睇晒14+1本金庸小說,你問我答(2)

南北宋嘅兵器盔甲水平高過戰國好多，阿青用劍都未必篤得入

阿青唔係攻擊人嘅盔甲部份，嗰啲士兵都係手腕中劍然後兵器落地
阿青竹棒一動，對手若不是手腕被戳，長劍脫手，便是要害中棒，委頓在地。
又是三十名劍士在她一根短竹棒下腕折臂斷，狼狽敗退。


所以佢唔需要殺死人，但係可以衝破大軍，仲要令佢哋卸兵
立即調來一千名甲士、一千名劍士
跟著嗆啷郎、嗆啷朗響聲不絕，那是兵刃落地之聲。這聲音從宮門外直響進來，便如一條極長的長蛇，飛快的游來，長廊上也響起了兵刃落地的聲音。一千名甲士和一千名劍士阻擋不了阿青。


加上佢有劍氣，殺傷力都夠
阿青這一棒雖然沒戳中她，但棒端發出的勁氣已刺傷了她心口。

所以佢嘅實力我會排係會係最頂尖

你鍾意啦
明明射雕寫先
「以免旁人說我奪經是懷有私心」
王重陽為聲譽要全真教唔準練
然後自己偷偷地練左去拆一地玉女心經
你覺得無問題咪無問題囉

我覺得冇問題

好事不出門 壞事傳千里
水笙係臭雞單野應該全國都知

我插把口, 之前金庸茶館都有好多討論關於哩個問題, 總結講:

內力, 功力, 真氣係3樣嘢,
1. 內力基本上同體力掛勾 (打到冇力就冇埋內力e.g. 洪七vs歐陽鋒);
2. 內力有分 量 & 「精純」 (書入面literally寫精純), 你當係一枝酒嘅幾多ml同酒精濃度, 例子有無崖子傳功畀虛竹, 丁春秋畀虛竹拍一下係feel到佢內力「老辣」, 即係酒精濃度都可以直接繼承, 即係一個客觀元素. 樓主舉嘅另一個例子係楊過量多但一燈精純過佢;
3. 而功力係一個整體嘅描寫, 書冇具體寫條formula出嚟 (量/精純比重), 但話遊坦之有「30年功力」, 所以應該係有一個估算方法;
4. 真氣大概係內力嘅具現化物質;
5. 唔同內功嘅唔同練法(運行路線)而導致內力有唔同真氣屬性, 於是唔同真氣會有衝突. 例如吸星大法係乜都唔理咁吸晒入身體, 而北冥神功根據返段譽練功個描寫, 佢好明顯係吸嗰下已經順住北冥神功嘅路線行, 同時已經轉化咗其他人嘅真氣係北冥真氣.

段譽第一次吸功差啲爆, 證明人體經脈容量係有儲存上限, 喺同一個物理宇宙, 丹田應該都會有(只係容量比較大). 再結合射鵰神鵰講話全真內功可以無上限咁練(理論上啦)、七子年紀大先練功於是成就有限, 證明金庸宇宙嘅內功係可以改變人體但唔係無限改. 自然唔同等級嘅內功效果自然唔同 (差過全真派嗰啲就唔可以愈練愈勁, 會到頂, 勁過全真派嘅咪效率好D咁), 但依然受體質限制, 因為人會變老, 變老就身體變差, 一加一減最終都係增長有限.

咁樣再推落去, 如果逍遙派內功改造力+虛竹/段譽本人體質(包埋受內功改造之後) < 佢哋吸返嚟嘅內力嘅質量, 其實係會有部分用用下冇咗補唔返(or直接一開始就散走咗/爆體), 最終達到equilibrium 但段譽有個優勢係食咗隻青蛙, 冇記錯係有類似話佢體質變強, 經脈粗咗, 所以段譽個上限係高過普通人. 所以正常個流程係: 普通人>練內功>儲內力>打通經脈>製造內力效率提升>經脈粗>儲多咗內力>打通多D經脈>再儲多咗內力>經脈粗多咗>儲多咗內力>到頂

基於張無忌係練九陽爆袋神功全身連條丁都通晒, 佢大致上可以代表到一個普通人+絕頂級內功嘅容量極限, 於是就係around五絕級左右. 當然九陽爆袋神功可能比起五絕級再勁少少, 因為本身九陽內功>九陰內功, 而張無忌內力係源源不絕 (其他同級高手冇類似描寫), 可以合理猜想其他人練內功可能冇張無忌通經脈通得咁澈底. 翻去同虛竹比較, 除非逍遙派內功癲到瞬間提升體質上限嘅能力係九陽嘅兩三倍, 如果唔係都可以相信虛竹內力其實唔會勁過張無忌兩三倍 (同埋其實虛竹吸童姥同李秋水嗰陣兩個阿婆都打到冇乜力).

