［男人最痛］各位已婚巴打，有冇遇過老婆精神上嘅abuse？

佢呢個行為係接受唔到挫折想推哂個責任去你度
同佢講道理係冇意思
我知道好難忍唔拗
但你委屈同時亦係好soft咁將個錯輕輕推返落佢度
（所以同跪低認錯係唔同）
如果佢仲有少少自省能力的話
應該都會出力控制吓自己嘅

岩，整爛ps4就買部ps5
剪爛公仔就重金bid返隻限量版
最好用公數/佢啲錢買
佢一話你洗錢就「你唔用我啲野出氣咪冇事囉」
一定好快改

有細路唔想離婚，理解
但老婆敢一而再再而三用呢招
巴打可能無/唔夠強勢表態？

OT + 俾細路睇 youtube = 激嬲佢
= 佢可以破壞你幾千蚊嘅財物 + 無價嘅 save
如果你有兄弟老婆咁做，你覺得點？

凡事睇比例，而佢咁樣洩憤係唔合比例
佢有原因嬲，但無道理咁精神abuse你
仲要整爛最貴你最珍而重之嘅嘢
呢種蓄意傷害你嘅報復，send相俾你，係病態

巴打，真心戥你辛苦
強烈建議你增加佢精神虐待你嘅成本
你絕對出師有名
唔係話要離婚，但以行動表態你極嬲同灰心
同意本性難移，但起碼要佢有自我抑制嘅決心
無成本無後果，佢無原因無動力收手
無調教唔到嘅女人，只有懦弱嘅男人

或者搵婚姻輔導？真係要搞搞佢
佢會用相同方法精神 abuse d 細路
你有得揀老婆，細路無得揀阿媽

如果你覺得唔夠佢鬥，驚咁做無咗佢，驚佢攬抄
咁當你前世欠咗佢，今世要還要修行啦

樓主走先 好危險

根本唔關大細事
大家姐都可以管住人，霸道，控制慾強

樓主返到屋企未

我覺得你可以試下扮對爛左嘅嘢冇感覺，就算幾痛都好，都唔好俾佢知。咁佢就會覺得呢樣嘢對你唔再work. 佢整爛你啲嘢其實都係想引起你注意。

你越嬲佢就越開心，因為佢覺得你驚啦、怕左佢，汲取教訓等等啦

同埋盡量電話答佢就溫柔啲，唔好cut 佢線，等佢心情好啲。夜返嘅，咪keep 住msg 關心下佢o 唔ok, 陣間洗唔洗買宵夜等等

我未婚，但希望以上意見對你有幫助

一得唔到滿意嘅反應就要整爛人啲嘢發洩/威脅人
係一種病態
尤其當我發現唔只我老母一個係咁嘅時候就更肯定
會迫到我覺得自己就快痴線
我就話搬得走
但你又有小朋友冇得話走就走
佢咁樣對你同你小朋友都好唔健康
長遠計係要帶佢睇吓醫生

樓主老婆仲未知自己衰喺邊個位
樓主已經OT又俾老婆奪命追魂call搞到好緊張
老婆仲要打爛樓主ps4
簡直火上加油
樓主精神崩潰緊
都係想老婆等自己OT完再講 即使知老婆大壓力
結果最親近嘅人一手拎佢（個精神）推落沿崖

樓主先會有痴線行為出現
當然咁樣話老婆係唔啱
樓主老婆係有d慘
但佢都無企佢老公角度諗過

你先動之以情 = 坦白d同佢講你嘅感受，例如你真係好傷心，咁佢愛你就唔會想再令咁你傷心㗎嘛。你亦要聽佢訴下苦，分擔下佢d壓力，承諾之後會跟番大家協定嘅教育方針做就得啦

再曉之以理 = 同佢講做父母嘅行為同情緒會直接同永遠影響子女日後嘅行為同情緒管理能力㗎，所以你地都要以身作則，做好榜樣。一陣你小朋友學佢咁有情緒管理問題，係咁發脾氣掟爛嘢，你地到時先發現問題就太遲啦

最後，夫妻床頭打交床尾和，你老婆又話你唔夠關注佢，即係你嗰方面未做得夠好囉，呢d嘢你做老公應該自動自覺啦

利申: 上星期我都掟爛左一部 但我之後有幫手整番好，同以後都唔想再掟爛佢d嘢啦

咩小眾case?
我意思就係，「男人」「女人」本來就只係形容生理性別嘅term，根本就冇人有權為呢啲term強加definition，去判定何為正常唔正常嘅男人女人，that's all
同埋唔該唔好覺得我咁講就一定係同性戀者，我係個普通異性戀男性，不過恐怕就唔符合你口中所謂「正常」男人嘅definition喇，而我最撚憎就係你呢啲自以為代表成個社會嘅人，成鳩日指指點點，xxx就一定要yyy，屌你老母，咁如果基佬佔世界人口多數嘅話又係咪可以話鳩異性戀係唔正常呀

咁似共產黨唔用強硬手段唔得

老婆都可以搵嘢消遣
做唔到嘅話思考下點解老公做到自己做唔到
你唔幫自己生活拎主導權，無人會幫你
男人唔會主動反省

我ex都差唔多 不過佢係玩失蹤同情緒勒索尼精神虐待

尼種人唔會改 平時好好地好好架 但係永遠都係自己情緒優先過所有野 包括你感受 有少少炆就對你乜都做得出

傾?心情幾好都好 只要一提起話"有啲野想傾"都會即刻 係瞬時 情緒爆炸屌晒鬼 根本係提都唔提得

我嗰時傻仔以為死忍有一日佢會改 忍到嗰時考final都要自己去睇心理輔導

認真 佢小小野就將自己情緒施加落你嘅痛苦上 你自己諗下佢到底係咪當你係生仔機器+沙包+生財工具 多過當你係一個人 你咁樣忍落去會唔會要忍4,50年

我嗰件好彩自己走左 唔係嘅話我應該係青山覆緊你

而家我會講 做人要對自己好 有返自己基本尊嚴先好諗為人付出 你問下你自己個心 係咪真心覺得佢會改 定係因為你"希望"佢改到 先相信自己反理性嘅"希望"

如果你理性上知道佢唔會改 咁走啦

或者你繼續付出繼續忍 到時時機到佢有能力 或者係你有困難要共患難既時候 佢會帶晒你所有野走

唔好誤會 唔係想話佢憎你想你死 不過尼種人唔會在乎你嘅感受同生死 無論你付出過幾多 佢見到你受苦都只會無動於衷

點都好 希望你順順利利

鬥癲唔夠女人玩㗎

精神上abuse返佢
開撚唒佢啲化妝品呀袋呀出泥

一般而言對男人採取有罪假定，係唔公道
亦係港女可悲可憐之處

而且，件事完全無公共性又無起底
炒車會有咩後果？點解要驚？

我都支持你嘅說話

呢張真係忍唔到笑

老婆本身性格都係咁？
定結婚生小朋友後先出現/惡化咗？
搵專業人士傾下好喎，社工（ngo 唔駛錢）、心理學家（貴）

擔心遲吓會對小朋友有影響