【從毒撚變成浪子 – 陪我走過的一些女性們】

兩個都gay

推

推
幾個鐘追到live
一路睇一路痛

都似

由星期五開始冇更新

【從毒撚變成浪子 – 陪我走過的一些女性們】

【第一百七十四章】【Vivian視覺】

Johnson同我仲有Nelson,Tina & Jessica經常會一齊去自修室，雖然係一齊溫書要準備考A-LEVEL，只不過我都係想同Johnson兩個人一齊。

雖然我地都算有暗示過大家應該好A-level先再決定會唔會拍拖，但我認為就算未拍拖或者未知會唔會有機會拍拖。 無理由每次出黎溫書都要同佢地一齊出黎，變到我同Johnson兩人完全冇得交流!

「不如下星期你陪我去搵唐哥拎notes啊。 佢畢左業有好多參考書唔要想比我。」係電話上我同Johnson講。

「下星期? 咁我叫Nelnel一齊拎啦。 佢應該得閒。」Johnson想叫Nelson依個電燈膽一齊。

我當然反對:「唔好叫佢啦。 我唔想煩麻到佢…. 同你兩個去啦。」

「下… 咁我同佢講一下先啦，約左佢一齊溫書。」

「好啦。」希望Johnson唔好同Nelson講太多:「你同佢講你自己有野做唔得閒啦，唔好叫佢一齊黎啊1」 其實我唔太鐘意nelson，因為總係覺得佢份人好唔識做，成日都要跟住johnson同我。