有啲長
你講歐陽鋒同洪七公既例子
其實都大機會係佢地已經太老先係咁啫
後生應該可以用盡內力但仲有體力既

內力應該主要係純度
Eg 一人打一掌不相伯仲
A用5% B用左10%
因為成日都有啲幾成功力
所以越練應該係越純
而唔係個量會增加

要計上限唔同書就真係好難比較
好似石破天又係講到佢啲內力痴撚線
令狐沖就吸星+易筋
理論上都可以練到唔輸張無忌

我中了歐陽鋒一掌，痛入心肺，半晌動彈不得，但見他奔入靈堂，也顧不得自己已經受傷，捨命追進，只見他搶到師哥靈前，伸手就去拿供在桌上的那部經書。我暗暗叫苦，自己既敵他不過，眾師侄又都禦敵未返，正在這緊急當口，突然間喀喇一聲巨響，棺材蓋上木屑紛飛，穿了一個大洞。

王重陽雖然話佢就死
但係一掌偷襲都打唔死歐陽鋒
好難覺得佢勁到幾十年都超越唔到

倚天入面空見神僧同金毛獅王差咁多
都俾佢偷襲一拳打撚死

咪講緊內力還內力, 功力還功力, 純還純, 量還量, 修為/功力係講整體

愈老愈純, 其實即係可以當熟練度, 不過有得繼承; 量就真係張無忌講明唔夠純(同張三丰自己比), 但無窮無盡, 好明顯係形容緊兩樣嘢:

張三豐於剎那之間，只覺掌心中傳來這股力道雄強無比，雖然遠不及自己內力的精純醇正，但泊泊然、綿綿然，直是無止無歇、無窮無盡，一驚之下，定睛往張無忌臉上瞧去，只見他目光中不露光華，卻隱隱然有一層溫潤晶瑩之意，顯得內功己到絕頂之境

令狐沖本易筋經係唔係全本其實冇講, 淨係知可以化解異種真氣. 更何況令狐沖如果練內功有天份/勤力嘅話一出場唔會咁水皮啦

下面講王重陽唔關我事, 你自己繼續同樓豬拗

淨係講張無忌佢內力耗盡都好虛弱，所以唔關老唔老事
金庸小說人物用盡內力就幾乎冇自保能力
張無忌以乾坤大挪移神功相援六派高手下塔。內力幾已耗盡，最後和滅絕師太對了那一掌，更是大傷元氣，這時幾乎路也走不動了。

功力雖然精純但係因為年紀上升體力會下降，令到內力精力都減弱
一燈自己已經講明咗

唔會好難比較
金庸小說頂尖高手都係五絕級
係有少數鶴立雞群突破呢個極限

歐陽峰嗰陣時打完周伯通先去搶九陰真經
功力仲喺身度
上面都講咗王重陽冇諗住殺歐陽峰
淨係廢咗佢嘅蛤蟆功
仲有王重陽用完呢一指就死
佢都迴光返照苟延殘喘
都可以破歐陽峰20年

空見係完全唔運功俾人一拳打
等如一個老人家完全唔擋俾人打一拳

功力係經過修練越純
張無忌暗暗驚訝，見黑索揮動時無聲無息，使索者的內力返照空明，功力精純，不露棱角，非自己所能及

而張無忌已經九陽大成，所以量已經冇得提升
只可以似你咁講提升佢嘅質
原來便在這頃刻之間，張無忌所練的九陽神功已然大功告成，水火相濟，龍虎交會。

九陽大成內力嘅等級相等於五絕級
只見他目光中不露光華，卻隱隱然有一層溫潤晶瑩之意，顯得內功已到絕頂之境，生平所遇人物，只有本師覺遠大師、郭大俠等寥寥數人，才有這等修為

