識八字 你問我盡答2

咁識問問題嘅，批流年呀

財來財去，無女嘅要同人爭，有女嘅睇住戴綠帽。

你推返文就答下你。

你記住，你要得既任何野都緣自於人緣。

永遠你都要入腦。

你吾好成日轉，個環境自然吾會轉。

1993年4月29日 朝早10點正
男命

想問事業
今年移左民
同時搵到一樣真心好鐘意既興趣
重要到好似生命咁重要
想問有無機會發展成事業
同埋呢幾年一直過得好差 好迷失
想問幾時有d轉機
感謝

小心變肥婆，慾望享受方面要有自制力，當然我唔係話你而家冇呀。

今年應該有啲出現，至於你睇唔睇上眼或者過唔過到電我就唔知喇

出年會有啲勁啱你口味嘅出現，要唔要睇你自己啦

你條命最麻煩嘅地方就係要靠合作要借力，
但同時你都要提防，
呢個平衡遊戲點玩就睇你自己識唔識玩。

不過對於你嚟講唔係太過擔心。

唔開你命盤搭你，

鍾意份工，有前途嘅俾人屌，你都要繼續做㗎啦，
邊個成功人士冇俾人屌過姐，我意思係把口啊

又冇前途又搵笨柒嘅，連辭職嘅勇氣都冇，講條鐵咩。

唔開命盤答你，

咁你有冇本錢啊？足唔足夠本錢可以自己做老細啊？
我指本錢唔係淨係錢喎，
包括埋學識、膽識、技術同埋資本。

你九九年出世，如果你個腦冇任何缺陷嘅話，
我相信你係應該會有學習能力嘅。

如果你個八字可以延伸到你嘅屋企人，
咁可以推論，成個家族幾千人好，幾萬人好，一個八字就可以推晒啦。
仲要知道晒個家族未來運勢喎，

據我所知以前皇帝搵返嚟嘅頂尖分子都做唔到，
我冇本事同佢地比較到。

男人老狗講心有愧，呢頭又話睇吓抖咗好多年，仲要講吓未來屋企狀況點樣，
想睇吓可唔可以緩解到你嘅心有愧？

巴打，你個膊頭喺邊度啊？

唔開命盤答下你，

同而家同之前定同任何一個對象拍拖，

小心啲選擇，

最重要嘅係，在乎溝通與關懷，

唔好當廢噏啊，你發現其實就係咁樣㗎咋。

你呢種正式無錢又困擾，
就算有錢都搵嘢嚟自己煩，

今年如果冇官飛、冇俾人恰，就當大步攬過啦。

但睇你有冇本事捉到機會啦，如果唔係今年應該食到啖飯。

嚟緊呢兩年千祈唔好懶，會有機會，不過唔係嗰啲坐喺度餵俾你食嘅，
真係要做，差在係用隻手去做，定用個腦去做，

唔好淨係覺得順順利利、舒舒服就算喇，呢兩年，
捉緊啲時間，因為正常嚟講已經入咗運，

做唔到呢兩年，轉咗35歲大運，你仲煩。

多謝師傅
好彩今年暫時冇官飛,冇俾人恰,希望今年剩返幾個月可以大步攬過
不過今年都真係食到啖飯,個人都定D
明白,呢兩年會好好努力,希望呢兩年搞得掂,35歲後可以退休,煩少D啦

