［魔幻］【職業魔法師：獵戶座天文台炒散中伏血淚史】

推

麻瓜做天文台炒散，點入行

好似幾得意咁
正皮lm先

20 正皮

今星期四唔停文

「下～」阿七說，「咁擺明係唔受你睇你唔起啫，單野唔係你搞既咩？」

「咁實際上施法係阿月啦嘛。」我說，「算啦，凱爾特魔力模型個File係邊，我要對比。」

萬聖節起源於凱爾特文明，這天施展凱爾特體系術式的話會更加大威力，更加易成功，所以也合理。雖然我是麻瓜，但是這日子我可沒閒著，他們說我們只需操作電腦即可，但是我可是認認真真的在學習魔法世界的法則和規律。

「你唔好咁快接受啦，你唔嬲既咩？」他道。

「有咩好嬲，打扮工啫，為啖氣嬲黎做咩。」我早已不是為啖氣而出頭的年紀了。

「欣然接受啊…俾左你，海洋公園?」

「嗯，睇落似凱爾特魔力模式，對比既話就可以追蹤到個女巫係邊，可能係報喪女妖？…屌你呀，呢個係尼泊爾模式黎！」

地圖光點變成了在機場那邊。

「對我就嬲，俾人排斥就咁易接受…俾你！」

魔力模式載入，開始對比，排除與模式不符的魔力反應，鎖定！

「Calling 伐魔隊，呢邊係獵戶座，已經鎖定女巫位置，依加發送座標, Over。」我按下通話鍵。

「收到！」

附近代表伐魔隊的光點向女巫方向前進包圍。

「堅抽Wor!」阿七說。

「你自己無聽書啫…」魔力模式對比明明是教過。

「講返條女呀，佢唔講野既？」

「唔想同你講野啫。」我啟動掃瞄，以防附近有女巫的陷阱，果然，「Calling 魂俱使，呢邊係獵戶座，女巫附近有魔力反應，似乎係召喚物，請你前往支援，Over.」

「收到，去緊。」

阿七傻眼:「你點知的?！」

「經驗。」

「你唔係麻瓜?」

「之前炒散既經驗。」

「你成日炒散?」

「我只炒散…好似叫斜槓族?總之就咩都做過下咁，其實呢份工有少少似之前做保安多過魔法師。」

「斜槓…所以你咁逆來順受呀？」

「唔關事囉，同埋咁樣你返工會開心啲。」我苦笑。

萬聖節是其中一個最忙的日子，我與阿七一直在勘天廳工作至半夜。萬聖節的定義是１０月３１日的日落至１１月１日的日出，所以直到日出我們也要繼續監測著屏幕。

累死了！

我站起來伸個懶腰，發現凌晨月一直在牆邊看著我。

「搞咩…」

這兒應該只是我們後勤人員呆的地方。

我走過去，她又想後退卻發現自己沒法穿牆，我第一次這樣逼近她:「仲未走?」

「我…搵你。」

她一臉不知所措，還是不要捉弄她，她可以輕易地殺掉我。

「搵我?岩岩唔係話唔使我?」我拿著阿七泡給我的咖啡問。

「後日要同副台長開會，全部第七期…我黎通知你。」

「嗯，後日，明白。」我記在行事曆上，「今晚你唔使出動?」

明明只需電話通知就行了，這傢伙有夠矛盾。

「死神只對付無法殺死既野…或者…有不死屬性既野，所以唔使。」

「哦…咁你自己返屋企啦?住邊頭?」

「住…附近。」她說。

「唔該晒，附近，明晒，唔阻你。」一感覺到她在隱瞞我也算了，我沒興趣逼問人家不想說的事。

上個洗手間，去茶水間拿個炒面王當宵夜後回到勘天廳，凌晨月已經不在了。

「又玩手機呀仆街！」我用炒面王砸到阿七頭上。

「哎呀！」

「我叫你幫手睇埋我個MＯＮ，你覆MＳＧ？」我檢查數據，「好在無事啫！」

「我咪轉左自動模式…」阿七摸摸後腦。

「自動模式有用就唔使我地啦。」我坐下。

「所以咪得返一個月約…」

「我諗都會續既。」我說。

我們是第七期臨時觀察員，聽說獵戶座天文台以前只招攬精英，但是這種政策使觀察員這種級別崗位人手不足，因為既然是精英又怎樣接受這種崗位？於是他們便開展了臨時觀察員計劃，招攬炒散進行培訓，最後表現好的人就會簽一年約成為正式的觀察員，說是正式，但還是要每年續約，不像舊制那種，所以其實還是炒散。

