷口！？」

「擦傷割傷，但唔係賢者之樹造成，放心！阿仁你呢！有冇地方痛？！」

「我都無事…」

「賢者之樹會播種，就好似鬼針草咁附係接觸過既人身上。」沈醫生冷眼地看著倒下的夏隊長，「即使用三昧真火燒過傷口，都燒唔到入面既息壤哦？吸收完魔力同先天元氣，大概就會變成岩岩咁既白怪再生。」

他們的傷口有白點在浮流湧動，不少更加已潛入其體內血肉！！

「可惡…嗚呀！好痕！…」夏隊長瘋了去抓傷口和附近的皮膚，好像想把自己撕破一樣！

沈醫生走到她旁邊蹲下：「呵呵，由皮膚下面傳黎既劇痛同劇癢滋味係點？」

「你係咪醫生黎架！你點可以…！」我又驚又怒，這傢伙是個心理變態！

「你呢個痛苦樣令我諗起當日你點對我同千雪，哼哼。」

「夠啦阿然！快Ｄ幫佢地！我負責呢邊！」

白千雪從舞台上躍下，結出手印抹向那些被賢者之樹播種的人，陣陣溫暖的吹送輕撫眾人，本來在掙扎的他們緩緩地躺下不再痛吟。這種沈醫生手一振，醫生袍的袖往她們「伏伏」地擺動兩下，春風拂撫，馬上全員都安穩地陷入睡眠，身上沒有一絲痛楚。

「如果你地早D黎，我地就唔使幾乎要同隻白怪同歸於盡。」我說。

「要怪就怪北斗議會班人視自己條命比佛心舍利重要，我同千雪護佢地去撤離點後已經即刻黎增援。」沈醫生說，「千雪，你個邊點?」

「救得返既已經救晒，阿然…好多人已經…」

「用測魔儀檢查身上仲有冇息壤作祟，然後幫佢地戴黑曜石手環。」沈醫生和白千雪開始身為解咒師的專業工作，「個佛心舍利仲要處理，你地今晚會好漫長，范普仁，凌晨月。」

我看看單手摟住的寶龕，看看在地上剛剛才被解開息壤播種的夏隊長，交給她也許不合適吧。

真不想拿著這貴重得嚇死人的玩意，燙手山芋也比不上，這是燙手核彈吧。

「我黎…護送佛心舍利…」夏隊長咬緊牙關試圖站起來。

「同我訓低！」沈醫生手一揮，失去魔法的夏隊長被強制躺回地上，「邊個俾你周圍去？！自己都未照顧好講咩護送！」

「…死左幾多人。」躺在地上的夏隊長用手背掩住眼問。

「唔關你事，依加你好好休息…總之，犧牲既人已經夠多。」沈醫生說，還順手拾了個軟墊偷塞到夏隊長後腦讓她墊著。

電話響了。

「阿仁！你地有冇事！？」溫主任的聲音響起，「沈醫生同千雪都係度既話就唔使怕！」

「我地無事。」我說，「佛心舍利點處理啊，你地唔要既話我放上網賣左佢架啦。」

「哈哈，識講笑即係無事…依加紅館既防禦都係非常強大，你ＫＥＥＰ住個寶盒先。」

「點解係我…溫主任。」我問，「明明有咁多比我勁既魔法師，我只係個咩都做唔到既麻瓜。」

「正因為你係麻瓜，佛心舍利對你黎講先無吸引力，對魔法師黎講佢實在太大誘惑。」溫主任說，「同埋，我相信你呀～」

「咁我KＥＥＰ住佢先，等你地下一步指示？」

「就咁話，小心D阿仁…」

「係~係~好貴好貴啦嘛～呀！係啦！溫主任，我想講…」當然是說活女神的事，被甚麼息壤賢者之樹弄得一塌胡亂我竟然差點忘掉了，我看自己也累了。

「咩事？阿仁。」

但是突然我背脊起一陣涼意，既然活女神是與北斗議會的人同行…幕後黑手可能連議會的人也騙了。而這個黑手，是管理香港魔法社會的議會中的一員。

不適宜在電話中說…有些事不應在電話中或訊息軟件中說，這也是上班要明白的事。

「…無事，我返黎再同你講。」

「嗯，返黎請你食ＴＥＡ，專心保管舍利。」

通話結束。

開始有非戰鬥人員進入紅館，收拾的人，救傷的人，外國的人…收屍的人。總之我拿著佛心舍利與晨月走到一旁坐下休息，剛剛白千雪請她吃的人參糖是貨真價實的人參，儲蓄了長年累月的魔力，所以苦到晨月五官扭曲，但實實在在地在回復魔力。

看著面前的慘劇現場，即使理應早就習慣死亡的死神也嘆了一口氣。

「師傅話…我要明白死亡既仁慈同必要，我先會接受一切都會有終結一刻。明白破滅一刻係必要同有價值，我先可以使出佢真正既奧義破滅之相…」晨月望著外面，「咁樣係仁慈？咁樣係必要？」

我不知怎樣安慰她，但看到她這樣難受我心中也好像被壓得死死。

「如果我真係大死神，佢地就唔使死。」

「晨月…」我捉起她的手。

「我始終係個只會帶來死亡同不幸既女人，阿仁。」

「…我呢?我俾你救左幾多次?晨月。」

「我知道你愛我，但係…」

「我唔準你咁樣話自己，我既晨月係救左所有人既英雄。」

「死神唔會做到英雄。」她說，「我地只帶來死亡同悲傷。」

「你望下個邊先，晨月。」

那一邊，灰頭土臉的博士坐著，把頭靠到他臂膊上的正是芷瑜，二人的手牽在一起。

「正係你討伐左賢者之樹，佢地依加先可以咁坐埋一齊，我地都係，所有人都係。」

「咁死左個Ｄ人呢，佢地有Ｄ仲係外國人，客死異鄉一定好難受。」

「…係啊。」我說，「但我地每個人已經盡晒力，無辦法。」

「用盡全力都改變唔到咩…只係突顯出我地既無能。」晨月道，「如果唔係白醫生同沈醫生，我地全部最後都已經死晒。」

牽著我的手明顯用力一握。

「我本應該要更強先岩。」

「以後再算…你師傅咪話你一定會掌握到佢個招?自己師傅都唔信?」

「但係…．」

「你係咪自己師傅，大死神關海生都唔信？晨月。」

「多謝你，阿仁。」晨月的笑依然動人。

而且—真正無能的廢物，是我才對，別給我這兒插隊。

那些白怪和賢者之樹不是從外頭而來的，而是早就潛伏在紅館之內。

而我們的阿堤蜜絲觀測站在就舞台正上方，卻完全沒發現這樣的怪物潛伏在我們眼皮底下。

甚麼完全觀測，甚麼天文台，甚麼觀測員，真是貽笑大方。

強敵來襲：息壤．賢者之樹

完

第七幕：俠之大者為國民

好眼訓，緊急訓教