有無巴絲打鐘意玩Paradox嘅戰略game？(8)

1001 回覆

20 Like 2 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

神奇水地獄 2020-12-28 21:52:28

hoi v，hoi4 dlc都未出夠

天滅共匪 2020-12-28 22:00:24

有

天滅共匪 2020-12-28 22:00:49

ck3（利申打手）

頭風紀 2020-12-28 22:23:25

係wo

，派左膠tim

奈何作賊 2020-12-28 22:24:43

CH 6

阿方索登上王位之後，首件要處理既事就係思索要如何讓葡萄牙變得更強大，避免終有一日被鄰國卡斯提爾吞併。
其中一個方法，就係採納新制度、新科技，從根本改善葡萄牙既體質，先至能夠
領先其他國家。

================================================
EU4既科技比起HOI4更簡單，只有行政、外交、軍事科技三種，各自對應三種君主點，儲夠就可以升科技等級

上圖係研究4級行政科技”Temples”時既畫面，我地需要有598點行政點先至可以升級
下面重有兩段細字，一段係寫”Being ahead of time in this technology”，由於每個科技都有相對應既發明時間，提早或者及時研究的話會拎到bonus，行政類科技的話係production efficiency +20% & yearly corruption -0.05，早期黎計唔太重要，去到中後期當商品成為收入大宗後，超前研究科技帶黎既好處就會非常大，特別係控制商路後既殖民大國

再下一段字寫住”increase our Innovativeness with 2.00”，即係+2.0創新值
創新值喺上圖國家頁面既右上角既燒瓶顯示出黎，目前係0.0，創新值上限100，到上限時能減少10%所有用到君主點既消耗，換言之即係每1.0創新值就慳到0.1% all power cost。

創新值既增加方法除左event之外，主要由研究科技同理念入手，只要你係全世界第一個研究到果一級科技，或者有人研究完之後90日內你都研究出黎就會加2.0
另一個方法係理念(idea)，第一個採用果個理念既國家會+1.0創新值，將來再講咩黎

咁既然有創新值，咁研究科技落後又有冇野注意？當然有。
當你冇任何一項科技係超前研究，而鄰國有的話，創新值就會每月-0.03
另外，三種科技入面只要最高級同最低級既科技相差超過2級，就會增加每月貪腐度(corruption)，例如你研究左行政5級、外交3級、軍事5級，只要你升行政或軍事科技上6級就會產生貪腐，視乎情況(主要係國計)而無視都得

某D科技會好重要(例如軍事科技，超前敵國1級已經贏一半)，某D慢慢研究都得，有D會因應國情而特登唔研究，留返君主點黎做其他野，以葡萄牙為例，因為要盡快出探索理念殖民海外，所以會儲起外交點，行政點衝到5級之後直接出殖民者開始殖民，之後再補返外交科技

喺研究完科技之後畫面係咁

最主要係睇Ahead of time，每超前一年會+10%君主點先研究到，每年1月1日扣減返，所以如果你唔係趕住搶innovativeness，大可等到過左年先至研究節省60君主點
有一種睇法係你搶唔到innovativeness的話，乾脆等到Ahead of time既扣減變成0先至研究科技，將君主要用於升development, 升idea etc，依D就睇你國情到底係點了
================================================

對外方面，經由航海家既努力，一條通往世界既大門被打開：繞過摩洛哥後既非洲充滿未知、有大量既土地可供開發，一切都係伸手可及。
問題係，國家版圖實在太細，人力物力都不足以支撐大型既海外開發，連休達亦隨時被回教徒奪回，要殖民他鄉談何容易？

就喺依個時候，瑪利亞向國王獻上一張全新既古地圖，地圖上標明格拉納達(Granada)現時既領土曾經係葡萄牙既領土。
1449年2月，即阿方索即位2年後，葡萄牙聯同卡斯提爾向格拉納達及其盟友突尼斯宣戰，誓要將回教徒趕出伊比利亞。

