【從毒撚變成浪子 – 陪我走過的一些女性們】

【從毒撚變成浪子 – 陪我走過的一些女性們】

【第五十九章】- 【先有性再有愛….】

A) 「做我女朋友啦!」
B) 「SORRY! 我一時飲大左先會做錯時。
C) 「我當你係SP，唔好鐘意我!」
D) 「我都唔知我地算係咩關係….」

就知道唔會有好多人係咁急之下比到意見我，第4個人講。有兩個叫「我做我女朋友啦!」已經係佔最多人。其實答案係點唔重要，我知道自己唔鐘意佢。 起碼依一刻唔係。

「其實我知道你仲好掛住你個EX…你唔需要呃我。」阿Ling雙手及前額貼住我背脊講。

「….」

「…其實你咁落去都唔係辨法。 你想活係你EX陰影之下幾耐?」

「….我唔知道… 」我知自己要向前看:「我真係唔知道點先可以忘記佢。」

Ling從後抱住我:「我想試下令你忘記佢….」

我心頭一震。

我被佢咁講要有一下心動。

與其無了期等，不如放過自己比個機會其他人啦… 或者自己真係可以放低呢….

我下定決心，回頭抱住阿LING:「LING, 不如做我女朋友啊。」

雖然我地既次序唔同，先有性之後再拍拖，但阿LING微微一笑輕輕點了一下頭。

再次既親吻，我地以情侶身份接吻。 同Ling當晚成為左情人。

-------------------------------------------

「我地拍左一個月拖啦，今日點慶祝?」原本已經同阿Ling拍左一個月拖。

「不如去食日本野啦。」我冇諗過食野，係電話上我對Ling講。

「都好，咁放工見啦。」

食邊間好?

元氣? 又好似好cheap好燃難食服務又差到HIHI。

千兩? 好似好Q呃人錢咁，價錢貴但又冇咩服務可言。都係一間垃圾!

Omakase??? 係好食好享受既，但貴到離譜!!! 係同過Kristy食過一次。

不如食出前一丁算啦，都係日本野。 唔…. 但去邊煮啊?

放工後同阿LING會合，佢問我:「係呢，你幾時帶我見你家人?」

「…..我地今晚食依間啦~~~」

【從毒撚變成浪子 – 陪我走過的一些女性們】

【第六十章】- 【空姐】

我地只係普通既一間深水埗細既舖食日本野，位少又迫。 勝在唔貴。

同LING都係住長沙灣，我係私樓佢係公屋。 可能係咁，我比較上輕鬆一D，唔會太大壓力。 唔會再要面對門不當戶不對既情況吧?

「幾時同你家人見面?」飯食到一半佢問我。

「唔… 過一排先。」

「咁即係幾時? 過年上去度?」LING好想見我家人。

「啊… 我同佢地講下。」仲有兩個月就過年。

「係啊。 我地聖誕節去唔去旅行?」

「都好啊。」同Kristy拍拖冇去左旅行:「去台灣好唔好?」平平地。

「好啊。 鐘意台灣!」阿LING好似好鐘意睇台灣電視。「你去買機票? 你家姐做空姐係咪有平機票?」

「啊… 唔好搵佢買，佢D平機票要搶，就算有都好似買左比阿爸阿媽….我地自己買冇咁煩。」我同佢講。

「噢… 好啦。 」阿LING知道有得去台灣就好開心咁，一邊食野一邊同我傾要去台灣邊度玩。

我冇咩心機去諗行程。 反正都係去西門町淡水九份十份果D地方。

食完飯後我地去左搞野慶祝拍拖1個月，地方就係屋企附近既時鐘酒店。 完事後我送佢返李鄭屋邨就自己行返屋企。

同阿LING一齊，總叫時間上可以打發一下，唔會日日放工要去做GYM用左D時間去，星期六日都比較上充實左。

不過，我總係覺得我今次拍拖好似有少少唔同。 我相信自己唔係咁鐘意佢… 但我唔係玩玩下既心態去拍拖，好多人都會話時間會令一個人改變，我可能會變得更鐘意阿LING都唔定呢…

-------------------------------

「仔… 好耐冇見KRISTY啦，聖誕節會唔會一齊食飯?」返到屋企阿媽問我。

「啊….聖誕會去旅行….」

「下…同Kristy啊? 好啦好啦…. 咁快快手搞掂人地啦…呵~~~ 見你依個月好似個人唔同左，原來約左人去旅行~~」阿媽地仲未知道我同KRISTY已分手。正確一D應該話係我已被拋棄!!!

