識八字 你問我盡答2

收到！謝謝

女仔 漏咗講

你出年轉大運，未拍拖嘅會開始有啲正經人家對象出現㗎喇，
甚至可能喺呢個10年裏邊大機會結婚。

揀個好啲嘅，要符合你心目中嘅老公人選，
呢個老公會幫到你。
記住一定要符合你嘅口味，呢個係重點。

原本想同你講下年開始，但我直接話俾你聽應該由而家開始你要開始俾心機，

你嘅人生同事業就係睇呢10年，呢10年將會係你成個人生裏面最重要嘅10年。
究竟係龍係老虎，定還係蛇仔貓仔，就睇呢10年

你嘅晚年唔係咁好，要做好任何要做到嘅準備，
早啲規劃，早啲安排。

唔該巴打會努力掙扎下

對唔住呀，我單身呀，想問吓我仲會唔會有姻緣，唔該

唔該我，就用推文回覆呀嘛，當氹下我吖嘛

我提醒你一句，會有人同你講話你老公係有錢或者叫做有啲，你千祈唔好淨係揀有錢做重點，

一定要揀要符合你心目中真正嘅要求嘅男人，
根據你個命格，除咗有機會搵到個可以嘅，仲好大機會命中到潛力股，
而且呢種潛力股會同你嚟得持久啲。

我講緊你心目中要求，係你嘅心目中真正要求，唔係睇嗰啲19號雜誌搵返嚟嘅港女要求。

慣咗手勢推多次

88年4月30 13:20 女
想問事業同姻緣,Thanks

明明地唔該晒
我會乖乖哋 做好自己嘅
因為你咁講我都知之前做過啲咩錯事
但其實我本身個性格都好優柔寡斷咁
好難好堅決咁決定一樣嘢可以點改善

只要你唔好諗埋一邊，同埋偏科嘅話，我唔相信你學業對於你來講有太大難度，容易一定講唔上㗎啦，但係付出會有回報。

我反而要提吓你，你嘅獨特人生觀同埋你嘅獨特特殊嘅審判能力，盡可能地要同呢個社會接軌，如果唔係你就將呢一套收埋喺你心底裏面，做出嚟要正常啲。

平時冷靜係冇用㗎，到跳制嘅時候有自控力先係叻仔，希望你聽得明我講呢段說話。

28歲之前你都唔使旨意有暢順，數得到、睇唔到，唔錫住你嘅挑戰同問題多籮籮，但我對你有信心，

盡可能唔好白做呢啲無謂嘅難題，嘗試喺呢啲難題裏邊搵方法去解決，當裝備自己，要學識點樣醒目咁解決問題，

夠姜嘅，直情搵d挑戰俾自己，揀一條有前途，但辛苦嘅道路，尤其係嗰啲前面辛苦後邊有果實嘅，
當然呢樣嘢要睇你自己對自己能力嘅認知啊。

好彩你醒目補返個性別，有男朋友未必一定係女仔嚟㗎。

性格上面一定要改，或者叫做唔好表露出嚟，尤其你把口，我知你唔擅長做戲，但要做起上嚟對你應該冇乜難度，你咪當表演囉。
將你嗰啲急才，同埋攻擊力放喺你個腦筋上面。

呢個男朋友都頂得到你三年啦，有啲時候呵護下佢啦。
不過我相信入得你眼既男朋友都唔係省油的燈嚟㗎。

本身命格財富滿地，可惜有個敗筆令到你個能量去咗做制約你嘅方向，成日出現一啲好嘅機會，但咁上下又會變成咗搞到你。

原本可以坐喺度等機會，變咗做而家你要去爭取，用你嘅創意同付出你嘅努力去得到財富。

今年就一定難捱啲㗎啦。

我幫你睇咗後面嗰兩年，稍為會舒服啲，但你第三年就會轉大運，代表交接呢一兩年都會出現混亂，
變成你唞氣冇唞得咁大啖。

跟住你會進入左下10年大運，呢10年唯一嘅好處就係男人唔太缺，壞處就係你會面臨10年嘅強壓挑戰，你冇睇錯係強壓。
一定要擇定個馬預備定，要有一定嘅心理準備。

所以後面嗰22 23兩年好重要，但偏偏呢兩年個氣會撞，你只要小心啲選擇唔好種地雷基本上都會有好嘢。
至於點去操作就睇你自己啦。

1995 12月30日 23:33
香港出世 女
想知黎緊感情同財運，唔該🙏

補返而家係日本 同 係單身

補返 拍緊拖🙏

男 16/11/1995 18:30
事業/財運
麻煩哂!!