當時未有仔細睇你個盤,所以我之前講嘅可能有欠考慮。講讀書先要考慮3樣嘢:食傷(天份)、官殺(自律、功名)、印星(讀書環境同機會,即係例如有冇學校收你,屋企又俾唔俾到錢你讀書之類)
上一個大運(2010-19)印星就重啦,不過你仍然冇火(官殺),地支嘅水(食傷)冇透出,即係兩樣都運用唔到。即係你唔夠勤力讀書,亦唔似有啲人可以靠天份,唔駛點溫書都考到高分,當時讀書環境好,但你冇爭取。再睇深啲,呢10年除咗14年,其餘年份想搵個火旺嘅都冇,想靠流年幫幫手都冇望
我之前講嘅你姻緣係主要講你而家呢個大運嘅未來20年,之前冇睇,係講你20內可能會發生呢啲事,應唔應要睇流年
身弱唔一定係話你身體差嘅,財多身弱係講你身弱受唔起太多財,意味住你只係過路財神,啲錢到最後流唔入你個袋,又或者你只係表面有錢。你見過大陸啲「土豪」戴金錶,但原來佢只係搵3-4K 人民斃一個月嘅工廠工人未?