CH 8
喺一片頹垣敗瓦中,葡萄牙既外交官正與突尼斯既使節商議和談細節
曾經突尼斯係北非大陸中繼亞歷山大之後第二大既貿易城市,商人由此處購入經亞歷山大再轉口既非洲或亞洲商品,運往熱那亞、拿坡里或里斯本等地。如今經歷戰火洗禮後,曾經一片繁華既海港城市已經被洗劫得一乾二淨。
突尼斯國內既狀況也不見得好得去邊,周邊國家乘突尼斯陷入危機,紛紛向突尼斯宣戰,全土淪陷只係時間既問題。
不過,葡萄牙開出既條件意外地輕。儘管突尼斯方面準備好要失去首都既統治權,喪失北非既金雞蛋,不過葡萄牙方面只要求突尼斯向葡萄牙及卡斯提爾聯軍賠償陣亡士兵家屬慰問金共295 ducats,及持續支付國家收入十分之一作為戰爭賠款便是。
根據後世史家既評論,葡萄牙國王阿方索既考慮,在於此時期既葡萄牙國庫空虛,急須一筆意外之財作為日後佔據北非地區既起始資本,此舉亦實際上協助葡萄牙擴軍,最終擊敗北非宿敵摩洛哥既重要因素;另一方面,葡萄牙亦無法從突尼斯身上割取領土既同時有效地治理新領土,畢竟要喺外敵包圍之下站穩陣腳,光是休達一地已經是極限了。
眼見國家即將全土淪喪既突尼斯面對葡萄牙開出既條件自然無法拒絕,只能向熱那亞商人借款以履行和約條款,結束第一次葡萄牙突尼斯戰爭。
就喺突尼斯與葡萄牙、卡斯提爾聯軍簽下和約後,實際上仍然與聯軍處於戰爭狀態既只剩下格拉納達——一個早已喪失全部領土既可憐小國。
================================================
依度可比較兩邊既戰爭分數,儘管右圖多左一行+4.82分既戰爭分數,不過不太影響說明,當敵人有盟友時,你需要佔領所有敵人既領地及殲滅所有敵人軍隊先會變成100%,所以有一種方法係分開議和,先同次要敵人簽和約,推高主要敵人既戰爭分數,方便取得最大戰爭利益。如果直接同主要敵人議和的話會變成整體既和約,部分情況下唔太著數,要單獨議和有兩種方法,一係喺外交界面揀”Sue for peace”,一係喺割地既畫面揀次要敵人既盾徽。
和約畫面都有好多野要知,不過比較簡單唔詳細講
你可以執行唔同既行動,可以將mouse放喺果個選項到睇下咩黎,或者直接睇wiki
https://eu4.paradoxwikis.com/Warfare#Sue_for_peace
一般而言最簡單既就係割地賠款,可以割既土地係紅色,click果格province或者”Demand Tribute”入面揀某一格province都得
另外經常會用既係成立附庸國/直接將某國家變附庸國,咁做既原因係EU4會從內政同外交懲罰擴張既玩家,同HOI4絕然不同
內政上,你割冇claim既province要額外比外交點,無論有冇claim你要由果格province收到錢就要將佢變成核心領土(core),需要比行政點,都重未計有叛軍出現要鎮壓,或者中左overextension食成堆debuff (將來先再講)
外交上,你擴張得太快的話會有侵略度懲罰(AE),當去到一定條件時成個世界都會將你視為敵人,然後組織包圍網圍攻,類似三國志既反董卓聯合軍或者信長之野望既信長包圍網
要避免上述種種壞處,處理方法有三種,一種就係每次擴張都慢慢食,避免一次過食大量buff,代價當然擴張得慢;第二種就係有理冇理照食,慢慢消化debuff;一種就係配搭各種外交play,附庸國係其中一種,因為你喺將來可以透過每月消費外交點「整合」附庸國為自己領土,既唔洗自己比行政點整core/食overextension,又唔洗食AE外交懲罰,所以附庸外交play係EU4玩家既必修課程
特別值得提既係依個
Set左宿敵(rival)之後,拎到40% War Score後可以揀既選項
