【從毒撚變成浪子 – 陪我走過的一些女性們】

【從毒撚變成浪子 – 陪我走過的一些女性們】

【第七十六章】

到底自己係點睇Zoe?

關係已經唔係一般同事… 佢又比我年齡大幾年，如果同佢拍拖就變左同姐姐拍拖咁。 而且公司入面人人都知道佢就快結婚，我相信如果我同佢一齊，公司一定會有好多閒言閒語。

可能依個原因，Zoe對我既態度會變成咁，同我保持距離。

問心自己已經有左阿LING，不過心入而又會諗住同Zoe。 但係唔係真係好鐘意，其實我知唔係… 同Zoe一夜情後，我想起既就係同佢搞野既情景。 同Zoe出街，自己個心係想同佢偷食…

如果我真心鐘意佢，我係唔會咁介意同事既閒言吧?

如果… Kristy再比機會我，同事係背後笑我戴帽都唔識除，我諗我都唔會介意…

--------------------

星期日既晚飯，阿LING比較緊張，不過我家人好似幾睇好我地。

阿爸阿媽認為佢好岩我。 雖然佢地冇講明，不過我知道佢地將阿LING同Kristy相比。 聽到佢地喧鐘意阿LING，我似乎冇咩特別高興。

「你家人鐘唔鐘意我架?」Ling問我。

當晚食完飯後我送佢返幾條街之外既屋企。

「佢地好似好鐘意你啊，今晚我再打聽一下啦。 哈~~~ 放心啦。 佢地點睇都好，都唔係重點!!! 最重要係我鐘意你嘛~」 那來的演技!? 我講出黎可以咁自然!!!

「口花~~」Ling聽到後好開心。「好啦… 唔洗送上樓，你咁忙快D返去休息啦~~ 啜~~」佢錫左我一啖後，我目送佢入大廈後亦離開了。

因為自己做左對唔住Ling既事，內心多少都會有少少歉意… 所以想講下野TUM佢開心，咁做我會覺得對佢公平一D…

----------------------

「早晨….」星期一返到公司我同Zoe講早晨，換黎佢冷淡既回叫。

感覺好差，佢對我唔同左… 似乎我同佢係返唔到以前咁。 我已經冇可能當佢係一般同事咁去看待。Zoe都應該係咁睇我。

Blue Monday加上佢唔理我，感覺差得很。

飯後我send e-mail比佢。

【可唔可以同我傾下計?】

我一邊工作一邊等佢回我，一等就等到放工時間，佢都係冇回我。

「喂… 走未?」我見附近同事走得7788後主動問佢。

「……」Zoe見到附近冇人，望住我講:「我Quit左啦。 保錢走。」

「下….」我只有傻傻的一句回佢。

「你走人先，我想執野。」

「咁你幾時last day?」

「…今日」

「下….」

偽毒可恥

Zoe嘅冷淡最後換嚟男豬變浪子？

【從毒撚變成浪子 – 陪我走過的一些女性們】

【第七十七章】

「點解咁急要走…. 係唔係因為我?」

「….唔關你事… 你快D走啦。」佢有少少激動。

「唔好咁啦。」附近雖然冇人，但辦公室內仍有唔少同事OT梗，我將聱音壓低:「我係出面等你。」 公司唔係一個好地方比Zoe同我去傾我地既問題。

佢冇回應比我，我就一個人離開公司，係公司大堂下既咖啡店邊飲野邊等Zoe離開。

我影左張相比Zoe通知佢我係下面等。

冇幾耐我見到Kristy行過黎。 我呆左一下… 佢點會走黎我依面???

慢慢我留意到佢唔係望住我，而係望去咖啡店另一個位置。 戴既眼鏡一副FIT身西裝(睇得出係名牌子應該要幾萬蚊一套)既男子立即起身行去會合Kristy。

個男人唔係之前係佢FB果個人，佢已經又再次換左男朋友…. 今次依個好似係個有錢人相信佢阿媽會好鐘意依個男人。

一想到依度我就覺得好嬲好嬲… Kristy到底係花心既人? 定佢真係向錢看到依個地步? 佢身邊依個男人其貌不揚到一個點。 我及不上依個人??? 到底錢有姆重要?!?

