【從毒撚變成浪子 – 陪我走過的一些女性們】

995 回覆
71 Like 8 Dislike
2020-09-05 08:45:22
響巴有啲經驗喎
2020-09-07 10:34:14
咁要睇我點兜
2020-09-07 10:35:42
有D朋友經驗加左入去。 本人係一個浪子,冇初戀冇受過傷~~~~
2020-09-07 12:29:08
青頭仔?
2020-09-07 12:43:14
無雀嘅腳仔
2020-09-07 16:52:31
【從毒撚變成浪子 – 陪我走過的一些女性們】

【第五十章】- 【轉埸】

「家明,我地有下場啦~ BYE」Joseph同我打左個眼色暗示佢得手。

「BYE…」阿Ling同狂野女毫道別。

「…… 啊…. 不如走囉….」我同阿LING講,其實我覺得音樂好嘈。

「下……. 唔…..」阿LING面有難色,似乎佢以為我想同佢去….

「啊… D音樂好嘈啊,我聽唔到你講野。」

「哦….. 咁…. 咁走啦…」阿LING回答。

離開Club我地置身於籣桂坊中,下一步應該係要點做…? 係依D地方玩完,個女仔又肯同自己一齊走,係唔係代表OK可以搞野?

不過自己同阿Ling識左個幾鐘,大家都唔熟,就咁搞野? 會唔會好怪….

「你成日去Club玩架?」阿Ling先開口問我,落到街我真正的睇清楚佢個樣。 身材瘦又冇胸,
個樣幾順眼同時佢好似唔似D去玩開既人。

「唔係啁…. 我黎個兩次。 今次係第二次。 你呢?」

阿Ling好似好有戒心:「唔,我都係黎過幾次,同我朋友karen。」

Karen應該係狂野女吧? 「唔… 你好似好純品咁,點解會黎依度既?」其實我自己同Club都好唔夾。

「Karen話同我見識下,咁你呢? 你又係黎見識?」

「哈….差唔多啦。 唔… 我算係殷散心。 岩岩分手冇耐。 」

「比女朋友飛?」阿Ling好叻估到。

「你好叻,點估到? 我個樣好愁?」

「因為我都係岩岩分手。」

估唔到佢同我一樣係岩岩被飛既人,我地可以話係同病相連。

「你點分手架?」我問佢。

「佢話唔鐘意我,同我分手。 但實情係佢同左第二個女人一齊。 你呢?」阿LING同我就係咁你一言我一語咁傾左好多野。

「如果照咁睇,你都唔係真心鐘意你再前一個女朋友啊。」阿Ling講。

我地兩個人企左係交易廣場對出天橋上,飲住啤酒望住橋下疏落既汽車。

「下? 點解咁講?」

「好明顯你今次分手仲傷過上一次啦。 一般黎講分多幾次手就會唔咁傷心。」

「啊…. 又唔係既。」一直以黎我都係用情好專一既人,因為受阿媽影響,佢一直告誡我唔好似老豆咁,一定要專一。「可能係因為佢比帽我戴,我特別傷心!!!」

「咁唔順氣都係好大影響,不過好明顯你認定佢係你結婚對象,如果唔係唔會送戒指又要生要死。」

我冷靜地想,自己係唔係真係好似阿Ling所講,對Connie係冇咁認真? 的確,似乎同Connie分手後我好快就同左Kristy一齊,好快接受左另一個人。 而今次分手,我好似係仲未接受到另一D女仔,如果Kristy肯搵返我,我會接受佢。

「其實我都唔知自己係點… 不過我真係好想好想同返佢一齊,你知唔知道我之前成日喊….喊到依家已經再冇眼淚…… 有時間我都唔知道自己為左咩要生存….. 我好想放縱自己,同自己講唔好咁浪費自己D時間,不過真係放唔低….」

「我明。 我真係明。 我都係知道自己條仔係出面有第二個,之前都係放唔低…. 我都會諗自己可唔可以原諒佢。 不過我知道冇可能,佢已經玩厭左我。 我唔知再等佢…. 我年紀唔細,廿尾啦,下次再拍拖就係要考慮結婚,唔係玩玩下。」依家我先知佢原來大我幾年,不過佢睇上殷好細個似細過我。

