睇晒14+1本金庸小說,你問我答(2)

冇錯佢係機械神
一個完全冇鋪墊過嘅角色 一出來解決所有問題
如果呢個角色出現喺其他小說，一定係一個失敗嘅情節

但係天龍八部唔同 天龍八部嘅情節都係由巧合來推動
例如段譽咁啱學到北冥/咁啱所有鍾意嘅女性都係佢個妹/咁啱段譽同喬峰喺度飲酒
咁啱虛竹就捉棋救左段延興/咁啱兩人嘅功力就冰封去咗虛竹到/咁啱去跳崖遇到慕容復唔死

所以其實天龍八部每一個情節都係巧合而冇經過任何鋪墊
其實係犯咗寫小說嘅大忌。但係掃地僧就係一連串巧合嘅產物

天龍八部嘅主旨係講命運，主角點樣喺貪嗔痴嘅陷阱入面同命運作對。所以一切嘅情節其實係經過命運既計算
掃地僧出嚟嘅目的就係為咗救喬峰喺少林寺必死嘅局 解開兩代世仇 協助蕭峰衝破命運。但係都解決唔到蕭峰拯救蒼生自殺嘅命運
最後點出主題：命運唔可以強行扭轉(掃地僧)，一切嘅結局都係取決於自己(蕭峰)嘅決定

可以參考評論家陳世驤：

「書中的人物情節，可謂無人不冤，有情皆孽，要寫到盡致非把常人常
情都寫成離奇不可；書中的世界是朗朗世界到處藏著魍魎和鬼蜮，隨時
予以驚奇的揭發與諷刺，要供出這樣一個可憐芸芸眾生的世界，如何能
不教結構鬆散？這樣的人物情節和世界，背後籠罩著佛法的無邊大超脫
，時而透露出來。而在每逢動人處，我們會感到希臘悲劇理論中所謂恐
怖與憐憫，再說句更陳腐的話，所謂『離奇與鬆散』，大概可叫做『形
式與內容的統一』罷。」

樓主參考左台灣網友嘅意見：
https://www.ptt.cc/bbs/JinYong/M.1272384358.A.747.html

一燈係天龍寺出嚟仲要係登峰造極應該已經達到一品

三版刪去了

黃衫女子係楊過後人佢同楊逍冇交集
所以應該係單純同姓 但係有機會係程英傳落嚟嘅彈指神通

好少睇改編電視劇
香港播嘅樓主未出世
大陸播嘅樓主唔鍾意睇

葵花寶典係全金庸最強武學，你認唔認同？
東方不敗就唔使講，連偽君子同林平之練得一陣都已經武功大進
仲要辟邪劍法同東方不敗既葵花寶典本身係殘本黎

有兩個可能性
第一：18掌有傳落去所以耶律齊同郭芙應該去咗丐幫
第二：滅絕冇提郭芙有機會係戰死
但係絕對冇可能出賣屋企
否則郭襄一定會以峨眉派追殺

書劍好raw，陵角位都明顯，但我覺得作為第一本，都好有欣賞價值，尤其是感受下金庸點編排故事 （碧血劍其實都差唔多）

書劍嘅戲劇感好重，好似睇電影咁，無論故事鋪排同埋場景都好著跡「由小入大」
主線：
由營救文泰來 到 帶出 皇帝 再喺天山溝女 遊走，到最後殺入皇宮，第一次睇都覺得環環相扣好精彩：
陸菲青玩金針／被追殺／12當家出現／周仲英隻抽／帶出陳家洛／火燒周家莊／追尋文泰來／幾次都差少少救唔成功／帶出回族人／杭州線／皇帝身世....

