識八字 你問我盡答2

1999年7月16 寅時 女
想問學業/事業 愛情
唔該師父

sorry㩒錯不推文回覆，推翻先

你一定要清楚我嘅立場，
就係我提供嘅意見全部都只係以功效為基準，
呢個係超級大嘅大前提☝️

完全唔關親子關係，或者道德倫理上面嘅問題。

有啲人未必一定要同爸爸媽媽相處好好嘅關係，
但通常嗰啲佢哋嘅親子關係反而冇問題，
甚至分分鐘佢哋嚴爸爸媽媽對佢關愛得太多添。

另外一種就好似你咁，
你需要對特定嘅六親眷屬要保持一個好嘅關係，
但通常呢類型嘅人，
一係就係嗰一位過身，一係就係好似你咁出現咗好多拗撬嘅情況，
當然亦都有佢本身運好，出現反差，
嗰啲就真係值得慶賀。

但呢類型嘅嘢我哋唔需要探討，

等於我每日叫你起身對住個太陽跳三下繩，
第一次做你覺得好戇居，
但你發現做咗兩三次之後你好好運，
我唔叫你你自然會識做。

係你媽媽呢個情況都係一樣，
若然你連戲都唔想做嘅，都仲有一個折衷嘅方法，
請佢食嘢，飲茶又得或者買啲佢鍾意食嘅嘢又得，
若然佢有煮飯嘅習慣就仲好，
你負責買米俾佢，要以佢食落肚為基準，
又或者你買一啲佢一定會用到嘅用具，
例如風筒，
只要做就得啦，

係我角度，只要你達成左某類型嘅條件，你就自然可以過到關，你當打機咁就得。

反正你喺呢度問得我，
我個中心思想，係以你嘅生活、生命、命運變好為基準。
至於嗰啲情感排泄、關係共融，我唔會考慮呢啲嘢，
所以我成日強調唔好將我講嘅嘢當係雞湯，
全部都係命理嘅意見嚟。

收到曬會再諗下應該點做

有門手藝咁，手工藝、珠寶行業？

唔需要開命盤啦，

只要你各方面資質符合，點會可能冇機會啫

政府工咁多，只要你一心一意嘅，我同你講冇可能你都唔信啦。

自己了解咗自己之後，認為做政府工係比較適合嘅。

就唔好再諗其他嘢，

搵份工作做住先，要生活㗎嘛，跟住就去考政府工

搵算命嘅同你講唔得，
你走咗去私人市場發覺10年蹉跎，居然唔夠政府工跳point，
嗰個時候冇仇報㗎。

點解要問學業啊？
只要你肯俾心機唔會太大問題㗎喎，
當然除咗你懶同偏科除外啦。

俾個貼士你，要養成帶水樽出街嘅習慣，
細細支就得㗎啦，支水樽唔可以淨係攞嚟睇仲要攞嚟飲，
如果冇嘅喺，出邊買支就一定要買蒸餾水。
尤其考試一定要有喺度。

愛情方面，你太細個啦，命中嘅機會率會比較低，
唔代表冇啊當然就，
但我俾個貼士你，一定要揀個好錫你，任何條件都好以錫你為優先，如果唔係好易中咗啲仆街，
你有少少吸渣嘅體質

如果呢個係你嘅真實八字你近年嘅人生都幾灰暗。

做一啲對人嘅工作，不論係同事還係客人越多人越好。

如果唔係乜都冇計傾。

政府啱你

打錯，政府工唔啱你。

似乎是文化人，教師？

讀書辛苦啲，可能個制抓成都要俾人付出多少少，
但又唔係唔得，辛苦啲。
千祈唔懶同貪玩，如果唔係會連唯一剩低少少嘅讀書運都會磨蝕，打天才波對你個難道唔大，但問題冇知識儲備，一啲比較需要實打實在嘅科目，就會變成你嘅弱點。

係讀書就專注係讀書，係工作就專注係工作，我唔會覺得邊個抉擇係錯，但最大問題好容易會兩頭唔到岸。

做人有時候唔好習慣做牆頭草，有時自信唔係源自於三五成群，
而係源自於你自己嘅底氣，至於呢種底氣係學識係財富係信念，呢個就睇你自己。

只有倚靠自己先至長存不朽，靠人，未必一定靠得住，呢句說話擺喺你心底裏面。

做嘅時候就當然係稱兄道弟。

辛未 年

戊戌 月

壬子 日

丁未 時


睇過下師父話我喜火木運 用食傷剋我啲過勁官殺 但上網睇又話用印洩 又有d話我從弱
日主點都唔夠勁 有冇巴打指點下

其實如果你純粹係對要邊個五行有着數嘅，
你係唔需要問任何人，因為你都問咗好多人到而家都仲有疑惑，
就算我俾你更加多嘅答案，認同邊一個都好，還是係有新嘅方向都好，你都只會係繼續問落去，
無日無之，我覺得就嘥時間。

你辛未年，一係就1991年一係就1931年，我當你1991年今年都29 30歲，我當你一百歲唔死你都過咗人生差唔多三份一，

咁你咪對應返你經歷過咁多年，邊啲年份對自己特別好，再睇返佢嘅五行，咁咪知道你要啲乜嘢囉。

任何一個人佢個理論講得幾好都好，喺你身上邊吾對應嘅就冇意思，

除非你純粹想聽人鳩噏，有鋪咁嘅引。

如果純粹以功效同效果為主，我諗上面嘅方法，會係最快靚正，同埋好肯定你經歷過，冇任何人可以質疑到你，

最適合你嘅答案☝️

師父你好
1998.12.24 女早上8點
想問事業姻緣 單身 thank you

中肯唔該巴打真係睇到人都癲 愈睇愈亂

多謝師傅，我會留意一下

有老公自然就好多嘢都暢通咗。
當然要同佢關係好啦。

如果媽媽仲喺度，我唔理你做戲又好真心又好，
要同佢關係非常之唔錯，
多啲買野比佢食，多啲買野比佢用，錢反而係其次。

你做呢兩樣嘢就可以突破你命格上嘅困局，
如果唔係你只會為錢財奔波，出入唔均勻，

反正就麻麻哋啦

叻女👍 你只要知道咩叫做智慧、咩叫做精面，
口可以傷人，都可以冧人，
貴人定敵人都可以由把口轉變，
我認為你值得更多貴人，你覺得呢？

早啲諗得通，早啲可以成功。

非常感謝師父

咁係咪應該個人識趣圓滑啲，要識巧言令色，即使心入邊唔係咁諗？
因為自己其實好唔鍾意講客套說話，
成日覺得只要有實力，就唔洗睇人面色講嘢，
實話實說先係最好。

依個心態係咪正正我事業上嘅阻力？

人哋唔知我講咩，你應該好有共鳴，反照一下人生，你應該會知道有啲嘢，跟我講嘅，會令你行少好多彎路。

其他人我要打好多字，你，我唔認為需要太過長篇累贅。

你入得腦，肯思考下前面嘅路，你自然能夠決定到跟住落嚟點樣行後面嘅路。

唔好唔記得我頭兩個字係 叻女。