遊戲台，不如整返個分享好Game嘅Post

This War of Mine



前言：

This War of Mine 有係PC 同IOS 都有得玩，玩家要指揮戰火之下的倖存難民，建構遮風避雨的避難所，想辦法蒐集食物與資源，抵禦戰火、饑荒、寒冷與疾病的夾擊，甚至面對艱巨的道德衝突。玩家的一舉一動攸關著難民的生死，在巨大的生存壓力下，你有辦法發揮過人智慧，帶領難民們活到最後一刻嗎？

最新你買最新DLC 仲可以幫助戰火之下既兒童

心動不如行動,我就買左啦你呢?

玩法：




玩家一開始呢就會隨機抽到幾個唔同嘅難民,
咁你可以控制佢哋嘅行動例如開鎖,搵資源等等,
夜晚仲可以叫佢出去搵更多嘅資源,
又可以做仆街仔,去打劫阿公阿婆.
亦都做一個善良嘅難民.

總結：
這是一款十分值得玩的遊戲, 唔洗超高嘅技巧,
再加上IOS又有得玩,帶出街玩又得
故事多變化,人物又多,仲好耐玩


圖片： google
資料：抄巴哈+樓主格式+個人鳩UP

無睇名以為喺樓主寫

史丹利的寓言 The Stanley Parable
值得一玩 反思遊戲的價值 詳細介紹懶得打

swapper 好好玩 個結局又過癮
最好玩嘅psn only game 之一

史丹利的寓言 The Stanley Parable
值得一玩 反思遊戲的價值 詳細介紹懶得打

呢隻無玩過 但睇哂game play
的確係一流 玩落應該會似係想試哂隻game既反應

don't starve

don't starve

當大家覺得生架遊戲到左樽頸位/沒落
don't starvr就出現

Dragon's Dogma: Dark Arisen


"我們都是這停滯時空的囚奴，流浪在這永無止盡的土地上。前方有著甚麼，我們都不知道。" — 界王

前言:

Dragon's Dogma (龍族教義) 係 CAPCOM 於2012年所推出既一隻動作角色扮演型遊戲，而2013年既時間再推出其附加劇情 Dark Arisen。 Dragon's Dogma 係一隻類近 Dark Soul 系列既作品，當中既故事背景同戰鬥風格都有少少異曲同巧之妙。而 Dragon's Dogma 會係相對一隻比較容易上手，以及對玩家包容性比較大既作品。 如果玩家們喜歡Dark Soul 類型既遊戲，但又怕覺得太難玩，咁Dragon's Dogma 就係一直唔錯既呢類類型遊戲既入門作。

系統:



有異於Dark Soul、仁王系列既單打獨鬥，Dragon's Dogma 係以四人一組咁去冒險 (當然你可以減少人數增加難度)。 而當中最有特色既，就係你不單可以自創一個獨一無二既主角，亦可以再創造一隻為你而生既 NPC 隨從(Pawn)。 呢位Pawn 不單止會係陪住你成長，並肩作戰既好隊友，而佢都會作為你既代表，為網上其他玩家可以使用。

遊戲中的隨從唔係單純一個戰鬥機器，而佢係有學習能力。當然唔止講緊你可以為佢換裝備，轉職轉技能呢啲簡單野。而係你每次帶佢去打唔同類型既怪獸、任務，佢都會提升對該任務及怪獸既理解能力，然後會係戰鬥時提出該怪獸既弱點及主動攻擊該怪獸的弱點。當有其他玩家使用你既隨從既時候，佢都會同其他玩家既戰鬥過程中有學習，並為其他玩家提供協助。而你既隨從係幫助其他人之後都會為你帶來一定既收入，並有可能收到其他玩家比你既禮物。呢點可以話係本作其中一點非連線，但仍可與其他玩家交流既地方，亦係其中一個最具特色既系統。


(幫完人，就收錢！)


(右邊係展示出你既隨從對唔同怪獸既熟悉度，左邊係…越少布越多人用是常識吧？)


戰鬥：

既然上面提到隨從有學習有應對唔同怪獸既能力，咁當然都證明到呢隻遊戲要對付唔同怪獸有唔同既策略同技巧啦！遊戲既戰鬥節奏就會相對比較似Monster Hunter咁，動作會比較快同靈活，而且又可以騎上怪獸身上對佢弱點進行攻擊。雖然相對於Dark Soul、仁王之類既作品，本作既戰鬥難度會相對容易好多，但唔代表佢地都係輕易解決到，所以係隊伍組成既時候要顧慮到唔同既組合，先可以應對到唔同情況既戰鬥。而Dark Arisen 既DLC入面既怪獸亦都有一定既難度，雖然有種為打而打既感覺，但都為遊戲提升左一定既挑戰性。

而遊戲主要分左戰士、遊俠同法師呢三大主職業，加上另外六種進階職業共九種。玩家可以隨時幫自己同隨從轉職，並將已經學到既技能帶到去另一個職業身上再用。可惜遊戲技能數量並不多，實用既又少之又少，導致角色技能選擇上有啲受到限制既感覺。