而評估最後階段就是透過萬聖節這種高峰時期，第六期的人他們評估好像是之前的鬼門關開的盂蘭節，長達一個月的疲勞轟炸，要命。

「望就咁望啦。」阿七說。

時間進入凌晨，蘭桂坊，諾士佛台，等消遣夜遊區人數增加，魔力值上升，開始聚焦這些地區觀測，加入妖氣作為對比，識別在人群中試圖對凡人出手，吸食精魄元氣的妖物。

「Calling魂俱使，呢邊係獵戶座，依加係每半個鐘既定期報告，蘭桂坊附近魔力正常，未發現妖氣，Over. 唉我都好似去老蘭玩呀，今晚係萬聖節呀好冇？！把魂俱使就正啦…」負責蘭桂坊的阿七說。

「今年咪又係一街咩魚遊戲…Oh Shit」

這白痴，他忘了熄咪！

「我地唔係黎玩，係黎做野，獵戶座你咁樣算專業？」 這聲音是那個Jean！

我連忙說:「唔好意思，佢只係太悶！」

「悶係好事黎，你有冇見過醫生係門口貼揮春寫生意興隆？悶即係代表人人都平安咁享受呢啲節日，坐係總部吹冷氣既人話悶，如果你地唔悶既就即係我地要打生打死！你唔落黎前線打？！」

「對唔住，無下次，無下次！」

阿Jean是皇牌魂俱使，所謂魂俱即是有靈魂寄宿其中的物件，而Jean的魂俱是一把木刀，同為靈魂屬性的木刀是妖魔鬼怪的剋星。

被人罵了一頓的阿七頹然說：「奶野啦?」

我點點頭：「無錯。」

但阿七有個優點…還是說缺點？就是不知悔改，不用半小時剛剛的頹然就已經消失，還和我聊著凌晨月。

「死神，佢係咪好難相處?」

我搖頭：「唔知，我根本無同佢相處過。」

「你其實係咪ＧＡＹ？」

「問得咁突然？！」

「咁既靚女都唔把握機會相處？你又單身。」

「咪痴線，邊度食就唔好邊度痾，你返多啲工就明，再者佢根本一直避開我，你知唔知頭先飛的返黎，佢竟然分車坐，你信唔信會計個肥婆一定唔批佢個張單？同一起點同一終點佢一定唔批。」我冷冷地說。

「避到你咁？你做左咩黎？」

「咩都無做。」我說。

「都岩…佢對我都係咁。」

「避你就正常啦，你咁變態。」

「你唔係咩？」

我們相視而笑，而且笑得特別猥瑣。

進入下半夜，萬聖節的活動開始完結，酒吧區的妖物已經被JEAN和她的同事解決掉，海洋公園的女巫被捕，召喚出的「報喪女妖」也被斬殺，有巫師進行未被批准的大型儀式，但伐魔隊已將其討伐，終於…

「依加係早上６點２７分，已經確認到日出，全港魔力值下降已平均水平，萬聖節結束，重覆一次，萬聖節已經結束，各崗位回復常規狀態，勘天廳準備交更，辛苦晒各位。」溫主任的聲音從廣播系統中傳出。

「呼～早餐？」我除掉耳機問。

「嗲牛？」阿七答。

「行啦，啊，唔該晒你地。」我向後面前來接更的觀察員說，我們每人都有自己的座位。

步出勘天廳，環形的拱廊上熱鬧了不少，我見到其他同為第七期的臨時觀察員，但他們的拍擋都在，我與阿七也不好意思打擾了。我們老遠就見到溫主任與她的影分身…還是叫幻人的玩意在搬文件，我又想起她昨晚趕我出辦公室的事，阿七更是一路也怕她，所以我們寧願繞遠路也不遇到她。