我既心又再次沉淪… 社會好現實，愛情亦一樣… 同金錢掛上了勾。

怪只怪自己老豆唔係李嘉誠! 我相信就算我生到八兩金咁，只要有錢一樣可以得到Kristy!!! 女人都係雞!! 依個觀念突然燃起了。

可惜既係我只係一個窮L… 只有目送Kristy撓住四眼仔走左。

一輪沉思，我同自己講，其實又唔係真係咁絕望。 正如Joseph所講，女人愛壞男人，我不是正正係Club識到阿Ling? 同阿LING識於一個壞既環境之下，佢對我第一個感覺係我似係一個成日去玩既人。而最後我都係同佢一齊拍拖。

同阿LING既關係，係佢著緊我多一點。

雖然少左甜蜜感覺，不過我輕鬆好多。 心態上我好唔同，同Kristy對比，當時我太投入世界只有佢一個。 依家唔同左，我唔將個心放太多去阿LING之上。

岩岩見到Kristy後，更加確定左我依個想法先岩。 我唔想再次傷痛，我學懂唔好投放太多感情。 正如投資一樣，唔好將所有雞蛋放晒係一個籃入面。

ZOE走了，佢拎住幾大袋私人野離開。 我見到佢望左我一眼後立即避開我目光急步想離開。

「我幫你拎啦。」

「唔洗啦。 唔想麻煩你!!」

我當然冇理會，一手搶去佢其中一個袋。

「喂….唉….」佢只有無耐地接受我既幫忙。

「點解要走? 因為我?」

「你好煩啊。」佢有少少火。

「SORRY… 但如果問題係出係我度，我希望知道咩事。」誠懇地問佢。

「唉… 算啦…話你知。」佢無奈到講:「依家我結唔到婚啊，成公司都知道我就快要結。 我真係唔敢去面對。」

原來係依個原因:「我明白既，係好難講出口。 一陣同事問起你好日子幾時，又真係幾難頂…」我有經驗我明白。

「所以唔關你事，你可以放心….」佢對我既態度都仲係未變返以前咁。

「咁你可唔可以唔好咁對我，我想你可以好似以前咁同我傾計…」

「…..」Zoe沉默了一下。

【從毒撚變成浪子 – 陪我走過的一些女性們】

【第七十八章】

「點好似以前咁?」Zoe雙眼有少少悲哀地問:「你想我點看待你? 當你係同事朋友?」

我唔識答。 我心入面既有個好衰既想法，希望同Zoe保持住性關係… 即係SP。

「唔識答? 你前日約我出黎你想點我都知。 但SORRY! 我真係接受唔到…咁既關係。 你有女朋友架，唔好做衰人傷害你另一半啦… 我係過來人我知道好痛好痛架….」Zoe眼泛淚光的。

「其他我同女朋友…」

「唔好講啦。」Zoe一手按住我嘴巴唔比我講落去:「點都好，我仲未放得低我男朋友… 好多謝你依幾日陪左我咁耐，不過你唔好咁花心啦。 家明，你係一個好男仔對人好溫柔，你要好好對你另一半啊。」

「…..」

「唔洗送我啦，我坐的士走。」Zoe上車走了。我目送佢離開。

我好溫柔? 係我優點?

如果真係一個優點，點解你要離開? 點解Kristy要離開?

抬頭向天深深的長嘆了一下。

【今晚要加班?】阿LING搵我。

【唔洗啊。】

【不如今晚出黎啦。】

一時間我有點進退失據，唔知道自己應該點做好。阿LING就好似一個避風港咁，比我可以安心地休息停放。

當晚，我同阿LING去左時鐘酒店!! 滿心怒火既我狠狠地怒插阿LING!!

點解Kristy換畫咁快? 點解佢咁貪錢? 點解佢老母睇唔起我? 點解我老豆唔係李嘉誠? 點解自己唔讀書叻D? 點解自己要做老散唔係做老闆? 點解Kristy你眼尾都冇望我? 點解你要同我分手?

點解Zoe你比人飛唔比我慰藉? 點解我同你都做左一次你唔比我搞第二次? 點解你話我好溫柔又唔同我一齊? 點解你要走人? 點解你要我好好對待阿LING?

