有無巴絲打鐘意玩Paradox嘅戰略game？(8)

有discord？想揾人一齊玩multiplayer，我宜家成日同鬼佬玩，想揾d巴打一齊玩，測試下自己網絡做唔做倒host/我地可以約埋入人地server玩，做盟友

eu4

外交比較重要，比如你係france你要同時面對austria, castile and england，你肯定唔可以好似單機咁每邊都打下，一定要同其中一邊friend，你處理唔好就係三家分法(都幾常見)

有d房主為咗平衡會訂立規矩限制human ally數量，甚至寫明唔準castile同austria or england結盟

有d國家係會ban，例如aragon，lithuania，bohemia 呢d Personal Union，又例如Novgod,venince呢d必死但單純嘔心人的國家。

玩法都好唔同，例如sweden poland有機會為咗尋求austria保護入hre。
poland有機會唔要lithuania，因為poland無可能夠russia打，而ai兵又太廢，不如要高點數君主+當lithuania做緩衝區

另外multi多數唔會傳教，因為傳教費用太高，要好耐之後先回本,所以muscovy多數食lithuania的東正教land，南面的遊牧民族的地多數會send畀vassal，or甚至完全唔食，淨係用黎搶錢


另外，multi第一個idea一定係quantity(除非你附近冇player可以隨便發展)

其實multi真係好好玩，可能我之後出po寫個介紹

「hoi4」
集思廣益
滿洲國39年獨立左之後唔知搞咩好
打支那但對面成個陣營5個勢力又R唔入
但日本又俾德國同意粉保障獨立
打完南韓之後就企左係到
行條國策收附庸又得新彊入左
點推好

等到Barbarossa推到莫斯科
趁機入場食蒙古+西伯利亞 攞多少少地
入axis 就可以打埋日本
唔入就向南打落去

如果有eu4 multiplayer 記得預埋

趁新年得閒試下俄國最bug套路，睇下打唔打到德國。
成就做咗就唔用iron man了

開局蘇聯有超過100個師，可謂有輾壓性嘅實力，非常適合早戰，即使有大清洗嘅懲罰，都可以打贏周邊任何一個國家。呢到山地師其實可以唔轉，因為我地會早戰土耳其，山地師非常有用，轉馬係個人想練下手操，反正100隊師打土耳其點打都贏。

開局先行史達林憲法國策拎政治點

正常玩法嚟講拎完呢160點，我地會直接轉戰時動員，先壓返15%民用需求，放多啲工廠出嚟起民工，唔記得轉的話會好傷，因為民用法案扣30%民工建造速度，好傷，完全唔知為咩而存在嘅法案，純粹係上debuff，根本on 撚9

但我地會轉上法西斯顧問，呢個係要哂圖哈同羅索夫嘅關鍵。

呢到我蠢咗，我之後夠政治點果時上咗民工建設師，而無轉到戰時動員，少咗20%建造速度同埋廠，大家玩嘅時候記得要先轉戰時動員，起嘢速度差好遠。

點完五年計劃之後即刻大清洗，210日，與此同時宣土耳其，如果想計精準啲，可以等到五年計劃行到一半就宣土耳其，一洗完就即宣，以免大清洗完之前已經打仗，後面戰爭的洗禮唔計你打過仗。

大清洗每70日就有一班被告上庭，接受陽光司法最正義嘅審訊。第一庭呢到3位被告，加里寧、赫魯曉夫、同拉迪克aka 拉民海，都係電視面前誠心悔過，由衷咁表示對於背叛黨、分裂國家嘅行為感到十分悔疚，願意接受任何懲罰
第三個選項係唯一一次唔殺人都可以避免內戰嘅選項，如果玩正常蘇聯，通常會揀呢樣

但係我地好缺政治點，所以會揀第四項


第二次開庭，步兵天才vs 裝甲天才，我一個都唔捨得殺。特別係圖哈嗰批有埋防守大師，對德作戰好有用，但係我更唔捨得唯二嘅裝甲天才......

