(借朋友ac)
各位巴絲打你好,
如果你有姻緣、工作、財運、事業問題,
你問我盡量答,
但唔包括健康、身體、壽命
一人一個問題。
但今次唔會再係免費㗎喇,
睇清楚先至問問題,
我需要你哋每人為我做一件善事,
買旗、捐錢、扶阿婆過馬路、救人一命、拯救世界或者拯救宇宙、甚至拯救銀河系,總之就有大計大啦
你留得言喺度詢問,就當你默許左,有時做吓善事好多嘢都會順啲㗎,咪試吓由呢度開始囉。
下邊嘅資料最好齊啦,如果唔係通常我都會飛
性別,
年月日時,冇時間嘅話,準確率得六到七成㗎咋
一人一個問題啦,簡單啲好啊
太過私人嘅就留言係TG,
https://t.me/joinchat/vR2JewG7zUA1ZmU1
但講明個優先次序係,
XX、連登、TG
不定期回覆,唔好吹
通常我會順序睇落去,
如果我唔覆嘅除咗我大頭蝦冇睇到,
你哋要留意係咪少咗資料,
例如冇寫男定女,或者時間,
再唔係就啲問題太過超脫現實啦,
又或者你哋問問題太精明啦,
例如用你一個出生年月日,
問晒你家族上下18代,未來一生嘅運勢。
咁就真係講聲唔好意思呀。
要回答晒 識八字 你問我盡答,
第一個嗰個,去咗1000先至係呢邊回答。
而家淨係開定先啫。