我青梅竹馬同咗個死MK仔一齊

明白

Good end
Bad end

true end

250正評再加更

推！太好睇

不經不覺就5點，越嚟越多人眼瞓就話要返房瞓，狗公走咗之後阿敏都起身話要返房瞓。我見佢話走我都話要走。

離開組爸間房之後，我哋一齊等𨋢，佢住16樓我住14樓，分別係女層同男層。

「你同個mk仔咁快分手？」我問。

「因為我唔鐘意佢。我講過俾你知架。」

「叮。」𨋢到，開門。

我哋入𨋢，上升，去到14樓，開門。

「叮。」

我無出門口，企咗係𨋢入面。

「咁我走啦。」我企咗係兩道𨋢門中間，阻止佢關門。

「聽日見。」阿敏答。

我行出𨋢外，𨋢門慢慢關上。

係兩門合埋之前，我㩒返開𨋢門。

黎明一身蟻

好有代入感

「阿敏，一齊去睇日出好唔好？」我向𨋢入面嘅阿敏問。

「好累喎。」我走入𨋢，任由佢向上升。係呢個時候我用手機查緊幾點日出。

「仲有半個鐘就日出，去格仔山睇仲趕得切。」我講。

要知道佢點解避開我，我哋需要啲獨處嘅時間。

本身我以為我哋已經變返好似以前咁，但係阿敏今日嘅反應就否定咗我呢個諗法。

「但係⋯⋯」

難得嘅機會，重遇嘅巧合，唔可以輕易地放棄呢個重修舊好嘅機會。

我無視阿敏，㩒地下再關門，下降。

落到地下，我就拉住阿敏隻手跑出hall。

「快啲啦！要跑上山啦！」

我拉住阿敏係夜晚嘅學校奔跑，離開校園之後我哋就向樂富方向跑。

依家又好似變返細個咁，兩個小朋友不顧一切咁奔跑，手牽住手。

阿敏無鬆開我隻手，我都唔知幾時開始我哋係拖住手。

明明已經無見咁耐，明明只係重遇無耐。

但係，好似有啲唔會隨時間改變。

好快我哋就上到格仔山，成坐山得我哋兩個。

我哋坐係山崖邊，等日出。

上到嚟我先發現太陽係喺另一邊升起，不過我無講出口。

我任由太陽係我哋背後升起。

背後愈嚟愈多光灑出嚟。

睇日出錯方向算唔算柒

真係笑撚左

「我哋可唔可以好似以前咁？」我問。

阿敏搖搖頭：「無可能完全一樣，時間只會一去不返。」

「我相信，我哋兩個可以做到。」我就係覺得，我哋係會做到。

陽光越嚟越多，我哋前方嘅九龍城越嚟越清晰。

阿敏諗咗諗，佢再搖頭：「小璇叫我唔好俾你亂識女仔。」

「你唔係其他女仔，我哋由細玩到大。」

「但係⋯⋯」阿敏又想反駁，但我舉起一隻手指示意佢收聲。

「應承我，一切返到去以前咁好唔好？你對我嚟講好重要，重新相遇呢份機緣巧合，我唔想浪費。」

我唔想再失去，我以為呢世都唔會有機會重遇，唔想再失去嘅我只能夠不放，直往。

「唔得。」阿敏拒絕咗我，佢再講：「老實講，經過琴晚，我發現我對你嗰份感覺仲係到。」

「哦⋯⋯」

「所以你仲同小璇一齊嘅話，可唔可以就放過我？」

阿敏好似好痛苦。

估唔到咁多人想要ge，仲以為大家想男主角仆街

只要唔出聲就唔會係柒

Any肥，想放個故去紙言但諗唔到故名，想係到集思廣益，睇下各位有冇貨仔，謝謝

「我對小璇已經有啲淡，可唔可以俾次機會我？」我唐突咁講，或者有弦外之音。

「我諗下。」同過住肯定地拒絕唔同，阿敏今次有啲心軟。

「最起碼都做返朋友？」

我知道好難做到，但就係忍唔住問。