「哦…… 好啦。 我同佢講。」

就係咁我終於都同Johnson兩個人第一次二人世界。

「你堂哥咁叻既，可以搬出去住。」Johnson同我一齊出去搵堂哥。

「係啊，佢炒股好叻啊，讀梗書時已經炒股，兩年時間已經炒到可以買樓。」講起唐哥佢真係好勁:「佢識左個女朋友，想過幾年結婚所以買定樓啊。」

「咁叻，真係要同佢傾下計先得啦。」Johnson好似好興趣咁。

男人對搵錢有欲望都唔係壞事。「好啊，你可以問下佢投資既野，佢可能會教你。」

我地去到伯父屋企搵唐哥:「伯父你好，唐哥約左我黎拎參考書架。」同佰父介紹johnson: 「佢係我朋友叫Johnson」

「噢…哈哈」伯父陰陰咀笑心入面應該諗梗仍係我男朋友:「你好啊Johnson! 好靚仔呀~ 哈…. 黎黎入黎坐下先，我叫大舟出黎。」

我地入去坐一陣唐哥就拎住一大廂書出黎:「喂HELLO vivian 依~~~ 你有朋友”仔”幫手拎啊? 仲想車你返去。」

「唐哥你好，佢叫Johnson啊，幫我拎D書返去。」

Johnson好似一個小fans一樣同唐哥握手:「啊… 你好唐哥。」

「哈~~~你好靚仔啊下~ 呵…. 你好。」唐哥望我一下偷偷一笑之後同我講:「Vivian你搵下有冇咩書岩你用就拎去啦，我就快搬唔想拎咁多野走。」

「哦~ 多謝唐哥!! 係啊Johnson好想知道點投資，我同佢講你好叻架，可唔可以教下佢?」 我見Johnson好似唔係好識打開話題就幫佢一下。

「噢。 好啊。 男人一定要識投資!! 我有個建議就係一定要買樓，黎梗10幾年會有大算浪!!! 」唐哥之後就同Johnson傾投資既野。

冇幾耐我都拎起我需要既書同Johnson離開，返去自己屋企。 由於我地屋企好近，行左半個鐘已經返到我屋企。

當然，我冇比佢入我屋企，因為阿媽係度。 比佢知道有男仔同我一齊就煩。 雖然佢一心只係錫晒細佬，不過我相信佢一知道有男仔係我身邊就會係咁鬧我唔比我拍拖之類既野。

放下書本我就同Johnson出去。 「我地去邊溫書? 岩岩Nelnel打比我問我去唔去自修室。」

諗都唔洗諗:「唔去啦!!!」我反應有D大:「啊… 今日叫你幫手拎書，點都要請你食下野報答一下你既」

好在我演技有返咁上下，JOHNSON都相信我真係想多謝佢:「啊… 食少少野啦，不過應該我請你。 女仔請男仔好似唔多好。」

「我又覺得唔係問題! 分咩男仔女仔啊?」可能係女校生關係，我從來都唔覺得一定要男仔請食野。「我地去旺角食野啦，有間茶餐廳我好鐘意去。」

Johnson係個冇咩所謂既人，我地盲去左旺角食野。茶餐廳係開左好多年，奶茶好出名。 我每次去都會飲。

「喂阿妹~ 今日唔同同學黎啦~」老闆娘成日都同我傾計:「嘩~ 你朋友好靚仔啊。」

今日已經係第3個人講Johnson靚仔，的確佢係好靚。

「哎呀~~ 睇黎我阿仔冇行啦~ 哈…….. 靚女今日要D咩?」老闆娘成日話要介紹自己個仔比我地一班女同學識。

落完單後Johnson問我「你同老闆娘好熟咁….」

見到佢咁介意就試下佢:「我同tina仲有jessica成日黎，都幾熟架。 老闆同老闆娘成日話介紹佢地個仔比我地識，哈~~好搞笑。」

「哦…. 係咩?」Johnson個樣好似有少少唔開心。

見到佢因為依件事唔開心，我個心當堂好快樂!! 心裹暗爽~~ 「哦? 你做咩咁既樣啊?」

「下?咩樣?」 佢比我睇穿就扮冇野:「今朝早起身有少少攰。」

哼!!! 死要面:「咁我地食完野就返屋企啦，原本仲想同你行一陣街。」我擺出一副不在乎既樣:「唔~~ 都好既，你返去休息下又或者搵阿nelson溫下書啦。」

「下… 咁又唔洗。 岩岩先同nelnel講左今日唔得閒。 啊… 依度太子爺係咪好唔靚仔架? 點會做太子爺都要父母介紹女仔?」

YEAH~~~ 佢真係在意我架。 「依度太子爺啊~ 都幾靚仔架。 哈~~」飲一下奶茶同時留意著Johnson面上既表情。

佢四周張望「係咩? 佢係邊啊?」

「佢今日唔係度啊。 我諗佢今日冇返工。」其實太子爺靚唔靚我都唔知，我冇見過佢真人。

佢有點失望「係啊…. 你都好受歡迎啦…」

見佢失望列咁我都有少少唔好意思:「咁你都好受歡迎啦，人人都話你靚仔~~~~ 唔… 果個太子爺唔岩我既，我都係鐘意D讀書叻既人。」我刻意講自己鐘意讀書叻既人，希望暗示到比佢知令佢放心。

「哦…. 」的確佢好似放鬆左少少。

大舟

大J呢個係咩時期既大J?
識投資買左樓, 家寶阿怡?

【從毒撚變成浪子 – 陪我走過的一些女性們】

【第一百七十五章】【Vivian視覺】

餐飯話咁快食完，係我請佢既。

「之後不如去睇戲啦。」Johnson同我都決定今日唔温書。「我請你睇戲啦，岩岩你請左我食野。」

「咁點得架…. 岩岩餐飯係我多譏你幫我搬野。」我係真心想答謝佢。

「得啦。 一人請一次啦~~~ 不過睇完戲之後我地就要比心機溫書啦….」Johnson係一個好認真讀書既人，依一點都係令我對佢加分既地方。

「知道啦~」我微笑:「間中輕鬆一下都要既，吊頸都要透下氣啦。 我地下年先考試仲有一年時間!」

「哈~~ 係既係既。」我地兩人一邊傾計一邊行去戲院。

依一種感覺好開心好浪漫! 一直都有幻想自己拍拖同男仔一齊行衙睇戲食飯，今日終於可以達成到依個願望。

Johnson同我平排而行，手臂幾乎掂到對方。 Johnson有幾次都掂到我隻手…. 被掂到既一刻我心如鹿撞骨軟筋麻的，果一刻我好期待佢會好似電視劇般係過馬路時一手拖住我。

可惜佢冇咁做，不過我地仲有機會係戲院內。 或者佢會有所行動呢。

我地好專心好乖咁睇戲… 我以為佢會有行動。 搭我膊頭或者拖手都猜。

可能係佢太怕羞又或者佢真係想考完試再一齊?