一切既不如意，我狠狠地發洩到阿LING身上。

「啊..啊…大力D插我，啊噢噢……呀~~~ 好勁啊…家明…啊啊…………」阿LING被我抽插得好興奮。

「啊…..要射啦!! 呀….」

「啊…好勁啊…今日插左好耐啊….BB….嗄….」Ling一臉滿足的訓係我身旁。

「係啊… 好耐冇搞…」全句應該係好耐猜同阿LING搞。

「BB! 不如我地去旅行囉…」

去旅行轉換下心情都好…

「好…去邊? 台灣?」

「好啊。 我鐘意去台灣啊….嗄….嗄… 依家訂機票先~~」LING已經搵梗機票。

「啊… 我搵我家姐買啦，你訂酒店啦….嗄….嗄….」回氣後我打比家姐叫佢幫手買。

【從毒撚變成浪子 – 陪我走過的一些女性們】

【第七十九章】

忙完公司事，準備去旅行。 同阿LING一齊去機場。

已經好耐冇同女朋友去旅行，同Kristy係一次都冇去過。

「嘻嘻….好開心啊。」阿LING好高興，同我自拍左幾張放上網。

佢冇TAG我，可能知道我唔會放上FB。 我唔放上網既原因係唔想比Kristy知，依家盲多左一個原因，我唔想比Zoe知道。

雖然佢地兩個都冇選擇我，不過我都係唔希望佢地知道太多我既事，唔想佢地見到我同女朋友好開心既樣(當然，相片上既我雖然係笑住，但我並唔係真心高興地笑)。

慢慢我發覺自己對LING既關心只係流於表面，要講同佢既關係，好似佢係我一個SL喧。 雖然我FB上有SHOW in a relationship with LING。不過我唔會同佢出現係朋友聚會! 我唔想同佢出去，我唔想佢同我朋友會有太多關係。

如果可以既話，我好想將FB上同佢既relationship delete。

咁我會可以有多一D機會識女仔。

【請前往台北既旅客登機】

「OK可以上機啦~~~」Ling影完候機室既指示牌打完卡後可以上機啦。

「哦…」唔知道台灣會唔會見到好多靘既台妹呢? 係FB上見到好多台妹身材都好到痴線。 我望左下阿LING個胸，心中泛起了無限既嘆息。

起飛冇耐，我去洗手間。

等候洗手間期間有人係背後拍一拍我:「喂…你咪家明~」

回頭一望係SASA! 家姐既同事:「依? HI~ SASA咁岩既….」

「哈~ 真係你。 岩岩同個LIST見到有人叫家明都諗係唔係你，估唔到真係~~」穿上空姐衫既SASA，胸部因為制服既CUTTING顯得更加澎湃!!!

「真係有緣啦~ 又會坐你班機既~~ 呵呵~~ 」

「你同女朋友一齊去玩???」SASA問我。佢應該係見到同我坐既人係女仔名所以咁問。

我都冇得好呃佢吧?「係啊…..」其實我都冇咩原因要呃佢。

「噢…咁唔好傾咁耐啦，一陣佢唔開心你個旅程就玩得唔開心啦~ 嘻嘻」SASA對我吐一吐舌。

我被佢依個鬼臉電親一下! SASA係個好靚既女仔，仲要身材好好。 穿上令男人不能抗拒既空姐制服，叫我如此可以不觸電?

冇幾耐派飛機餐。 唔係SASA serve我依面… 佢係對面一行…

「雞定牛?」空姐冷冷地問我同LING。

「各一唔該~~」我回答同時偷偷望下佢名牌 – Kimmy。 Kimmy係一個好高眺既女仔，雙眼有神鼻高嘴巴細細比人感覺有點冷艷，令人有種難以征服同駕馭既感覺。

雖說佢外表冷冷，但Kimmy一副美人胚子的樣貌卻別有一番風貌。 可惜係佢身材比較平凡。

食完飯後竟然轉左係Sasa serve野飲。 「Coffee, Tea?」 佢望住Ling問，之後又笑笑口望住我問「Coffee, Tea?」

SASA係阿LING唔覺之下又對我吐舌一下… 我拎左杯茶比阿LING後再接過自己杯咖啡。 同時SASA偷偷將紙條交到我手上。

響巴

好正 勁多文！

睇得出係名牌子應該要幾萬蚊一套
唔通係Lam Chok?

角色背景設定同LAM CHOK有少少似....

【從毒撚變成浪子 – 陪我走過的一些女性們】

【第八十章】

紙條上寫上【Coffee Tea or…Me?】

O…..M……G…………. SASA比左張喧既紙條我!!!!!

「喂….做咩飲完咖啡呆左? 係唔係唔舒服?」阿LING問我。

「啊…冇啊。突然好眼訓….」 SASA唔知寫咩比我，我只係幻想姐….「 我去多個洗手間先，飲完咖啡好急。」

看準機會我行去洗手間，順便睇下SASA寫咩比我。 頂… 佢問:【要唔要買D咩小禮物比女朋友，佢可以幫我留起….】

買咩鬼飛機手信啊….

唉…自己諗太多。

「噢…HI 咁岩又撞到。」一出洗手間又撞到SASA行過。

「HI~ 點啊，有冇野要買?」SASA微笑起上黎好親切。

「應該就冇野買啦…哈…多謝先….」

「唔…」SASA嘟起小嘴:「咁唔緊要~ 你有需要再話我知啦~~~ 」

「OK~~ 」我禮貌地回應同笑一下。

「係呢… 你幾時飛返香港?」SASA係我想行返座位前問。

「我玩4日，下星期二走啦。」

「會唔會係下午6點機走?」SASA問。

「係啊~」

「咁岩~ 嘻~~~ 到時見啦~~~ 」SASA又一個可愛吐舌，佢似乎好鐘意依個小動作。

唔知道點解，我竟然有D期待回程時可以再見到佢。

之後既4日3夜，都係行街食野同搞野…. 幾放鬆既。

「可唔可以放上去FB?」阿LING問我可唔可以放佢同我既合照上網。

「…..」我猶豫左一下:「好….」

放上FB佢想我話比人聽自己已經明草有主，如果放上去KRISTY就會知道同見到阿LING!

