有無巴絲打鐘意玩Paradox嘅戰略game？(8)

買左了 試左下教學關
想問下原本我出兵係夠兵力圍城
圍到條bar一半到
佢其他伯爵黎幫拖 剛剛好打到我唔夠兵力圍城
咁我是咪只可以退兵

其實有冇得解人pu
想打柒俄佬，佢pu左西班牙

打左野戰先
消滅人地主力攞分仲多過圍城
同埋可以捉領主搏到即贏

好啊 試下先

CH 4

「法蘭西萬歲！」
「法蘭西萬歲！」「法蘭西萬歲！」「法蘭西萬歲！」
諾曼地郊區既戰場上，一名身穿板甲的貴族騎士拔劍高呼法蘭西萬歲，喺佢身後既數千士兵隨聲附和
「為國王而戰！衝鋒！」
然後，數百匹重裝騎兵同時由戰陣中彈出，往英格蘭既防線衝，不怕死地往前衝。

1445年2月，英格蘭與法蘭西兩個國家再次陷入戰爭狀態，今次既戰爭原因係無能既英格蘭國王天真地以為能夠戰勝法蘭西國王，將他踢下王位，建立以英格蘭為主導既聯合統治王國(Personal Union)

消息傳至葡萄牙後，最為傷腦筋的不是別人，正是攝政佩特羅
「英格蘭國王既邀請我們已經收到了，但係……」
在豪華的會客室內，英格蘭使節正在與佩特羅等掌握葡萄牙實際權力的貴族會面
「我只不過替尚未成年既國王代理政事，冇權力去決定葡萄牙會否參與貴國與法蘭西的戰爭，還請見諒。」
英格蘭的外交官聽到佩特羅拒絕派兵支援後當然難掩失望，不過佢地黎到葡萄牙另有目的
「這方面英格蘭國王亦明白，所以國王差遣我地黎主要係為左同貴國締結姻親關係，向其他國家表明兩國之間既友好關係…」
由於阿方索沒有王位競爭者，篤定成年後將成為葡萄牙國君，英格蘭的如意算盤當然是將皇室中既女性嫁到葡萄牙，有幸能孕育出再下一任葡萄牙國王的話，英格蘭將可以借著這一層關係干預葡萄牙皇室，甚至終有一日獲得藉口取得葡萄牙王位
「依層我當然明白，但此事應該交由國王本人決定，我會幫你向國王轉達英格蘭國王既意願。」
「……」
英格蘭既外交官似乎意識到佩特羅只是禮貌性地回覆，並非真誠打算促成兩國聯姻，只好比退後一步比大家一個下台階
「咁就萬事拜託了。」



「呼，總算過到關。」
就喺送走英格蘭既外交官後，另一個出席會面既貴族啜左一口紅酒後，好似放下心頭大石咁嘆左一口氣
「英格蘭國王有勇無謀，居然喺同法蘭西開戰後先至派人黎，即使英格蘭曾經為我地對抗卡斯提爾亦不能如此過分。」
佩特羅不滿地說。

身為攝政既佩特羅借助議會既勢力，喺幾年前取代阿方索既母親理政，避免大權有被其他國家奪去既機會，依次為左避免英格蘭有更多介入葡萄牙王室既借口，只好用拖字訣。

================================================
歐洲國家之間有一種重要既外交關係，依個就係以皇室婚姻(Royal Marriage)進而再取得聯統既機會



結為姻親的話，遊戲字面上會扣除小量合法性，然後提供小小不太重要既buff，但其實重要既係提高兩國關係，或最重要既係搏兩個國家成為相同王朝，喺對方出現繼嗣危機既時候就可以提出挑戰王位繼承權，從而以極小成本獲得另一個國家既統治權，俗稱聯統(PU)
到底接唔接受Royal marriage睇自己戰略係咩，不過一般而言唔係接受左就會比人統，所以唔洗咁擔心

PU通常出現喺event或者由任務拎到，一般經過50年統治之後就可以合併另一個國家而唔洗慢慢割地，不過新手一般唔理都冇所謂，知有咁既野就得
歐洲最重要既PU事件有兩個，一個同卡斯提爾有關，另一個係同法蘭西隔離既勃艮地有關，玩耐左自然知咩黎
================================================

英格蘭向葡萄牙提親既消息靜悄悄地傳左出外國，第一個接獲消息既當然係鄰國卡斯提爾，為免伊比利亞國家被歐洲搞屎棍英格蘭插手，卡斯提爾決定派出使節向葡萄牙提出聯盟與聯姻。