「啊…啊….. 係啊。」一時之間我都唔知應該點開心講我同Kristy已經分開左….

依個時間家姐咁岩返到:「家明~~ 呵呵…. 你幾時轉左女朋友架……?」

「下? 阿仔你有新女朋友????」 阿媽一面驚訝的問我。

一直我冇同家人講自己分左手，一來係因為唔想佢地擔心，二來係怕阿媽覺得Kristy係衰人。

「啊… 係啊。 岩岩拍拖一個月……….」我唔好意思咁講:「同Kristy冇左啦….」講完我就自己房….

唔知道家姐同阿媽會點諗。 又會咁唔好彩比家姐見到….今次真係唔同阿LING見家長都唔得啦。

【細佬…. 你同Kristy點啊….?】家姐冇耐SEND左whatsapp問我。

【分左手囉。】

【家姐早排都覺得你有少少怪，好似好唔開心咁，不過岩岩見到你同個女仔一齊拖住手咪問下你….】

【係啊。 分左手都冇咩好講啦… 都冇咩大不了。】我努力去唔同家人講自己內心既感覺。

【不如去食糖水，家姐好耐冇食啦。】

【你唔係要減肥咩?】家姐新年後會結婚。

【家姐我天生麗質，減唔減都係咁靚。 行唔行啊? 】

【係就快啦。 GOGOGO】衫都未換又出返門口。

「喂… 你著到咁去?」我問家姐。

「有咩問題? 著空姐衫好失禮你咩?」家姐放低行李著住空姐衫同我出去食糖水。

同空姐出街，當然會引來好多男人目光。你可能會好想同空姐四圍行係街上比人望住，但老老豆豆如果個空姐係自己家姐，成件事就會變得好怪。

同家姐唔係情人關係，相距一個身位咁行，D人會望住空姐家姐又望下自己。

「下次唔好著空姐衫同我出街啦….好怪啊….」

「嘻~~怕咩啊~~ 你未來姐夫不知幾鐘意我著空姐衫同佢出黎行，不知幾威威啊~ 哈….」宜姐好跳皮地彈下彈下咁講。

唔係連家姐都食埋呀

中秋節快樂!

樓主呢

慶祝緊中秋節？

中秋快樂!! 放左幾日假，今日可以出啦

【從毒撚變成浪子 – 陪我走過的一些女性們】

【第六十一章】- 【與家姐傾計】

「見到你拍返拖，都放心D!」家姐對我講。

佢咁講…「你一早就知道我分左手?」

「估到你啦。 一拍拖就日日同女朋友傾電話，分左手冇晒電話傾。 其實阿媽之前都叫我關心下你。不過見你日日出去夜一夜先返冇時間同你傾姐。」原來家姐同阿媽一早知道我分左手。

「啊… 唔想你地擔心我嘛，咪冇講‧」

「唉… 細佬，同你咁多年都知你性格鐘意收收埋埋啦，咩都唔同人講。 特別係感情事。」家姐比想像中梗了解我。

「唔…拍拖事都冇咩大問題啦，冇必要咩都同你地傾啊。」我死撐自己唔講出黎係覺得分手係小事。

「哈… 死頂!」

「咩死頂啊?」

「唔洗唔認啦。 你唔傷心就唔會去做GYM啦。 By the way你大隻左又幾好睇~~哈哈~~~ 借殷打個卡先。」

家姐算係問左我??? 佢拎起電話快手地影左我同碗糖水，之後就UPLOAD左上佢facebook。

「喂喂喂…..咪放我樣衰相上網啊…..」雖然我口係咁講，不過我又唔係太介意佢放我上網既，又唔係D咩名人。

「cation打”約左大隻靚仔食糖水”好唔好啊?」

「…..是但啦….. 又唔係我facebook。」

「OK~ 就咁啦~ 哈哈~~~ 你同新女朋友點啊?」

「冇咩點啊… 幾好。」家姐碗糖水都黎左:「家姐你就快結婚唔係應該要減肥咩?」

「超~ 你家姐我天生麗質，唔怕~~~ 呵~~~ 不過你想食我果碗就比你食啦~」

我老實不客氣地食左家姐既糖水一啖。

「我又要食你果碗啊」家姐都食我碗。

我留意到附近幾台男性客人久唔久會望住我地，好唔自在啊…..