但我好順攤地放上去，因為我早做準備SET左Kristy去list上，佢唔會見到我Upload既某D相。

唯獨係佢，我唔想比佢知我拍拖既太多野….

回程日登機後，我好期待Sasa係機上，但我好失望…. 佢唔係度….

係唔係佢病左冇返?

「好唔想返工啊…」阿LING撓住我，依句說話佢已經講左好多次。

「我都係….唉」嘆氣一半係來自要返工，另一半係因為見唔到SASA。

【從毒撚變成浪子 – 陪我走過的一些女性們】

【第八十一章】

冇左Zoe，佢個座位好快有新同事坐左。 幸運既係公司升左我去ZOE個職位，唔好彩既係公司請左個肥妹坐ZOE個位，under我。

「家明! Kristy就交比你啦。」SSAM哥交代一句叫我好好教Kristy做野…. 係….新同事又係叫Kristy! Kristy依個咁好聽咁美麗既名比佢糟蹋左!!!

「你有冇花名啊?」我一副好好人既前輩語氣問肥Kristy。

肥Kristy乖巧地答:「朋友叫我肥Quit」

睇黎佢都睇化左自知已經冇得救，任由其他人叫自己肥QUIT。 肥既Kristy簡化叫法。

之後幾日就教佢做野，覺得上自己升左一級係自滿左唔少。 同Kristy地位上再次平起平坐了。

【你升左。 Congratulation】Kristy send whatsapp比我。

【多謝。】我過左成大半個鐘先誋到點答佢好。 又要感佢同時又要表演到自己同佢要有距離感。

之後佢真係冇再回應我…. 人就係犯賤，佢唔應自己，自己就要又主動再搵佢。

【升左，我請你食飯啦~~~】

過左一陣Kristy回應:【多謝。咁我唔客氣啦…】

「家明… 你有冇約人食Lunch? 」肥Quit問我。

我好想答佢有啊死肥婆…. 答當然我講唔出口。 「你第一日返工，同你食啦一定，我問下SAM哥地去唔去。」當然我唔會一個人去食，要問晒teammate

「有lunch meeting」「帶左飯。」「約左人」…. 最後我一個同肥Quit食…. SHIT!

【我諗你今日Lunch要同新人食啦，我地今晚食?】上天係公平既，比左個肥妹你一定會另外比返個好野你。 Kristy約我今晚出去食!

當然我唔會立即答應:【要睇下做成點，好多野要教新人啊….】 食飯中途我先回Kristy。

但同肥QUIT餐飯我不停已經搵定今晚同Kristy食咩好。

肥QUIT

【從毒撚變成浪子 – 陪我走過的一些女性們】

【第八十二章】

【今日同新同事食啊。】邊食飯邊要覆阿LING又要諗同Kristy食咩好。

「家明哥，好忙WOR! 食飯唔好做工事啦。」肥quit真係好肥令我好唔想面對面同佢食飯，不過佢把聲幾好聽。 個有少少似一個明星 – 祖絲公主。

「啊… 好啊…」頂…唔覺意望左佢一眼，話說佢露出左條深坑。 肥quit穿上白恤衫，衫扭扣少幾粒見到波罅仲要將個波放上台。「你岩岩畢業啊? 」

我例牌問下佢背景。肥Quit本出生單親家庭父母離畢，自細跟阿媽生活，中學時期去左外國讀書。 因為阿媽去世而返黎香港生活。佢同生父間中會見面關係唔太差。

估計肥Quit家底唔差，又一個有錢人!!! 叫Kristy都係單親而有錢既???

又話說，如果Kristy阿媽好似肥Quit阿媽一樣死燃左，我既路會唔會完全唔同?

