【從毒撚變成浪子 – 陪我走過的一些女性們】

995 回覆
71 Like 8 Dislike
2020-06-22 15:06:19
【從毒撚變成浪子 – 陪我走過的一些女性們】

【第十二章】- 【男朋友】

「見到你咁傻咁白痴覺得好好笑LOR,傻佬…」Kristy係因為咁而覺得開心?

「哦… 原來係咁….」我大口大口飲晒D汽水,但總係覺得口中仲有一陣雞子臭味。

之後我都冇咩點走野,離開火鍋鋪後我地決定先係附近行下。 就算甜品係第二個胃都冇可能打完邊爐就立即食到。

西環尾段有多間酒吧,好多外國人係入面飲酒,就好似一個小蘭桂坊一樣:「你飲唔飲酒架?」

「我唔識飲架,你飲?」Kristy反問我。

「我少飲。不過估唔到你唔飲… 因為外國讀書十個有九個都係會鐘意飲酒。」

Kristy吐一吐脷尖:「哈…我係唔係好怪? 真係一D酒都未飲過。」

「哦? 見好多美國人都鐘意開party飲酒,以為你都會。」 話說,我有幼想過Kristy係美國讀書係成日去玩同飲酒既人。

「冇架… 係果面我好自閉。 哈… 」真係估唔到佢表裹如一的,係個唔會浦吧飲酒既人,當堂加左佢好多分。

「哦~ 咁你係果面會做咩多? 溫書?」

「一般都係留係房好少出去,之前冇車都係屋企附近超市買野同上網睇電視,之後考到牌就有自己渣車去玩。」

「哦! 原來你有車牌,睇唔出。」

「哼~ 你睇小我啊!!!」Kristy作一個嬲樣。

「哈~ 唔係睇少。 不過見你好斯文,估唔到你會學車姐。 仲有你自己一個人係外國生活好叻啊。」想起Kristy美國一個人生活真係好勁。

「啊.. 我有ROOMMATE,都唔係一個人….」Kristyy說出來。

「哦… 你Roommate係香港人?」 佢咁講,我估計係香港人。

「….啊… 係啊。」Kristy細聲回應。

「咁你room mate都返左香港? 你好似話係香港好少朋友,唔通佢未返?」

「唔… 冇聯絡啦…」

「下? 點解架?」我感到有點怪,唔通同 Room mate唔夾?

「啊…」Kristy支吾其詞的:「其實我room mate係我男朋友….」
2020-06-23 08:11:48
Thanks 響巴!
2020-06-23 08:34:09
LM
2020-06-23 10:01:41
好睇LM
2020-06-23 14:38:11
【從毒撚變成浪子 – 陪我走過的一些女性們】

【第十三章】- 【難以接受的過去】

「哦….」我冷冷的回一句。

男朋友。美國。同宿。 等於咩啊? 等於咩都玩晒,渣都冇得剩啦…

我腦海自己強補Kristy同佢男朋友係美國兩人一齊生活既荒淫生活! 自動幻想起Kristy同佢男朋友兩日一放假就留係屋中瘋狂造愛既畫面。

美國! 一定有好多鬼佬吧?! 佢會唔會係屋企約左D鬼佬玩多P???

一想到依度,我個心嗱住嗱住。

「其實都唔可以話係男朋友! 應該係EX!」

「下? 即係你同佢分左手?」

我地兩人從內街行往海旁方向。

「講清楚一D應該話係我同佢分左手,不過佢又死纏爛打同我一齊去左美國。」Kristy一面無奈地說著。

「下? 分左手但你地仲一齊住?」

「…..唔…我同佢講左我地冇可能! 但佢都係要一齊黎,去到美國又話自己黎得太趕未搵屋。 一開始佢係話借我個廳訓,等佢搵到地方就走人。 點知一住落佢就唔肯走人….」聽到Kristy咁講覺得佢好傻好天真,點解唔強硬D同佢EX講呢。

我眉頭一皺:「咁佢就一直係你度賴死唔走啦??」

「係啊。 我地一住就6年….」

「點解你會咁傻架… 如果已經唔鐘意佢就應該咁….蝕比佢啦….」我又自我腦補Kristy同佢EX係SP既關係… 個感覺比佢地拍拖一齊造愛更加令我嘔心。

Kristy大為緊張向我解釋:「唔係架…佢一直都係訓廳,我唔比佢入我房架。6年黎我都係自己一個訓房。」

「….唔… 咁佢自己係果便冇做野搵錢自己搬出去咁狗既!!?」我唔知道Kristy所講既真唔真! 一男一女共處一室,仲要係6年咁耐,冇發生任何關係!?

