睇晒14+1本金庸小說,你問我答(2)

張衛健套劇集又係 選角屈機 但改太多 好可惜

一定唔係啦 王重陽本身文人一個 30歲先習武擺明蠃天才

多謝呢位兄台支持

想問問左右互搏可以同一時間出兩招，而一劍化三清可以同一時間出三招，係唔係一劍化三清勁d?

正常嘅招式係內力同時運行雙手之後再出招
而左右互搏係將內力以極短嘅時間差交替喺左右手再出兩招 以周伯通嘅實力呢個時間差已經接近零

而化三清其實嚴格來講都係一招，因為佢用嘅內力都係一氣化三清嘅內力，而係一招可以發出三次攻擊嘅招式

點解左右互搏會話咩武功高一倍 但之後睇唔覺
樓主覺得獨孤求敗去到咩級數
掃地僧？王重陽？
你覺得最勁係邊個？係咪阿青之後係邊個

咁其實鮮于通的鷹蛇生死搏算唔算係左右互搏的一種？

鷹蛇生死搏係一招
而呢一招有左右嘅攻勢
其實有冇用左右互搏係睇吓係咪用緊同一招

左右淨係提升招式嘅靈活度
由於力量冇提升，所以最多實力會勁少少
例如九陰內力周伯通等於黃藥師
再加上左右，周會勝一籌但係唔會太多

獨孤求敗最多稍勝五絕

因為笑傲原文指出任我行(準五絕)可以令獨孤九劍發揮得淋漓盡致
「獨孤九劍」是敵強愈強，敵人如果武功不高，「獨孤九劍」的精要處也就用不上。此時令狐沖所遇的，乃是當今武林中一位驚天動地的人物，武功之強，已到了常人所不可思議的境界，一經他的激發，「獨孤九劍」中種種奧妙精微之處，這才發揮得淋漓盡致。獨孤求敗如若復生，又或風清揚親臨，能遇到這樣的對手，也當歡喜不盡。使這「獨孤九劍」，除了精熟劍訣劍術之外，有極大一部分依賴使劍者的靈悟，一到自由揮灑、更無規範的境界，使劍者聰明智慧越高，劍法也就越高，每一場比劍，便如是大詩人靈感到來，作出了一首好詩一般。

加上楊過練習完玄鐵劍法已經可以彷彿天下無敵嘅獨孤求敗
可是楊過這路劍法實是獨孤求敗的絕技，雖然年代相隔久遠，不能親得這位前輩的傳授，但洪水練劍，蛇膽增力，仗著神鵰之助，楊過所習劍法已仿彿於當年天下無敵的劍魔。
所以獨孤求敗只勝五絕少少
我會擺喺同王重陽同級
內力王重陽勝，招式獨孤求敗勝

如果係超五絕高手嘅排名我會排：
阿青=掃地僧=石破天=達摩>東方不敗>王重陽=獨孤求敗=張三丰=黃裳>=林朝英

巴打堅勁 但你分析全部係基於明河版定點
同埋超5絕點解石破天睇咁高 佢咩朝代估唔估到
達摩九陽會勁黃裳九陰咁多？
張三豐咁勁係因為太極？但睇表現好廢咁 明明一招擊退玄冥二老又保唔住張翠山 成世人活係元朝乜都做唔到咁

通常拗武功排行就會有筆戰, 當年荼館月經

大致上同意你個表

張無忌太飄忽唔想理, 神鵰五絕楊周郭應該差唔多, 張三丰係神鵰五絕級甚至再高少少應該都啱, 黃裳王重陽林朝英冇出過場好難估, 但三個人基本上都冇超越九陰真經, 周伯通郭靖又練咗幾十年, 我又唔覺得哩3個人會勁過神鵰五絕.

