識八字 你問我盡答2

女 1992年12月17 16:53
想問下事業 財運
唔該曬

感謝巴打！祝你身體健康，心想事成

等五日又如何？
若然唔等得，作廢就OK啦。

我一路順序福落嚟，
你冇睇到我覆到第幾日咩？

一生挑戰無限，而且個挑戰來得強烈加埋有衝擊，
但若然你能夠接受到呢個挑戰，
運用到你嘅小天才，佢將會係你踏入成功嘅關鍵。

但我有樣嘢唔明，
就係你有一種同自己作對嘅心理變態，
明知係好嘅都會做咗唔好嗰邊，
好多時候你會發現容易衰衝動，

如果你可以留意到呢個問題或者叫發現到呢個問題，
能夠用到自己嘅意志或者習慣去更改到佢，
咁對你來講會舒服好多，

真係唔得就只能夠透過命理方法，去做處理，

未來兩年係你搵食嘅兩年，記住係賺錢，你要全心全意去賺錢唔好諗其他嘢，

喺原命上邊我唔睇好，因為你有整到自己黑仔嘅特性，
最慘係你自己整到自己黑仔。

但你睇完我呢啲嘢，可以更改到你選擇嘅取向 同埋習慣，
咁你未來兩年就有機會攞到你應該攞到嘅嘢，

如果唔係只會為錢奔馳，
人哋就左手嚟右手去，你最差嘅結局係左手比右手比。

成篇嘢嘅重點係上邊嗰度啲嘢你要去做，唔係下面話俾你聽呢堆疑似有可能發生嘅機會率。

感激巴打解答我會留意下的

推番文回覆

任何有關移民嘅問題都唔回答，已經提出過好多次，因為牽涉到轉地運，無疑係二次投胎。

現今科技，就算有剖腹生產，都唔能夠保證孕婦100%安全，或者嬰兒能夠百分百順利出世。

放喺移民亦都係同樣面對一樣問題，

只不過你哋已經成為一個成年個體 ，並且牽涉到呢個世界某部份嘅因果，
除非係超大型意外，如果唔係都可以掙扎一下，死唔去，死死地氣翻返嚟。

當然有啲死死地氣咁，死咗喺嗰邊。

所以我當佢係生死事，但出邊10個有九個半師傅只係好輕微咁去推論一下就拍心口，講到自己計咗好多嘢咁。
根本就睇唔起呢件事，只係為咗收多啲錢而吹噓出嚟。

當年不論賣豬仔、還係勁有錢去移民，一樣面對到 “客死異鄉” 呢件事，

咁既然賣得豬仔，即係唔到佢選擇冇反抗嘅能力，可以講得上係命中注定一定要過去啦，一樣要死。

咁勁有錢過得去，即係代表運勢強勁啦，就算運勢強勁，都一樣要死。

我只會比大家一個忠告就係，若然你哋成功移民，搞好晒你所有嘢之後，一定要喺嗰邊報讀一個課程，
就算係政府嗰啲，唔使錢，學ABC嘅，都要報，
網上上嘅都唔緊要，
跟住你先好過去，
呢個係一個保命嘅秘訣‼️

唔係叫你上完先至過去，亦都唔係叫你過到去先至報，
而係喺香港呢邊報咗名，到時過到去嗰邊先至上堂，
呢個概念你哋要好清晰☝️☝️☝️

真係唔得嘅，就過到去先至報名，但你會有一個陷阱位你要應一下，至於係咩我就唔講喇。

思維向你需要嘅地方散性思考
呢句唔係好明
即係總而言之做好自己努力向自己鍾意嘅方向出發？

思維唔使解釋啦，咁咩為之你有需要嘅地方先，你想唔使做嘢，呢個唔係你需要，因為唔使做嘢唔會對你有任何得着。
但你係咪需要搵錢，咁呢個又算唔算需要，因為冇錢你咩都做唔到。
咁就要解釋咩叫做散性，咁散性個相反詞係乜嘢啊？
咁你做對比之下，你又有冇理解到？

都同你講咗唔係雞湯，你最後面嗰一句同啲正能量雞湯有咩分別呢。

同埋唔好睇小第一句，呢個行為係纏繞你成世人，你能夠搣甩咗佢，代表你唔受你命格裏面嘅一種負性影響，即係純粹另外一方面產生進化，用你嘅行為同習慣，扭轉左一啲壞嘅影響嘅演變，