「家明你好大隻下，有操開?」

「係啊。 依幾個月開始操，以前我身型都肥肥地。」肥Quit係個好多野講既人，份人冇咩野，只係肥到一個點令人難頂少少。

「好勁啊你。 我都想減下啊，再唔減布人要….」肥Quit真係一臉擔憂的:「家明可唔可以同我一齊去做?」

「下…做咩啊?」佢係唔係性騷擾我?? 肥到咁我真係唔岩，雖然佢好大波。

「做尖囉… 我想同你做尖減肥。」肥Quit擺出一個天真既表情講。

「呃… 哦…可以! 不過我要同女友講聲先。」我搵阿LING擋一擋，希望佢知道我有女友唔好諗多左。

「依~ 你女朋友都有做? 我地3個一齊做得唔得啊?」肥Quit應該真心係天真…可能有少少鬼妹仔性格。

我暗暗嘆息:「佢冇做GYM架，我同朋友去多。」突然我諗起Joseph，如果真係被肥Quit埋身我就推Joseph幫手頂下。

我冇估到之後肥QUIT真係會跟出黎做GYM。

當日夜晚同Kristy出黎食好野。 冇諗到我地分手後仲會出黎食。

「你幾好嗎?」佢問我。 明明大家係同一個OFFICE做野，但感覺好似好耐冇見好生梳一樣。

餐飯冇我想像中食得喧開心。

閒聊之間佢提起拍拖既事，我話見到佢同果個著貴價西裝既男人一齊時，從Kristy面上見到佢甜笑著。 就好似係我傷口上灑鹽般…

講到底，Kristy對我影響係最大。 不過我對佢冇左果種感覺。 我發覺自己睇清潔左佢，Kristy係一個見一個愛一倨既人? 定佢向錢看? 仍已經唔係之前同凡拍拖既人。 雖然只係分左手大半年時間，佢比我感覺已經係另一個人。

我深深體會到女人既冷漠，同自己分左手盲變左另一個人。

以前自己放咁多心思係佢之上，依家一切都冇晒。 Kristy唔會記住以前我對佢有幾好，只會記住依家佢同男朋友有幾開心。

只有我仲天真地活係過去…

飯後我送佢去車站，佢堅持唔洗我送佢返屋企。 見佢上車離開，頭都猜回望我盲走左。 依一刻心情唔開心好憎Kristy但同時又好平靜，因為一切都係預左自己同仍冇可能變返以前咁。

我要做既係要活我比佢好! 男男女女關係都係呃來呃去。 Kristy同我分手同左阿傑一齊，之後又好快同其他男人拍拖。

Zoe同Jason兩人都因為偷食問題而分手。 而Zoe亦好隨便地同左我發生關係。 男女之間既關係可以係好隨便。 Zoe同我搞野係一時傷心而做錯既決定，佢個心仲係Jason度，只係Zoe唔可以接受到被人背叛。

我同阿Ling一齊都係好兒戲! 係Clubbing識到，大家都係分手而一拍即合。

Joseph一直都同我講，我地仲細唔玩到底等幾時?

依一切一切係我阿媽一直對我講要點愛另一半完全背道而馳! 而我慢慢明白到我行到今日先體會到自己所經歷既先係真實。

點解我仲要咁傻仔，朝思暮想去記掛Kristy? 係時間要醒醒啦，何家明!!!!!!!!!!!!

【從毒撚變成浪子 – 陪我走過的一些女性們】

【第八十三章】

日子一日一日過去，工作同家事兩忙。 家姐終於結婚啦。

婚前一晚，家姐同一班姊妹係酒店過夜準備第二日一早要化妝。 而婚前晚上係重要既上頭環節。 爸媽同我仲有一班親戚都去左酒店睇家姐上頭。

「HI~ 家明!!」係SASA，佢又對我吐舌做鬼臉。 冇咩化妝既佢份外清純可人。

「你好啊。 又見面啦你好。」上次佢話會同我同一班機返香港，但最後見唔到佢。 有一刻衝動我想問佢點解唔見左人。 當然最後冇問，因為一班姊妹好忙咁處理聽日大日子既事宜。

一共8個姊妹! 其中一批係中學同學，一批係大學同學仲有一批係空姐同事。 同事中除左SASA仲有冷豔KIMMY!

佢望住我微笑，我對佢揮手。 KIMMY呆左一下後對我揮手。 依個時間我先記得佢應該唔記得我，上之係機上serve我時佢係唔知道我係咩人。 只係我偷偷望到佢名牌先知道仍叫KIMMY! 佢應該係禮貌地對我揮手…. 我7下7下咁講左句:「辛苦晒咁多位姊妹幫我家姐手啊。」

「啊~ 你係家明? 嘩…. 靚仔左咁多既? 仲大隻左好多。」家姐一個中同講，佢係睇住我大既一個姐姐黎。

我傻傻地笑著:「哈…. 咪玩鬼我啦。 唔阻你地做野。」我就行去親戚果面傾計。

「表哥~~~」一把嬌滴滴既聲音。

「HI 婉君~~ 好耐冇見。 出黎做野未?」我大約一年見佢2-3次，都係家庭聚會先會見。

「岩岩出黎做下part time咁。 表哥冇對一排，大隻左咁多成個feel唔同晒既??」婉君驚覺我由一個薯仔宅男變到今日Jel晒蛋撻頭又大隻左同識著衫左既型男，表示好驚訝!!!