「快D食完快D走啦家姐。」

「糖水梗係慢慢坐係度食架啦。幾時同新女友上黎食飯?」家姐好唔想走，似乎好想係度迫我講多D阿LING既野。

「唔，岩岩先一齊遲下先啦。」

「咪遲下啦，我擺酒預左Kristy個位啦，你快D介紹新女友比我地識，我預你黎飲我果餐架。」家姐係真心為要湊人數定係想8下阿LING既野? 我真係唔知….

「都未拍定，唔好叫佢去飲啦。」

「下? 你打算拍散拖架? 死啦我爆左出黎比阿媽知TIM…..」家姐一樣歉意的講。

「唉…. 又唔係散拖。 唔…不過我都未知佢岩唔岩我，唉… 一陣阿媽話特我玩玩下嬲左我就煩….」

「嘩…..何家明先生 你講到自己真係好似拍散拖咁~~呵…. 未知人地岩唔岩自己就拍拖。 個LOOK執左真係變到成個花花公子咁~~~」家姐陰陰咀笑住:「不過咁…. 你又唔洗理阿媽喧多既，佢鐘意唔鐘意你既做法都好，你都係佢個仔，唔通佢唔要你要個仔咩????」

「唔… 其實我唔想阿媽覺得我….係壞男人。 佢一直好唔鐘意衰男人。」我想起阿爸當年係大陸有第二個女人既事，當時阿媽有幾傷心。

Welcome back!

響巴返嚟啦

響巴

【從毒撚變成浪子 – 陪我走過的一些女性們】

【第六十二章】- 【認定】

「你真係咁諗?」家姐反問我。

「我係覺得阿媽好唔鐘意人唔認真對愛情，好憎人花心。」我一直以來係咁認為阿媽想我地專一。

「你仲停留係細時既思想….」

「下? 唔明….」

「唔….. 有兩個意思!!! 其實阿媽當初點解會接受返爸爸出面有二奶，你冇諗過?」家姐托下巴問我。

「因為…」我真係冇認真諗過:「因為我地兩個?」 依家諗返當年佢地猜離婚，最重要原因應該係我同家姐….

「係啊。 阿媽一個女人仔點可能一個人照顧到我地? 當時我地仲咁細。」家姐食一啖雪糕再講:「當然阿爸都係唔捨得我地先會浪子回頭。」

「…唔。」我點頭示意了解。

「係阿爸阿媽眼中，我地先係佢地最重要既野啊，佢地為左我地可以重新黎過… 佢地係想我地兩個人生活得開心幸福啊。」家姐將佢頭移近我:「其實阿爸阿媽兩個一直都唔太睇好你同Kristy…. 因為我地兩家人差距太遠….」

「唔… 唉。 其實…. 我都知既…我同Kristy真係兩個世界既人，我低好多….」只係我一直唔希望去認依個分手既結局….

「你明就好啦，最重要係你開心啊，你開心阿爸阿媽就會開心。」

「咁第二個意思呢?」家姐岩岩話我仲停係細個既思考。

「下… 第二咪就係，依家咩年代啊?? 仲講專一!? 真係一拍拖就要結婚咩細佬…. 你家姐我都拍幾個先搵到你未來姐夫啦.! 唔同多D人一齊又點會知自己心入面想點???」家姐講出黎既理論係道德上好似唔係太岩，但又似乎含有一個大道理。

