識八字 你問我盡答2

有人問我點解一定要連登優先，
收費優先佢都明白。

我想講一句你喺邊度攞到我TG嘅連結？
你又咪喺連登度攞？

按住規矩我咪逐個答你哋囉。

冇咁多點解㗎。

真係要問原因就係， 我。鐘。意！

通常優先次序係XX、連登、TG。
如果你見到我喺某一段既情況下邊，係無更新同冇回覆嘅，
通常就係喺前邊嗰一個環節道棘住咗未停搞掂晒。

再次強調多一次，如果純粹淨係聽吓意見嘅話喺連登上面放係最快，唔需要特登要做付費動作。

只不過你想了解再深入啲嘅，你先可以選擇揀唔同嘅package。

免費方便，只不過係提供一啲我認為比較重要啲嘅意見，唔想你哋咁辛苦行錯或者行多，呢個係我嘅原意。

但唔希望你哋係覺得我會做你哋私人嘅顧問，
同你安排好晒所有嘢比到最佳意見，同埋好全面嘅意見。
因為其實每計一樣嘢係需要好多運算。

因為我唔係通靈能力😓
我係運算能力，有啲巴打絲打，淨係同我講，
師兄你唔使同我講咁多㗎，
你淨係同我講個結果好唔好或者點樣就得㗎啦。

等如攞條超煩嘅奧數俾個人哋，叫佢同你講，你俾個答案我得啦，
我唔使你咁辛苦，俾個過程俾我，唔使解釋好多嘢俾我聽㗎。
你估佢係咪忽然之間講個答案俾你聽，唔使計到隻狗甘😑

有啲人就玩直覺，有啲人就同你占卜，或者有啲直頭鳩噏，呢啲係最快靚正。
我識呢啲，但係我唔鍾意用呢啲，不確定性太大啦，
雖然唔收錢，但我都唔想點你哋㗎。
唔計過我始終都係唔信。

講中晒，懶的而且確係我嘅缺點，收到師傅！

請各位在座嘅巴打絲打接收我任何嘅回覆都好，
希望你哋將個中心點放喺，
我俾緊意見你哋 ☝️
或者係我講緊啲你需要知道嘅嘢俾你聽☝️

大大話話我覆咗成幾百個留言啊，
因為每次睇都好快趣，
我淨係比到重點你哋，
我唔會同你地好似小朋友咁逐句講，
成年人要識得睇我打嘅嘢嘅意思。

我能夠免費提供資訊你當我做善事又好你當我做公益又好或者當我係水魚都好，
我俾你嘅資訊都係希望你好，
咁既然免費，麻煩你哋稍為動動腦根，睇我打嘅中文字應該問題都不大㗎。