「我唔知道，就算你話唔鐘意小璇，我都覺得有啲唔對路。」阿敏講。

我同阿敏一樣，對對方仲有感覺。而我已經唔太愛依家嘅女朋友。

「我都係，我都仲鐘意你。」如果唔係仲鐘意阿敏，我就唔會咁痛苦。我知道小璇先係我女朋友，但係我無視唔到自己內心。

我有啲想同阿敏一齊，小璇就放棄佢啦。

以我了解嘅阿敏，只要我再講多啲佢就會心軟。

「我唔會同你一齊。」阿敏又講。

「因為我有女朋友？」

「其一。同埋你好唔成熟，俾唔到安全感我。最重要都係，小璇比我好，比我適合你。」阿敏指出我嘅問題。但係今次，佢冇100%話唔一齊，態度對比以前軟化咗。

我都知道自己唔成熟同三心兩意，但係就一直都無動力去改。

阿敏再講：「當係為咗小璇，當係為咗自己，你可唔可以有啲承擔？」

「我哋可唔可以做返朋友？」

明知我咁講阿敏會痛苦，但係為咗留佢係我身邊，我只能夠咁講。

「要承擔嘅就唔好再諗住為咗我同小璇分手。」

「好難做到，我對小璇已經淡咗。」人哋換女朋友係為新鮮感，我想追返以前一直係我身邊嘅女仔，係為咗安心感。

「你自己諗清楚啊！同埋，就只係青梅竹馬。」阿敏望住九龍城對我講。佢軟化啦，佢已經係同我重新聯繫。

「嗯。」

太陽完全出嚟，整片大地都俾佢照亮。

點樣先係有承擔？點樣先係成熟？呢個會係我係大學，對自己嘅課題。

我同阿敏之後就慢慢行返hall。

「好眼瞓呀，無啦啦拉人出啦！」阿敏用力咁拍打我手臂。

「鬼叫你避開我。同埋，我唔去再失去你呀嘛。」

「你講乜鬼呀！」阿敏又打咗我一下。

「總之我哋依家就變返以前咁？有嗰句講嗰句？」我向阿敏確認。

「得啦。」阿敏鼓埋泡腮咁答。

同佢行返hall嗰段路完全無人，我哋放肆地打鬧，如入無人之境。

總之，目標達成。

返到hall，我瞓一陣又去咗食早餐準備繼續玩ocamp。

今日第一個活動就係水戰，睇多過玩。

後生女嘅身材真係好正，啲波彈下彈下，啲bar又因為表衫濕曬而透出嚟，啲腳又白又滑，目不暇給，一句講曬就係屌你正呀喂。

但呢到唔太關我同阿敏事所以唔詳述，我大飽眼福就夠，可以拍拍囉柚走人。

玩完已經中午，大家帶住濕撚曬嘅身體返hall換衫沖涼。

換完衫食個晏之後，我哋休息下之後就已經差唔多4點。

5點開始我哋又去咗學校嘅廣場到跳camp fire。

今次，我同阿敏肩並肩咁跳，不知不覺就跳咗三個鐘，當然中間有啲休息環節，隻狗公見我同阿敏咁close就無咗走過去癡住阿敏。

跳完之後就開始sharing，台上嘅莊員分享完之後，就到每一組聽組爸媽分享。

我組爸媽都係講下自己以前住hall嘅感受，有咩意見俾我哋，佢哋仲講到喊曬口。

我發現原來在場每一個組爸媽都講到喊，到底hall呢個地方有乜嘢魔力令到佢哋每一個都咁鐘情於呢個小劏房？

我望住阿敏，我哋終於重聚，本來已全屬小璇嘅心又分裂，過去嘅情感慢慢湧返出嚟。

結果，當晚我都喊埋一份，但理由同他人唔同。

就係咁，我同阿敏嘅緣份係斷咗層一年後再續。

呢三日ocamp，我搵小璇嘅次數屈指可數。

樓主寫得好好，我一日睇曬個故。
有啲位好心痛似真真事多過故
樓主加油呀

寫到好有代入感麻煩出多啲

真人真事既話想要TRUE END
既然係故最好當然GD

Lm more