16年前--------------------------------------------
- 全真教一戰證實(單打獨鬥): 重劍楊過 / 左右互搏小龍女 > 金輪 > 蒙古三人組;
- 小龍女 <= 金輪 + 蒙古三人組;
- 一燈 > 慈恩 ~ 重劍楊過 >= 小龍女 > 金輪;
- 郭靖前一晚「大耗功力」幫楊過療傷, 再喺蒙古軍中獨戰金輪 + 蒙古三人組, 一招秒低尹克西, 再有瀟湘子放毒, 最尾仲可以來去自如. 所以正常情況雙方戰鬥力比較大約係5:5

16年後--------------------------------------------
- 金輪功力暴漲一倍;
- 一燈 仲可以同突飛猛進嘅 金輪 過招;
- 楊過再遇老黃, 兩招打到「功力大進」嘅瀟湘子三人企都企唔穩, 當波咁玩;
- 老黃 都可以同突飛猛進嘅 楊過 過招;
- 老黃話郭靖掌力足以同楊過比;
- 楊過 周伯通 平手;
- 周伯通識嘅野郭靖都識, 仲要後生D;
- 金輪同慈恩打左1日1夜先贏;
- 一燈16年前只贏慈恩一招半式, 呢個級數嘅高手如果冇龍象功我當進步程度都差唔多, 所以16年後一燈都係會贏慈恩一招半式;
- 所以老牌五絕級其實係有繼續進步, 只係冇金輪楊過咁多;

------------------------------------------------------

所以總排位:
(16年後) 楊過 ~ 周伯通 ~ 郭靖 >= 金輪 >= 老黃 一燈 慈恩 > (16年前) 周伯通 郭靖 >= 老黃 一燈 慈恩 >= 重劍楊過 >= 小龍女 > 金輪 > 蒙古三子

睇完晒兩個時間點嘅戰果, 根本16年後嘅楊過 周伯通 郭靖三個是但一個返去16年前打金輪 + 蒙古三人組都係輕鬆穩贏.

加埋笑傲入去:

射鵰王處一喺金國京城硬地踩一尺, 向問天喺普通青磚得兩寸, 證明向問天點勁都唔會勁過全真七子好多, 即係 向問天/五岳掌門級(包埋隱藏手段e.g.辟邪岳不群) 大概喺 李莫愁/黃蓉/公孫止/蒙古三人組 之間浮動

金庸一百問講咗韋一笑輕功第一, 張無忌點評周芷若似乎不下韋一笑, 咁小龍女有古墓+九陰(至少有練輕功身法部分)照計唔會低過周芷若, 即接近韋一笑, 東方不敗最多都只會係呢個層次

咁東方不敗自問打任我行4人已經「盡力而為」, 下限係左右互搏小龍女, 表現出嚟嘅實力就係16年前郭靖左右.

二版(明河)為主三版(新修)為輔
俠客行喺武當派創立數百年 同時第一代都係張三丰
史婆婆道：「少林、武當兩大門派，武功各有千秋，不能說武當便勝過了少林，但張三丰祖師是數百年來武林中震爍古今的大宗師，又是我中華上國之人，那是絕無疑義之事。」
比之少林、武當、峨嵋、昆侖諸派，雖說各有所長，畢竟雪山一派創派的年月尚短，可能還不足以與已有數百年積累的諸大派相較。

所以俠客行會喺明朝中後期

因為石破天可以飛行幾十丈，仲可以幾乎擲死當世高手
連吸收左200年功力嘅虛竹都做唔到(極限三四丈)

石破天遙見躍海之人正是史婆婆和阿繡，這一下驚喜交集，實是非同小可。其時千鈞一發，哪裡還顧到去想何以她二人居然未死？隨手提起一塊船板，用力向二人落海之處擲將過去，跟著雙膝一彎，全身力道都聚到了足底，拚命撐出，身子便如箭離弦，激射而出。

他在俠客島上所學到的高深內功，登時在這一撐一躍中使了出來。眼見船板落海著水，自己落足處和船板還差著幾尺，左足凌空向前跨了一大步，已踏上了船板。當真是說時遲，那時快，他左足踏上船板，阿繡的身子便從他身旁急墮。