「啊…. 如果Kristy好似你咁諗就好…. 可能我地仲一齊梗…..」

「咪傻啦。女人同男人唔同,佢變左心就係變左,女人要搵個照顧到自己既人架,佢咁有家底又有個單親阿媽,你同佢冇可能!!! 除非你突然搵到好多錢啦……」阿LING講既野係好現實剌中我傷口:「SORRY…. 我都係想你快D放低。」

「明既…. 我冇事….. 多謝你啊。」同阿Ling傾左一晚,心情放鬆不少:「唔知點解,同一個唔識既人講完,個心好似放鬆唔少…. 」

「你可以搵朋友傾架….你冇朋友???」

「唔係冇。 不過唔想講…唔知點講。」

「男人~ 真係要面。」

「下?」我大感不惑。

「男人就係唔鐘意同人講心事,死要面。 所以好多男人都係將心事收埋,最後屈係心入面屈死左。 所以男人比女人短命!!!」阿Ling越講越可怕。

「有冇咁恐怖…..」

「呵~~~ 你咪唔好信,不過你今日同我講左都已經好好。」阿Ling笑臉有點吸引。

「多謝你…..」我對佢講。

「其實同你傾左咁耐我心情都好左好多….多謝你聽我講咁多。┌阿Ling轉身背脊挨住扶手。

突然依一刻我好想攬住佢,手突然唔受控將佢攬實,嘴巴自然地親吻下去…

我第一次同一個識左幾個鐘既異性接吻。
2020-09-08 00:24:51
2020-09-08 03:37:06
2020-09-08 11:15:03
【從毒撚變成浪子 – 陪我走過的一些女性們】

【第五十一章】- 【沉船】

「喂…. 大佬…」我打比Joseph

「呵欠…咁早啊….」Joseph明顯未起身。

「Lunch time啦仲早….」茶餐廳少爺仔真係好,平日我地返工佢就hea梗。

「啊…. 我不嬲都日夜對調存啦… 咩事啊….」佢明顯仲係床上訓梗。

「唉… 上次同你去老籣條女啊….」

「喂係~ 點啊最後去左邊?」講起女Joseph就醒晒。

「冇啊,同佢去左傾計傾天光。」

「….. 唔係下化….大哥你….有食唔食啊。」

我解釋:「佢唔係你諗咁隨便既女仔。」

「唔係玩玩下既人? 家明你唔係同佢玩認真下話????」

「我地果晚錫左….唉….但冇做D咩野就送左佢返屋企啦。」果晚我地KISS完就一齊坐的士走,咁岩佢原來住李鄭屋都算同區。

「唔….我明你心情,第一次去玩係會咁。但去得夜場唔好動情啊,冇好結果。」Joseph比左舍忠告我。

「知道….」

岩岩收線Kristy係我面前經過,佢好似望左我一眼,我扮晒見佢唔到。 因為我唔知自己祇有用咩身份去面對佢。 佢都講明唔會同我一齊。

【HI,想問下你會唔會有時間食晚飯?】我whatsapp問阿LING

【幾時?】過左幾個字佢回我。

之後我地開始左傾whasapp,係公司中總算可以打發時間。

係,我係公司冇咁忙,因為畢業季節有D新人黎左,我可以比D野佢地做 (雖然自己同D新人係同級),加上公司好似真係少左生意。

「傾得咁開心啊…..」Zoe同我玩whatsapp好開心就問我。

「啊… 冇野。 哈…. 係WOR 你結婚搞成點?」轉移話題,因為同Kristy分手後我唔想比人知道我周圍識女仔。

「唔…. 唉…. 我都唔知。 好多野唔夾….」

「下… 結婚好多野唔順? 我見我家姐都好似同未來姐夫好多野嘈….」

「我都唔知啊。 佢成日陂我脾氣話我煩住佢…..唉…唔好講佢。 係呢,你個新髮型幾好睇,仲好似大隻左少少。」

「多謝。 我有做GYM,其實你都瘦左好多….」我留意Zoe瘦左好多,瘦人不瘦波。

「啊…. 結婚都要減下既。 不過都唔知依家點… 家明,不如今晚放工一齊去happy hour。」

「下… 我今日要做GYM啊!!!」我係一個嚴守紀律既人。

「飲一陣姐,唔阻你好耐。」Zoe一臉慘樣….