經過大半年時間相處，其實我係幾滿意Johnson。 佢外表吸引已經唔需要質疑。 身高同身型都係非常之出眾，加上家庭背景令佢培養出特別既氣質。待人處事都好溫柔同時都有多野講唔會好悶。雖然佢有時對住我人似有少少保留，同我保持一D距離，但同時我認為依個係優點，佢唔係一D好猴琴既人令我好放心唔會怕佢係玩玩下既人。

「你有冇拍過拖架?」我決定問下佢多一D野了解佢更多。

Johnson望住我雙眼”「我冇拍過拖啊，我冇咩女仔朋友小學同中學都係讀男校架。 咁你呢? 有冇拍過拖?」

「我冇啊。 冇人追~~」唔知你會唔會同我講你想追我呢? 唔知你對我係咩感覺?

「點會呢。 你咁靚又好人… 你睇下老闆娘都想介紹個仔比你識啦…哈….」Johnson提起茶餐廳老闆娘。

佢介意? 我甜笑一下「嘻~~」再續說:「佢講下笑之嘛，你做咩咁樣啊? 你介意咩?」

Johnson神情一慌:「下… ?」

我一時口快咁講左出黎… 我唯有打蛇隨棍上講:「啊~~ 見你今日下午好似好緊張咁，依家你又提多次。 如果你係介意既，我可以唔去果度食野既…」

「咁又唔洗… 我又唔係話介意D咩。」Johnson既回應令我唔開心。

「係咩? 原來你唔介意啊，咁OK啦。」睇佢唔似係咁蠢既人，定係男仔對感情事都係冇咁敏感??? 「Johnson, 其實你對我有咩感覺?」

「下…? 你咁突然問我…」佢應該係比我既主動嚇倒!

「如果你係唔介意，咁之前係自修室又主動識我? 定係你覺得我唔好?」反正都開左個頭都唔需要有隱瞞大家估估下。

「啊… Vivian我之前都有講過大家慢慢黎，要考完試先再決定點做，依家當係比大家認識對方先。 唔…. 你明唔明? 我地應該升上大學先再算，其實我…家人話如果我唔可以入到島大或暴大就送我去英國讀書。 Vivian…如果真係咁，我同你就要分開兩地…..」

「….」原來Johnson背後有咁既原因:「哦… 原來係咁，咁你應該一早話比我知道嘛。」雖然有點唔甘心，不過如果考慮到將來一段既時間，似乎我地應該唔好諗感情事，先應對好A-level再一齊:「咁我地一齊努力溫書啦~~~」

「好。」Johnson微笑回應我。

我決心要同Johnson好好溫書，一齊入同一間大學!

Johnson似基 搵Vivian做煙幕

點解唔想一齊一開始又要溝人

nelnel叫？

兩日冇更新係咩玩法

push

【從毒撚變成浪子 – 陪我走過的一些女性們】

【第一百七十六章】【Vivian視覺】

又到聖誕! 過往咁多年我唔係自己一個人過盲係同師姐(?)阿CHRIS出去行街。 係上年聖誕節前係舞會識到Johnson不過都係猜係聖誕平安夜果D時間一齊出黎。

中六係聖誕節，我好想佢會約我。

「你地24號有咩做啊?」Jessica係茶餐廳度問我地。

飲梗熱咖啡既Johnson帥氣的回答「冇諗啊，你地呢? 會唔會一齊出黎玩?」

明顯地jessica幫我製造機會。

「要溫書啊我地。」但Nelson好認真同嚴肅地講:「Johnson你唔係唔記得如果你讀唔到就要去外國啦…」

「…..係WOR。」Johnson面上有點失望地偷望左我一眼:「不過一日半日當休息一下都OK既….」

「係啦，我地都應該relax下既」我真係好想可以同Johnson一齊過平安夜。

冇想到我講完會比Nelson白左下眼….