揀左之後可以得到大量既prestige同power projection,而且可以解”Age of Discovery”既成就
目前唔詳情解釋,之後會再提到
非常簡單咁講,成隻EU4一共有4個時代,一開始就係地理大發現時代
每個時代都有一D成就可以達成,每達成一個就每個月都可以拎到D點數去拎buff, 亦有國家專屬buff,解左3個成就可以開一次黃金時代(Golden Era)去加速國家發展
“Humiliate”絕對係值得揀既選項,單單係加大量power projection令你可以每個月多1點君主點已經值回票價,解埋時代成就拎多D點數去開buff甚至開黃金時代亦非常重要
另一樣要知道既係土地控制權問題
喺開戰既時候,我們揀左簽和約時給予卡斯提爾土地,佢地先至會參戰,具體操作一係由AI自己攻陷城池,或者係你主動劃塊地比佢之後再喺和會選擇割果塊地
同樣操作你可以將塊地預先交比傀儡國,再喺和會割走,就可以由傀儡國幫你整core,節省你既行政點
不過留意既係轉讓土地比盟友後冇得反悔;而轉讓左比傀儡國之後,你亦可以重新將塊地轉返比自己,唔怕揀錯province之類
================================================
格拉納達收到既和約條款,只能用四個字形容:喪權辱國
格拉納達尚未滅亡——因為葡萄牙唔允許
儘管卡斯提爾方面希望能夠將格拉納達完全吞併,不過阿方索主張留格拉納達一條命,避免趕盡殺絕——至奇,係為左拖卡斯提爾既後腿,利用卡斯提爾同格拉納達既停戰協定,減慢佢地既擴張步伐
不過事後,葡萄牙主動向卡斯提爾出售由格拉納達割取既土地,於對方而言佢地能夠取得更多土地,對葡萄牙而言成功回收由突尼斯及格拉納達取得既賠款,一家便宜兩家著
(外交畫面可以選擇sell province, 代價係扣10 prestige)
================================================
另外喺你錢太多時,就會多D幾個icon彈出黎
其中一個係Naval Doctrine
唔太重要,如果你唔想成日見到個icon的話可以按Shift+right click永久唔show出黎
葡萄牙有個專屬doctrine,可以大大加強海軍協助圍城能力,由於揀選海軍教條既花費同水手上限有關,因此值得喺拎到第一桶金之後優先揀選
依個doctrine最屈既地方係可以加快圍城速度,又可以將手動轟城牆既軍事點數-40%,如果你將來再整旗艦再減少40%開支的話,你就只需要支付10點而唔係原先既50點軍事點就可以轟開城牆,不過當然只限沿海既province。
================================================
就喺深夜既皇宮中,國王阿方索翻開一份又一份既文件
相對於即位之初,葡萄牙既國庫已經由需要依賴借款度日既窮國變得國庫充盈,當然,大部分來自於戰爭賠款既單次收入。
阿方索摸一摸頸上既吊墜——那是阿方索喺懂性之後瑪利亞送比佢既信物——臉上難掩興奮既心情,現在既葡萄牙擁有無限既可能性,有左大筆資金之後不論係擊敗仇敵摩洛哥,抑或係實行計劃已久既海外殖民計劃都可以,只要行左依一步,就可以實現收到吊墜當日向瑪利亞許下既諾言——建立一個非人之人亦可安居,唔需要掩飾自己身份既地方。
為左依個目的,由果日起阿方索努力令自己成為稱職既王位繼承人,即位之後每日勤政,為既就係令葡萄牙可以得到更強大既力量,對抗舊有勢力也好,向海外尋求新天地也好,一切一切不是為左國家及人民變好,而只係為左一個人。
「下一步...先係摩洛哥?定係維德角殖民計劃?定係...」
喺阿方索腦入面,一個又一個既念頭如銀瓶瀉水不斷湧現,時代既巨輪亦由此刻開始運轉,世界亦由此刻起掀起翻天覆地既變化。
- CH 8 完-