「佢有返工,不過都係唔肯走,又話兩個人一齊住冇咁晒錢。 ….但到最後佢係一蚊房租都冇比返我。」Kristy雙手放係西環海邊既欄杆上。

「唉….」我深深嘆一口氣同時將手放上欄杆:「咁佢仲有冇搵你?」

「冇啦冇啦…其實一直係美國我地都唔會點講野架。…」Kristy為自己解畫:「我係唔係好傻啊….」

「….」係好撚蠢啊我心諗:「咁有時好多野又的確係幾難開口既….」 的確好多野我都講唔出口。

「….」

「….」 我地兩人都冇野講。

海旁有唔少人係度傾計。有一家大細,有幾個年青人更有幾Pair情侶係度談心。

氣氛一時間好怪。如何打破依個沉默?

原來Kristy有過咁既過去… 唔知點解一時間好難接受同好唔信佢…

突然「啪」一聲。

「哇….」一下叫聲。
2020-06-23 14:52:42
係度停?
2020-06-23 22:49:29
2020-06-24 08:08:25
幾時扑咗Kristy去
2020-06-24 17:40:31
【從毒撚變成浪子 – 陪我走過的一些女性們】

【第十四章】- 【老實一點不好嗎?】

「哇…我濕晒啦~~~」海旁一邊一對情侶被突如其來既一個高浪打中,女生上半身都濕透。

海浪沿岸邊打來,水花正準備襲向Kristy。

唔知那裡來的運動神經,我好快手地拖住Kristy左手將佢拉開: 「小心…」

「啊…」Kristy輕輕叫了一下。

我殷切地問Kristy:「有冇整濕身?」

「隻腳濕左少少…」Kristy立即拎出紙巾抹乾小腿上的水花。

我看著Kristy抹小腿上既水珠,一時間看我出神。Kristy今日係著住牛仔裙,露出膝蓋以下的水珠慢慢的向下流動到腳眼。

「我地唔好行咁近海邊啦,一陣有船經過又會大浪。」Kristy已經抹完腳上的水珠。

「哦… 係啊。 去食糖水啦。」未及回神既我連忙答道。

-----------------------

食完糖水,我送Kristy到車站。

Kristy停係巴士站牌前:「都放夜啦。唔洗送我返去啦,一陣又要坐返車走。」

「咁夜,會唔會好危險?」

「唔怕,我果度冇危險既。」

「唔… 咁好啦。」我答。

冇耐架車就到左,Kristy:「有車啦… BYEBYE!!」

「BYEBYE… 」我有D唔捨得:「….」

「做咩事??」Kristy見到我面上神情有異。

「哦…冇啊… 你落車打比我啦…小心D。」我諗梗自己係唔係應該送佢返屋企,但最後都係冇跟上車。

Kristy望住我雙眼神情有點同平時不一樣的:「好啦…你自己都小心D返去…」

-----------------------------

之後kristy有打比我話已經返到屋企。 我亦上左港鐵返屋企。

今日既一切我都好深刻! 有綠地同Kristy係街上見到面,又一齊去PMQ行街之後仲一齊晚飯散步同食糖水。 同佢就好似情侶一樣。

今日原本係好開心既一日,但一想起佢原來同EX(?)一齊係美國住同一個單位,我個心好難受。

等等… 點解我會將Kristy既事咁放上心上? 似乎我真係鐘意左Kristy先會咁介意。

-----------

返到屋企見家姐未訓就問佢:「家姐,你有冇同阿雄準姐夫講你過去拍拖既野?」

「下? 做咩咁問。 你同Connie有事?」

「唔….唔係啊。 想問下你姐….」

「咁古怪??? 唔…. 你話既過去係指有幾多個男朋友拍過幾多次拖?? 咁都有講既。」

「係幾時講架?」

「唔記得啦…多數都係一拍拖冇耐啦,咩都講晒出黎比佢知道,好過之後唔小心爆左D野比佢知,一陣話我唔老實嘛…」家姐停了一下就問我:「你同Connie真係冇事下話? 依排見你好少傾電話。」

依個時候我電話收到Msg

「啊… 冇事。 佢考試咪唔傾電話囉。」 我睇一睇電話,係Kristy send黎,佢問我返到屋企未。

睇到Msg,有一股暖意。 我想通左。 其實Kristy一早同我講明佢既過去,都係一件好事。 人人都有過去,我自己都有同CONNIE係佢宿舍過夜,自己都唔係處男,又點有資格去介意Kristy既過去呢?