「哈~ 改下形象嘛~~ 你都唔同晒，出黎返工打份靚左好多。」婉君比我細兩年，由細到大有聚會都係一齊傾計玩，係悶到死既家庭聚會中為大家解悶既對象。 婉君眼大大，身材均稱算得上係個美人。以前讀書都係薯薯地，依家開始做野著打份左。

同婉君傾左好多野，知道佢畢業後主力做part time炒散，想玩下HEA下享受一下先。 但姨丈姨媽就唔太鐘意佢做炒散。

「不如做空姐啦。又有得飛來飛去玩冇咁悶，又叫係長工姨媽地唔會成日話你唔安定。」我提議婉君去做空姐。

「我岩岩都問左表姐啦，都有打算去考下。 有等買圍去係幾正既。」婉君同家姐一樣都係鐘意去玩既人。

上頭時，我臨時當上攝影師，幫家姐影相。

爸同媽睇住快要出嫁既家姐一時感慨萬分。 我亦有一刻想喊出黎。 今晚之後家姐就要嫁人，唔會再成日留係我身邊啦。

親友們都慢慢散去，準備聽日再黎出席婚禮。

「聽日見表哥。」

「家明，我地都返屋企早少少休息啦~」爸同媽都叫我走。

「家明，可唔可以幫我地影啊?」SASA叫我幫手影佢同KIMMY仲有另一個都幾靚既同事問我。

「好~ 」我回頭叫父母先回家。

過左陣佢地幾個姊姊都換上左齊整既白色絲質睡衣係訓上擺動身體影床照!!!!! 8個姊妹加上我家姐係床上喜喜哈哈翻來覆去去。 9個人18對白滑美腳不停於我眼前交錯出現，一時間十分吸引。

點解我會突然跌入依個天堂!? 不…. 應該係地獄!!! 咁多靚女係面前，影相期間走動，少不色會有春光乍洩既埸面，捬身露出波罅或是繞腳露出內褲，看得我目不暇給!!! 不過當中有我家姐係度，而且依一班都係家姐既朋友，你叫我可以點???

有得睇冇得食啊… 更加慘情既係…我既巨龍唔生性地蠢蠢欲動! 我苦苦地要自己冷靜，唔好衝動!!!!

「喂~~ 不如我地去飲酒啦，今日係你最後單身一夜~~」唔記得係邊個突然咁講。

「好啊好啊~」其他一班姊妹附和著。之後家姐又應承一齊去。

「家明都一齊黎啦~~~好唔好啊?」SASA一手撓住我叫我一齊去。

要知道佢正穿著單薄的絲質睡衣，佢軟綿綿既胸壓在我手上。 嗚….. 好難頂…..

【從毒撚變成浪子 – 陪我走過的一些女性們】

【第八十四章】

「啊…都係唔好出去玩啦， 聽日要好早起身。」見到一班姊妹好似想食左我一樣，家姐叫停左佢地。「家明你聽日都要一早到，唔好遲到。」

我暗暗叫好，因為一時間對住咁多個女人，我真係吃不消。

「哦…. 」姊妹們好似好想玩咁。

SASA係我離開前偷偷同我講:「聽日見啦家明~~~」

唔知點解SASA對我特別笑得甜。 係佢個人本身係咁? 定只係對我唔同? 而我好快就知道點解。

第二日，家姐既大日子。 我同父母6點幾就去到酒店。 上酒店前我仲買左早餐比姊妹們。

「嘩~ 家明你好好啊，咁細心既~~」冷豔既KIMMY早已化好妝幫我拎早餐。

「估到你地未食野又冇時間買，你地快D食少少野先啦。」望到KIMMY眼前一亮，化上姊妹妝同姊妹裙既佢就好似明星一樣。

「唔….做咩咁望住我…」KIMMT發現我眼甘甘咁望實佢。

「呃…呃… 冇啊。 你好似明星咁靚，件衫你著得好好睇。」

「哈…」KIMMY聽到我讚佢笑得好開心，冷豔既佢變得帶一點可愛:「似邊個明星啊?」

(KIMMY到底似邊個明星好? 比大家發表下~ 記得佢係一個外表冷豔而冇咩波既人。)

楊怡

Yanny 陳穎欣

Heidibebe 李靜儀

【從毒撚變成浪子 – 陪我走過的一些女性們】

【第八十五章】

「Yanny Supergirl果個女仔。」我記得咁岩之前有張supergirl 著制服既相，當中Yanny著上件制服個樣又COOL COOL地，同Kimmy真係好似。

