【從毒撚變成浪子 – 陪我走過的一些女性們】
無音響子
995
回覆
71 Like
8 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
無音響子
2020-07-27 20:21:28
Kristy示意圖
新恒結衣
即是咁
2020-07-27 22:52:11
我一路想像嘅係張㬢雯咁
鈴聲可以寧靜
2020-07-28 09:18:50
張㬢雯成個鄭裕玲咁
無音響子
2020-07-28 15:27:48
【從毒撚變成浪子 – 陪我走過的一些女性們】
【第三十一章】- 【團年飯】
同Kristy有過第一次後就會好易有第二次,三次,四次…… 每一次都係會係酒店內發生,亦都同第一次一樣,我地唔會過夜。
好浪費! 但冇法子…因為Kristy既媽咪唔比佢出去過夜。
我提出過想同Kristy去旅行,但Kristy問過佢媽咪,佢都係唔比…
---------------------
阿爸一次私下問我同Kristy兩個過成點,同auntie相處成點。
「老老實實唔太樂觀…」 從見過幾次後,我感覺到。
------------------
一次Kristy紅著眼咁同我出黎,我問佢咩事。
「…. 冇…冇事…」
「點會冇事? 你喊過黎,到底做咩事?」
「….」
「你同我講過咩都要話比我知架!」
「唔… 我岩岩同媽咪嘈過黎。」Kristy同我講。
「咩事?」
「冇咩事。 好少事姐。」
當時我冇為意係咩事… 之後亦忘記左依一件事情,直到好後期我先記返起。
------------------
新年前,我被邀請到Kristy屋企食團年。
有4個人一齊食。 Kristy, Auntie, 我同Auntie既男性朋友。
Kristy叫佢Uncle 咁我都叫佢Uncle。 Kristy唔太鐘意佢,原因係佢媽咪同依話Uncle既關係…
Uncle另外有頭家,但每到節日前都會約Kristy既媽咪,上黎佢地屋企。 Uncle係一個有錢人,做生意揸靚車。
果日食完飯Uncle車我走。
「家明,你住深水埗邊度?」Uncle年紀應該有50幾,但中氣十足,從佢氣勢上已經可以感到佢係一個唔簡單既人。
「我住係XX街果面,Uncle你住邊?」岩岩Auntie話佢順路叫我跟車走。
「我住係深井附近。」佢冇話自己住碧堤半島,睇佢似乎係住係比碧堤半島更高級既地方。
「真係唔該晒Uncle啦….」之後我唔知可以講D咩好,兩個男人又第一次見,仲要佢係Kristy既Uncle… 成件事好怪咁。
「你同Kristy都係做同一個職位啊?」
好彩佢撩我講野:「係啊,原過我地唔同team!! 聽Kristy講Uncle做生意架WOR…」
「哦,搞下小生意啦。 我主要係做電子,成日要上深圳。 你多唔多機會出Trip? 」
「我做細既,冇機會出去做野架。 我D老闆就多機會出去。」
「哦!! 有冇做下投資?」佢突然問起我有冇做投資。
「都有,買股票咁啦。Uncle都有?」諗住會唔會8到有貼士。
「股票我唔識,我買的士同樓投資。」 WTF…同我唔同Level…
「啊… 我都想投資啊,不過冇錢。」我只有苦笑幾下。
「咪借錢買樓,銀行好易借,有份工就得啦。」
「哈….人工少,我怕供唔起啊。」人工得萬幾點供??? (當時我年少無知注成大錯…)
「唔。 」
我地既話題完結,我都返到屋企。
想起岩岩Uncle話買樓,我又想起如果要同Kristy結婚都要有個家。 一想起佢住係港島灣仔半山,自己就住筆架山山腳到唔腳既地方。
女人到20中既年紀開始會諗結婚,我諗Kristy都會考慮吧?