「啊…… 係…」 我要消化下。

「係啊，我結婚你要整件靚西裝啊，幾時得閒我地去尖咀婚嫁商場整啦。」家姐之前有提過我要去度身做衫。

「咁不如下星期五啦，約你放工後去尖咀做啦。」我約實家姐。

「好啊~ 一於咁話。見你有新女友，今餐我請啦~」

同家姐返到屋企後，我就諗係唔係應該比阿LING見下家人。 一直覺得比女朋友見家人就係對女朋友既肯定，如果比阿LING見家人代表比佢正式進入我生活中。

就以家姐所講，其實佢地都唔睇好我同Kristy，反正大家都知我已經分左手同有另一段新戀情。

【從毒撚變成浪子 – 陪我走過的一些女性們】

【第六十三章】- 【LING見家長】

其實都真係冇得唔講比LING知自己家姐要結婚吧? 如果我仲非同佢一齊。 我諗左一晚既答案。

【幾個月後我家姐結婚，佢想請你去飲，你OK?】我用whatsapp問佢。

佢好快就回我去，仲叫我陪佢去腸衫。 所以又同佢去行街。

我不期然又會諗，家姐結婚當日，若果Kristy可以在場有多好。Kristy仍然填密我思潮內，我仍然覺得有你既世界先係最好…

可借如今我身邊既已經係另外一個人。

「好凍。」阿LING同我講。

「係啊。冬天黎到啦。」依一刻你凍唔凍啊? 我諗你應該唔凍吧? 因為你身邊都有另一個人，可以比到溫暖你吧?

「好彩有你依個大暖包。」阿LING攬實我當係佢私人流動暖爐。

「我地買咩晚裝好? 背心晚裝款定斯文果D長裙算? 晚裝會唔會太OVER….?好似搶左鏡咁。」阿LING問我。

其實我真係冇咩fashion sense:「我唔都唔知啊，是但都OK!!! 唔….晚裝好似太…OVER」以阿LING身材，好似唔係太承托到晚裝。我意思係仍胸太細，著晚裝好似冇咩睇頭。

