［魔幻］【職業魔法師：獵戶座天文台炒散中伏血淚史】

Unauthorised Building Works (aka老潛)

咁快已經六分一

琴日一口氣追哂上一個故正

我啲腦漿係得咁多料
諗唔到再多

巴打對眼還好嗎？
個到都唔少字

一晚

一日 一日 一晚真係睇唔哂

一日都好勁喎

我連返公睇都要1星期喎

我non stop 睇到夜晚五點半先訓

出文

在線等

在線等+1

眼都花埋喎師傅

面對人造人宣稱自己與我們…人類是一模一樣，我一時間沒法理解。

「下？」

「你地係由叫做媽媽既人生出黎，但係生出黎個下都係無記憶架嘛，我都無，所以我自己唔覺得同你地有咩分別。不過我好似唔可以通街去，嗯，分別係呢度。」人造人向我投以挑戰的眼神，「阿仁，你又知自己唔係人造人？」

我笑著說：「因為我唔係係個馬肚度捐出黎？」

「你又知你唔係？」

「我…」我竟然極度荒謬地語塞，但沒人能看著自己被母親誕下的瞬間吧！

「所以其實你都可能係人造人但你自己唔知。」人造人輕描淡寫地說。

「我點可能…無理由，痴線，我點會係…」

「唔好理佢，阿仁。」詩珮的聲音從喇叭中傳來，「佢只係係度詭辯。」

我掩著臉揉了幾下，感覺自己陷入了很危險的思路當中。身為一個普通人被這種哲學級數質問自己存在感覺還真是糟透了。

凌晨月開口說話了：「個晚…好對唔住。」

「凌小姐你既職業就係要咁做，我無怪你。」人造人比想像中大方。

說到牠想通街去…牠似乎在渴求著甚麼。

「你…如果你出得去既話，你會想去邊？」我打趣地問。

會不會回故鄉之類？他會說出鍊金工房的地點嗎？

「希臘。」

「……」為甚麼是希臘？

「哈哈，唔好意思阿仁，我真係唔知你地搵緊既野係邊。不過希臘啊…好似好多智者係個度生活過，我想睇下孕育出智者既國度係點，同埋我亦都想睇下海，愛琴海好似好靚，不過…海係點樣既？」

「超超超超大片好咸既水，有唔同生物係入面。」海嘛，對我們來說就很普通。

「我有睇過圖片。」人造人說，「但我唔明個種感覺。」

凌晨月問牠：「你睇好多書？」

「嗯，呢度最多既就係時間，北斗會館既圖書館真係好大啊。」人造人拍拍身邊的一棟書說，「如果可能睇得晒就好，不過我計算過我既閱讀速度同藏書量，就算一世人不眠不休咁睇都睇唔晒。」

這種感覺真的很古怪，眼前明明是魔法的產物，理論上與魔偶，式神是一模一樣的玩意，卻感受到…靈魂。

人造人有靈魂嗎？

我們又有靈魂嗎？

還是牠只是極度精密的魔偶，與極度先進的人工智能一樣，在模擬自己有靈魂。

但如果質疑牠有沒有靈魂，我自己有沒有靈魂同樣會被質疑吧。

「不過呢，依加我想改名。」人造人說。

「嗯？」

「魔法師話…真名好重要，應該話凡係重要既事，都會有名，寵物，魂俱，親人都會有名。」人造人失落起來，「但我無名…」

沒有名字造成的失落我不明白，但即使這樣—

「改啊，你睇咁多書無理由一個名都諗唔出。」我說。

「我諗得出，但係…我…」牠突然望住我和凌晨月。

凌晨月心領神會：「你想我地幫你改名？」

人造人點點頭：「嗯，大部分人既名都係由身邊愛住佢既人改，寵物都係…我唔敢話想你地愛我，似乎我係大家眼中係怪物。」

牠頓一頓，似乎一時間因為哽咽而說不下去。

沒有名字與不被眾人接受同樣打擊牠。

我望向凌晨月，那時候她也是這樣嗎？在眾人眼中，她是隻名為天煞孤星的怪物。

「但係…即使我係怪物，可唔可以求幫我改一個名？只要係你地改既，我都可以。」

我與凌晨月對視後回答：「都…無話唔得既，而唔好講到求咁嚴重，嗯…我諗諗…」

文學不是我強項呢…不過我也沒甚麼強項。

「不如我地下次先幫你改？」凌晨月卻打斷我說，「一黎我地唔想咁樣隨便改名，二黎…呢段時間你可以期待下呀，嘿嘿～」

不知道為甚麼凌晨月也樂於與他溝通，她就不怕自己會剋死人造人？

還是說…在凌晨月眼中牠根本不是人？

…他…牠…她是人嗎？

人造人的眼神好像看到甚麼興奮的東西一樣：「好呀！我會好期待架！凌小姐！」

……我眼前的，到底甚麼東西？

不過凌晨月拒絕馬上為牠改名，原來還另有原因。

離開玻璃籠後她道：「唔可能隨便改名。」

「點解？」

「…我舉個例，日本既女兒節公仔一般都係無害，直到有人為佢改左名，甚至向佢供奉。」

我突然毛骨悚然起來，最怕那些公仔：「佢有左名後，就唔再只係公仔，而係某種…載體。」

凌晨月點點頭：「係…改名本身就係一種儀式，我地去問一問宋校長啦，本身佢都約左我地。」

正當我們見到宋校長時，他正神色凝重地在會議室開會，我們才一接近他馬上站起來走過來：「唔好意思…開緊重要既會，咁岩講到你地呀哈哈。之前天文台得罪晒全香港既靈點負責人，補緊獲。」