好似數碼暴龍咁，佢唔向嗰邊進化，自然就要向你想要嗰邊嘅進化，
以上面個三點，就係你呢隻數碼暴龍，唔可以犯嘅錯誤，同必須要做到嘅嘢，咁就唔會錯誤進化，重新玩過。

所以有時候改變同做咗一啲你認為好似九唔搭八嘅嘢，但都能夠改變到你運勢，

就好似你做善事，會帶來好運，其實呢件事都好九唔搭八，你幫一個人，其實佢受咗幫助係唔關你事，嚴格嚟講，係佢得到着數，對你嚟講，你係冇咗一啲嘢，不論係時間定金錢，

但偏偏呢樣嘢就係真係見到有好嘅變化，例如啲什麼好心好報，功德陰德福德，你可以話其實係吹出嚟，全部都係一啲冇辦法量化實際見到嘅嘢，
但偏偏呢一啲睇唔到嘅嘢，又的而且確係老一輩定呢一輩都有好大部份嘅捧場客，
點解呀，就係因為有效囉，你唔使聽出邊千萬個解釋啊，最主要做完之後你有效果吖嘛。

咁既然做呢樣嘢都有效，你係直接改變你嘅心理變化，同埋強制要你修改你嘅行為，再限制你嘅能量消耗導向，以對你成個命運造成修改係一件好合理嘅事情。

當然有更簡單同舒服方便有效嘅方法，但條命係你嘅，你發達我又唔會有着數嘅，咁係咪應該你要努力啲去為自己爭命，而家你可能付出一件善事或者要花費腦細胞去諗，咁係正常㗎，郁下個腦啦。

所以你要努力啲參詳我講嘅嘢，同埋去做。
強調多一次上邊嘅唔係雞湯，係命理結果。

唔好意思啊 但好似skip咗我🥺🥺

2002/8/24 中午12點
想問下愛情同學業～麻煩曬你！

想問同男朋友姻緣如何，
一齊咗4年，有無機會呢一兩年結到婚
我1997年8月8 夜晚10點35出世
佢1996年2月19 時間靜係知中午

感謝你

2002-8-15 1340
想問一下學業，事業，愛情

男，麻煩晒🙏🏻

女仔！唔好意思唔記得講！

女唔記得講埋

一早已經聲明咗唔會做合盤，至於原因都講過好多次。
所以唔想你花時間等候。

如果你真係好有心想知道了解一下，我見你入咗TG群組，你喺個群組度睇吓我打嘅文章可能已經幫到你。

當然你好有心機嘅，可以喺連登呢度自己數上去，我都有打過出嚟。

補返我係女

巴打，咩叫做感情啫，你結婚、未結婚、有拖拍定單身，
你今年就41，你唔係要我逐年睇吓你個感情狀況點樣，去推論你而家嘅感情狀況掛，

俾錢都唔同你咁玩法啦，更何況你唔係俾錢。

想知道嘢就盡量俾多少少資料，減少工作量好唔好。

醒目仔要運用返喺適當嘅醒目度，
得罪人嘅嘢做少啲，將聰明才智放喺搵食嗰度，
做人圓滑對你冇難道，
但唔好咁懶唔去做，好唔好，聽我講。

俾人感覺身光頸靚冇用㗎，最緊要真係荷包滿滿，
有冇錢你自己應該知道，多啲為真銀着想。
其他嘅浮雲反而唔需要太執着。

有膽食，但冇貴人，冇用。所以一定要小心自己言行，只要你肯做我相信唔太難度。

你見我打咁多字，圍繞着個重點都係係你自己度，
俾心機，係差呢度少少啫

唔會缺乏感情，一定要揀清楚先好去，如果乜嘢都啱嘅話，好容易會有再婚，要真係符合你自己心目中嘅要求。

即係唔係叫你限制自己，但千祈唔好放縱自己，不論係慾望還係飲食，你有變成肥婆嘅特質，千祈唔好啊。

錢銀嘅嘢自己打理好少少，唔好忽然之間俾人呃錢。
得閒行過做吓捐錢，當應咗佢。
又可以積德。

捱到29歲啦，之前嘅話全部都要冷靜啲處理任何事，我唔係要你保守，我係要你冷靜地處理，明就明，我希望你唔明，唔明即係代表你冇經歷到，反而係好事

29歲之後，如果有因緣際會，你要俾心機。

感謝感謝