睇晒14+1本金庸小說,你問我答(2)

首先要釐清概念一個概念
內功係有分高下
至少張三丰認為武當九陽功相比九陽神功有所不足
需要創出一門媲美九陽神功嘅獨門內功(純陽無極功/太極功)
連張三丰等級都認為內功有高低層次不同，可見內功絕學係有分高下

我認為你所謂嘅登峰造極可能就係指五絕等級嘅內力，
冇錯正常可以修練到嘅內力等級就係五絕級，呢個都係大部份金庸小說嘅最高等級(除咗超五絕嘅無敵高手)
修練嘅方法可以有修練頂尖內功(中文易筋經/蛤蟆功….)或者係頂尖外功招式由外至內練成(降龍18掌/混元掌….)

金庸少數能夠超越五絕級既內功有：
葵花寶典/太玄經/先天功/北冥神功(吸功版)/九陰真經/印度文版易筋經

當然功力去到五絕級，再難寸進，所以進步嘅方式就係透過使用更強嘅招式
(呢個可能就係你想探討嘅嘢)
所以我認為獨孤求敗內力到咗五絕級(重劍法)，就創出獨孤九劍以招式取勝

而喺招式方面太祖長拳係人人都識嘅普通功夫，相比丐幫絕學降龍18掌又有分別
可見招式都有高低之分
但係無論係降龍18掌/暗然銷魂掌/彈指神通
呢啲招式都未脫離五絕級
而金庸嘅超五絕級招式都有一個明顯特徵就係無招
金庸小說少數脫離五絕級嘅武學有：
獨孤九劍 太極功 六脈神劍 辟邪劍法

喺同等嘅內力上咪比拼招式
喺同等嘅招式上咪比拼內力

但係即使你有更強內力/招式，只要你另一方面未做得好都係會輸
例如張無忌同游坦之招式極差，就被滅絕師太同喬峰打傷
令狐沖內傷嚴重，比任我行獅子哮整暈

招式冇優劣
使招時機有優劣
比如話對一個中門大開嘅門外漢
一拳一腳就分勝負
你喺度耍太極抱元守一
係無意義
過招係心理博奕
人地話「你呢招好妙」
即係話你捉心理捉得好