「就咁決定啦，叔叔。」
阿方索也不是不明白，卡斯提爾作為伊比利亞地區首屈一指既強國，佢地係葡萄牙目前最大既威脅。事實上，阿方索既祖父約翰一世，取得王位繼承權之時亦要同卡斯提爾打過一仗先至坐穩王位，當時為了慶祝勝利，還在巴塔利亞建造了一間聖瑪利亞修道院(Mosteiro Santa Maria da Vitória)。

↑今日既聖瑪利亞修道院

葡萄牙一心準備往海外發展，來自卡斯提爾既同盟邀請可謂將最大絆腳石清除——短期內不必擔心被卡斯提爾侵擾，可以專心往非洲擴展，甚至還可利用對方為擋箭牌，畢竟卡斯提爾亦一直找藉口與回教徒開戰。

「叔叔，祖父既血喺我地體內流動，而我地既後人一樣會流住祖父既血，葡萄牙人必定能守住祖父留落黎既江山。」
阿方索眼神堅定地望住叔叔佩特羅。
「遵命。」

就係咁，年紀輕輕既阿方索就迎娶左卡斯提爾既公主，雖然佢既母親係卡斯提爾既死對頭阿拉岡人，不過為大局著想，亦同意左依門婚事。

starellaris超正

就喺舉行左葡萄牙與卡斯提爾聯婚宴會既數個月後，休達————

休達既港口一如既往地繁忙，前面剛有一艘小型帆船揚帆出航，後面就有一艘由威尼斯遠渡而來既排槳船抵達，船上除左有百幾個奴隸划船之外，重有為數唔少既商人同乘一船，當水手將纜繩綑好岸上既大躉及下錨之後，商人們就開始指示手下或事先僱用既碼頭工人卸貨，而負責抽取關稅既稅吏亦登船逐一查驗。

以往地中海往大西洋既出海口——直布羅陀海峽既兩側都係回教徒國家、加上北非海盜猖獗，以及地理上歐洲與非洲大陸之間既海峽最窄處只有14.3公里，要封鎖海峽實在太容易，長久以來歐洲商人無法安心地由海路進出大西洋與地中海。

喺1415年葡萄牙攻陷休達後，商業路線黎左次翻天覆地既變化。來往伊比利亞與熱那亞、威尼斯既商人多左一項選擇，就係以休達為中繼點，透過葡萄牙與卡斯提爾既保護到達里斯本，而唔係由陸路經過多個國家慢慢地走到里斯本，直接地促進左葡萄牙既經濟發展。
休達既另一個作用，係依度提供左地方比基督徒同回教徒做生意，無論係洽談生意、買賣商品、合約糾紛，都可以經由休達總督——瑪利亞設立商業管理署獲得協助。不過當然，大部分回教徒都選擇改往隔離既海港城市既丹吉爾(Tánger)，而唔係喺侵佔摩洛哥國土既基督徒眼下貿易。

就喺休達港口黎到一日中最繁忙既時間，又有三艘喺船桅掛上葡萄牙王室旗幟既三桅帆船(Barque)入港，船隊直接駛入港口既最佳位置錨定後，唯一上船既人就係瑪利亞。雖然有水手認為女性上船會招致不幸，但恐怕搵勻成個葡萄牙，應該都唔會有一個人敢阻止王室成員登船吧。

「戈梅斯提督，歡迎回到葡萄牙。」
「勞煩總督出迎失禮了。閒話休提，請。」
被殷理基任命為探險艦隊提督既迪奧戈•戈梅斯簡單地向瑪利亞問候後，就請佢進入船長室。

「久等了。」
「點會呢，辛苦迪奧戈你至真。」
進入船長室並關上門後，迪奧戈將提督帽放在旁邊既衣帽架，然後單膝跪下，這時瑪利亞伸出右手，讓迪奧戈親吻指背。
吻手禮後，企返起身既迪奧戈行近辦公桌，由櫃桶拎出一份航海圖再攤開。
「依個係今次探險既成果，請大小姐過目。」
「等我睇睇先……」
瑪利亞仔細地研究迪奧戈今次航行既成果——通過阿爾金(Arguin)之後，前方到底有乜野、地型又係點？