夢幻步法
2020-07-30 12:24:24
加速
無音響子
2020-07-30 17:41:31
今日好忙出唔到文
即是咁
2020-07-30 20:00:14
響巴加油
鈴聲可以寧靜
2020-08-02 21:58:54
無音響子
2020-08-03 17:37:22
【從毒撚變成浪子 – 陪我走過的一些女性們】
【第三十二章】- 【戒指】
情人節快到,我又再次早做好準備。
由於我感覺Kristy媽咪好似唔太睇好我,我係Kristy身上知道Auntie覺得我太細佬仔,唔成熟怕Kristy同我唔長久…
最後我決定買一對情侶戒指送比佢,亦都搵左一間係赤柱既餐廳同佢食一餐浪漫既晚餐。
「阿傑就快要走啦…」我地情人節食飯時Kristy同我講。
「下… 咁突然!?」阿傑就係同kristy同Team既sales
「係啊,我地諗住下個月同佢farewell。」Kristy同我坐係赤柱街其中一間向海3層高既細餐廳食野。
「OK啊。 係呢。 Kristy你有冇諗過我地將來?」我突然問起Kristy
Kristy:「下?」一臉不明所以的:「咩啊傻瓜~」
Kristy傻笑一下:「你做咩咁問架?」
「我意思係我地結婚啊。」
「下? 咩啊… 你又冇求婚,點結啊?」
「送比你。」我從衫袋拎出對戒。
「啊… 多謝你。 情侶戒指~ 」Kristy笑得好甜:「唔… 依個係求婚?」
「唔係… 我送比你就係你同Auntie都知道我對你係認真,亦都好有心去同你一齊為將來努力。」我好認真咁同Kristy講。
「唔…. 傻佬… 我知道你對我好。 我愛你~」Kristy伸出左手。
我左手輕輕提起Kristy伸出既左手,再慢慢為Kristy套上指環。
Kristy腼腆的甜笑著。
我幻想著Kristy同我一齊坐係註冊署,係一眾親戚祝福之下交換戒指。 幻想著婚後我同Kristy一齊生活,返工放工買餸煮飯既溫馨畫面。
「噢… 我地會唔會生BB?」我突然從幻想中醒起。
「BB~ 都會生。 不過我地都未結婚~~ 哼… 你啊。 古古惑惑諗住咁就當求左婚!!」Kristy望住手上戒指邊偷笑邊笑我。
「呵… 咁你即係應承我會同我結婚???」
「依…你好古惑。」Kristy既表情已經代表佢都認定我係佢另一半。
「Kristy,為左我地既將來,我會努力賺錢。」雙手捉住Kristy情深地說。
「嗯。 我地一齊努力!」
鈴聲可以寧靜
2020-08-06 10:41:09
一齊努力!
無音響子
2020-08-11 18:15:02
【從毒撚變成浪子 – 陪我走過的一些女性們】
【第三十三章】- 【緊張】
情人節當晚同Kristy去左酒店做左一次,之後12點前送左佢返屋企後我就一個人返屋企。
過左幾日,Kristy同佢地team同事一齊farewell阿傑,我冇去因為我唔同佢地同team
「我地今晚會去唱K啊。」Kristy打比我同我講。
「啊… 咁你玩得開心D啦,一陣走就打比我。」本身打算係公司加住班等kristy玩完同佢返屋企。
唔知點解好想見到Kristy,但佢就話要夜少少先走人,咁我就一個人出去左飯行下再等佢。
知道佢地去左銅鑼灣糖街果面唱K,於是我就慢慢行去銅鑼灣,行下SOGO之後再去宜家睇家私。
同Kristy去個好多次SOGO同宜家,今日自己一個行,有少少無聊同悶。但一想到一陣Kristy唱完K見到我係外面等佢,佢會好開心既樣。
一個人行到宜家都要關門,我就買左野飲係糖街天橋底坐係花楷附加等。
時間慢慢過去,快要去到12點。
平日同Kristy要12點返到屋企,佢應該差唔多要走,但仲未見人…
我忍唔住要打比佢,但冇人聽。 唔通佢唱梗K唱唔到?
我發一個whatsapp比佢【仲未唱完K?】,等左一陣都未回。 唔通佢有咩事?