================================================
一般而言，向他國宣戰的話必須有宣戰事由(簡稱CB)，可能係因為兩國係宿敵(Rival)，又可能因為人地國家拎左你既領地，你要搶返自己既土地等等
如果你冇CB去宣戰的話，你就需要以-5穩定度為代價先做到，如果唔係有特別用意的話基本上可免則免。
咁本身冇CB又想宣戰的話點算？依個時候要做既就係偽造宣稱

偽造宣稱(Fabricate Claim)之前你首先需要建立間諜網(Spy Network)，同改善關係相似都係每個月逐小逐小咁加進度，上限100。唔同既係間諜網偶爾會被發現而損失進度
進度去到20之後可以偽造一塊有陸地或海路連接既province既宣稱，之後每加一塊又會加小小需要既間諜進度先得

(可以睇埋邊格province既發展度比較高)
如果單純想開戰的話是但一格province有claim就得，但係注意一點，喺和約入面割讓冇claim既province(不論係乜途徑得到既claim, 例如係舊領地、任務/event得到既claim, 偽造claim)，就需要根據該province既發展度而支付一定數量既外交點數，想節省君主點的話就必須留意，一係你預先整好晒claims先開戰，一係優先揀高發展度既地方整claim，一係唔割咁多冇claim既地方，或者你唔需要留外交點數的話，有理冇理割一D好重要既province係最好方法

(成功的話喺province資訊既”Cores & Claims”會見到自己國家既icon)

有Claim之後，就可以派外交官去宣戰

(另外記住開局之後葡萄牙同Granada有停戰協定(Truce)，記得等到時間到先好開戰，Break Truce同No CB一樣會扣大量穩定度)

依個就係宣戰畫面，都有幾多野要睇
1. 揀用咩CB宣戰，留意”Conquest”下面係揀你指定邊個province做戰爭目標，只要你長期佔有該戰爭目標的話，War Score就會不斷增加，有利於之後既和談
順帶一提既係不同既CB會影響能否割地、AE增減、和談時所需外交點增減等因素，依到唔詳細講
2. 敵人既盟友，下面有剔號的話代表佢會參戰
3. 自己既盟友，打交叉代表唔會參戰
4. 敵我軍力比較，可以預計自己既勝算
5. 剔號旁邊既方格代表你是否認為該國家係交戰國(co-belligarent)

依一張比較圖可以見到，唔打剔的話該國家無法帶埋佢既盟友參戰，但和談時要割地的話就要支付多一倍既war score先得，而剔左的話war socre就唔需要乘以2，但係佢就會帶埋佢既allies參戰
另一個限制係如果你同果個國家有Truce的話，強制唔比剔

剔與唔剔睇情況，通常兩邊咁上下的話就睇佢有冇再多D盟友，依個情況因為突尼斯只有Granada一個盟友，即係冇額外國家參戰，所以一定係剔左佢

6. 根據條件，自己既盟友先會參戰

參戰態度可以見到因為我地同卡斯提爾(Castile)唔夠10點人情，所以唔會參戰
但留意佢個icon唔係交叉而係手板，你只要click一下正中間果個icon就會變成咁

咁樣即係話，你願意喺和談中割地比埋Castile，吸引佢參戰，之後你再喺左邊既方格打剔就得
當然，和約中你比唔比地人地係第二件事，不過就會大幅減兩國關係，自己留意咩情況
================================================

奈何作賊 2020-12-28 22:27:29

勝利實在得黎太易。
由於葡萄牙喺停戰協定終結既同時開啟戰端，剛剛經歷完貴族叛亂既格拉納達卒不及防，短短5日時間就比經過多年訓練既葡萄牙軍隊徹底擊潰，全軍覆沒！

喪失全數陸軍既格拉納達亳無反抗之力，預先駐紮喺格拉納達邊境既軍隊亦喺宣戰既同時進軍，全數領土迅速被葡萄牙軍隊包圍，一海之隔既突尼斯根本無法馳援，眼白白睇住立足於歐洲既最後一個回教國家淪陷，畢竟一切都只係開戰後兩星期內既事。