「啊… 好啦。 一陣OK」

【我今晚放工同同事去飲野。】唔知點解僧自己好似真係沉沉地船去阿Ling度。
2020-09-08 16:23:38
主角同Zoe 係咪都有啲嘢?
2020-09-08 17:50:55
係咪天與地既家明? R.I.P
2020-09-08 19:47:12
淫人妻女笑呵呵
2020-09-09 00:32:50
Zoe似對男豬有野
2020-09-11 00:29:12
2020-09-11 16:26:02
【從毒撚變成浪子 – 陪我走過的一些女性們】

【第五十二章】- 【對我有意思?】

「我地係中環飲?」放工時間我故意係Kristy位附近問Zoe。

我係有心要比Kristy知道我去飲酒,想佢會緊張我。

「不如去尖沙咀D酒吧,一陣都要過去睇下野。」Zoe應該知道我有心講比Kristy聽吧?! 佢既回應都幾大聲下。

離開公司後我講:「我地坐船過海好唔好?」

「OOK~ 唔…. 你之前係唔係成日同Kristy灣仔坐船過海?」

「唉….係啊… 」提起Kristy我總係有點灰有點傷心。

「咁我地不過行去中要坐船啦~ 都唔係遠好多。 費事你成日諗起D唔開心野…」Zoe向我吐舌做了一個鬼臉。

「好~~ 咁我地行天橋過警總再几去政總果面行海旁去啦~」

「好啊~」Zoe收工係可以話係第二個人,可能離開辨公室後放下作戰MODE?

「哈~~~ 其實我同Kristy都會咁行去中環坐船。呵….點都係會聯繫到佢….」雖然我見唔到自己個樣,不過我應該係一臉憂鬱同唏噓。

「家明,你上次分手都好似冇咁傷心….」

「睇得出?」

「點會睇唔出? 坐你旁邊好易FEEL到。」一陣風吹過Zoe,長長秀髮飄散出陣陣香水味。

「你好似轉左香水?」

「啊… 你聞得出????」Zoe一臉驚訝的問我。

我似樣的回應:「坐你旁邊好難唔發覺。」

「哈….如果我男朋友好似你咁細心就好。唉….」

「咩事啊? 岩岩係公司聽你講好似同未來老公有D野….」下午時間佢係公司同我講過佢結婚既事好似出左少少問題。

「我同佢好似好多野都唔夾喧。」

「我知道! 我家姐都係搞梗婚禮既野,佢同未來姐夫都好多野煩,主要煩錢啦。 係嘈多左。」 想起家姐都有同我講佢婚禮既野好煩。

「唔…. 唔係啊。 係我同佢價值觀唔好。 越係耐左我就越係覺得我同佢好唔同。」Zoe好似好煩惱。

我電話響起,係阿Ling打比我。

「SORRY 我聽一聽先。」我同Zoe道歉後就接電話。

「喂…」

「你收左工?」阿LING問。

「係啊。」

「去梗飲野?」佢問我。

「係啊,依家去梗酒吧飲happy hour」

「去老籣?」

「唔係,尖咀啊去。 」

「同女同事去?」阿LING問我,佢好似唔太想我同女仔出去咁。

「係啊… 同女同事去。」

「一個?」 佢好似有少少介意咁。

「係…..」其實我好似唔應該講自己同女仔兩個人去飲野。

「哦….. 咁唔阻你啦。 BYE!」 佢收左我線。

「……」

「女????」Zoe見我收線後問我。

「啊…. 係朋友!!! 唔係你諗既…..」

「呵??? 我諗咩…? 我冇講咩WOR!!!」

「….. 咩啊你….」

「呵~~ 男人都係咁….」Zoe似有暗示的回應。

坐上中環開去尖沙咀既船,同一架船同樣風景,但唔同既係Kristy唔會再同我一齊坐….

