我青梅竹馬同咗個死MK仔一齊

今日有啲時間，睇下可唔可以再射多啲文出嚟

any肥，多啲正皮有助加速

心動嘅同時我又有一絲罪疚感，我尚未回應呢個女孩嘅心意。

我感受到佢對我嘅愛，但我準備去轉化做另一種關係？

「你對我有冇丁點感覺？」小璇問。

「有……唔止丁點。」

「已經好足夠。」

小璇伸手去拖住我，唔係十字緊扣，握手式咁拖。

我無縮手，俾佢慢慢咁拖，但我冇握緊返佢。

佢隻手好滑好細。

同對我有明確心意嘅女仔拖手，第一次。

我哋保持咗呢個狀態成個車程。

心跳加速，我手汗會唔會好多？

呢個為我世界填上色彩嘅女仔又帶俾我新嘅嘢。

呢種心動、呢種甜蜜、呢種刺激。

將軍澳坐巴士出旺角比狗鐵耐好多，架車又要去寶林，又要上秀茂坪再出彩虹經九龍城先到旺角。

我唔肯定係咪鐘意佢，但係呢刻我想拖返佢，呢個時刻，只要我拖返佢，感受嘅嘢就會完全唔同。

當我想放手嘅時候，小璇講：「辣手呀。」

我呆咗咁無反應，小璇又再講：「要放開我隻手呀。定係你唔捨得放？」

我慢慢咁抽起隻手，手指劃過小璇嘅掌心同手指公，佢嘅體溫透過掌佢嘅手傳過嚟。

呢種溫暖，我好想留住。

理性啲睇，呢段關係我佔上風。小璇向我表白等緊我回覆，我哋關係嘅未來完全取決於我手上。

我有嘅係時間，我想嘅可以拖好耐。

「接住。」

我俾曖昧嘅氣氛牽動，動下嘅心動再加上一點衝動，我做咗好矛盾嘅決定。

小璇突然捉返住我：「唔俾走。」

平時乖巧嘅小璇變到好調皮，佢為咗一個段愛情改變咗自己。

樓主加油！幾好睇

唔鐘意小漩同男主角一齊

Push

好友動漫嗰種劇情 不過係香港version

push

push

Push
睇到我都小鹿亂撞

依家開始打文

加速

一個可愛嘅女仔對我追求，我享受被人追求嘅感覺。

我未確定自己心意，但我享受小璇帶俾我嘅刺激，曖昧嘅氛圍令人衝動。

唔知係咪鐘意對方，我嘅行動可能會俾假希望佢，但我就係俾衝動拉住走。

我拖實小璇。

雙手牽著，兩心卻並未相通。

男人俾靚女追求，又有邊個可以好似我忍咁耐？

合理化自己低賤行為嘅藉口。

小璇係好純、未拍過拖，或者我咁做會傷害到佢，但係我無咗考慮咁多。

我哋一直保持拖手嘅狀態直至落車我地先鬆開手，係我先鬆手。

我哋係旺角東鐵站附近落車，再慢慢行去旺角中心，其間我哋不發一語，肩並肩咁行，手背不停碰撞，但就無再拖手。

去到旺中，小璇問：「你要買咩呀？」

「我想買份聖誕禮物俾朋友。」我強調朋友一詞。

「男定女先？」小璇講完就不停篤我腰間。

「兄弟嚟㗎。」我唔算呃佢，我同阿敏本身就情同兄弟。

「em……咁你想買咩？」

「無咩目標呀，諗住嚟睇下再決定。」

「咁我哋行一個圈先啦。」

我哋由頂樓開始向下走，我哋係三樓一人買咗一杯台式飲品。

小璇拎到嘢飲之後我哋企埋一邊，突然小璇拎部電話出嚟，仲開咗自拍摸式。

「影住相得嗎？」

小璇望實電話裡嘅我哋問。

「好呀。」

我哋拎起各自嘅飲品放係臉側邊，擺出笑容自拍咗幾張。