「乜原來非洲係咁既樣？」
「冇錯，就喺經過貧瘠既沙漠地帶後，喺南邊依度開始出現河流、三角洲、巨型森林地帶，一直延伸到探索極限距離都未到盡頭。」
迪奧戈用手指指住阿爾金，手指劃個半圓，直到航海圖上線條既末端。
「即係經過半年都仍然未走到盡頭？」
「噢，唔係。要航行到今次探索既返航點的話好快就到達，要花咁長時間係因為要探索外海會唔會有島嶼，而依度就係今次航行既最大成果。」
迪奧戈再用手指住航海圖上寫住阿爾金既位置既左下角


「經過調查，所有島嶼上冇人居住、有淡水、而且有大片森林。」
「無人島，有森林……好。」
瑪利亞拎起辦公桌上既鵝毛筆，沾上墨水後寫下一串字
「由今日起，依個地方就叫做維德角(Cabo Verde)。」
「綠色海角……好名。」
「維德角將成為葡萄牙踏出歐洲既最重要地方，絕對唔可以將依份航海圖流出去。」
「謹遵吩咐。」
迪奧戈小心翼翼將航海圖捲起後放回有鎖頭上鎖既櫃桶，又從中取出另一張航海圖。
「而依一張係大小姐特別吩咐而製作既海流圖。」
相對於剛才既航海圖，依張海圖標記陸地既線條畫得比較隨意，但就記錄左航隻每經過一段隔離後既風向、日月星晨位置、洋流方向。

喺葡萄牙既航海學校入面，要學既唔單止船隻結構、船員職務，重包括秘不外傳既航海圖繪製術、定位術等，咁係由於海洋相對於陸地較難定位，非常依賴太陽、月亮或星座甚至水流方向作為定位既基準，只要知道依D資訊，就能大大降低迷航或海難既機會。

瑪利亞再一次研究航海圖後，略有所思地問迪奧戈一個問題
「迪奧戈，你記唔記得由里斯本一路往西航行的話會到達邊到？」
「係亞速爾群島。」
「冇記錯的話水流應該係咁樣樣流……」
瑪利亞拎起一張草稿紙，大致地繪畫左陸地位置後，由亞速爾群島向右畫一條線，標示水流由西至東流，線條劃到達里斯本既左邊後，轉而向下畫到阿爾金，即非洲西岸一帶，代表水流到達伊比利亞半島以西後，便轉而往南流動。
「而你依張航海圖既水流係咁畫既……」
瑪利亞將草稿同迪奧戈既航海圖放埋一齊後，迪奧戈馬上明白瑪利亞既用意，說：
「水流到左維德角之後分成兩條，一條沿住陸地往東流，另一條……向西流往外洋。」
「假如世界盡頭真係瀑布的話，到底由亞速爾流向里斯本既水流係由邊到黎？」
「……」
「…...」
船長室內既兩人一言不發，不過迪奧戈沉默係因為佢正壓抑身為探險家既興奮，而瑪利亞則是思考下一步點做。

「幫我同殷理基哥哥傳達，籌集雙倍物資預備下一次遠洋探索，休達依邊會提供無限量支援。」
「明白。」
「餘無別事的話我就先行一步返總督府，順便幫我向國王請安。」
「講起國王…上次我出航前收到消息，國王會同卡斯提爾既公主成婚，果時因為有任務在身無法出席婚宴，當時場面如何？」
「我亦都無法出席」
「嗯？」
「最近摩洛哥人唔太安分，所以我無法抽身返本國。」
瑪利亞稍稍面露難色地回答。

瑪利亞的確無法出席最鍾愛既姪仔既婚宴，不過唔係公務繁忙，而係有種種原因令佢無法喺葡萄牙既外交場合出現，察覺情況有異既迪奧戈識趣地打個圓場：
「原來如此，真希望終有一日葡萄牙能夠徹底擊敗果D卑劣既異教徒。」

「咁我先告辭了，戈梅斯提督。」
「請。」
打開船長室既艙門後，瑪利亞先向迪奧戈道別，下船後就沿路趕回總督府，而迪奧戈則搵大副商議回航里斯本及其後既細節。

「剩低既就睇你喇，阿方索。」
瑪利亞用只有自己能聽到既聲音說。



然後，那一天終於到來

-CH 4 完-

正，等左好耐

好正，好似自己玩緊大航海時代4咁

支持巴打，搵咁多資料去豐富個戰報
玩親Portugal 都堅持唔過到1550年，太悶太無野做，殖民又慢

巴打真係寫得好有心機

如果個 junior partner 唔disloyal (ie冇得support independence) 就冇
可以抽贏一次俄佬再係peace deal度release subject 嘅 或者PU咗俄佬都得