故事：


(主角，即係你，鼻屎咁大粒既心臟，一開波就比龍食左)

相較於豐富既系統，故事方面Dragon's Dogma就比較乏善可陳。本為一位平凡村民既主角，因為一次保護家園既時候就比龍食左個心臟，卻被挑選成為重生者 (Arisen)復活，一邊追查真相順便手刃呢位食心巨龍！當中就穿插下主角係介入下王國既陰謀，遇上其他重生者既劇情。劇情大路兼老土，但玩家對故事入面既角色既生死都依然有一定影響力，而其中一個地方就係你可以同遊戲大部份人物建立關係，影響劇情。(其實都係一小部份…)。

而DLC 故事 Bitterblack Isle 的故事就比較簡而精，脫離本篇劇情的故事卻有一定完整性，而且亦有帶出呢個世界各種不同 重生者同隨從的感情。比起本篇，DLC劇情則比較引人入勝。

音樂：


此作優秀既音樂絕對係一大加分既地方！遊戲中既古典音樂都配合住故事追求生死謎題既劇情，甚至係戰鬥時都帶有一種史詩式既感覺。本人雖然並唔係音樂既愛好者，但都比遊戲內容既音樂所打動過，以及有注意到當中烘托出既氣氛及情緒。特別係 DLC最後一戰，當中既Ending theme 加上對最終大佬既決戰，有一種好似要成為為世人所歌頌的一次世紀之戰既感覺！

總結：

Dragon's Dogma: Dark Arisen 作為ARPG雖然稱唔上咩史詩巨作，但作為一隻比較享受性成份高的ARPG作表現則相對不錯。雖然系統、地圖上亦有不少缺點，但若果作為一隻想試 Dark Soul、仁王等高難度作既入門遊戲，Dragon's Dogma仍然係可以一試之作。

圖片： google、自己cap
資料：wiki、我自己就係database

mark 撚低先

ps2版既鋼鍊三集
無法飛翔的天使
紅色靈藥的惡魔
繼承神的少女

《No Man's Sky》自公布及推出都引來極大迴響，早前的延期事件甚至有FANS寫信威脅遊戲快點推出。遊戲剛推出時的同時上線人數最高達12萬，《No Man's Sky》賣點雖然是浩瀚龐大的宇宙，玩家沒有探索完的一日。在遊戲內你不時會遇到外星人，玩家能透過學習詞彙來了解他們的對話。玩家可前往不同的星球去探索新的物種。《No Man's Sky》製作人Sean Murray最初曾表示過遊戲能夠多人連線遊玩。

我見佢不停更新左唔少野,其實好似好玩左
睇下佢加唔加到多人MODE先

No man sky more likely to be no one buy

其實更新左好多都無人知, 依家有艦玩有得起屋仲有得渣車
可玩性真係高左好多, 不過算啦無人會理, 淨係識恥笑

史丹利的寓言 The Stanley Parable
值得一玩 反思遊戲的價值 詳細介紹懶得打

呢隻無玩過 但睇哂game play
的確係一流 玩落應該會似係想試哂隻game既反應

呢隻我有玩過 好震撼我嘅心靈

Dragon's Dogma: Dark Arisen


"我們都是這停滯時空的囚奴，流浪在這永無止盡的土地上。前方有著甚麼，我們都不知道。" — 界王

前言:

Dragon's Dogma (龍族教義) 係 CAPCOM 於2012年所推出既一隻動作角色扮演型遊戲，而2013年既時間再推出其附加劇情 Dark Arisen。 Dragon's Dogma 係一隻類近 Dark Soul 系列既作品，當中既故事背景同戰鬥風格都有少少異曲同巧之妙。而 Dragon's Dogma 會係相對一隻比較容易上手，以及對玩家包容性比較大既作品。 如果玩家們喜歡Dark Soul 類型既遊戲，但又怕覺得太難玩，咁Dragon's Dogma 就係一直唔錯既呢類類型遊戲既入門作。

系統:



有異於Dark Soul、仁王系列既單打獨鬥，Dragon's Dogma 係以四人一組咁去冒險 (當然你可以減少人數增加難度)。 而當中最有特色既，就係你不單可以自創一個獨一無二既主角，亦可以再創造一隻為你而生既 NPC 隨從(Pawn)。 呢位Pawn 不單止會係陪住你成長，並肩作戰既好隊友，而佢都會作為你既代表，為網上其他玩家可以使用。

遊戲中的隨從唔係單純一個戰鬥機器，而佢係有學習能力。當然唔止講緊你可以為佢換裝備，轉職轉技能呢啲簡單野。而係你每次帶佢去打唔同類型既怪獸、任務，佢都會提升對該任務及怪獸既理解能力，然後會係戰鬥時提出該怪獸既弱點及主動攻擊該怪獸的弱點。當有其他玩家使用你既隨從既時候，佢都會同其他玩家既戰鬥過程中有學習，並為其他玩家提供協助。而你既隨從係幫助其他人之後都會為你帶來一定既收入，並有可能收到其他玩家比你既禮物。呢點可以話係本作其中一點非連線，但仍可與其他玩家交流既地方，亦係其中一個最具特色既系統。