KIMMY冷冷地道「哦~ 佢出名黑面WOR! 你暗示我衰格啊?」

「唔係啊… 我係話你好似明星一樣咁靚。」我真係覺得佢有少少似佢:「而且Yanny都好靚啊，我幾鐘意佢。」

Kimmy笑著答(雖然佢笑起上黎都係有少少高傲)「你都幾口花WOR，一定好多女仔比你TUM到。」

「啊…冇啊，真係冇。」佢真係誤會我。

「呵~~~ 唔信你。 Anyway 唔該晒你既早餐。」Kimmy接過我既早餐同其實姐妹分。

係酒店食完野，姐夫就同一班兄弟黎到。 班兄弟好似餓狼咁對住班姊妹喉琴到爆。

「班兄弟真係好咸濕，好狼死啊表哥。」碗君係靚女一個，佢都比班兄弟睇上。

我有眼睇到，兄弟唔單只口花，仲會借D易抽水，摸下手仔之類。 雖然唔係太大件事，不過可以睇得出女生們都有少少反感。

一輪胡鬧後，家姐就被接去男家。 而我同表妹被安排同家姐一齊去男家，主要係幫佢管禮金禮物等貴重野。 食飯時間，我地兩個同姊妹們一齊坐，咁大個仔第一次一個男仔同咁多女住一張台。

同姊妹們有傾有講，一齊影左少少相放左上FB。 係被放上FB。

SASA tag左我【新娘細佬好靚仔~~】【嘩!!! 靚仔。 有冇女朋友?】【好型。 有樣有身形。】 Sasa tag左我猜耐後有一大班人留言。 我心諗，仆街…. 一陣阿LING實會問我。

而Kimmy都一樣Tag左我，佢既朋友都有留言。 比左D心心眼係comment度。

其他姊妹都各自有tag我… 我今次真係煩死。

「呵…表哥真係有女人緣，個個姊妹都想食左你一樣。」碗君表妹係我耳邊講。

「唉…. 煩啦煩啦」

「啊? 煩咩? 怕女友話你?」表妹問。

「點會唔煩? D姊妹朋友留D咁既言，比你見到你條仔FB有咁多女腌留言你都會唔開心啦下話!?」

「咁又係~ 不過你又冇放你女朋友個樣上去，佢可能會嬲爆你。 係WOR… 佢會唔會黎飲?」表妹問我。

「會啊。」

「咁你今晚真係要TUM下佢，呵~~~ 有冇相睇啊?」

見係表妹問到就比阿LING個樣佢睇。

「唔…. 你死啦…」表妹睇完咁講:「你女友見到班姊妹咁正，一定勁呷醋。 呵呵~~」

「唔…. 唔會下話???? 」我冷冷地道。

表妹冷笑一下:「除非你女友唔鐘意你，如果唔係一定唔會唔嬲你。」

「唔….」

「諗定點TUM佢啦~ 哈… 今晚要唔要幫下你口?」表妹拍一拍我膊頭。

「唔洗啦~」我唔多放係心上。

晚酒席準備中，大約5點半左右阿LING黎到會場，佢著得幾得體。 「噢~ 你著得好靚。」我讚阿LING。

「係咩?」佢冇咩表情冷冷回應我。

「仆街，我家姐大日子你又嬲咩啊?」我心諗。

yanny
Btw ling 呢d 時間發皮4
男主就有藉口飛佢

Yanny制服示意圖

【從毒撚變成浪子 – 陪我走過的一些女性們】

【第八十六章】

佢理我，但入到會場佢就好似冇野一樣同我家人有傾有講，表現得好似平日一樣。 親戚身第一次見佢都大讚佢好好。 (當然只係客氣說話。)

「我出返去幫家姐手睇禮金啦。」介紹完親友後，見阿LING都猜理會我，咪同佢講要出返門口reception，無謂大家面阻阻又冇野講。

「我又去。」阿LING又跟黎。 佢一個人係會場又冇咩人理佢，佢出黎都好合理，不過我就煩，佢一定問長問短。

阿LING冇望我冷冷地對道:「好開心WOR!」

扮傻仔MODE咁答:「梗係啦，家姐結婚嘛….」

「你咪扮傻。 我講梗你同D姊妹玩得好開心啊!!」阿LING聲迫高左幾度。

「影張相姐，又唔係D咩事，做咩咁嬲啊。」老老實實，我真係唔知有咩好嬲，只係合照姐。 「佢地D朋友都留言我都控制唔到架?!?! 」

「今日係你家姐大日子算數，哼。」佢咁講得即係覺得自己冇得同我講，問題係佢太小氣。

明顯地佢要我TUM佢，不過我唔打算咁做。 我唔想係家人大日子咁去TUM佢，更何況我唔覺得自己有問題。 加上係reception度咁多人，又有表妹係度，一陣佢同阿姨講就煩。 加上reception度有SASA坐左係度。