幾分鐘後我再send 【BB一陣唱完打比我,掛住你!!!】
等左幾分鐘都係未回我,我打比佢。
電話響左好多聲,但都係冇人聽。
我開始亂諗野… 唔通佢飲左酒? 死啦…. 如果佢飲左酒會唔會比佢D teammate搞….!?!? 佢地班sales 有幾個男人好鐘意去飲酒食煙! 唔會有咩意外下話……..
前前後後係我第一次打比Kristy到依家已經過左15分鐘! 我好擔心。 所以再發一個whatsapp【你係邊? 我係K場附近啊…】
過左一陣Kristy回應我【我返左屋企啊… 一陣打比你。】
哦… 原來佢已經走左人,可能係我岩岩行梗街時佢地散左,同我岩岩時間錯開左吧??我就自己一個人街巴士走人。
巴士上Kristy打比我:「你岩岩係K場等我?」
「唔係,岩岩約左華少佢地兩個係銅鑼灣食野,食完諗住join你送你返屋企啊…」我怕如果我講話等佢,會令佢覺得我好似唔比佢出去同其他同事玩咁。
「OOK! 放心啦,岩岩佢地坐的士走,車左我返屋企先所以冇話你知我走左啊…」 原來我係諗多左誤會Kristy走既時間唔打比我。
總之佢返到屋企我就放心,雖然冇得見有少少唔開心。
-----------------------------------
過左幾日既星期六我同Kristy出街,都係周街行下hea下食下野咁。
「聽日我地去邊好?」我諗住去長洲玩:「去食長洲魚蛋好唔好? 早幾個月前我地食唔到,聽日早少少去。」我地拍拖咁耐,成日周圍去,久唔久就會去下離島玩。
「啊… 聽日阿傑佢地話想上黎我屋企打牌啊….」Kristy同我講:「仲有Mandy同Suki佢地一齊黎,岩岩今朝約架。」
「哦…. 咁好啦….」我諗左一陣又覺得唔放心比阿傑上去:「我又上黎得唔得啊?」
「唔… 你唔怕悶?你都唔識打牌又冇得鄧腳…」
「陪下Auntie都好啊,你地打牌我陪Auntie…」
「咁…OK啦,佢地應該都唔會介意。」Kristy答
ヤマタノオロチ
2020-08-11 18:23:36
戴帽嘅前奏
即是咁
2020-08-11 20:53:02
好肯定大大頂帽笠緊落嚟
鈴聲可以寧靜
2020-08-12 02:01:46
唉。。。睇到好不安
家明唔使買帽啦
無音響子
2020-08-13 17:42:06
【從毒撚變成浪子 – 陪我走過的一些女性們】
【第三十四章】- 【決戰四方城】
Mandy、Suki同阿傑仲有我一齊上去Kristy屋企。
「Auntie你好啊。」佢地三人同聲說。
「Auntie小小禮物啊。」阿傑送一盒糖比Auntie。
「噢~ 咁客氣~ 真係乖啦。 多謝你。」Auntie收起份禮:「你地開枱啦~」
果日下午時間佢地就開始打牌,我就同Auntie坐起梳化一齊睇電視。
「…」我真係好留心咁睇電視。
Kristy打得好開心,我間中會去望下佢地打牌,不過冇同佢地傾計怕會阻住佢地。
「家明你唔去玩下?」Auntie問。
「我唔識玩架….」我諗唔識打牌可能Auntie會覺得我係乖仔吧? 加上放假都唔出去而陪住Kristy我相信又會加分。
「噢… 飲唔飲野? 自己去雪櫃拎啦。」Auntie飲住包菊花茶叫我如果想要就自己黎。
「啊…. 好啊多謝Auntie,我順便拎不比佢飲。」都唔知同佢講咩好,Auntie既氣場太強…又或者係我太緊張怕講錯野,所以搵個籍口走開下。
「你地飲唔飲野? 有菊花茶、檸檬茶同可樂。」
「可樂~」Kristy唔客氣地講。當然我好樂意去幫佢拎。
「一樣~」阿傑打出一隻牌。
「上~」年齡大約廿尾既Mandy:「家明我想要菊花茶~」
「唔該檸檬茶」Suki份人幾好,平日都係唔該前唔該後,佢應該係大我一兩年左右。
之後我就不停遊走卡麻雀枱同梳化之間。
大約到8點左右,佢地都打完啦。
「差唔多食飯啦~~~ 」Kristy講:「我地叫外賣啦~ 食Pizza~」
食完之後佢地又再打牌。
「家明不如你返屋企先啦,我地有排打。」Kristy拉我去一邊講。
其實我都有少少悶…
「都好,咁你地玩得開心D~」
之後我就走啦。 一個人返屋企。
其實今日我做左D咩????