穿過本來不用路過的展覽廳，儀式工房，魔偶庫再轉回去樓下，總算來到了餐廳。

「早晨…嗲牛麵兩份，一份飲熱奶茶少甜，另一份要凍啡，唔該。」

「通宵更？萬聖節？」

「係呀…哈欠…」我掏出陀錶嘟向感應器，這玩意現在還能電子支付，這與想像中的魔法師又更遠了。

領餐，坐下。

「你拍檔呢?係咪叫文師兄？」我問。

「嗯，文師兄佢出左去啦，尋日佢主力。」

「主力?」

「佢係書靈術師，好似負責解咒…咁其實佢算解咒師定書靈術師?」

「政府司機算司機定公務員?」我反問。

「呃…呃…」簡單一個問題使阿七大腦直接短路。

我笑：「是但啦，咁唔怪得啦佢要解咒救人。」

「係呀，佢都好堅抽。」阿七說，「或者我應該叫佢教我，我都係覺得出去做野會好玩Ｄ。」

「隔離飯香啫，到你要出去你就想返勘天廳吹冷氣架啦。」

突然。

「呢度…有冇人?」

這樣大的食堂只有我們小貓三四隻，有需要過來搭枱嗎?！

「其實個飯堂咁大…凌晨月?」

「咪…咪叫我全名！你叫我晨月就得…」晨月說。

「咁早返黎既晨月。」阿七道。

「請你叫我阿月。」

「嗄？好囉…」阿七又受打擊了。

「你咁早返黎做咩？」我說，「你尋日唔係話返去咩。」

「嗯，我住得近…我咪講過。」

「你話住附近，點知你邊個附近，荃灣又附近，旺角又附近，九龍塘又附近…」

「我住呢度宿舍。」

「咦？」我與阿七異口同聲地說。

這兒要說明一下原因，香港的魔法師組織有兩個，最大的叫北斗會館，負責行政，管理，所有魔法師都是北斗會館注冊的。

而獵戶座天文台是北斗會館旗下的觀測組織，雖然負責調動人手，但是這些魔法師並非我們的手下或成員，只有直屬獵戶座天文台的人例如我，阿七，溫主任其陀錶才是刻有獵戶星紋，例如白醫生，凌晨月的陀錶就是刻印北斗星紋。

不對，白醫生的不是普通北斗星紋，而是代表有榮譽的「星環北斗」，外圍多了一圈。

所以並非獵戶座天文台的職員，理應是不會住在這兒的宿舍。

「做咩…咁反應?」凌晨月看到我們這反應有點不安。

「你唔知？就…」我解釋北斗會館和獵戶座天文台之間的關係。

「哦…我無諗咁多，只係向北斗會館申請，佢就派呢度俾我。」

行政真夠隨便…但感覺也不像是北斗會館的風格。

「咁…你搵我咩事？」我說，「我地岩岩收工，食埋飯就返去訓。」

日夜顛倒對身體不好。

「咁樣…你訓醒我再搵你。」凌晨月卻說，「阻住左你地，唔好意思…」

「咁你都要食早餐架。」我說，「反正坐低左，一齊食啦。」

她卻搖頭:「唔…唔得，我唔可以…咁樣…你地唔好…」

她說甚麼鬼？總之她就是這樣一邊胡言亂語一邊離去，還差點滑倒把餐盤摔出去，還好路過的溫主任召喚出她的使魔接著，結果就是凌晨月她更加手忙腳亂地一溜煙的消失在飯堂外。

咦，溫主任？

「大獲！」

「五秒內啪完個麵閃啦！」

晚了，溫主任已經連問也不問就一屁股坐到我們旁邊，拜託不要一個接一個來好嗎?！

「…賦魔…不死…施隊長…」她正在發呆，似乎她不是故意坐到我們旁邊，而是根本沒有看到我們，只是剛巧坐到我們身邊。

爆機可以專心寫文

仆街, 結局A？！

正
有咁大篇文睇

暫時同現實世界同步

會講的

多謝

暫時食緊老本

可柔過左一年左右就做主任grade

兩年前啦
會長依然未成年

隆重宣佈開局階段終於諗好

下你唔係以為我諗好先出下嘛

引用錯
有,但未知幾時, 佢係尼泊爾

無互動元素係靜Ｄ

唔係呀
都好睇
每晚都期待中