10 Like
45 Dislike
wonggold
2021-09-21 22:24:05
依段時間都有岩嘅,但人揀我我揀人,最後都係無結果
我都想35歲前可以安定,請問二二年嗰個係未指二二年先會識到佢? 定係一早已經識咗,但時機到先發展到?
捐錢好少,善事間唔中會做
想摺埋一舊
2021-09-21 23:06:09
好多人會認為係嗰一個,其實呢種係倒果為因,過分圈鹽嘅錯誤訊息。
我會認為係嗰一類型。 適合你哋,喺某一段時間,可以係某一日或者某一個月,甚至係咪一年,甚至某10年,比較大機會喺你哋身邊出現,你哋會揀得中。
不論呢個人係你已經認識還係當其時你先認識,
其實每一個人撞啱日期,就算係日子都會有桃花日。
但係你太難把握啦,
所以退而求其次先會變一個月即係有30日。
甚至有啲成個年份,都有你要嘅嘢,有365日你係咪容易中到先,
呢個就係機會率同概率嘅問題,中學有教😂
有啲更長嘅會係10年大運都牽連唔到,10年裏邊點你都得啦。
呢樣野唔單止放喺姻緣同時都會放喺事業、財源,
只不過每個人要嘅密碼都唔同。
唔好成日聽啲睇相佬講乜嘢命中注定,咁多命中注定,
今期六合彩八千幾萬,
你睇吓佢搵唔搵到個命中注定六個數目字。
wonggold
2021-09-22 00:13:58
我諗我理解到你嘅意思,凡人總係想要實牙實齒嘅答案😂
依家希望自己快啲從迷茫中出嚟
0小新0
2021-09-22 00:32:43
女 1999年7月30日
想問下事業同財運
做邊行比較好
想摺埋一舊
2021-09-22 00:35:54
然後聽嘅時候好有信心,事後發覺與事實不符嘅時候,
就嘗試搵更加厲害嘅實牙實齒,
或者聽佢點樣去兜返之前講嘅嘢。
所以好多搵食嘅佢哋,叻嘅唔係技術層面嘅嘢,
而係話術同包裝。
佢哋嘅心態就係,講吓咋嘛又唔使負責任,點知你會信啫。
wonggold
2021-09-22 01:26:14
似係感性思維發作,搵啲野嚟呃自己,等自己好過啲
人地就睇穿哂,所以就順勢而講
0小新0
2021-09-22 01:34:35
大師 唔好漏咗我
上個post太多人 覆唔到我
要改名好難
2021-09-22 01:46:42
想摺埋一舊
2021-09-22 01:49:11
有心算無心,自己清楚就得㗎啦 ,
放心啦跟住我開頭嘅去做,
會容易啲攞到你想要嘅嘢。
既實際又有用,唔需要捨近求遠。
裝睡的豬
2021-09-22 01:56:18
好奇想知道本命究竟會影響人啲乜?同埋點樣睇
想摺埋一舊
2021-09-22 02:02:16
另外我再比多個貼士俾你,
記住你一世人都要忌水,千祈要忌水。
你想你有如意郎君,同時生活美滿,事業愉快。
水係陷阱唔好中招。
我見你睇得明我嘅嘢,記住要用心記住。
2022年,着緊啲,我比較鍾意2022年。
2023年都可以,但我都係鍾意2022年。
俾心機啦。
記住間唔中一定要做吓善事。喺你嗰度係有需要。
happynana
2021-09-22 09:35:46
1990-10-17 19:00
想問愛情同事業
最近遇到個大我五歲既男仔,唔知有冇機會發展…
要改名好難
2021-09-22 11:46:30
劍客浪心
2021-09-22 12:47:23
想問如果 日期 時間 性別一樣
係咪睇返你啲回覆就得
想摺埋一舊
2021-09-22 13:29:38
咁你睇我嘅回覆,你覺得解唔解答到你嘅問題?
如果你覺得啱用嘅,你就當係你自己,
最緊要係幫到手。
如果認為係唔啱用嘅,咁咪即係唔得囉?
幫人嗰個係我,俾人幫嘅係你,我幫就幫咗啦,
你感唔感受到,受到幫助,呢個先係重點☝️
望完我嘅意見,如果覺得有用嘅,就跟住做,
如果覺得可能真係唔同嘅,你咪將問題放喺度,
可能輪到你嘅時候就再搭你一次。
一切都係要問你自己。
想摺埋一舊
2021-09-22 13:41:05
將你口才好嗰度,盡量發揮係談話技術,唔好間唔中俾支飛劍人哋嘆,因為你個感覺俾人好中肯,所以你呢啲飛針,喺人哋眼中就變成左火箭炮,記住呢樣嘢先。
我想你將你嘅諗法,同埋一啲天馬行空落到地嘅嘢,
盡你能力去發展,
人哋睇唔會明呢句嘢,你睇,你係需要明白☝️☝️
你反而冇另外一半?你身邊啲女仔冇戴眼鏡啊?
唔合常理。
想摺埋一舊
2021-09-22 13:46:57
我唔理你對金錢幾冇渴望都好,
我都希望你努力啲搵錢,
只要有錢你就通架啦。
朋友你要分清楚邊啲係hi bye fd,
邊啲係知己,
資源你要識得分配有時候,
你付出,人哋未必感激你,
當左你係水魚,你又唔開心,
只要同人合作嘅嘢你就要小心你嘅成果俾人瓜分或者少咗。
女人嗰度自己睇緊啲啦,
不論係爭贏返嚟嘅,還系好似冇人爭嘅。
想摺埋一舊
2021-09-22 13:49:53
我只係需要你做一啲對應好多人嘅工作,
無論係真實見面定還係見唔到,
另外我需要你唔好懶,記住,唔係你自己懶,係環境令到你懶,記住。
係咪覺得d女既好似雙面人咁呢😂😂😂😂😂🤣🤣🤣🤣🤣🤣🤣🤣🤣🤣🤣
想摺埋一舊
2021-09-22 13:54:37
將你最心底裏面嗰種凶悍嘅氣質,變成你做嘢嘅動力。
嗰隻怪獸唔好嘥咗佢。
有諗法要付諸行動,用盡你咁多年嚟嘅腦細胞諗清楚呢幾句嘢。
你讀書唔係人哋想像中咁容易,但其實我好想你喺呢度發展落去,成果係唔錯㗎,用你嘅學歷去得到你想要嘅嘢,辛苦一定辛苦,所以你要自己取捨。
其他我唔俾意見你,我相信你。
想摺埋一舊
2021-09-22 13:57:10
一直追求呢樣,一直追求嗰樣,你有幾多精力啊。
如果許可之下,如果許可之下,
最簡單嘅方法,
多啲陪阿媽飲茶,多啲陪阿媽做任何嘢,
你要當佢係大老細咁樣去氹就啱㗎啦,
唔需要問佢攞嘢,亦都唔需要佢比野你 。
想摺埋一舊
2021-09-22 14:22:32
叫你陪阿媽飲茶,多啲陪佢哋都唔明?
紅仔頭
2021-09-22 14:26:29
咁學業、感情有詳建議?
同陪阿媽飲茶有咩關係?
大師
想摺埋一舊
2021-09-22 14:37:25
同你講你又要問,
不如你想聽咩答案,叫我喺度copy俾你咪得囉。
做咗先啦,做完你咪知囉。
更何況呢啲嘢,我唔叫你,你都應該要做多啲㗎啦。
叫你陪阿媽飲茶同陪佢多啲咋嘛,我又唔會得益嘅,
咁你都驚蝕底?
至於有咩關係,咁唔通冇關係你就唔做?