無音響子
2020-08-17 11:16:39
【從毒撚變成浪子 – 陪我走過的一些女性們】
【第三十五章】- 【你是活於香港島的人】
到底係咩原因? 心情有點不安,覺得同Kristy好似有少少唔同左。我一個人坐巴士去灣仔,打算坐船返九龍。
香港島既感覺同九龍真係好唔同。 特別係半山區既環境,清秀高尚充滿殖民地氛圍。 我總係覺得身處半山中,就好似返到去80年代,看著馬路旁既石牆感受就好似王家衛電影阿飛正傳中劉德華係山頂巡邏。
同蘇麗珍最後一次見面的電話亭時會停留多幾分鐘,想知道蘇麗珍會不會打電話給自己。當中既一句對白:「我從來也沒想過她真的會打電話給我,但每次經過電話亭的時候我總會停一陣子。」
我打開電話睇下Kristy有冇搵我。沒有,佢應該仲打梗牌。
係灣仔落車行到電車路附近,突然下起毛毛細雨,一陣冷清孤獨襲來,好想身邊有Kristy同我一齊行。 想起過去幾多次同Krsity一齊雨中漫步的走過電車路,兩人有說有笑的談論著兩人的未來。
雨越下越大,我走到便利店買雨傘打算行去碼頭坐船。 不由自主地我走到飲品櫃前,拎左支啤酒。
唔知道咩原因,我覺得孤獨起來而想飲酒。 我撐起雨傘,多希望時時刻刻有Kristy係身邊一起撐傘一起行。
一個人飲住酒行到碼頭,雨越來越大。 Kristy未有Whatsapp我,而我終於按捺不住發了一個whatsapp比佢。
【落好大雨啊…】
良久,我坐上尾班船身處卡維港中心,收到了Kristy回覆。 【你返到屋企未? 有冇摭?】
收到Kristy回應我心情多了一點點安心,佢仍然關心我。 可能只係佢打牌,所以一時間唔知道落梗雨而冇擔心我有冇淋濕身。
【我買左摭上左船啦。你地仲打梗?】
【佢地岩岩走左,上的士。 你做咩唔坐地鐵?】
【冇啊,想坐下船。 浪漫D! 好掛住同你一齊坐船好開心。】
Kristy未有回應我,我落左船後係尖沙咀碼頭便利店再買一支酒後上左巴士再問Kristy 【可唔可以打比你?】
【我想沖涼先,一陣傾啦。】Kristy回覆。
【好。】 我自己心頭一甜,知道Kristy已經打完牌,感覺上安心左唔小。
可能係自己諗多左,Kristy仍然係好愛我,好關心我。 之前果種孤獨感一一散去。
ヤマタノオロチ
2020-08-17 11:26:50
下一章,家明應該被分手
無音響子
2020-08-17 11:58:46
【從毒撚變成浪子 – 陪我走過的一些女性們】
【第三十六章】- 【我是活於九龍的人】
巴士漫漫的從彌敦道駛向旺角方法,九龍比人既感覺好旺,尖咀至太子更加係不夜天充滿活力。 但感覺就總係比香港島差了一大段…
記得之前讀書時,有一D住港島既同學講自己係香港仔前香港仔後,會笑我地一班住九龍新界既人。感覺佢地就自覺自己高人一等。
記得有D港島人更加話自己好怕去九龍,覺得九龍品流好複雜。佢地認為九龍好亂,觀感上好污糟。同時總係好似有好多黑社會出沒,感覺上係會好似隨時會比人睇唔上眼就打一身。
作為一個九龍長大既人,感覺上港島的確係比較高人一等的。 但九龍其實冇未問題,事實上九龍既人唔會個個都係壞人,而香港島上高高在上既人亦唔見得就等於好人。
當然,依一D係港島人深深殖入腦袋既思想。
------------------------
「今日咁夜返既?」阿媽仲未訓。
「係啊,上左Kristy屋企。」飲左少少酒我開始多野講。「陪佢打牌啊。」
「下? 你就係坐係度睇住佢打?」
「係啊。 有咩問題?」我拎電話whatsapp Kristy【返到屋企啦我,你沖完未?】
「冇。 人地阿媽係度?」阿媽問我。
「係度,我同佢一齊睇電視啊。」
「哦…. 你同人阿媽相處得點?」
阿媽同阿爸都好似特別關心Auntie點睇我。我回答:「OK啊,冇咩點啊。」
老老實實,我又點會唔知道Auntie其實對我係點…. 佢就好似一般港島人一樣咁睇我既個九龍人。
「唉~ 我同Kristy兩個人都好咪得囉,你唔洗擔心啦。」我走返左房。
鈴聲可以寧靜
2020-08-17 12:18:43
Yeah有文!