石破天左臂伸出，將她攔腰抱住。兩人的身重再加上這一墮之勢，石破天雙腿向海中直沉下去，眼見史婆婆又在左側跌落，當下右掌急探，在她背上一托一帶，借力轉力，使出石壁上“銀鞍照白馬”中的功夫，史婆婆的身子便穩穩向海船中飛去。
…
便在此時，白自在已將史婆婆接住，沒想到這一飛之勢中，包含著石破天雄渾之極的內力，白自在站立不定，退了一步，喀喇一聲，雙足將甲板踏破了一個大洞，跟著坐倒，卻仍將史婆婆抱在懷中，牢牢不放。

達摩原版易筋經令游坦之功力同段譽(兩個五絕)同級
佢自己練嘅會更厲害，黃裳(同王重陽同等)功力冇段譽咁勁

張三丰當世無敵冇比較對象
但係可以睇吓佢嘅配置
內力：太極功/純陽無極功(等同九陽大成)
招式：太極拳劍(等同獨孤九劍)
所以佢都會超五絕一籌，同王重陽同級

人心永遠比武功厲害
呢個係金庸喺作品中後期想表達既野

可能有，但係喺作品見唔到上限
至少段譽收左兩個五絕以上功力
都未死
但係我認為佢係因為有段家內功幫佢收納真氣，同埋莽蛄朱蛤幫佢排除異種真氣毒性佢先可以無限吸
否則就會同任我行一樣互相衝突而死
因為逍遙派冇一個人真係用北冥神功吸功
可見吸功係有副作用

北冥本身可以有北冥真氣
那女童道： 「你初練北冥真氣，不能使用太過，若要保住性命，可以收腳了。」虛竹道： 「是！」又向上沖了數丈，這才緩住勢頭，躍下樹來。烏老大又是驚奇，又是佩服，又有幾分艷羨，向那女童道：「這……這北冥真氣，是你今天才教他的，居然已如此厲害。縹緲峰靈鷲宮的武功，當真深如大海。你小小一個孩童，已……已經……咳咳……這麼了不起。」

不老長春功只係人老年嘅時候可以有後生既狀態，但係到咗壽命盡頭都會死

巴打分析勁
咁你覺得金庸係咪想講越舊武功越勁 同埋人越老越勁
石破天明朝都好後期 但學左太玄經就變屈機
同埋點解金庸唔寫唐朝武俠故

金庸小說其實冇越古越強因為
係明朝嘅武功表現都好神奇
最先接到銅牌請柬的，是川西青城派掌門人旭山道長。他長笑之下，將兩塊銅牌抓在手中，運用內力，將兩塊銅牌熔成了兩團廢銅。這原是震爍當時的獨步內功，

原盼這兩個狂妄少年知難而退。豈知他剛捏毀銅牌，這兩個少年突然四掌齊出，擊在他前胸，登時將這位川西武林的領袖生生擊死！」

用火屬性內功熔牌，呢個表現喺其他部都神乎其技
但係一下俾人打死，其實武林每一世代水平都差唔多

至於年紀同實力係冇正比關係，反而有機會令實力差咗
前面有留言講過年記會令體力削弱可以追故睇睇前面

金庸訪問話宋朝容易考證，而唐朝嘅比較難
所以寫宋朝以後

唔知點解覺得先天功同葵花寶典或辟邪劍法類似，所以王重陽先唔傳先天功比其他人。

先天功係解有物混成，先天地生，但王重陽我就諗起佢會唔會係先天不足。

樓主覺得最強男主角同女主角係邊個?

一燈生完仔都可以練先天功
佢仲諗住傳俾洪七公添
所以先天功唔係童子功
但係練嘅時候要禁慾
因為黃蓉都話要練先天功唔可以同瑛姑上床

所以先天功係一門強勁嘅內功但係冇講入邊嘅內容

男主角石破天
原因識飛+掌風震破石壁
女主角阿青
原因劍氣繳械近千名士兵

你認唔認同所有內功 不論九陽易筋 神照九陰，還是其他平民內功，楊過蛇膽海潮法。只要練到登鋒造極 漸入化境，所以內功均無分高低，不相伯仲。因為絕頂高手分高下再唔會停留係內功層面，而係招式上。