(幫完人，就收錢！)


(右邊係展示出你既隨從對唔同怪獸既熟悉度，左邊係…越少布越多人用是常識吧？)


戰鬥：

既然上面提到隨從有學習有應對唔同怪獸既能力，咁當然都證明到呢隻遊戲要對付唔同怪獸有唔同既策略同技巧啦！遊戲既戰鬥節奏就會相對比較似Monster Hunter咁，動作會比較快同靈活，而且又可以騎上怪獸身上對佢弱點進行攻擊。雖然相對於Dark Soul、仁王之類既作品，本作既戰鬥難度會相對容易好多，但唔代表佢地都係輕易解決到，所以係隊伍組成既時候要顧慮到唔同既組合，先可以應對到唔同情況既戰鬥。而Dark Arisen 既DLC入面既怪獸亦都有一定既難度，雖然有種為打而打既感覺，但都為遊戲提升左一定既挑戰性。

而遊戲主要分左戰士、遊俠同法師呢三大主職業，加上另外六種進階職業共九種。玩家可以隨時幫自己同隨從轉職，並將已經學到既技能帶到去另一個職業身上再用。可惜遊戲技能數量並不多，實用既又少之又少，導致角色技能選擇上有啲受到限制既感覺。

故事：


(主角，即係你，鼻屎咁大粒既心臟，一開波就比龍食左)

相較於豐富既系統，故事方面Dragon's Dogma就比較乏善可陳。本為一位平凡村民既主角，因為一次保護家園既時候就比龍食左個心臟，卻被挑選成為重生者 (Arisen)復活，一邊追查真相順便手刃呢位食心巨龍！當中就穿插下主角係介入下王國既陰謀，遇上其他重生者既劇情。劇情大路兼老土，但玩家對故事入面既角色既生死都依然有一定影響力，而其中一個地方就係你可以同遊戲大部份人物建立關係，影響劇情。(其實都係一小部份…)。

而DLC 故事 Bitterblack Isle 的故事就比較簡而精，脫離本篇劇情的故事卻有一定完整性，而且亦有帶出呢個世界各種不同 重生者同隨從的感情。比起本篇，DLC劇情則比較引人入勝。

音樂：


此作優秀既音樂絕對係一大加分既地方！遊戲中既古典音樂都配合住故事追求生死謎題既劇情，甚至係戰鬥時都帶有一種史詩式既感覺。本人雖然並唔係音樂既愛好者，但都比遊戲內容既音樂所打動過，以及有注意到當中烘托出既氣氛及情緒。特別係 DLC最後一戰，當中既Ending theme 加上對最終大佬既決戰，有一種好似要成為為世人所歌頌的一次世紀之戰既感覺！

總結：

Dragon's Dogma: Dark Arisen 作為ARPG雖然稱唔上咩史詩巨作，但作為一隻比較享受性成份高的ARPG作表現則相對不錯。雖然系統、地圖上亦有不少缺點，但若果作為一隻想試 Dark Soul、仁王等高難度作既入門遊戲，Dragon's Dogma仍然係可以一試之作。

圖片： google、自己cap
資料：wiki、我自己就係database

呢隻好野黎
感覺似黑魂但rpg感覺更重

之前有諗過玩ESO, 不過最後都係留係GW2

上面有人問過我有冇MMO推介 我都冇講出口 其實唯一一隻我有心玩吓嘅 就係GW2 但隻GAME好似好少人玩 之前都組唔到人打Dungeon

主要係出咁耐冇新Dungeon, 大部份舊玩家都廢事打, 除非要打rune... 只因賺錢方式有太多選擇
NA/EU prime time都仲係好多人

個人覺得對新玩家黎講算好多野玩，宜家買個新AC先USD$24，playhours/$ 係好高

PS: 好似今年底/出年頭想出新expansion

利申: 13000hrs，太多QoL係其他MMO都冇，我已經返唔到轉頭

打eso啦
中文漢化正製作中


利申繁中漢化主管

This war of mine我特別鍾意佢嘅人物 可能隻game想探討人性嘅關性 其實角色塑造好有心思

dragon's dogma正 但嗰陣成日俾人吹捧話叫 鬼佬樣芒亨 唔知係唔係因為咁 反而令到啲人失望 我淨係起人都玩咗成粒鐘

This war of mine我特別鍾意佢嘅人物 可能隻game想探討人性嘅關性 其實角色塑造好有心思

dragon's dogma正 但嗰陣成日俾人吹捧話叫 鬼佬樣芒亨 唔知係唔係因為咁 反而令到啲人失望 我淨係起人都玩咗成粒鐘

dd 個人覺得結局頗on9

魔獸世界

不如多啲分享單機雙人遊戲
同frd 一齊玩係開心啲

呢隻冇ps4 有windows xb1 同ios
想買嘅可以考慮特價時候買

留名

No man sky

唔記得個名
個玩法好似汪達果隻