Thanks響巴!
無音響子
2020-08-17 17:53:28
【從毒撚變成浪子 – 陪我走過的一些女性們】
【第三十七章】- 【阿傑】
「我地Team約左阿傑一齊出去唱K啊。」Kristy佢地Team又約左已經走左既阿傑出去。
「我又去。」同Kristy一齊係公司食飯。
「我地Team去啊,你又唔熟佢地…」Kristy似乎比較在意我會悶。
「冇所謂啦,又唔係唔識佢地。」我抹一抹咀:「我地好耐冇一齊出街。」
「但你都唔鐘意唱K既….」Kristy停左一下:「我地聽日星期六先出黎啦」
見到Kristy咁講,我冇強迫話要去。放工時間我走人先,Kristy地等夠鐘先出去唱K。
【返到屋企啦,你地出去未?】
【去到K房啦。】Kristy簡單一句回應。
早己係維園一旁遠遠望住糖街K埸既我感到一陣困惑……點解我見唔到佢地上去? 唔係講左佢地一TEAM人去唱K咩?! 成十多人去唱,我冇理由會睇漏眼…
等等,間K場好似另外有一個出入口,唔通佢地係果便入左去?
我連忙跑去電車路果面睇下會唔會見到佢地! 都係冇!!!
…
我諗左一陣! 決定係附近等。我怕係我MISS左佢地其實未上去。一等又等左30分鐘。
可能真係上左去,我諗不如返屋企啦…. 我好似好唔信Kristy咁…
行左兩步有少少餓,所以去左附近食野。
心情忐忑不安地食野,我只係用左30分鐘唔夠已經完成個餐飯… 我想再返去K埸門口等。一謗心諗或者自己真係同佢地上去既時間錯開左,Kristy唔會呃我… 我安慰自己。
我應該返屋企? 定係留低?
最後我決定走…. 冇留係糖街K場門口。
我自己一個人係銅鑼灣行不停行,行到大約11點幾我決定Send一個whatsapp問kristy走未。
【我唱多一陣先走。】
我問佢去左邊度唱【係糖街唱?】
過左一陣kristy回【唔係,去左人地會所唱。】
會所? 點解轉左埸地佢唔同我講? 【哦?? 點解轉左地方唔同我講既?】
【係啊,佢地好多人突然唔黎,所以我地轉左去會所。】
【你地有邊個人?】
【阿傑同suki地。】
【你地3個人都出?唔改日子?】
【係! 阿傑出左黎啊,咪照出。】
我諗左陣,冇再搵同佢傾。
又係阿傑… 一個明明走左既人,點解佢地咁多人唔得閒都仲要出去….
鈴聲可以寧靜
2020-08-18 02:50:52
響巴加油!