「一於咁話啦! 」Tina好高興地講。

之後就變成我地傾去邊玩。 而Nelson係冇參與討論，明顯地佢係好唔想去。

平安夜，我地5人約左下午5點出黎食飯同行尖咀睇燈飾。

我刻意打扮過再出去。 白色冷衫紅色短裙穿上長BOOT，雖然都只係旺中貨，不過配搭上黎係幾好睇。 係途中引來唔少男性望住我。

「HI… 你今日好靚啊…」Johnson同我先約左係地鐵月台見面，我想同佢有少少二人世界既空間。

「HI…」我怕羞地說:「送比你架….」之前準備左聖誕禮物比佢，係一條頸巾。「唔係我織架…..買架…」

我送上一條買的冷頸巾。

「多謝….哈…我都有野比你….」johnson將一個袋交比我。

打開後發現係一條頸巾!!! 我同Johnson會心微笑， 各自戴上頸巾。

Johnson同我漫步係車水馬龍既尖沙咀上，漫無目的地行卻非常高興。 我地再次並肩而行! 由於人真的好多，我地每行前一點就會貼實對方手臂。

「啊…」我比人撞到一下退後左幾步。

「VIVIAN…」Johnson一後捉實我手慰問我:「冇事嗎…?」

「呃….冇….」我望住佢拖實我既手，緊張地答:「冇事啊我。」

Johnson「好多人…. 我拖住你行啦…」

我可以感到佢隻手微微的抖動。

「唔…」

徵徵點頭回應後，Johnson同我就冇講野，慢慢地跟人潮而行去…. 我可以感到Johnson暖暖既手傳來既溫度! 佢隻手好大隻，完完全全地將我既手包實了… 如果時間可以停止，我希望可以永遠停係依一刻。

同佢未有講出同對方既關係，手拖手行。曖昧既關係令我感到非常不知所措。 應唔應該勇敢一D進一步同佢講我鐘意佢? 但我係女仔，又冇理由喧主動，好似變到自己好冇矜持。 而且，我地講過要努力考好試再算。

雖然有點難受，不過又唔好享受依一種超越朋友又未到情侶既關係。

「Vivian….差唔多要返去碼頭等佢地啦。」

我望一望時間，完來我地已經行左成個鐘。

「唔。」我點點頭。

之後我地再行去尖咀碼頭集合。

到差唔多地達時，Johnson放開我隻手，我明白我地唔應該係佢地面前手拖手。 但果一刻我好心痛…. 好失落….

「Johnson…. 不如我地兩個人自己去行囉…」我拉住佢衫尾說。

推

【從毒撚變成浪子 – 陪我走過的一些女性們】

【第一百七十七章】【Vivian視覺】

我好想同Johnson快D一齊。 我已經等唔到去考完公開試之後。 我被Johnson深深吸引住。

自從細佬出左世後，父母對我好冷淡，冇將注意力放到我之上。 Chris 對我好好，真係令我有一刻好開心，只係仍同Johnson唔同。

Chris對我好想追我，只係我唔可以接受佢，我唔鐘意同性。 而Johnson，佢好好人又上進讀書好叻。 而且，佢真係好靚仔，我同佢出街總係引來好多人既注目!

「我今晚想同你兩個人一齊過啊….」一邊對Johnson講既同時我既手已經挽住佢既手臂。

Johnson面色有點難堪:「下? 但我地約好左佢地啦……. 唔係咁好。」

「佢地3個人一齊玩都OK啦….」我停止了一下細想之下都係決定要主動一D，因為我知道Johnson 未考完試都會堅持唔同我一齊。「我想同你兩個人過平安夜啊….得你同我兩個人。」

「唔…..」Johnson可能係怕對佢地唔住所以一面為難的說:「咁我同佢地講一聲先啦…」

「好啊。」眼見Johnson應承我，我真係好開心。

之後我地兩個人坐船過左海去中環。 係中環高聳入雲既商廈群裹，我總係會好迷失方向。因為自己總係好少過海黎港島。

幸好有Johnson係身邊，出生於港島區既佢好熟路，係佢身邊就有一份安心既感覺。

兩人慢步係中環街道，雖然只係冇目的地行，但可以係大節日兩人一齊已經夠我開心快樂! 我主動撓住佢手臂漫步電車路，從中環行向銅鑼灣。沿途同佢有傾有講，傾下家人傾下學業傾下朋友。

「Vivian之前你有冇諗過讀邊間大學?」

「我~~ 冇架。 都唔知咩成績~~ 哈…. 可能係讀律師或者會計啦。」我知道佢想讀醫:「你係唔係想讀醫?」

「係啊。 我想幫到人，所以希望讀一D有能力幫人既科。」Johnson說起自己抱負時，感覺佢好似一個偉人一般充滿了吸引力，好似有一陣光芒覆蓋著佢一樣。

「好啊。 幫到人好似好好。 其實我都想過讀護士!!」其實我只係想同Johnson更近一點:「哈~ 不過我唔係讀理科既材料….」

「哈~~ 其實我都冇信心可以讀到醫架，太難入啦。 而家人就好想我讀金融將來可以入到金融機構攸野。」剛好我地經過獅子銀行，Johnson一手拍打大門口的獅子前腳在思考著。

「都好啊~ 如果你做銀行，我讀會計或者工商管理都好。」

Johnson閃出一下呆滯的表情:微微地笑著:「如果真係可以事事都如我所想去做就好啦……哈…….」

「…..」唔知點解我覺得佢好似好傷感一樣:「喂~~ 今日平安夜啊，要開開心心啊。」 我要盡力令佢開心快樂!