我回覆佢【我岩岩返到啦…. 】

冇耐佢又send一個msg比我:【今日好開心你陪我,唔係我悶死左。 多謝你~~】

簡單的一個msg我已經感覺非常高興。
2020-06-24 18:34:21
加速
2020-06-24 18:49:48
加速plz
2020-06-24 19:08:38
pushhhhh
2020-06-24 20:39:54
好sweet
2020-06-24 21:23:41
加速!
2020-06-26 17:35:53
【從毒撚變成浪子 – 陪我走過的一些女性們】

【第十五章】- 【我不會主動一點嗎?】

之後落黎Kristy同我既關係維持係成日係公司互send whatsapp傾計既關係,但又唔會約出黎食lunch。

一來我唔想好似比人覺得Kristy做第三者咁,因為人人都仲未知我已經分左手。

二來Kristy先入左黎未有一個月,如果我咁快就有逵一步行動又怕同事覺得Kristy太易追好冇矜持。

三來好似自己岩岩分左手咁快又鐘意另一個人,自己好似好人渣咁。

四來自己家人都未知道自己分左手….

總之就係未行動啦。

【阿Dave約我食Lunch。】whatapp上Kristy同我講。

【OK. 我今日約左teammate】其實好多時我都係約自己同事食。

【哦! 同阿SAM仲有Zoe地?】

【係啊。你地食咩?】我又唔係太想Kristy同Dave一齊食,但又冇理由唔比佢地食。 咁就8下佢地食咩。

【去銅鑼灣食。】Kristy好快咁回。

【咁遠….?? 我地都係附近食茶仔算啦。】佢地老闆今日下午放假,所以出遠少少都唔係太大問題。

----------------------------

幾日後。

【我地team聽晚放工去唱K啊 你會唔會都一齊黎?】Kristy問我。

【你地team gathering 我唔係咁好意思既… 】自己歌喉唔好亦冇興趣去。

【唔怕啦~ 都係同一間公司….阿Dave同阿傑都去…你同佢地都OK FRD】

【星期六有冇野做? 不如出黎睇戲。】為左避唱K,我另外約佢一日出黎。

【後日唔得啊,我媽咪生日一早約左佢要陪佢…. 】

【咁唔緊要啦。 我地再約。】

-----------------------

【 Dave想同我今晚去深水埗食野。】

【咁近我!?】 又係Dave…. 近日佢地好似成日出去飲飲食食。

【係啊…….】Kristy好多時都會同我講佢同咩人做咩稷,其實感覺好好,如果同Kristy拍拖一定會好有安全感會自動報到。

【你地一放工就去?】佢地一早約左我又冇理由叫Kristy拒絕Dave。

【係啊…】

之後我就入pantry同Zoe一齊斟水,途經Kristy team既位置見到Dave企係Kristy位度同佢傾梗計。

「喂~ 果個阿Dave近期成日同新黎個靚女Kristy一齊,係唔係拍梗拖啊?」Zoe問我。

原來好多人都認為佢地兩個拍梗拖…. 的確,佢地真係成日一齊返工放工同食飯。

「唔知道呢…」我答Zoe

經過Kristy地時,Dave輕佻而自滿地同我點下頭打招呼。Kristy都望住我同Zoe禮貌地打一下招呼。

【你同Zoe好熟?】 返到位冇耐收到Kristy whatsapp

【佢住我隔離,間中傾下計斟下水咁。 Dave咁得閒?】我都打驪一下Dave同Kristy係唔係一齊左。

【佢成日走黎R水吹… 】

【佢又真係幾鐘意四圍同人傾計既。】

---------------

放工時間,我都就岩時間同 Kristy地一齊走。

「HI 收工?」我問Dave同Kristy

「係啊~ 你又走啦? 係唔係坐地鐵?」Dave問。

「係啊~ 你又係?」

Dave自HIGH地答「係啊~ 我同Kristy去深水埗食野。」

「OOH~ 咁岩啦。 我地一齊坐啦,我住長沙灣。」

「好啊~」Kristy比Dave更快回應。
2020-06-27 16:52:44
文呢?
2020-06-28 11:13:34
Pish!
2020-06-29 06:42:54
等文中
2020-06-29 13:08:00
無記錯既話
響巴平日po文 weekend放假
2020-06-29 15:27:09
【從毒撚變成浪子 – 陪我走過的一些女性們】

【第十六章】- 【回家之爭】

「你地打算去食咩啊?」係車上我問。

「去食豬潤麵再去黃金幫Kristy買電腦啊。」DAVE好似係識少少電腦,成日幫公司女同事整電腦。

「係啊。 我想買個notebook啊。」Kristy答我。

「豬潤麵幾好食。我都好耐冇食過。」我隨口的說說。

「你一唔一齊食啊?」Kristy係車上問。

我見到Dave閃出一下不悅。

「好啊。 」我覺得點都要阻一阻佢唔好比Dave同Kristy兩人一齊食。

於是我地一行3人就一齊迫係間鋪仔食野,當中有傾有講,之後就去左行黃金。

基本上我真係陪佢地行,Dave熱心地為Kristy講解,真係好悶下。 我就跟佢地尾行,四圍望野。

最後搞左成個幾鐘,終於買左部腦。

「唔逐晒你啊Dave~~~」Kristy甜笑著向Dave道謝。

「唔洗客氣~~~」 條友占占自喜地答:「Kristy仲有冇野要買啊?」

「冇啦… 都差唔多返屋企。」Kristy話要返屋企時偷望左我一下。

我立即搶住話:「啊…都夜啦,Kristy我送你返屋企啦不如。」

Dave立即回應:「家明你都係屋企附近啦,唔好又走返去港島。 我送Kristy啦。」

「但…你好似住葵芳,唔係我送會好一D咩?一東一西WOR你地。」

「冇所謂啦~ 點都好過要煩麻你明明都返到屋企但又坐車走。 反正我都係要坐車先返到去屋企,Kristy就交比我送啦~~~」Dave講到咁,我真係唔知仲可以點講要送Kristy。