「….哦… 咁我地去D賣婚禮野既商場睇啦，我知太子有。」LING同我就去左太子。

--------------------------

太子金都內，有好多結婚野買，佔多數既都係租婚紗同影相。似乎唔係好岩我地。

「HI 恭喜兩位啊，搵左婚紗未?」「HI 恭喜兩位啊，影相搵我地啦，我地攝影師好出名。」

我對於佢地既說話感到好不自在。

我留意到阿LING咀角微微地笑，好似好開心咁。

我地入左其中一間「HI 兩位你好，介紹下先，我地有好多款婚紗啊。想搵咩款?」一位年青既女員工問。

「佢想睇下晚裝。」我答。

「你地已經租左婚紗? 中式裙我地都有啊，要唔要睇下? 我地package抵D!!」

「啊… 我地唔係結婚，係去飲….」我沒好氣地對佢講。

「哦~~ 唔梗要，好快到你地。哈…. 睇晚裝OK! 你想搵咩款?」

「啊… 我都唔知啊。」阿LING似乎冇咩頭緒。

「想問下去飲既主人家係你親人定朋友?係唔係家人呢?」女店員問。

「係我家姐結婚。」

「OK明白。 睇下依幾件先。」佢邊說邊搵幾件真係好跨張既衫出黎。

「啊…好似太勁…好閃啊。」我同LING都覺得果幾件衫太閃好多珠片。

「唔跨啦! 你話晒都算係半個主人家啊，可以著D比較突出少少既衫啊。唔會搶到新娘鏡既。」

阿LING聽到後偷偷地笑。

「啊… 咁你試一試下先啦一係….」我同LING講。

「係啦，男朋友都叫你試，就著黎睇下啦。」女店員拉左LING入去試身室: 「如果有咩要幫忙可以叫我入黎幫手。」

店員回頭同我吹水:「有幾件岩岩租左出去，我搵下相比你地睇下。」

「其實都唔洗太跨，斯文少少既長裙冇咩珠片唔好咁閃就OK!。」

「係有D人唔鏡意太閃，不過係你自己家姐大日子，你女朋友梗係要閃下佢好D!! 去到冇珠片會冇人留意到架啦。 」

最後我地試完冇租就走人去左第二間再腸。

「其他我係唔係應該著件跨D都OK? 話晒係你家姐結婚… 如果我著太HEA又好似唔好，好似唔夠尊重佢。」LING講。

「唔怕啦，佢唔會介意啦。」佢好似好上心咁。

「係呢，我係唔係祇有搵日見下你父母同家姐先? 冇理由第一次見就係結婚果日。」

「啊… 都係既。 咁就搵日啦。 我問下家人。」

最後我地約左下個星期日。

感覺阿LING未去到男豬家姐結婚就被男豬分手

唔會比你估到

【從毒撚變成浪子 – 陪我走過的一些女性們】

【第六十四章】- 【造衫】

黎梗依個星期好忙，星期一至四都要加班，星期五就約左家姐去尖咀做衫，星期六就做GYM(因為一至五都冇得做)，星期日就比阿LING見家人。

公司要做展覽前期準備，趕交設計圖，我又要跟進設計同周邊marketing野。 冇錯，我地又要同sales果面開會，即係kristy佢地。

對於我黎講，又喜又悲。 喜係我可以同krsty又有多一D接觸。 悲…. 係以今時今日既情況，佢同我除左工事，真係仲有咩可以傾? 更悲既係…. 佢假假地都叫比我高一級，唔多唔少我係有少少自悲。

同Kristy既對話只流於工作上，就算晚上加班，我同佢都冇咩文流。 果種感受真係好差。

同舊情人一齊工作，真係好苦。 往日恩愛，今日如陌路人。

我好想好想問佢，佢同男朋友點，過得好唔好。 但我既提問唔係出於關心，而係想佢離開現任同我再續前缘。 好天真好白痂吧?

如果好似家姐喧講，家人係希望我可以開心過日子。一定係同kristy一齊我會最開心。

同阿LING一齊，無壓力好平淡。 理論上佢係一個做老婆既好對象。

但係LING總係冇一份激情冇果份令我心動既感覺。 我清楚知道。

點解我仲同阿LING一齊??? 可能係悶? 可能係想用佢忘記kristy? 我知道自己唔係玩玩下，係認真既。

係我沉思之下，Kristy已經離開公司。 佢冇同我道別…

係佢嬲左我? 定對我已經冇野傾???

而我竟然傻到選擇跟佢尾。 我到底想點? 自己都唔知道… 跟住佢可以攸D咩!? 又唔係上前同佢傾計只係跟住佢尾，由公司行去巴士站。途皇后大度東行。

感覺上好似以前咁，同佢一齊齊行皇后大道，送佢上巴士。 唔同既係你同我相隔多麼遠，無論物理上同情感上… 到底我同你仲有冇可能再有一日回到初既起點?

連續4晚，我就好似一個痴漢般係kristy背後跟住佢，到巴士站就會停係遠處目送佢上車… 我留意到佢一放一工盲會打電話，雖然我睇唔到佢面上表情，不過唔難估計佢係同佢男友傾梗，仲要係傾得好開心…

「送」完kristy上巴士離開後我會一個人去坐車。 返到去屋企後先打比阿LING。 我想係放工「送」kristy返屋企到一個人返到自己屋企既路上回味過去既一切。

「我返到屋企啦…」我打比阿LING。

「返到屋企先打比我既???」

「好攰，一上車我訓左…」我一副冇精神既聲音。

「買咩比你家人好啊?」LING問我見家長買咩比我好。

「是但啦。 你是但買就OK，我家人好隨和。」

「你星期五同我去買啦。」

「星期五我要去造衫，之後祇有同家姐食野啊。」其實家姐冇約我一齊食野，只係我約度克身返屋企休息。

「咁星期六你唔好做GYM啦…..」

「….. 我做完GYM同你出去買啦….」一個星期都冇做GYM我一定要去做，唯有退一步做完GYM同佢去買。

「咁好啦~ 就星期六一齊去買。 你係唔係好攰，你早D訓啦。」LING知道我攰都唔同我多講一陣。

「好啦早抖…」

收線後我諗住Kristy…好快訓左。

--------------------------

到左星期五放工我就立即坐船去尖咀:「依家我去搵家姐啦….」 今日冇理由唔打比阿LING吧? 同佢係船上傾到落船。

「要打比家姐啦，一陣再傾啦。」剛落船我就收線，我想自己靜靜地沿海旁行去婚紗街果面。 同Kristy冇試過行尖咀海旁，雖然冇回憶，但我仍然有幻想，幻想著同Kristy一齊行，一齊由海旁行到去婚紗商場。

行到商場… 我又會笑自己! 自己總係留係幻想之中… 唔通自己就只可以活係過去同幻想之中?