所以一樣，都係㨂第三樣。我要哂。



痴撚線唔叻唔殺。


所以揀唔殺。淨返啲1 lv 元帥，演習專家係打條撚仗咩

36年完成無人死嘅大清洗。

學下野

彈咗個事件，法西斯思潮崛起。

與此同時土耳其嘅宣戰藉口都造好咗，不過我呢舖等咗一陣先宣，因為想等法西斯到40%直接用50點加10%支持再投票轉法西斯。

羅馬尼亞保障土耳其，打埋。

分10隊登陸土耳其，俄仔黑海艦隊搶贏土耳其制海。。

登陸之後玩貪食蛇，shift住㩒啲馬仔去勝利點到。見到人就繞開，唔好打硬仗。

馬仔時速係6.4KM，快步兵一半有多，所以可以搵一隊佯攻，另一隊就直接斷佢後路，一包圍住佢，無補給就可以夾攻打死。

係高加索地區騎兵嘅都突破咗防線，向勝利點出發。被包圍無所謂，最緊要踩到勝利點。

土耳其緊急訓練嘅軍隊迅速落地，反包圍住唔少騎兵，但係蘇聯有1.6億人口，死幾隻沒事兒。

踩到投降，蘇聯軍死咗10萬人，土耳其軍死咗不足5萬就投降。

與此同時，羅馬尼亞面對住輕坦師嘅火力，完全唔係對手，輕鬆輾壓。

羅馬尼亞我選擇傀儡佢去減少前線。

呢張卡唔好用係41年重坦到，所以要係呢日之前開始研究41重坦，食住懲罰研究完41重坦，再將蘇德條約同戰爭洗禮張加速卡用係43重坦、同埋現坦
好似呢張咁，我等到事件pop出嚟先研究，食最少嘅懲罰去研究。當然有啲更刁鑽嘅套路，例如特登漏空一格儲30日進度，咁樣就少30日係食住懲罰研究，會再快啲。

蘇聯轉法西斯會令到唐努圖瓦同蒙古離開共產國際，所以如果想玩間諜可以用內務委員會。否則行另一邊重整軍隊嘅國策，加上你保留咗嘅陸軍重整大師參謀，你啲士兵嘅回復速度可以比得上行人海戰術右線嘅重整速度，抵抗德軍更輕鬆。