================================================
我都明睇故要睇幾次教學好出戲，講完今次冇喇
詳細既軍事系統請睇依條link
https://home.gamer.com.tw/creationDetail.php?sn=4442906
只講重點的話，EU4要打贏敵國，靠既主要係軍事科技(科技組亦有影響，例如歐洲軍隊能力最強，非洲、亞洲較弱)、地型+堡壘、將領能力值、國家本身或者理念提供既加成等影響，所以喺相同條件下，去到某D時間土耳其、法國、普魯士既陸軍會特別好抽就係咁解

HOI4要打贏人，靠既係將敵人退路截斷，包圍殲滅
EU4就冇依支歌仔唱喇，同Stellaris一樣將軍隊集埋一齊喺某幾個province打仗，所以要贏就要靠抽唔抽到靚骰將敵人”stackwipe”，或者打到佢回唔切人力/士氣再”stackwipe”，或者打到是但一個人力歸零
上面張戰鬥結果圖可以睇到敵人既3千士兵被殲滅，就係”stackwipe”，觸發條件有兩個，一係12日之後將敵人打到士氣變0(士氣即係HOI4既組織度)，一係士兵數量差距為10倍時，例如你有1萬人捉到1千人既軍隊就即時stackwipe。

至於佔領province時會有個%，有D係100%，有D係負數，點解?
機制上，軍隊要企喺province上面一段時間先至可以完成佔領，但係如果果一格上面有城堡就需要經過圍城階段(Siege)先至可以完成佔領(首都province就算冇城堡都要圍城)

依張圖我地睇三樣野
1. 敵人資訊，最主要係睇左下角既兵數同右上角果個”6”字
要佔領一格province，最少需要1000士兵，包圍城堡的話有小小出入，最少需要守軍人數既3倍
由於依家Malaqah既守軍人數有2千人，所以我地需要6千人，即係要6個滿編既士兵先會推進圍城進度
但留意返張圖最底既1%，意思係圍城時會定期損失1%人力，保險起見可以加多1隊步兵
2.圍城速度與圍城進度
有唔同既因素會影響加一次進度需要幾多日

目前情況係每40日一個循環，影響既因素包括將領既圍城能力、有幾多枝大炮、有冇海軍幫手攻城、城牆有冇被轟破
喺軍事科技到7之前大炮仍然未出現，攻城係好花時間，特別係內陸既province冇海軍支援，所以依段時間你請到個有1甚至3圍城能力既將軍，每廿日跳一次進度就會非常強 (根據event你甚至可能抽到圍城4既將軍，試過一次包上癮)

不過，依度只係講緊跳一次進度既速度，圍城進度係要靠擲骰仔決定

被戲稱點數風雲既第二個原因係好多野都係由骰仔決定
每一次進度完成時就會擲一次骰，根據結果決定進度不變定會增加
需要將進度變到0%以上先有佔領該province既機會，好彩的話4%都可以抽到攻陷城堡，唔好彩80%都要繼續圍城

3.手動轟破城牆、強攻城堡
符合一定條件後，你可以支付50軍事點去轟出3個城牆缺口

以依個時代黎計，海軍總共有100枝大炮就可以執行依個行動，內陸province乖乖地包圍一至兩年時間
轟破城牆之後除左令圍城進度增加之外，重可以比你下令軍隊強攻，花費大量人力去攻城，敵人守軍數量或士氣變為0的話就即時佔領province

一般而言強行攻城既人力損失係1:10，視乎情況同人力儲量先好用
另外因為都會扣唔少軍事點，拖慢軍事科技既研究，請自行判斷
================================================

就喺格拉納達餘下兩座城池尚被圍攻之際，葡萄牙軍隊重新集結，阿夫朗什將軍收到敕令，帶同7千步兵、4千騎兵聚集於海邊城市。

「唉呀唉呀，今日既大小姐依然貌美如花，依種感覺我冇錯的話就係仙氣！賞唔煩面今晚黎我房增進下感情呢？」
阿夫朗什將軍身為情場浪子，喺見到攜同葡萄牙海軍到來既瑪利亞之後，依然稱職咁調情。
「死痴漢同你講幾多次同我行開。」
而瑪利亞亦一如既往地冷淡對待佢。