我嘅資訊含金量有幾高，我只能夠講絕對犀利過免費囉😂

總之唔好成日有種被害妄想症，
同埋最重要有時一口氣回覆好多人，
我冇可能要用好多語氣詞同你哋講嘢，
或者細心解釋每個字嘅含意，

我心目中嘅巴打絲打嘅轉數唔係太低㗎，

千祈唔好有種被害妄想症或者被攻擊妄想症，
大家三九唔識七，我一係唔答你嘅啫，冇情情鬧你做乜嘢。

由開始，覆咗咁多個，今次第一次覺得自己有啲勞氣🤦‍♂️🤦‍♂️🤦‍♂️🤦‍♂️

所以我就本身鍾意覆連登上面呢度，唔鍾意覆TG就咁解。

都係連登上面啲巴打絲打穩陣啲👍👍👍

男 1996 6月6 1449
想問下事業同愛情
謝大師

唔好俾異性搵笨，
成世都要記住。

想學業好多啲同媽媽飲茶多啲陪下佢。
如果得嘅話。

出年先搵男朋友，佢會收收埋埋，但OK正。

而家係外圍幫你唔係你自己，學業叻仔。
俾啲心機啦，難得連個天都幫你，幾唔鍾意，你都要姥姥瀝瀝搞掂埋呢個學業。

我反而想你有嘅時候擦亮眼睛揀清楚，
揀得清清楚楚，
唔好走寶，但唔好執咗個籮底橙。

係咪聽落去一頭霧水。

你成個人生都貫徹住好強力嘅考驗完全唔顧及你嘅承受能力。
一世都會係咁，
有時候仲要結達達整一鑊俾你嘆，我都鄧你有啲慘。

為人大愛付出少回報或者叫冇。

但你俾佢好嘅地方就係我想你搵到你命中注定過一堆。

謝謝大師

多謝你，我最近係工作上都真係覺得有好多磨練，希望我可以處理得好從而會有更好嘅發展空間

唔該師兄，其實做人父母都係邊學邊做，每個父母都希望可以教好自己小朋友，等佢將來做個好人，唔好行差踏錯，養兒一百歲，長憂九十九，而家先知以前父母幾咁辛苦
同埋我仔午時出世，同又係白羊座，我都驚佢又硬頸脾氣又臭，好難教，但盡做啦，另外師兄有無啲大方向透露下，即係佢讀書還可以嘛？
事業運如何，thanks

我上面同你講嘅嘢係貫徹佢成個童年運㗎，
甚至直接影響到佢個學業同埋往後事業嘅發展，
係牽涉到改運。

係經過運算出嚟嘅嘢，就算你俾錢人哋都未必會同你講
你以為係普通嘅生仔育兒經？

我俾咗10 kg嘅黃金俾你，你係咁問我攞個$20利是？

我唔係教你去教仔啊，講明系八字，我叫緊你做嘅係運勢上面嘅補充。


如果唔係見在小朋友咁細，你要聽到我第一段嘅嘢，或者你出邊俾錢要聽到第一段嘅嘢我諗十分困難。

八字唔係話純粹普通學業順利，
事業有啲乜嘢，
呢啲先叫做好㗎，
同你講呢啲去廟街聽得到㗎啦，最垃圾就係呢啲意見。

如果我唔係見呢個細路仔可以，我上邊呢段，我連打都費事。

呢個細路仔有運，所以令你遇見我，想跳高幾格，
跟住講緊佢就係你嘅家運，能唔能夠用到佢，令佢可以跳高。

真正運用八字，唔係你睇平時見到嘅嘢嚟㗎，我打識八字三個字唔係隨便打。

今年睇唔啱咩，唔准呃我喎。

將你嘅使費享受轉變成你嘅資本同埋手段，咁先至對你真正有好處㗎。

唔准太囂張，就算係都唔准你表現出嚟，記住呀。

今年我傾向你係將女人變成機會同金錢。
唔知你今年有冇本事做到啦。

你鍾意叻女唔緊要，最緊要你要騎得住喎，唔好到時候做老婆奴😂

25歲到35歲你應該係好多你啱口味嘅係你身邊㗎喎。
一個都睇唔中？
我想你35歲之前快啲搵到佢，可唔可以？
22，23年，都得。
但如果對你好嘅我鍾意二二年嗰個。
那林去捐下錢做吓善事啦

男朋友呢類型成咗生命中都唔會缺㗎啦你，
我淨係要求你簡稱揀錯你先至好制。
Playboy其實真係唔適合你㗎，
或者叫做隱性Playboy，你一定要用掃描器數清楚。

同埋麻煩你個底層性格可唔可以將懶呢個字踢走佢，唔該你啦。

原本上年有技巧你應該好多不得了，你應該唔係衰你應該係受制得好犀利，啲試卷好似唔使錢咁俾你。

好死唔死仲要有破財格，一齊過嚟都幾辛苦。

但係應該有啲月份你會發覺好似1080度轉變個喎。
所以話如果有技巧你今年應該全部都係轉變嗰個感覺。

治標嘅方法系你要去捐錢不定期，不一定數量。

但我可以同你講唔關犯太歲事，唔係因為你個生肖出事 。