同打機差唔多
如果隻boss識十八招
只要你背曬啲招你遲早過到

純陽無極功係張三丰創出太極功前既內功，用嚟超越武當九陽功，自信不輸九陽神功，之後傳俾七個徒弟，書中用嚟吸寒毒

神足經係三版先有代替二版原文易筋
游坦之練滿瑜伽後就有稍勝五絕內力

二版係原版印度易筋
練成六成已經稍勝五絕
所以我認為原版係超五絕
但係天龍書中已經壞咗失傳

所以笑傲淨返中文翻譯版
大成既方證係五絕級

小知識：翻譯者係大唐戰神李靖
所以李靖保底五絕

懷疑你冇睇過金庸小說
金庸小說克敵制勝唔係透過背招式

歐陽峰洪七公比拼左幾十年
睇曬降龍18掌，都破唔到
可見金庸入面係有啲招式係要配合內力先可以發揮
而且背咗都破唔到

呢個係小說入邊嘅設定，咁當然同現實有分別

倚天同笑傲都係講緊無招勝有招
太極拳劍講意
大挪移係使力法門
風青揚教令狐沖

咁你就唔應該話招式無優劣
因為明確講明到達無招境界嘅招式
只有太極功同獨孤九劍
其他招式都係要靠使用者

咁就唔係招式優劣
係人嘅優劣

重睇啦 個個都知道郭靖會出亢龍有悔但有邊個頂得住

其實個故事係咪一個團隊度出黎？如果得佢一個人諗好難諗到個結構咁好

逍遙三老勁d 定係五絕

好問題
初版報紙連載嘅時候係有好多bug
例如九陰真經係黃藥師嘅武功
無崖子識得化功大法
….
可見初版連載嘅時候係金庸自己寫

到咗二版修訂版，就將啲bug一一修改
成為最家傳戶曉嘅版本
由明河社出版。
雖然冇講明但係我認為出版社應該都有幫金庸整理bug

三版新修版就講明有一個團隊幫金庸整理時間線同埋情節

我認為
兩者都可以數招秒殺慕容復/丘處機等級
所以：
三老=天龍四絕=五絕
我本身認為二論五絕=三論五絕

樓主點睇喬峯實力

招式降龍18掌/打狗棒法(五絕)
內力七十二絕技之降魔掌

加快腳步，又搶了上去 。兩人一前一後的向東北疾馳，蕭峰始終無法追上，那人卻也無法拋得脫他。一個

兩人貼身近搏，只一頓飯時分，
已拆鬥三百餘招。正鬥得急切，慕容博倏地躍出圈子，抱拳說道：「多承指點，蒙尊駕手下留情，在下受惠良多。」

那大漢道：「燕兄武技精妙，咱二人不分高下

蕭遠山和蕭峰對望了一眼，均想：「這番僧雖然未必能強於慕容博，但也必甚為了得，他與慕容博淵源如此之深，自然要相助於他，此戰勝敗，倒是難說了。」

蕭遠山怒氣填膺，戟指罵道：「你本是個卑鄙小人，為非作歹，幸災樂禍，又何必
有甚用意？」踏上一步，呼的一拳便擊了過去。鳩摩智斜刺裏閃至，雙掌封擋，波的一聲響，拳風掌力相互激蕩，沖將上去，屋頂灰塵沙沙而落。這一下掌拳相交，竟不分高下，兩人都暗自欽佩。

蕭峰、蕭遠山、鳩摩智、慕容博同級

一日一夜之間始終追不上老頑童，咱哥兒倆勝負已決，還比甚麼？」黃蓉吃了一驚：「臨安到嘉興來回五百餘里，這兩人腳程好快！」

蕭峰始終無法追上，那人卻也無法拋得脫他。一個時辰過去，兩個時辰過去，兩人已奔出一百餘里，
五絕級12時辰跑500里
四絕級2時辰跑100里 乘返六 12時辰跑600里
但係計埋內力減弱 五絕四絕跑嘅速度係差唔多
都係一日一夜跑500
所以我認為四絕同五絕同級
所以喬峰同郭靖水平差唔多

一開始點解桃谷六仙會去搵令孤冲？不戒和尚又無叫佢地搵

咁長未有人覆好慘。等我回下你

五絕應該郭靖係王重陽之後最強？
比老頑童同楊過都要強

我認為係
以三論實力等於二論嘅假設來講
郭靖正值壯年而且身兼九陰真經全本
同降龍18掌彈指神通
整體會係最強，但係都唔會拋離五絕，最多強半籌

而老頑童同楊過會打到兩敗俱傷，我當佢哋係同級

我唔會當金輪功力倍增係事實
因為實際表現佢冇進步到，連內力衰退嘅一燈都打唔贏，壓制心魔嘅慈恩都要打一日一夜
實際表現大於角色自評
所以三論同二輪論實力相若
我會當任我行係裘千仞(五絕最弱)
方證大師就係正常五絕(一燈/黃藥師)
向問天同令狐沖就係次五絕(小龍女黃衣女)絕對遠超三傑
令狐沖都自認打到最後三個會輸
東方不敗>=五絕+兩個次五絕
絕對係超五絕級

而且我唔會完全認同金庸嘅問答因為有啲好明顯違背自己書中設定
會唔會有人認為張無忌真係最勁？好明顯佢唔係主角最勁，虛竹石破天都比佢勁

最大問題係你會唔會當韋一笑嘅輕功真係所有小說第一
相信好多讀者都唔會認同
表現來講東方不敗喺短程衝刺同出手速度表現比蝠王更厲害
而長跑同內力明顯石破天係第一
所以問答唔可以盡信

咁個問題就喺任我行三個身上，我覺得你太高估向問天同令狐沖

先講任我行，方證打任我行遊刃有餘，連左冷襌都可以靠暗算贏任我行。一燈贏慈恩半招，方證點睇都唔止贏半招掛。而且就算係咁，重劍楊過都叫做打贏慈恩，十六年後只會更輕鬆

向問天實力真係睇唔出次五絕，比內力就係同王處一差唔多；而令狐沖要比劍先去到次五絕級，但東方不敗都唔係用劍，令狐沖打東方 內力唔夠連睇都睇唔到，某講話破，發揮唔到長處

你話令狐沖自認會輸，但東方不敗都自認出盡全力，高手低手之間嘅評價就梗係高手講嘅可靠d , 咁睇東方不敗都唔係贏好多。再對比小龍女一打九，郭靖一打五包一個近五絕級嘅金輪，其實表現上差距唔大喎，東方嘅戰績只係高一線

如果係金庸自己講嘅話我覺得冇爭議空間喎 實際表現上你都搵唔到有人明顯輕功好過佢。如果對比韋一笑，小龍女，東方不敗嘅輕功片段，其實全部都係咩進退若神快如閃電之類，重點都係任我行三個嘅眼力實力到底喺邊個層次。

至於張無忌佢係話「很大可能」啫。睇配置，九陽有旁白話天下內功皆不逾九陽藩籬，乾坤大挪移又係咩天下所有運勁使力法門 呢個時間點係元末明初，即係包晒前面包括逍遙派嗰啲又爆袋通全身，唔計吸功嘅話內力佢唔止主角第一添啦