張三丰都有呢個級數
至於當世高人，除了自己之外，實想不起再有第二人能臻此境界。

我認同你所講，淨係補充一啲原文

係, 愈練會愈純

三十幾至五十幾歲係武林人士嘅巔峰期

蕭遠山和他年紀相當，功力相若，慕容博即先奔了片刻，蕭遠山便難追及，蕭峰卻正當年壯，武功精力，俱是登峰造極之候，發力疾趕之下，當慕容博奔到少林寺山門時，蕭峰於數丈外一掌拍出，掌力已及後背。

蕭峰喝了一碗酒，問道：「慕容老爺去世時年紀並不太老罷？」阿朱道：「五十來歲也不算老。」

蕭峰道：「嗯，他內功深湛，五十來歲正是武功登峰造極之時，不知如何忽然逝世？」

年紀老邁係會減弱氣力同精力：
堪堪拆到千餘招，二人武功未盡，但年歲大了，都感氣喘心跳，手腳不免遲緩。
他昔年曾以一枝玉簫與歐陽鋒的鐵箏、洪七公的嘯聲相抗，鬥成平手，這時他年事已高，力氣已因年紀增長而衰減，
兩人又鬥半個時辰，周伯通畢竟年老，氣血已衰，漸漸內力不如初鬥之時
但覺對方劍上勁力不住加重，他年紀衰邁，漸漸招架不住。

所以壯年時期係武林人士嘅進步高峰期
否則你因為會年紀老邁實力唔會進步到

你拎慕容復呢個斗轉星移得半桶水既人黎比會唔會有啲唔公道 你拎慕容博黎比先合理

斗轉係五絕級武功：
凝思半晌，道：「姥姥數十年不下縹緲峰，沒想到世上武學進展如此迅速。那個化解咱們下墮之勢的青年公子，這一招借力打力，四兩撥千斤，當真出神入化。」

慕容博左手疾拂，凝運功力，要將他掌力化去。喀喇喇一聲響，左首一座書架木片紛飛，斷成數截，架上經書塌將下來。蕭峰這一掌勁力雄渾，慕容博雖將之拂開，卻未得消解，不過將掌力轉移方位，擊上了書架。

慕容博最多只可以令蕭峰打唔中
唔可以反彈
所以斗轉星移雖然係五絕級武功都有一個極限

明明神鵰以成個古墓派為重心
你都可以否定佢嘅內容
唔啱聽你就話係bug
你係想討論定唔討論呀？
講緊所有金庸小說，唔係淨係射鵰喎

記得之前有人傾過9劍同重劍邊個勁d

自己覺得重劍思想其實就係屈內功，咁睇就似重劍勁。

東方不敗屈速打9劍，但好似無咩人內功差d再用招式取勝

咁令狐沖有9劍同易筋,會唔會少勝五絕?
樓主又點睇招式對實力既提升有幾大?

令狐沖成日淨係諗點溝小師妹
邊有時間練功
佢練劍都係為左溝女啫
創埋啲垃圾沖寧劍法

係咪重心就唔洗理以前寫落既野
咁不如改埋楊康係俾郭靖黃蓉用計毒死啦

令狐沖淨係鍾意練招式
佢都好少練內功
佢鍾意跑跑跳跳多過打坐

喺書入邊佢係因為有內傷先練內功
結論就係佢內力唔係頂尖級別
所以佢唔會勁過五絕，甚至略輸五絕

以招式精妙勝過對手嘅人有：
林平之岳不群東方不敗小龍女令狐沖
陳家洛(庖丁解牛)
韋小寶(救命六招)

佢哋嘅實力提升一大截
但係當對手內力比自己強一籌嘅時候
就會苦戰

你不如唔好睇啦
自己寫一本最實際

書入邊嘅情節就係咁又唔承認
咁你自己寫啦

個情節你唔鍾意，你就當佢就冇發生
發生咗就發生咗
射雕三部曲係一脈相承
你睇射雕要睇埋神雕倚天

任何寫作嘅情節都係以最新嘅改變為主
唔通神鵰俠侶郭同黃蓉未有自殺
我就話佢哋係獨自逃跑咩

掃地僧企喺度唔洗郁, 東方不敗一嘢撞埋氣牆車毀人亡