「唔~ 咁你又好似講得好岩….」就係咁,我目送Kristy同阿Dave一齊上左車走人….

---------------------------

【返到屋企未?】自己返到屋企沖完涼冇耐就send whatsapp問Kristy返到去未。

但遲遲都未有回覆…. 死啦死啦…冇啦冇啦…會唔會有咩意外?

我眼光光咁望住Kristy既對話,成兩個鐘都未回我,正常由深圳都可以返到灣仔啦下話….

係唔係阿Dave同左Kristy搞梗野啦? 定係阿Dave強姦梗Kristy??? 頂… 係唔係應該報警? 報警有冇用???
2020-06-30 06:24:29
2020-06-30 08:16:34
諗諗吓 Kristy會唔會邊邊都受 來者不拒呢?
2020-06-30 18:26:33
幾好睇 Live左已留名
2020-06-30 18:55:50
【從毒撚變成浪子 – 陪我走過的一些女性們】

【第十七章】- 【你不會主動一點嗎?】

咪傻啦! 香港地點會有咁多強姦呢... Kristy都唔會咁易同左條Dave一齊搞野啦...

我一個人坐係廳幻想各種情況。

妖... 我點可以咁諗Kristy架! 佢份人好純情一定唔會咁亂來。

咪住先...佢係外國返黎,係外國咁耐,唔多唔少都有少少open既思想...加上佢同ex係外國同居多年又點會冇搞野呢? 反正都唔係第一次...佢又點會介意同Dave呢?

不過我聽kristy講話佢阿媽好嚴,唔會比佢亂黎! Dave又點可以搞到佢啊...放心家明一定冇發生你所想既成人情節既。

啊...唔係wor 要搞野地方多的是...由深水埗到灣仔沿線時鐘酒店都有大把,任君選擇。可能佢哋正正就係百佳或者維多利亞進行激烈運動中而冇回覆我...

Shit! 依個可能性非常之高。

我就決定send msg問Dave:[岩岩餐飯好似未比返錢你,依家過比你啦。] 為左唔令Dave起疑,我咁問法。

Dave久久未有回覆。 已經近2點半鐘...冇啦冇啦咩都冇啦...

唔係wor...Kristy咁高貴,又點會去時鐘酒店呢! 係啦,一定唔會。

不過以阿Dave性格,佢為追女仔好捨得。 佢哋依家更有可能係尖沙咀某間酒店,企係對住維港既落地大玻璃前啪啪啪梗...就係因為咁佢兩個都冇回覆我...

唉...點解自己唔堅持要送呢? 正死蠢!

打唔打比Kristy好呢? 死啦...打又死唔打又死.... 如果佢地真係搞梗野,我打去阻住,死左之後會比人燒春袋架。 但唔打我又唔放心...點算好呢?

係不停內心交戰中我係梳化上訓左...

——————

[叮叮]係我whatsapp

[頂...有冇咁急比我啊! 下星期一返公司先比啦。] 阿Dave覆我。

點解唔係Kristy...唔通佢地搞完依家沖緊涼


啊......仆街。 點解我唔主動d呢?

[叮叮]係Kristy:[早晨! 尋晚一早訓左冇覆你]

[你返到屋企唔話聲我知先既?]

[啊...你冇叫嘛。]Kristy再接住覆:[尋晚係深水埗坐的士直接返屋企]

[嘩,尋晚坐的士送Kristy發現佢好有米,住灣仔半山架。]Dave都send比我。

[哦...原來係咁... ]我回Kristy

[唔...就係咁?]Kristy回覆我。

[下?]我唔明佢咩意思。

[送我返屋企....其實尋晚你點解唔送?]

[咁佢話我屋企就係附近,我又好似真係冇咩理由送...]

[哦...咁禮讓...]我感到Kristy好似有多少怪我。

[咁唔係點...?我又冇理由堅持要送...]

[咁...你想唔想送啊?]

[想啊]我諗都冇諗就回覆。

突然電話響起係Kristy打比我:「你就唔會主動爭取咩?」語氣明顯係怪梗我。
2020-06-30 18:57:57
我唔準你咁諗女神kristy
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