同老婆一有拗撬，好多時佢會整爛我啲嘢出氣，真係好煩厭佢依啲行為，好似今晚咁，我OT遲返屋企，佢打嚟話小朋友發脾氣，我話會盡快返到，佢就話發脾氣係因為我平時俾電話佢睇YouTube睇得多（我正常俾小朋友睇，夜晚最多30分鐘咁上下），搞到佢脾氣好差，我都真係火火哋，叫佢唔好打電話嚟搵我出氣，之後cut咗線，5分鐘後就send咗張PS4嘅殘骸圖嚟⋯⋯
而家開唔到機，希望啲save冇事，我芒亨個save呀
我明白好多全職媽媽最近半年係好難捱，好多好大壓力，小朋友日日冇地方去，又唔係日日可以有人幫手，日日對住真係會好炆，不過自問盡力分擔，放工盡快返屋企，洗碗洗衫幫小朋友沖涼倒垃圾，希望可能舒緩一下老婆壓力。講真你有壓力我有壓力，咁我點宣泄，唔通又亂咁鬧人？
其實整爛我啲嘢唔係一兩次，好幾次啦，唔方便出圖，怕俾人認得。之前試過特登開我盒嘢俾小朋友玩，結果一定係爛咗，佢話佢冇整爛，係小朋友整爛咋，真係無鳩奈。總之我老婆一嗌交，就會叫我小心自己啲嘢，可能係剪我啲漫畫，或者整爛公仔。
我覺得依種真係對我精神上嘅abuse，好困擾，我個人唔想去到最worst嘅結果，一來其他相處上係冇問題，二來小朋友仲細，好明白一個家庭對成長影響深遠，你問我想點？
我希望我老婆會改。不過一定仲難道CCP倒台。
好多謝睇哂嘅巴絲，依啲嘢又唔post得上IF/FB，純粹想搵個樹窿講吓嘢啫
最後，希望各位A0巴絲唔使心灰心急，好好享受單身日子，孟德拉都講過，「其實自己一個最開心，使撚你講。」
我試過比我老婆丟佐我隻小圓公仔
只能說加油 不過我老婆無你咁顛 佢比較節儉果類人
事後佢啖氣下佐都唔追究