我可是有第一手感受喔。

但你又約凌晨月？！

「對唔住，係我地同人造人傾耐左。」

原來是她遲到在先，誤會了。

「唔緊要，班人都係發下老皮擺下姿態，點樣？佢有冇講咩？」宋校長苦笑。

我們如實地說了剛剛和人造人相處的過程，細節，最後我們提出了改名的問題。宋校長沉默了片刻：「可以。」

即使是北斗議會的一員，身為鍊金術師的他作出了窩心的決定：「反正佢即使有真名都惡唔出咩樣。」

好吧原來只是看不起牠。

「如果係佢想有既話，都係值得參考既數據，咁就由你兩個幫佢改名啦。」

「唔該宋校長！」

「咁我…開會先。」入面的靈點負責人正對他怒目而視，甚至有人站起來開始指罵，魔法界對北斗會館的不滿正在升溫。

＊＊＊

那晚在交誼廳，我遇到了凌晨月。

應該說…我在堵她。

「阿仁？」

「晨月，我有野想問你。」

「……」她莫明地緊張，誤會了吧。

「關於幫人造人改名既事。」

結果她臉上閃過了一瞬的失落。

「係…咩事？你有咩好名？」她問。

我搖搖頭：「你改啦，我對自己有幾多墨水好了解…晨月，我係擔心你。」

「擔心我？」

「你知唔知點解你都參與呢件事？」

死神本來是負責為沒法死去的人或是理應要死卻在逃跑的人帶來安息。

「…知道，」

還有一個目標：行刑。

雖說北斗會館中能殺死人造人的魔法師大有人在，甚至身為麻瓜的我拿把刀子去捅牠兩刀也能殺掉牠，但是說到能無痛苦地殺掉牠的人就是死神，也就是說是凌晨月。

她是劏子手；她是行刑者；她…凌晨月是死神。

「如果你連名都幫佢改埋…你落唔落到手？又或者…我怕到時萬一你要落手，你會好痛苦。」

人造人說得對：名字，是珍愛之人改的。

為她／他／牠改了名字後，就是某個重要的存在。例如說我的名字是我爺爺起的，我父母早迎逝，是我爺爺把我養大，還好他長壽，直到我１８歲那年才過世。

而凌晨月的名字是她母親起的，在難產而死前，看到在日蝕下彗星貫月而起的異象而改，帶著對世間美好的概嘆。

不理凌晨月為人造人改甚麼名字，萬一要行刑，這名字只會成為她的負擔。

「……你好細心，阿仁。」凌晨月搖搖頭，「但唔使驚，即使幫佢幫名，我都會落到手，我肯定。」

「你肯定？」

「……嗯，每個死神都可以向你咁承諾：無論幾親既人都可以落手。」

我突然記起她在大澳時說的話。

關海生，上一任的死神079，人稱大死神，是死在凌晨月手中。

凌晨月神色黯然，明顯從我的表情上知道我想起那對話。

「隔開喇…低語。」凌晨月施展咒術，把我們的說話變成他人耳中的喃喃低語，沒法聽到我們在說甚麼。

「晨月？」

「之前咪話過…係我殺死左師傅。」她聲音已經開始震抖。

……我站起來，坐到她身邊，她沒有避開。

「嗯，係…咩一回事？以我識得既晨月，無可能會咁…」

「你根本唔識得真正既我，阿仁。」她搖搖頭說，「死神有一個教條…就係死亡係命運最後既公平。無論貧富貴賤，所有人都難逃一死。」

不想接受，但事實如此。

人生從來是不公平的，除了死亡。

躺在金字塔的法老王與街上冷死的乞丐，也沒法逃過死神的懷抱。

「所以要成為一個死神，必須要守護死亡既公平…」突然凌晨月全身開始震抖起來，「即使個個係你最親既人，時候到既話身為死神既我都要帶黎死亡…阿仁，即使係你，他朝一日需要既話，我都要殺左你。」

我打個哆嗦，因為凌晨月完全不像在開玩笑。

而且我猜到了個大概。

「死神係行師徒制，要正式成為死神最後一個考驗就係殺死自己既師傅，向所有人證明自己守護死亡既決心，大公無私，一視同仁咁帶黎死亡，即使係最親既人…嗚嗚…嗚嗚…」

凌晨月終於低頭抽泣了起來，我不小心觸碰到她最脆弱的創傷。

聽日終於迎來第一次星期四停文
下次加速係正皮數:60 之時

保重身子

話停文, 其實都係儲文+打副連載

真 我自己出呢個故前都睇返, 身為作者飛住睇都睇左幾日

多謝巴打咁捧場
我會自行理解成好好睇你唔願停

到時你會明

屌 星期四