「係邊啊?」

「你自己去睇下先啦。我搞梗其他野一陣搵你。」家姐好似好忙咁好快收我線。

我就一個人自己行，行左幾間西裝舖大約target後係2樓我聽到家姐打聲係前面一間婚紗舖傳出，我就行去睇，果然係家姐。

「家姐~」我係門外叫佢。

「家明~ HI~」家姐應我同事店內試身室布被拉開。

「家怡~ 我覺得依件低胸OK!!! 你覺得我著依款O唔OK?」係一個眼大大胸部亦好大既女仔。

「OOH~ 介紹返，我細佬。」家姐指一指我:「我同事SASA!」

「HI….」我同Sasa互相同對方say HI。

Sasa係一個好靚既女仔，眼大樣貌清秀身材更可以話係玲瓏浮突。

「唔…. 好似唔係太岩，不如試下有手臂果D啦，我結婚果日好凍架，怕你地凍病啊….」家姐回應。

Sasa係下個啦咁

pk好似我

齋睇個title

【從毒撚變成浪子 – 陪我走過的一些女性們】

【第六十五章】- 【SASA】

家姐唔比SASA著低胸，我係知道原因的。 之前聽到佢同未來姐夫投訴過D姊妹個個想著低胸，覺得會搶左自己鏡。

其實果日主角係佢兩個，點解會怕被搶景呢? (雖然SASA真係好吸引我目光去佢對豪乳之上，我估計一定有C以上。)

SASA死死地氣去左換另一件款。

「家明點啊你有心水未?」

「都有一間好似做得幾好，不過想你比下意見我。」

「OK 一陣同你去睇，等SASA試完先。」

冇耐SASA就換好衫出黎:「家怡，我真係覺得岩岩果件好睇好多啊…. 」

「就依件啦，其他姊妹都係依一SET，你地統一D啦。」家姐似乎唔比SASA做決定:「就依一款啦~」

「OK 咁我幫你度身先。」SALES好識做咁聽真正老闆講，拉左SASA去度身。

SASA度身期間我主動走出去外面等佢地:「家姐我係外面等你地。」

依個商埸真係好多人好旺下，見住人一對一對好開心咁係度腸野，我會有少少期望自己結婚。

我輕輕嘆氣，心中想著Kristy….

「頂你，都話我出面冇第二個囉，你又唔燃信我。」突然遠處一把好惡既男人聲將我由幻想中拉回來。

「JAMES你仲唔認? 明明佢約你兩個人出去，你仲想唔認?」一把有少少耳熟既聲音係同一個方向傳來。

「我吊你。 都話佢係我同事，出得都係一般同事出傾聯誼，有咩問題啊? 你咪咁痴線啦，小小事都發到咁大。我地都結婚啦，你做咩事啊?」男人聲大大咁回應。

依個時間家姐都被嘈雜既聲音吸引到出黎8。

「OOK! 我唔想同你係度嘈。 你咁鐘意結，你同你個女同事結飽佢啦。」把女人聲越聽越熟…

「度完啦，出面咩事?」SASA問我同家姐。

「情侶嘈下姐，不過可能結唔成婚….」家姐講起黎有點幸災樂禍。「陪細佬造衫啊，SASA你一齊幫下眼啦，同家明做完我地一齊食野?」

「OK啊。」SASA同我差唔多同時答。

SASA同我亙相對望徵徵地一笑。

步向西裝舖同時，我見到ZOE怒氣沖沖咁走向我依面。 原來岩岩嘈到拆天既係佢…

ZOE冇想到會見到我，佢一面錯愕的望我一眼後就走左。 一個男人從後追趕ZOE。 冇想到我目睹ZOE同佢準新朗炒大獲…..