37年11月過咗50%，面對住日潮高漲嘅anyone but Stalin思潮，史太林對自己國家好有信心，共產主義革命發源地點會離棄我呢？

點知法西斯競爭對手提出郵寄投票，咁就死啦，啲票都追唔到來源，元首想八千萬張票點投都得啦，唔使Dominon都夠贏你。

留名學野

都係試下爽下，岩先打日本過唔到海，所以要重打

明明之前全部水面艦放去海嵾威，潛艇去馬里亞納海炸船係可以炸到佢艦隊調走

呢隻Game海戰真係睇到頭都痛
成日玩二線國家都砌唔起
但少左制海權貿易又唔順

傳統海戰得英美日有得玩。
意法艦隊係二線，但係係英美日面前都係傻仔一樣。

所以小國係淨返潛艇水雷流同埋輕巡驅逐流，可以玩贏海戰。

前者靠水雷減對面速度（1000水雷減對面80%速），40年潛艇用大量魚雷爆細船再爆大船

後者靠高速艦艇閃避敵人炮火，用輕巡炮爆細船，然後驅逐艦魚雷爆大船。

當然用魚雷轟炸機係最bug，ai一用你啲艦好快唔見哂，因為ai有雷達、偵察機，出埋cheat知你啲船係邊，同你炸極都係運輸船好唔一樣。

Hoi4
通常annex一個puppet要搞幾耐
都已經又起野 送槍 但都係拖好耐先食到
尤其羅馬尼亞呢啲國家多puppet
整起上黎頭都痛

送運輸船最有效，因為送槍 要傀儡國自己有船先至送得多，你試下送每月100箱槍，就要傀儡國每個月用幾十架船去拎。相反你送運輸船，傀儡國唔使出船，壓自治度效率最高。

所以hoi4 開局船塢生產線通常都會del哂啲36年25年船，全部起運輸船最有用

續上回：
新領袖羅扎耶夫斯基執政之後，第一件事就係將前朝政策全部取消，咩禁運、制裁，同我取消哂佢！

同時繼續民生工廠嘅建設，由高基建嘅莫斯科，史達林格勒開始起，優先起爆呢兩個地方嘅廠。

因為緊張度太高，英國即刻保障芬蘭，羅扎耶夫斯基決定取消對芬作戰，戰略性忍耐下先。

與此同時，日本邊境向我俄軍掉石頭，點知遭遇我俄軍10個坦克師痛擊




因為我下一個目標就係聯合艦隊！

提前調哂去海嵾威嘅舊式艦隊，面對住接近200隻艦嘅聯合艦隊當然係不堪一擊，但我地只需要搶一下制海，一下咁多。

開戰之後會開始有船調過來，所以要提前計劃好登陸計劃。

部隊一上船，就算無制海都會登陸，不過會面臨補給船被打靶咁打，集中火力登陸港口，有可能港口有人守就無功而返，然後再無機會登陸。

大艦隊已趕到，機會只得一次。

登陸之後取消前線，成功登陸嘅9個部隊，食粥食飯睇你地了。
敵軍本土部隊坐火車堵截登陸部隊，組織度咁低嘅情況之下，無法抵擋我呢9個20寬步兵師。

搶到港口馬上運送由羅科索夫斯基元帥親自率領嘅10個精銳坦克師。

先鋒部隊係幾乎無抵抗情況下佔領極多勝利點，只要包圍住日本首都東京，其他地方嘅部隊就無法用陸路補給。不過日本海軍擁有制海，補給依然可以由東京港口出發送去各地。

支持
俄佬點樣海軍同日本打

俄軍成功包圍東京，坦克部隊亦已經趕到。

劃前線平推，攻入東京就會投降。

中國因為死得人多拎咗好多戰爭分，當然係收復啲自古以來領土先。

中國突破第一島鏈，將日軍太平洋基地變為自古不可分割的一部分

韓國朝過貢，所以都係一點也不能少

兩韓統一，牛逼了我的国

法西斯國家係peace deal 建立嘅傀儡國有個特性，就係默認會同民主中立共產主義建立嘅統合傀儡國同級，只要再降自治度就可以直接吞併，所以直接係日本抽咗20間軍工。中立國家嘅和談建立嘅傀儡就高一級，需要減少嘅自治度同埋使用嘅政治點就更多。

由於行英雄主義，無集體主義嘅10%建設速度加成，爆民工嘅速度差好遠。蘇聯嘅國策得咁少仲玩互斥，42年已經無野好點等巴巴羅薩DLC睇佢點fix吧。

因為世界緊張度已經100%，英法好大機會保障獨立，所以要呃一呃保獨。

法國佬你都自身難保啦仲學人保，蘇台德又唔見你企硬。

記得取消，如果唔係你下個宣戰會有持續的戰爭理由debuff，加宣稱時間，我目的只係要佢無政治點保我真正目標，所以唔好傻更更真係等170日造完個理由，造完唔打會扣穩定同戰爭支持。

簽條約等佢專心打西歐，反正佢一定登陸唔到英國，軸心無可能贏。

德國向英法保障嘅波蘭宣戰，世界大戰正式爆發。

係英法德埋牙打大交嘅同時，39年10月，俄軍超前研究嘅41年重型坦克已經研發完成，可以投入生產。呢個時後，我地有德軍比我地嘅一次戰車加成100%，同埋另一次戰爭洗禮嘅100%加成，加埋英雄主義嘅10%研究加成，同埋坦克研究商，我地可以全程加速超前研究坦克。

交換技術嘅德國佬仲話我地應該研究中坦，咁37年研究好39年中坦，可以超前一個世代。

不了，中型坦克超前懲罰減免，我有另外嘅用途，我唔會浪費佢係中坦身上。