「一陣你想食咩? 唔…. 我諗我地冇book位，可能唔係咁易有位食野…」Johnson對我充講既時候一面歉意的。

「唔怕啦~~~ 嘻!」只要同你一齊就算係挨餓都係幸福既:「我唔餓啊。 你肚餓既話我地是但搵D野食啦，食咩都OK架。」

我地沿住電車路行過金鐘到達灣仔已經最近8點。「不如睇下附近有冇餐廳可以食野啦…. 我知道有間据排係修頓球場附近。」Johnson望住我微微笑著:「今晚平安夜，好似食西餐會比較合適。」

「好啊。」只要係Johnson你想食既我都會食我好開心。

唔知係唔係節日關係! 我比平日更情難自控的，好想好想今日就正式同Johnson一齊。 如果一陣佢同我示愛，我會應承佢做佢女朋友!!!

「啊~ 咁多人。」

「唔怕啦，咁多人等即係好出名，我地等啦。」我說。

「唔知道Nelson佢地依家點呢….」Johnson同我都關上電話，為左唔比佢地搵到我地，我叫佢Send左message比佢地盲關上電話。

「我諗佢地3個係尖咀應該都食梗野啦，你唔洗擔心佢地啦。」我說。

「呃… 係既…哈…..」

我地等到9點先有我食，食完已經差唔多10半，之後我地盲行去銅鑼灣。

想不到途中，我地行到新英皇時有D人向人派發禮物:「Hello平安夜快樂~~ 平安夜記得安安全全啊~~ 」兩個女人派左一小包禮物比Johnson

我唔知道係咩黎就問Johnson:「係咩黎架?」

Johnson冇出聲…. 我見到佢手上既係一包避孕袋…..

Johnson冇出聲…. 我見到佢手上既係一包避孕袋…..

Johnson心諗「正！買埋支KY 今晚返去同nelnel有排玩！」

今日好忙~

都就嚟慣咗你隔兩三日先更新一次

等你

【從毒撚變成浪子 – 陪我走過的一些女性們】

【第一百七十八章】【Vivian視覺】

Johnson同我互望一下後笑了一下就再行去銅鑼灣方向。

「呃~ 你諗住點處置個condom...?」我見佢放左入褲袋內:「嘻..係唔係諗住偷偷地搵人同你用左佢?」

「下?」Johnson大吃一驚。

係比我講中左? 定係想唔到我會咁問? 我擺出一下懷疑既樣問:「下? 你真係會用?」

Johnson好緊張咁為自己解釋:「我點會用呢? …你咪玩啦….」

我就係鐘意佢咁既樣，好似一個傻瓜一樣。「唔用? … 」我擺出一個驚訝同不悅既樣。

「下… 你唔好誤會啊。」Johnson好努力去想解釋:「….真係唔係啊…」

見到佢可愛又荒失失既表情我忍唔住偷偷地笑了。 「哈哈哈~~ 傻佬… 講笑。」

「唔…. 嚇死我啦你…」Johnson一面笑一邊放鬆下來。

我又再次突擊問佢:「嘻~~~ 咁你有冇試過?」

佢面上充血了”「咩啊….」

「哼~ 明知故問!」我用撓住佢既左手手肘輕輕一撞佢:「扮晒野!!!」

「呃…. 下….」Johnson一時間唔知點回我好。

「咩咩囉….你有冇試過同其他女仔…..」我係佢耳邊說:「搞野啊?」

放少左下面....

【從毒撚變成浪子 – 陪我走過的一些女性們】

【第一百七十八章】【Vivian視覺】

我地此刻正置身銅鑼灣某大日式百貨公司附近。

「冇啊。 我….冇同個女仔咩架…」

「唔信你。 你咁受歡迎! 上年同今年你都比我學校好多女仔圍你啦。」我地今年都有做聯校聖誕舞會。

Johnson眉頭一皺:「唓! 咁你都比好多男仔圍住你啦….」我地之前講好左係舞會上扮唔熟對方。 其實我地都冇開始，都唔知點解會做傻要扮同對方唔熟。

「哼~~~ 咁你見到我比其他男仔圍住又唔過黎同我傾計，幫我解圍?」抱著怨的向Johnson反映自己心情。

幫推