「家明你識佢?」家組8掛問我。

「係啊…同事黎….」

「oops….」家姐同SASA齊聲道:「咁慘…..」

「係law… 」見到zoe咁… 我好同情佢。 另一半偷食…(當場我唔知係唔係ZOE誤會左佢)。 總係有D感同身受。

「唉~ 唔好理啦，我地快D去做衫先。」家姐推我去做衫。

最後SASA同家姐幫我選好布料同花紋再度克身就完成。 SASA比我感覺係幾NICE既人，可能都係做空姐關係，講野語氣同動作都好有儀態。 佢空上白色扭扣絲質衫，上身郁動大一點扭扣之間就若隱若現的透出豐滿的胸部同白色既胸圍… 何其誘人既衣著……SASA一對幼長既長腿充分地被黑色貼身褲展示出來。

我試身期間引唔住偷偷地望左幾眼SASA…. SASA好似都注意到，令我唔好意思再望下去。

「我地食韓國野好唔好?」家姐問我地。

「冇所謂」我剛答完家姐就收到電話! 係ZOE….

「喂….」

「家明…..仲係尖咀? 」ZOE聲音抽搐著問。

「係啊… 唔… 你冇咩事嗎?」 我諗我冇必要扮唔知道佢岩岩同男朋友嘈吧?

「可唔可以出黎陪我?」ZOE電話中問我。

咪阻住食女啦

【從毒撚變成浪子 – 陪我走過的一些女性們】

【第六十六章】- 【同途人】

同家姐仲有SASA道別，去搵ZOE。

雖然係有少少想同SASA一齊食飯，不過ZOE話係係同事又同我坐，一直都好幫我教我好多野，冇理由明知佢感情上出事都唔理佢既…

「BYEBYE….結婚時見啦…」SASA向我揮別，唔知道係唔係我feel錯，佢好似有少少失望。

我有點依依不捨的，但仍要表現得好平淡地講「好啦! 遲下見啦。」

-----------------

ZOE係佐敦果面，從婚纷商場過去只係10分鐘左右。

ZOE呆呆的挨係馬路邊欄杆前，一副我見猶憐的樣子。近日開始瘦身既佢，身材份外的吸引人目光，加上高眺身型穿上短裙黑絲，份外的令人心動。 身為多年同事既我，竟然有一下心動既感覺。

我同自己講，家明啊家明… 人地就快結婚，唔好亂諗野。

「HEY….ZOE…」

「HI….」Zoe死氣沉沉地回應我。

佢一定係好傷心吧，唔知佢地男朋友-JAMES點? 係唔係唔應該問好D? 話晒都係佢傷心事…

「我未食野啊，你食左未? 可摸以去食少少野啊?」睇下時間原來都差唔多8點。

「啊… 好。 我都餓啦…」ZOE從欄杆邊起來，自然的走去佐敦方向。

我想係佢唔想行返去婚紗街果一面吧!?

我同佢行覺士道向佐敦行，我係故意同佢行依邊，因為比較少人行傾計會好少少。

「呃…依條街好特別，真係旺中帶靜啊。」我冇野講到講依度D老牌豪宅。

「啊…係啊。」似乎Zoe唔多感興趣。

「…想食咩?」

「啊… 我冇主意啦… 你話事啦。」ZOE真係咩都提唔起興趣。

佢令我想起岩岩同Kristy分手既我。

「不如食澳牛啦~~~快靚正~」我打算快快手食完就走人，我諗佢食咩都冇味道吧?

15分鐘唔洗我地已經被迫食完澳牛，班友真係好惡死! 不過又真係幾好味，係真香港既味道!!!

「唉….」食完後Zoe長嘆一聲。

「點啊你….?」岩岩餐飯其實我地冇傾計，終於等到Zoe想開口講野。「岩岩見到你係尖咀度好似唔太開心。」

「我同佢分左手啦…」Zoe忍左成好耐既眼淚終於都失控落下。「…..嗚….我失..婚啦….」

失婚… 其實同失戀性質上係一樣。 嚴格上佢應該係結唔成婚。

「嗚….我…我冇諗過我會結唔成婚架….鳴…….」

「…..」我左手輕輕拍佢背脊:「我都知道你好傷心……我同Kristy都係分左手….傷得好重…」

可能都叫同病相憐吧，我好明白佢好痛。 唔係…可能佢比我更痛，因為佢只差一步就去到終點。

「嗚……JAMES佢同佢女同事有野….嗚鳴…點解佢要咁對我啊? 嗚…我地已經要結婚啦…. 佢同我求婚….另一邊又同個女人一齊……」係街上淚如雨下既佢引黎唔少途人奇怪目光，睇得我異常尷尬。