男 1989年6月9日 1400左右

想問問財運 thx

Sorry用咗不推文 推返先

男 1991年10月5，早上10點左右出世，想問黎緊事業發展。多謝

你仲唔了解你自己咩，做咩咁睇小自己，
只要你想，脾氣上咗嚟，有咩行業你做唔到呀？
唔好同我坳啲專業職業啊😤

我只係要話俾你聽二三年開始，你一定要死做爛做，希望你10年你搵到食，係要必須做 不論係個用腦，定還是用對手。

跟住有10年你會破財，到時你記得養成捐錢嘅習慣，不定時，不定量，睇緊啲你個銀包我相信你應該搞得掂

姻緣呢啲要問你自己喎，你嘅眼光，符合到你要求嘅，你同人哋相處嘅時候你把口，
我諗呢啲先至係你需要注意嘅嘢吧，

自己要知自己事呀，勇敢啲面對，反而喺裏面可以知道點樣處理，同埋面對到嘅時候應該點樣做，

如果連你自己都冇辦法真正接受到自己，同理解到自己，咁會出現錯判就得不償失

1999年8月13 女 時間凌晨3-4點左右
想問下愛情、財運同埋事業
唔該曬打巴打 好人一生平安

um但我依家已經有男朋友
我主要係想睇婚後個啲 有冇咩要注意

你個問題同你而家問嘅嘢，除咗個”想”字，請問有邊一個字係一樣㗎？

定還是你覺得我會不斷咁推算晒你成條命，
然後再估你究竟捉唔捉到當其時嘅緣份？

跟你再開幾個盤同你執到靚晒，

然後 估你真正問啲咩。

先唔講呢度唔收錢當公益咁做，

當收你錢都唔會咁同你去做啦，
一係你睇返我之前打緊文章，客觀啲去望吓咩叫做為之算命。

究竟個概率遊戲係點玩，

如果真係八字咁堅抽啊，
乜鬼都係整定呀，

淨係算你今日入去買嗰一千張六合彩中唔中，邊張中，咁我咪可以中六合彩頭獎囉。

又或者你買邊隻股票，贏嘅跟你買，輸嘅買你對家。

買馬又得，我諗好多巴打都諗到無限延伸方法。

你明唔明我講咩？

你哋嘅問題尤其係姻緣全部都要比足夠嘅資料，
例如單身、結婚、拍緊拖
如果唔係我一概當單身。

我唔會同你推斷晒成條人生究竟有幾多段姻緣，
你又成功把握到邊幾段姻緣，
又或者你哋段姻緣可以堅持幾耐，

呢個只係一個概率遊戲，冇話百分百㗎，
就算當時候你桃花旺到一個點，
你身邊出現咗所謂嘅一堆真命天子，

我淨係問你，人哋同你示愛你一定要受？
你同人示愛人哋一定要受？
定還是上天會連你嘅行為語氣講嘅嘢都可以控制住？

我諗你都試過因為對方一啲嘅小事然，
之後將佢哋入黑名單啦，

你今次準備嘅嘢充足啲，或者個題目開淨你個飯，
咁係代表你個成功機會率大啲，
唔係代表一定成功，

放喺做生意、事業、考試、拍拖，
全部都係一樣。

同樣地，你哋都應該見過好多人符符碌碌，
過到好多嘢，得到好多嘢，
咁人哋機會率細，亦唔代表一定唔得，

咩都整定晒，

如果唔係點同你地改命？

如果唔係點叫你哋做完之後你哋命運會有改變？

如果唔係你哋點樣由差變好、由好變更好？

我講緊嘅唔係感覺喎，而係你見得到銀行數目簿、升職加人工、係咪有異性多咗接觸或者相處、係咪着數多咗，

至於心靈雞湯嗰啲就等你個心靈去飲，

我個人比較現實，我淨係想睇到啲真係有嘅改變。

當然有啲人純粹求安慰就冇得講啦。

我同一段說話淨係呢兩款人，個接收已經唔同，

尤其係接受免費資訊，

有啲會跟住做，有啲當心靈湯睇過，

喺你笑哈哈嘅時候，得唔到真正好處嘅，只會係你，
唔通你賺少咗錢我會肉痛？
還是你食緊段爛姻緣我會着緊喇？

俾啲心機、俾啲努力、俾啲掙扎、俾啲膊頭。

今年就嚟過㗎啦，又搭入下一年，啲氣已經轉緊，對於某啲人嚟講係一個機會，對於某啲人嚟講係一個挑戰，

若然你心裏面係有嘢想做，
或者係有某種志向放，

你自己唔夠硬正，冇資源、冇地位、冇能力，任何嘢都做唔到，亦都改變唔到。

自己諗諗佢。

明白 唔好意思

份工有挑戰，好奇最後會唔會堅持定轉唔同方向發展，

巴打，呢啲唔係取決係你手度嘅咩？

我話係同唔係有影響咩？

直情冇需要開命盤啦。

答你唔係，命中嘅機會率大過9成99，除非你成世都唔轉工嘅啫，你用一世贏過一個percent都冇，都抵唔中啦

正宗克夫命，除非你老公條命比較配合到你，
若然你哋兩個真心相愛，千祈唔好俾人批八字，
尤其你老爺奶奶。

假若真係結婚小心你老公身體，尤其啲特殊年份，佢身體弱啲都俾你整死。

不過我驚你諗埋一邊去做lesbian就真。

若然有另外一半，尤其鬧交嘅時候唔好講啲嘅頂心頂肺，你以為係正常，但其實仆街到狗。

你睇在佢同你結婚係冒着生命危險嘅關係，你就讓下佢。

揀清楚先一齊，唔好一齊之後就三心兩意，跟住就推落去對方不是

我會勸你一係就唔好認真一齊，如果一齊就最好認認真真。

你講你隨緣贈我幾句啊？

唔需要啦，多謝。

同你冇乜緣份。

你推文我就答返你啦，

放心啦你嘅前途以後都會好多轉變，

慢慢你就會習慣，每次嘅變化我覺得會有啲劇烈。

慢慢習慣，搵到個規律可能從中攞到啲嘢嘅。

呢幾年除非你借到長輩運或者透過合作，

如果唔係你會發揮會比較困難或者冇咁順利，

嚴格來講你同錢直頭好似冇緣份咁，

但凡事唔係絕對，自己唔夠力就借力，借力嘅意思唔代表要自己送錢比人洗，諗得到你就會開始覺得好多嘢都轉變。

巴
93年3月7
13:30 香港

今年玩股票輸好多， 工作又停滯不前，屋企人仲要下年年中移民， 留返我一個。。。

想問下財運同事業幾時會好轉， 感激不盡