遊戲台，不如整返個分享好Game嘅Post

Punch club
hotline Miami 1,2
Inside, limbo
This war of mine
樓主好波！
等睇no man's sky

呢隻game我係隔離燈為佢開左個post 都有D人同我玩住9up

開發者/開發公司： Lazy Bear Games
發行商： tinyBuild Games(認住呢個發行商 D game都真係幾高汁)

Punch Club

故事背景簡介:
多年前一個風雨交加既晚上，係街邊一角縮埋一舊既你同你兄弟
親眼睇住作為一個拳手既爸爸 比一個紅眼黑衣人槍殺......

多年以後 你決定你亦要走上你爸爸既路---成為一個拳手
你知道你實力越強 就可以挑戰更強既拳手，你亦知道 越大既名氣(好或不好方面) 你就越大機會搵到當年既父仇人......

遊戲性:
只作簡單介紹啦
據我所知遊戲並唔係單一結局
玩家係訓練同比賽之間既事件作出唔同既反應 都會多少影響結局
遊戲都有得較難度 如果只係想體驗劇情or超級輕鬆玩都可以easy mode過

比賽同比賽之間都會一段時間比玩家做訓練
訓練主角Strength(力量), Agility(敏捷), Stamina(體力)
而遊戲其中一個難度就在於每當玩家訓練其中一樣能力 其他個兩樣就會下降
玩家就要按自己理想去build up呢個主角
當時 養成拳手既遊戲理所當然有skill

係對戰過程
玩家就會係每局準備時選擇角色會用既技能
而玩家就可以睇對方既技能同拳賽情況黎揀技能
對戰過程玩家就只可以睇住拳賽自動進行 直至下一回合

個人感想:
我玩過normal前面大部分都唔難 係反而最後既時間係個人能力突破有難度
但build up到理想既拳手同過程中一路透露既真相好吸引人玩落去
當中亦有唔少對其他電影致敬既地方 好理所當然就係有rocky
有唔少都幾有趣

L.A. Noire



L.A. Noire係Rockstar當年用最新技術"MotionScan"既遊戲。
呢隻遊戲都係採用開放式的世界，唯一同GTA唔同的係主角係一位警察。
更加令人覺得更有真實感的係，遊戲入面的地名都係根據現實的地名，好似置身係洛杉磯一樣。



至於故事性方面，遊戲都採用左大量四五十年代的電影劇情同真實的案件做參考，就好似"黑色大理花"等轟動一時的案件。



另外玩家需要操控主角係案發現場進行搜證，每一件證物都對案件的進度大有關連，如果玩家收集不到足夠的證物/證據去，在詢問證人的環節中就會未能真正地盤問出真相，更嚴重的是會阻礙到劇情發展。所以玩家需要好似一名探員細心去搜證。



除左搜證之外，仲要係詢問證人的過程中，分析佢地的證供係真定係假，邢你做的每一個決定都會影響到故事的發展，所以都可以話係"一步一驚心"，唔想告錯人，玩家自己就要用心搜證查案啦。

來源:google同自己

《No Man's Sky》自公布及推出都引來極大迴響，早前的延期事件甚至有FANS寫信威脅遊戲快點推出。遊戲剛推出時的同時上線人數最高達12萬，《No Man's Sky》賣點雖然是浩瀚龐大的宇宙，玩家沒有探索完的一日。在遊戲內你不時會遇到外星人，玩家能透過學習詞彙來了解他們的對話。玩家可前往不同的星球去探索新的物種。《No Man's Sky》製作人Sean Murray最初曾表示過遊戲能夠多人連線遊玩。

Risk of rain 神作

同意
但玩得難都幾難(其實係我廢)
同人玩反而個fd太勁carry我 我咩都做唔到咁

一陣打埋篇punch club我睇下打唔打篇risk of rain
講到又想開黎打返下

估唔到有人玩。
事關香港ps4好似無得買
同fd玩好開心