The Swapper
前言：
The swapper 係一隻
解迷遊戲，佢有一套獨有嘅機制，然後你要利用呢套機制去解決迷團。解迷遊戲係我最鍾意嘅遊戲類型，尤其係The Swapper 呢種。
如果一隻解迷遊戲嘅level design 做得好，佢就會好似砌積木咁，要你喺限制之上擺脫限制。好多時候大家打機最怕就係卡關，但係熱愛解迷Game嘅玩家係會好渴望卡關。因為玩家可以喺呢段時間沉思，去體現自己嘅思維漏洞、感受作者鋪排嘅思考陷阱，當然最重要係最後解決難題嗰種快感、滿足感。我覺得做到呢點嘅解迷遊戲，係遊玩角度嚟講已經係好出色。
但The Swapper 帶俾玩家嘅，
唔單止係邏輯困局，仲有哲理難題。
玩法：
玩家控制嘅係一個太空廢墟裡面嘅拾荒者。佢手持一樣叫「The Swapper」嘅工具。呢個工具有兩個功能；一，複製自己；二，將意識轉移到分身。「分身」會跟住「真身」移動、跳躍。而因為佢地冇靈魂，「死」亦唔會令遊戲完結。但只有真身先可以用到 「The Swapper」。
玩家要做嘅就係不斷複製自己、轉移自己，利用分身跨過障礙、開門、啟動機關，甚至犧牲。The Swapper巧妙咁利用機關、反重、禁止轉移、禁止複製各樣元素去堆砌每條題目，
而難度掌控得恰到好處。
擊破重重難關之後你當然好開心，但同時你都越踩越深。喺你不斷分裂、轉移嘅時候，The Swapper 向你提出咗一個好重要嘅問題：
究竟你仲係唔係你。
深度：
上文都有講 The Swapper除咗要求你諗過關嘅方法，仲會誘導你去諗一啲哲學難題：
主角嘅身體要經過無數次嘅轉換先可以去到爆機，最後爆機時嘅主角，肯定唔係一開始嘅主角，至少佢地嘅身體已經徹底唔同咗。咁，係唔係擁有同樣嘅意識，就代表係同一個人呢？咁意識又係唔係一樣獨立存在嘅野？呢個可能係涉及唯物論 同 唯心論 嘅問題。
而好快，你就會諗到其他問題：到底你製造分身，要求佢俾石頭壓死嘅同時，你係
自殺定謀殺？或者再推前一步諗，佢
算唔算係一個人？佢死嘅時候有冇感受？
我地唔係哲學家，我地唔需要追求完美嘅答案。但我肯定嘅係，當你諗完呢啲問題，你再望住啲分身嘅時候，你會有
截然不同嘅感受。呢個就係The Swapper嘅深度。
總結：
其實除咗上述講嘅表面嘢，The Swapper嘅劇情令到成個議題更加複雜有趣。但為咗保持精簡，我就唔係到著墨太多。如果大家真係有興趣，呢隻GAME值得你地探索吓。
我覺得好嘅遊戲最緊要係令到玩家投入。要做到呢點有好多方法。而The Swapper就係要你思考，你玩嘅、睇嘅、讀嘅全部都係值得細味，咁你就會好不其然咁進入佢嘅世界。
圖片： google
資料：個人鳩UP
。即使係大作，都可以講吓究竟有咩值得玩，而唔係撻個名就算
。
。而係想大家興奮咁講吓鍾意咩Game同邊個部分，等其他人認識吓好Game。
。不過如果大家驚俾人話打手，可以考慮喺最後打返句垃圾遊戲，狗也不屌以示自己嘅立場嘅。
玩唔落手