就喺同時，碼頭上既士兵正搬運一車又一車既糧草、武備上船，一部分人正檢查船上既風帆有冇破損、船陀船錨等設備有冇問題；另一群人正在分配之前從數條村莊掠奪得來既財產；重有少部分新兵企喺一二角雙目放空，好似靈魂出竅咁冇晒反應。

瑪利亞向住果幾個新兵既方向抬左一下下巴，問：
「阿夫朗什將軍，你手下既人情況點？」
「哦，果幾個新丁？」
阿夫朗什望左下瑪利亞指既方向，就答：
「冇記錯的話佢地係里斯本出身既人，住慣城市未過『世面』，徵兵入軍隊去到戰場自然係咁既反應，叫佢地今晚搵幾個女人就冇事啦。」
「係呀......」
瑪利亞反應平淡，單純表達聽到阿夫朗什既說話。

依個時候有某幾個沙場老兵行喺路邊，大聲談論當日喺某一條村莊既收獲，其中一人又講述追趕村長個女入深山後，幾經辛苦終於捉到對方，經過一輪之後又帶返營區既事；又有一人講同某村姑及其丈夫既事，其中一個新兵聽到既時候，當場喺路邊跪低，然後嘔吐大作。

戰場係殘酷的。
因為國家只為軍隊提供糧食同合規格既武器，透過殺戮、掠奪後取得既戰利品係佢地唯一既收入；
因為隨時都會死，可能係被敵人殺死；可能係傷口感染被醫生節肢再而失血過多死亡；可能係同大隊失散，死於深山......
恐懼造成既壓力非常沉重，於是變得放縱，於是變得殘暴，逐步遠離天主既教誨......或者又因為大部分既農民冇經濟能力接受教育，亦冇神父仔細教導人民聖經既話語所致，畢竟喺依個世代，神父縱色縱樂已經係常見之事，農民冇咁多心機去學習。

「所以話城市黎既士兵特別難搞，喺農村既人每個都見慣血、殺開野獸；城市黎既人十指不掂陽春水，叫佢殺戰俘同搬屍都唔肯。」
阿夫朗什稍稍不滿地說。

殺害戰俘，甚至屠城喺當時係常見既現象。除左要搶戰利品、憑割雙耳換取戰功外，關鍵在於佢地係敵國既軍人、敵國既平民，一無多餘糧食及人力去養活或看管佢地，第二係根本無法保證放佢地離開之後會否再度反抗，多數男人不是被殺就是被販賣作奴隸，威尼斯排漿船上既奴隸就係咁樣黎，剩低少數「幸運」存活既女性，就此「不幸」地生存落去。

久經沙場既瑪利亞親身經歷更殘酷既戰場，所以早已習慣。畢竟佢當年被人稱為「休達的魔女」，戰場上既回教徒一見到佢既軍旗，怕死既都聞風喪膽逃離戰陣，唔怕死既通通都被送去見阿拉，而且係非常殘忍果種死法。

至於阿夫朗什，身為貴族既佢喺小時候由父親教導佢武術、軍事學等，同時會從奴隸販子買戰俘比佢親身體驗殺人既感覺，比佢雙手感覺到將劍刺入人體之後既觸感、比佢雙耳聽到將死之人既慘叫聲，漸漸麻痺殺生帶黎既罪惡感，同時建立佢殺害敵人乃是獲得榮譽既方法。

「貞德......」
「大小姐？」
「冇事。阿夫朗什將軍，三日後我地就起程，看管好你既手下，提防出現逃兵。」
「係係係～大小姐叫到一定做足。」

三日之後，葡萄牙軍隊坐上數十艘運輸船，浩浩蕩蕩往東航行，喺葡萄牙海軍及卡斯提爾海軍護航下佢地到達最終目的地——突尼斯