「唔…. 唔好咁。 啊…不如我地去第二度慢慢傾啦…」第一時間我係想走去個冇人既地方傾。

冇理會佢同唔同意，我已經將佢拉走，去左個公園度傾。

「家明…點解男人都係咁衰?」Zoe坐係公園韆鞦上問我。

「….」係另一個韆鞦上既我諗左陣:「咁又未必既…. 只係你未撞岩姐….」

「我冇時間啦…… 今年27啦。」Zoe原來27歲。

「27都好後生啊，仲有時間!!!」

「唉…. 27唔後生啦… 我冇時間再識人啦，已經開始老….」

我今年24，我諗到我30左右結都應該OK。 「唔係啊，依家30左右結都OK。」

「30…. 唉…. 點會啊? 你係男人，都係想搵後生女，點會搵我依一D中女啊….? 唉…」ZOE開左啤酒飲，岩岩係便利店買左幾支酒。

「其實你咁好條件，點會冇人鐘意呢? 唔好咁啦……..」

「家明… 如果JAMES好似你咁好咁專一就好…..」Zoe對我講。

「….」我有點受寵若驚: 「多謝……」

「哎…我真係唔明白啊，明明都要結婚，先比我發現佢偷食女同事…. 」ZOE將酒一飲而盡後再開一支酒。

「我明你感受… 其實Kristy都係出面有第二個，之後同我分手。」我冇同任何同事講過我同Kristy點分手，ZOE係第一個。

我再講:「你唔好同任何人講。」我冇講Kristy阿媽唔鐘意我，同時亦要求Zoe唔好對其他人講Kristy既野。 我希望Kristy係公司內既形象保持正面。

同Zoe講我都係比第三者搶左另一半，主要係想Zoe唔好咁傷心，會肯同我講多一D野。 過來人，我知道講出黎係會放鬆一D… 就好似當日我同阿LING講完係冇咁傷心一樣。

【從毒撚變成浪子 – 陪我走過的一些女性們】

【第六十七章】- 【安慰】

「OK，我唔會同人講你同Kristy點解分手。」Zoe離開鞦韆再講:「你可唔可以都唔好同人講我唔結婚既事?」

我跟佢步向公園長凳坐下:「OK，我唔會講。 唔… 你同James真係冇可能?」

「冇啦…」Zoe決絕地講:「佢原來一直都背住我同佢女同事有野… 我真係接受唔到。」

「唔…」我點頭表示了解。

「最難令我討厭既係佢一邊同另一個人一齊，另一邊仲要同我求婚。佢到底當我係咩? 佢到底諗咩??」Zoe講到依度又再喊起殷。

「佢真係幾PK…」我可能明佢點諗。

「鳴…你同我啊… 佢想點啊… 係唔係諗住仲同果個女人一齊…鳴…」

「啊… 會唔會係佢同你結婚後就唔會再同果個人一齊啊….」我唔知仲可以點安慰佢。

Zoe個頭挨到我膊頭上痛哭。

我個心跳左一下，冇想到佢會挨過黎。我係唔係要搭一搭佢膊頭比安慰佢?

「可唔可以搭住我….?」低住頭既ZOE問我。

我又真係好順手咁搭過去，作為一個男人係依個情況之下冇理由唔比少少安慰佢。

「你要喊就喊出黎啦。」依個時間喊係最好既方法去減輕痛苦。 某程度上Zoe比我好，佢可以喊出黎… Kristy對我造成既傷害，如果我可以大喊一埸，或者我會好過一點。

Zoe索性抱住我腰去大喊出黎，被佢抱住，佢兩團肉輕輕的壓住我。 我有一點反應…

唔記得過左幾耐佢問我:「今晚可唔可以陪我? 唔好走…」

「可以!」係出於同情? 家其他原因? 我一口答應。

之後Zoe抬起頭與我對望，情深的互相對望後我地兩人四片嘴唇輕輕交接著….