偷偷同大家講，ch.4 我寫左5日
之前寫唔切先要拖時間

希望之後維持到3日一篇

加油

CH 5
在葡萄牙既寒冬中，一場盛大既成人禮兼登基大典正在舉行。
先王杜阿特一世因急病駕崩後，遺下一對孤兒寡婦獨力支撐國政，其後被先王既兄弟奪取權力後，二人一直步步為營，生怕他朝一日喪失王位，落得階下囚或終生軟禁既下場

幸好上天眷顧，王位繼承人阿方索活到15歲既一日，正式登上王位取回權力。
就喺晚宴場地既一個豪華房間，阿方索既女雇們正忙著為佢整理衣著及飾物，準備稍後出席宴會，依個時候房間既大門被打開。

「阿方索，你至愛既瑪利亞姐姐黎搵你喇。」
「瑪利亞姨…姐姐」
「嘿嘿，乖。」
瑪利亞走入房間後，一個箭步就衝埋阿方索前面緊緊地攬住佢，臉都紅晒既阿方索連忙說：
「姐姐放…放手，掂…掂到晒喇。」
「嗯～？掂到咩呀，大家一家人講黎聽下？」
整蠱完阿方索既瑪利亞依個時候鬆開手臂，呼吸困難阿方索連扯幾下大氣先至順返條氣，而佢身旁既女雇亦早已經識趣地離開房間。
欸欸欸各位唔好誤會，瑪利亞因為長期既戎馬生活而練得一身好武力，純粹太用力攬阿方索先至導致佢透唔到氣，瑪利亞身材不能講話豐滿，只係該有的還是有的。

「呼…呼…瑪利亞姐姐，好高興見到你。」
「你大個仔喇，同細個個樣完全唔同，睇下你依家幾靚仔。」
已經係成年人既阿方索依日著住奢華既衣著，用色、飾物完全配搭，就算喺尚算幼稚既臉龐之下都顯得佢成熟穩重

「姐姐…等陣既宴會，我想同你跳一場舞。」
「……」
瑪利亞原本滿面既笑容突然定左落黎，然後面露難色。
「我明白姐姐你介意自己既身份，但亦都係時候改變，祖父、父親都做唔到既事，就由我黎做！」
阿方索鼓起勇氣，向瑪利亞講出自己一直以黎都想講既說話。

就喺燭光既映照下，瑪利亞既青碧色眼眸此時猶如散發出魔力般令房間變得寂靜，被盯著既阿方索無法轉開視線，靜候瑪利亞既宣判。
「阿方索，你重記得我地當年既約定嗎？」
「嗚…」

魔女之力非常強大。
傾國傾城、扭轉因果，數個古老家族喺掌握魔女之力後都成為一方霸主，享數百年之繁盛；
魔女之力太過強大。
只要無法滿足魔女既慾望，或者無法控制自己既力量，強如羅馬帝國等亦會在一夕之間分崩離析。

長年累月既恐懼累積終於後有一日超過臨界點，被國家及教宗所挑動下，歐洲各階層紛紛獵殺「女巫」。天意弄人既係，縱使擁有非人之力，魔女們首次發現自己無法反抗，喺「命運」既安排下，絕大部分魔女無法反抗時代既洪流，人類既時代就此降臨。

然而，一部分既人倖存下來，就此隱匿於市井中苟延殘喘。佢地定期就會發生「意外」，使原居地既人們以為佢地一命嗚呼後遷移至另一個地方，免人生疑；佢地嚴格地控制生育，為既只係避免下一代遭受相同既命運。

就喺依個時代，瑪利亞誕生了。
幾經輾轉之下，瑪利亞成為了阿維斯王朝既其中一員，成為了「休達的魔女」，真相只有家族成員得知。
依家佢既對外身份，係前任阿維什騎士團大隊長瑪利亞既女兒，官職休達總督，號稱第二代「休達的魔女」，鮮少在公眾場合出現，行蹤神秘，為既只係減少被外人認出既機會，其實長久以黎佢地係同一個人。