同埋佢描述真係做到好似活現眼前，人物特色明顯 e.g. 蔣四根 講廣東話，無塵 單手，豪邁靚女駱冰（黃蓉 雛形） etc，武功／武器都有心思 e.g. 陳家洛 個盾牌，韓家嘅琵琶，余魚同嘅玉簫，關外六魔嘅武器

場景方面，夜救文泰來／六和塔 ／ 天山／迷宮 都好豐富

葵花寶典係練速度
練成常人眼睛完全追唔到嘅速度
所以連當世高手圍攻都睇唔見東方不敗
打敗葵花寶典嘅方法有兩種
一係俾佢更快 但係葵花寶典已經係金庸最快武功
二係以更高深嘅內力抵擋攻擊
例如有掃地僧嘅無形氣場 石破天嘅飛天內力
虛竹段譽嘅二百年功力
先有機會抵擋

葵花寶典唔一定可以速成 因為華山抄錄嘅葵花寶典兩冊內容互不重複應該需要大量時間參透
但係辟邪劍法就係精華版可以速成 因為係將華山葵花加上林遠圖精華寫成

兩本都係原版太監版嘅殘本

面對六脈，喬峰都自愧不如 （覺得阿朱犧牲就係唔想佢送死），照咁睇的話降龍十八掌確不如六脈神劍

反而我好奇，火焰刀其實會唔會被忽視／低估咗？鳩摩智用得嚟憾六脈神劍，天龍寺能夠遏制成班大師－當佢贏嘅係內力，即係招式冇輸啦？

火焰刀其實堅勁
可惜鳩摩智係外地人
金庸大中華膠 一定有影響

樓主覺得楊過最愛係邊個女人 ?
佢對各個女人分別係點樣既感情 ?

一直都覺得火焰刀先可以同六脈神劍打 兩個都係激光刀劍黎 但火焰刀係名氣上就好似無六脈咁出名

門派第一係少林
幫會第一係丐幫
教會第一係明教

咁鏢局同山寨第一分別係咩？

問過降龍十八掌未？
掌風打到十五六丈外（50米左右）

天龍八部 四十一 燕雲十八飛騎 奔騰如虎風煙舉
蕭峰心下既痛惜，又憤怒，大步邁出，右手呼的一掌，便向丁春秋擊去，正是降龍廿
八掌中的一招「見龍在田」，他出掌之時，與丁春秋相距尚有十五六丈，但說到便到
，力自掌生之際，兩人相距已不過七八丈。

　天下武術之中，任你掌力再強，也決無一掌可擊到五丈以外的。丁春秋素聞「北喬峰
，南慕容」的大名，對他決無半點小覷之心，然見他在十五六丈之外出掌，萬料不到
此掌是針對自己而發。殊不料蕭峰掌力甫出，身子已搶到離他三四丈外，又是一招「
見龍在田」，後掌推前掌，雙掌力道並在一起，排山倒海地壓將過來。

火焰刀同18掌同級
因為鳩都要搶易筋經同埋六脈神劍
而佢用火焰刀硬拼蕭峰

最愛嘅一定係小龍女搵咗16年
其他可以睇呢句：
他自思少年風流孽緣太多，累得公孫綠萼為己喪命，程英和陸無雙一生傷心，因此經常戴著黃藥師所制的那張人皮面具
佢知道自己太靚仔令人鍾意
但係都係冇愛情

有無一個女主角係醜？
個個都芳華絕代咁

女主角都醜果陣邊有人睇

程靈素
那村女抬起頭來，向著胡斐一瞧，一雙眼睛明亮之極，眼珠黑得像漆，這麼一抬頭，登時精光四射。容貌卻是平平，肌膚枯黃，臉有菜色，似乎終年吃不飽飯似的，頭髮也是又黃又稀，雙肩如削，身材瘦小，顯是窮村貧女，自幼便少了滋養。她相貌似乎已有十六七歲，身形卻如是個十四五歲的幼女。

男主角好似得楊過係靚仔
令狐冲好似都無話佢特別靚仔
但女就個個都靚

勁 覆得咁快

認唔認為佢對小龍女係 感恩
對郭芙先係男女之愛 ?

白馬嘯西風 李文秀未必好靚，起碼差過阿曼