「係我哋第一張單獨合照。」小璇笑得好開心。

假日嘅旺中人山人海，人同人就好似魚群咁迫嚟迫去。

「哎喲！」小璇係狹窄嘅人群中俾人撞開，我本能地伸手捉住佢，佢都伸手捉返住我。

跟著，手又牽起來，依然係握手式嘅拖。

其實，同呢個女仔拍拖，一定會係好事。

一齊咗之後我應該可以慢慢咁更喜歡佢。

愛情、感情都係培育出嚟，大概。

我哋行咗幾間格仔鋪後我睇啱咗兩樣嘢，第一樣係皮革銀包製作包，另一個係月亮球。

手工禮物好似幾好，個皮革銀包睇落都好易整咁。

阿敏個銀包都用咗4年幾，由中一用到依家，都用到有啲殘舊，呢個時候換咗佢都係好事。

個皮革銀包又有阿敏鐘意嘅棕色，呢份禮物真係好適合佢。

「小璇你覺得銀包定月亮球好呀？」

「兩個都好女仔喎。」

我都係好鐘意呢兩份嘢，我再問：「咁你自己鐘意邊個？」

「我鐘意月亮球多啲。」

「咁我買月亮球啦。」

間鋪好細，又愈嚟愈多人入嚟，所以我分開拖住小璇嘅手，叫佢係出面等我買嘢。

然後我兩件嘢都買曬，我將皮革銀包放入書包，放喺紙盒入面嘅月亮球就用手拎住。

我行出鋪頭，將個月亮球遞俾小璇：「月亮球，送俾你，聖誕快樂。」

小璇嘅表情比上次夾比卡超更開心，佢雙手捧住紙盒：「多謝你……」

笑到見牙唔見眼就係形容呢個樣。

「我真係好開心，好多謝你呀！」

「唔洗客氣。」

小璇主動拖起我隻手：「接住。」

佢再講：「我送返回禮俾你，跟我行。」

小璇拖住我走去地下嘅機鋪影貼紙相，我唔太了解用下filter再畫下啲字、圖案上張相有乜好玩，但係小璇就影得好開心。

佢整完啲貼紙相之後就遞俾我：「送俾你，樂仔。」

小璇可能太怕羞唔敢望住我，所以低住頭講。

「樂仔？」

「我可唔可以咁樣叫你呀？」小璇又用隻佢水汪汪同帶點可憐嘅雙眼望住我講。

「可以呀。」

「樂仔！」小璇繞住我隻手好開心咁講。

之後我哋行多咗陣旺角就一齊坐車返屋企。

分別前，我同佢講我會好快俾到答案佢。

「係你俾答案之前，我會繼續主動出擊！」

小璇淘氣地講，然後好唔捨得咁鬆開拖住我嘅手。

阿敏
小璇

返到屋企就五點，我立刻開工整銀包，希望可以係阿敏煮飯前整好。

阿敏7點到過咗嚟，但未整完銀包嘅我鎖咗自己係房。

「樂文！你食唔食飯㗎！」

「食呀！你煮先啦！食得我會出嚟㗎啦！」

銀包整到八成到，其實呢個銀包好易，攝卡嘅位佢一早整好曬，我只係需要將兩塊樣縫埋一齊，但就係呢樣嘢都搞好耐。

半個鐘之後我終於搞掂，我收好啲工具同呢份禮物就走出去。

「今日有咩食乜呀？」

我走去坐係梳化阿敏後面揉住佢膊頭講。

「我叫咗外賣炸雞，今日想食好啲，頭先你又匿埋係房唔幫我落樓下拎！」

「你早啲講呀！我仲以為你煮飯，對唔住呀！」

「你奇奇怪咁匿埋係房都唔知搞乜！」

「你等我一陣！」我入房拎個銀包俾阿敏：「拎去！我整嘅銀包，我哋琴日講好嘅禮物！」

「自己整！？」阿敏有啲不置可否咁睇住個銀包，睇兩睇佢再講：「縫得咁差，係你整架啦！」

「俾小小面嚟！整得好辛苦㗎！為咗你我先整呢啲手工嘢咋！」