即是咁
2020-08-18 13:47:34
呢頂綠帽睇嚟都戴得幾穩
無音響子
2020-08-19 17:21:35
【從毒撚變成浪子 – 陪我走過的一些女性們】
【第三十八章】- 【埋伏】
越諗我越擔心起黎,點解又係同阿傑出黎。 Kristy近日同阿傑出街既時間好似同平日好唔同,佢唔會點回我whatsapp,亦唔會打比我。
佢會返到屋企先打比我。 唔通佢地中間真係唔可以傾電話或者睇我whatsapp?
不安感莫名其妙的擁上心頭,係唔係我過份的焦慮呢? 係唔係我對Kristy太冇信心呢?
我唔可以對自己女朋友咁冇信心… 我知咁唔信佢係一件唔應該既事。 不過佢近日行為真係令人有少少擔心。 電話我地少傾左,同佢傾計總係覺得佢好似冇左以前果份親切。 放係我身上既時間好似少左,佢總係會講自己約左人或者唔得閒。
站在黃金廣場外既我決定一個人上佢屋企附近埋伏! 係沒有經過時代廣場既情況之下我直接坐的士上到Kristy灣仔半山既屋企。
Kristy屋企位於黃泥涌道,從巴士站落車要行一段5分鐘左右既私家山路先到,附近只有幾座大廈及一個露天停車場。
我就埋伏係停車場位置,正正可以望到Kristy層樓既大門口一段路,加上汽車掩護之下,可以係Kristy見唔到我之下睇住Kristy一陣係唔係同阿傑一齊返黎。
10點半鐘,我估計大約可能12點前Kristy祇有會返黎。 等候期間我再發一個whatsapp比kristy【我返到屋企啦,一陣你離開時打比我啦。】
【好。】Kristy過左一陣回我。
一個人坐係停車埸地上望實相距20米左右既路段渡過一個多小時。
內心不停的責怪自己唔信Kristy,但自己又唔心息希望要知道真相。依一刻自己又會不斷諗,如果一陣真係見到阿傑同Kristy一齊返黎,我應該立即露面? 定係影相之後同Kristy對質?
唔係既….可能自己真係諗多左,一陣Kristy自己一個返黎呢。 可能只係Kristy覺得拍拖耐左少少,希望分多少少時間比朋友… 就好似之前Zoe講過,我已經好耐冇同自己teammate食lunch,可能係自己真係放太多時間去Kristy之上。
記得之前Kristy都有講過我地兩個出雙入對,怕唔怕公司D人講。 可能Kristy又會覺得我地太close會比公司D人講,影響前途…
不過當時我就天真地講,我地兩個人行得正企得正,怕咩? 公司都有幾個同事係兩公婆一齊返工。
我越諗越遠,睇一睇時間11點。 只係過左半個鐘。
一個人天黑黑留係一個荒山停車場,如果一陣有人見到我一條友係度去報警我都唔知自己點解釋!!
其實自己係唔係好ON9? 點解要係度埋伏去捕Kristy有冇出軌? 如果我真係捉到又點? 下場係分手,益左阿傑。
但如果我唔捉佢,Kristy又背住自己去同另一個人一齊… 自己之後又可能會後悔自己點解唔去捉姦。 如果今日唔黎捕佢,可能我又會自己亂諗野…
11點半,Kristy都係未打比我同我講佢返屋企。 點解仲唔講? 唔通真係同阿傑一齊坐車返黎? 咁我咪真係會捉到姦????
等一等… 如果阿傑真係同佢返黎,但冇親暱行為或拖手,咁可能只係正常地送女性朋友返屋企,咁唔代表到D咩事。 咁我咪即係好白痴咁呆等左一個晚上?
點解我好似好想自己被人帽左? 唔通我想有個解脫??? 依一刻我好忐忑! 唔知道自己到底想點。 我好想離開! 突然有個想法係唔想知道個實情,寧願一直自我安慰自己都唔希望真係要同Kristy分手…
我真係好鐘意Kristy,好唔想失去佢。如果真係佢同左阿傑一齊,我都唔會放棄佢!!!
我企起身打算係Kristy返到之前離開。
無音響子
2020-08-19 17:24:55
即是咁
2020-08-19 18:34:44
按tbb劇情發展 應該會係一企起身啱啱想走就見到兩個喺度攬攬錫錫
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