「你真係認為依度係我既歸宿嗎？」
「我依家係國王，我能夠保護姐姐」
「一個連卡斯提爾都無法反抗既國家，談何保護我？」
「……」

瑪利亞此時慢慢退到房門邊，轉開門柄
「阿方索，今次黎只係想同你講一件事。相信佩特羅哥哥。」
然後就咁離開，房間亦好似回到現實咁，重新聽到外面既聲音。
「姐姐......」





雖然阿方索本身未成年，國政主要交由叔叔佩特羅處理，但係某D事情佩德羅亦會奏請阿方索定奪，尚算累積左小許治國經驗。因此喺國政交接之後，葡萄牙既運作未出現太大變化。
但係，喺貴族之間就出現左一種聲音，起初只係少數貴族之間流傳佩特羅利用職權之便大撈油水，漸漸地變成左四處安插樁腳，以圖鞏固私人勢力，最終演變成有人認為佩特羅意圖謀反，向國王告密。

喺阿方索面前既係由貴族們編寫既佩特羅罪狀書，內容陳述佩特羅濫用職權、侵吞稅收、私藏甲冑，每條罪狀都指向佢意圖謀反。
而佩特羅亦唔係冇反應，得知貴族試圖將佢剷除時，佢帶同親信入宮要求辯護。

================================================
EU4每經過一段時間就會出現隨機event，會根據唔同條件而被觸發

喺國王阿方索成年即位後，會觸發”The Duke of Coimbra” event，內容指稱佩特羅意圖謀反，一般而言event會比2~3個選擇你做判斷，有時候會影響Estate(階級)既忠誠度，有時係比錢換monarch points，有時係影響同其他國家既關係
一般而言每個event有一段時間比你考慮，如果你唔揀其中一個選項的話，預設會執行第一個選項，依個event既第一項係”So it was true! Death to him and his men!”，即係殺死佩特羅同佢既手下，獲得+1 穩定度。
================================================

「殷理基哥哥，你估下阿方索最後會點處置佩特羅哥哥？」
喺皇宮內既某個地方，瑪利亞撓住同輩中同瑪利亞最親密既殷理基既手臂，問。
話就話同輩，瑪利亞既實際年齡可能比阿維斯王朝創始人約翰一世更高，但佢自認被約翰一世收養為女兒，而且唔想覺得自己老，所以一直自認為輩份最細既妹妹。
殷理基一派輕鬆地回答：
「我事先已經同國王證明左三哥喺航海事務中無不法之處，應該唔會有事既。」
然後伸手想拎起檯面既酒杯。
「哥哥，你隻手震緊喎。」
「......人老冇用啫。」
壯年時經歷過休達攻城戰既一代，其實都已經五十幾歲人，尚在人世既人已經越黎越少。

「嘿嘿。」
瑪利亞將頭靠向殷理基既肩膀，然後細細聲咁向殷理基說：
「哥哥唔洗擔心，阿夫朗什將軍一定證明到佩特羅哥哥清白。」
「講到依度你重好講，外行人可能唔知，內行人一睇就知果D軍隊顧問全部都係你既人，真係夠膽謀反的話晨早就人頭落地了。」
「係哥哥你聰明先估到啫。」
==================
五百幾年後既葡萄牙歷史教科書係咁記載
「
1447年1月，國王阿方索繼位，成為葡萄牙阿維斯王朝第三任國君。
同年7月，被貴族檢舉既佩特羅帶親兵入宮向國王申請自辯。
最後，被證實係其他貴族不滿佩特羅攝政期間清查人口及土地，將其他貴族私吞既稅收歸還王室而作偽證。及後，佩特羅繼續掌理內政，為葡萄牙變為殖民大國提供穩固既經濟基礎。
」

-CH 5 完-

留名

集思廣益 hoi4

傘兵落左地應該先等佢組織回好先
定係落地果下就直接改編制

同埋應否直落港口

玩左成晚墨西哥 明明古巴同海地豆潤咁大粒
但試極都登陸唔到 贏唔到

直接改，人力由細改大的話都要等時間回充足度
記得搶港口

終於推到 多謝巴打

但真係玩撚到躁
好地地推推下俾弱智ai隊友搶補給 又輸撚番哂出去
屌啦媽嬲撚到

有冇香港Hoi4 Discord可以一齊玩？我打咗800個鐘都未試過玩多人

有無巴絲打鐘意玩Paradox嘅戰略game？(8)
https://lih.kg/gteFhT
#4 回覆 - 分享自 LIHKG 討論區

下次update聖誕後