SASA見到阿LING就主動同佢傾計。 阿LING當然冇唔理佢咁冇禮貌，兩個人都係介紹下自己傾下閒計之後都冇咩講太多說話。 我亦唔多點理石LING。 表妹比較多野講，好彩佢係度同阿LING傾計，我可以唔洗同LING面阻阻冇唔講野。

冇耐入席，同阿LING都返去位坐。 佢主動同我講野。「何家明你好野，你真係可以唔理我架WOR….」

我見佢語氣平靜唔少又死狗咁樣:「車~ 我都錯，係你自己心多姐。 你見我岩岩同reception個姊妹都冇兩句傾啦，都冇野…係你自己亂諗野。」

「係係….對唔住啊…唔好嬲我啦…」阿Ling自知理虧同我道歉。 其實阿LING未黎之前我同SASA好多野傾，阿LING到左之後SASA都好識做冇撩我傾計。

家姐進場一刻阿爸阿媽都感動到喊，家姐講感想時有題到我地一家人。 佢話自己會好好做姐夫老婆好多謝我同佢一齊成長。

講到我都有少少眼濕濕。 回憶起唔少細個既事。

「家明…我好感動啊。」阿LING比我更感動，佢已經喊出眼淚，女人就係咁易喊吧? 留意到附近台既SASA同KIMMY都喊梗。

如果到自己結婚果日，自己會講咩感想?

晚飯近尾聲，係洗手間門口見到SASA。 佢問我: 「家明，我地一陣會去party慶祝你家姐結婚啊，你黎唔黎?」

「下? Party? 冇聽家姐提過??? 」

「佢唔知道架~ 係我地兄弟姊妹比佢地新人既驚喜啊。」

「哦….. 你幾兄弟姊妹去，咁我又去會唔會唔係咁好?」

「唔係啊，仲叫左佢地D朋友同事啊，全部都係朋友黎。 呃…不過你係唔係要陪你女朋友走?」SASA想起阿LING都在埸。

「我係怕阻住你地兄弟姊妹玩姐，不過如果有咁多人都OK!! 」

「你可以叫你女朋友一齊黎after party啊….」SASA雙手擺係背後，雙乳谷起令我看得血脈賁張。

唔係咁想阿LING去…

「依~ 有after party? 我又去….」

幾時食埋sasa?

推推

【從毒撚變成浪子 – 陪我走過的一些女性們】

【第八十七章】

係表妹婉君，佢又話要黎。 Sasa好歡迎佢加入。

「表哥~ 一陣未來表嫂去唔去?」婉君問我。

「佢唔去啦」如果阿LING又去，咁我去黎等如唔去，我唔係話要溝女做D咩，只係我想去識下人玩下。

表妹竟然反問我:「係佢唔去點你唔想佢去啊? 呵….」

「咩啊? 你咩意思????」

婉君偷偷笑住係我耳邊講:「有索空姐約比我都唔會比女友知啦，呵呵~ 表妹我明既。 放心~~ 我唔會同表嫂講。」

「喂…你咪亂講野，咩表嫂啊…. 我地十劃都未有一點啊。」

表妹人細鬼大地拍我膊頭:「明既明既~ 我真係明。 家明表哥依家咁有型，好多女鐘意你，有得選擇都會同個好D既去玩啦~ 我唔會同表嫂…啊… 都係叫返阿LING好似好D~ 佢都未必做到表嫂….嘻嘻….」

「喂你…」

表妹彈下彈下入返會場:「快D飛甩佢啦。」婉君回頭做個鬼瞼:「我意思係送人返去之後快D join party啊。」

「…..」佢真係激死我。 亂講野。

「一陣你有咩做?」我問阿LING

LING食梗紅豆沙「返屋企啦，要落妝洗頭好多野搞。 你想同我去邊?」佢偷偷一笑。

我知道佢暗示梗要同我做愛。

「一陣要拎家姐D金器返屋企啊，你返去就一齊同阿爸阿媽坐的士走。」我確實係要先返去放底D貴重野先。

「哦…好啊。 咁我係度等你啦。」阿LING冇咩野唔開心，之後就好乖咁坐係度等我地送完客執野走。

「喂…一陣會唔會見到你?」KIMMY係我執好貴重野離開新娘房時偷偷問我。

估唔到佢會問我，唔似佢冰冷既外表會咁主動問既野。

「你都去?」我反問佢。

「會啊…」

「咁我都去啦。」微微一笑回答Kimmy

「好啊~~」Kimmy都笑答，佢好似幾開心。

「我送完阿爸阿媽返去再黎。 係呢…你可唔可以比你電話我? 怕一陣搵唔到你地。」雖然我已經有晒佢地咁多個姊妹電話，不是我覺得好似當面問會更好一D。

Kimmy好快樂咁講左佢電話NO比我:「咁一陣見啦~~~」

好期待一陣可以同佢飲野。