「你平日多唔多坐船?」我問Zoe

「有時。 通常都係同男朋友過海….」Zoe不經已的回答我。

「我都係同女朋友坐多…」

「呃…」Zoe冇講D咩回應,我同佢冇講野,靜靜地享受著既浪漫又痛苦既天星小輪過九龍。
2020-09-11 17:19:25
【從毒撚變成浪子 – 陪我走過的一些女性們】

【第五十三章】- 【壞比好吸引】

「去邊間? 我唔熟依度….」

「去寶勒巷酒吧附近啦。」Zoe睇黎成日黎。

「你成日去酒吧飲酒?」我問佢。 做左近兩年同事,我最熟既同事算係Zoe (當然唔計Krsity),不過都只流於表面,食飯HI BYE就算。

「間中啦。 有時會同其他Team同事出黎玩下,你好少出黎?」

「我少啊… 宅男一個。 哈….之前放工都係鐘意打機同睇漫畫。」

「唔~ 好彩你個樣唔宅。 哈…..」

「下? 即係點?」我有點不太明白。

「你冇聽過咩? 如果你係樣衰而鐘意打機睇漫畫就係變態宅男低俗,如果你係…個樣唔差鐘意打機就係有趣大細路~」Zoe原來會睇連登架…..

「哈….多謝你話我靚仔…」

「超…. 咪占占啦你。 」Zoe一面先係做一個不悅既樣之後再講:「不你做GYM同變左髮型係唔同晒。」

「下? 多謝….」

「不過你個人都仲係好唔識同女仔溝通…就依間飲啦。」

「你講咩話?」我唔係好聽到Zoe岩岩話我唔識同女仔溝通既意思。

「冇野啊。」Zoe冇答我就入左酒吧。

點左野飲後我地開始傾計。

「你同男朋友係唔係有咩唔開心?」我地叫左半打啤酒。

「你覺得同其實女同事一齊去食野飲酒有冇問題?」Zoe問我。

「唔….?你意思係如果有女朋友,自己又同其他女同事出去玩?」 我相信佢意思係佢男友同佢D同時去左玩。「如果正常食Lunch其實都冇咩野。」

「但係如果係自己女朋友唔鐘意,出到聲呢? 你仲會唔會同女同事出去?」

「咁…..一大班人定一對一先???」我問清楚佢:「如果係一班同事一齊去,又冇咩野既。」

「係一班….不過果個女同事特別鐘意同我男朋友一齊傾計玩囉。」Zoe一臉不悅:「都盲結婚啦,咁我有咩不滿同佢講,佢又唔聽…. 就係好似你咁講話一班同事好難推唔可以唔去。」

「唔…. 咁你又岩。」我都唔知講咩好。

「唉….如果佢有你一半咁聽話就好啦。 一半都已經好好。」

Zoe咁講算係話我乖仔??? 「聽話就好?」

「好。 點會唔好?」

「我意思係女人唔係鐘意壞男人咩? 好似你咁,又唔鐘意自己男朋友去玩,但個心就又愛又恨佢。」

「唉…. 唔好做個壞人啊你…. 咁會好傷人心。」Zoe感慨萬分。

「好人又點?都係比人Hurt….. 」想起Kristy對自己,我不禁問自己對人咁好係唔係就有好下場。.

「你同Kristy點分手架?」Zoe問: 「唔…. 你可以唔講。」可能佢睇得出我仲好傷心所以冇再問我。

「…..」唔講好似唔太好:「耐左唔夾咪咁。」但我選擇保護Kristy唔想佢成為壞人。

「唉…. 其實我諗梗應唔應該同男朋友結婚…. 我唔會覺得佢同我結婚後會停低,佢就好似一隻冇腳既雀仔咁,冇可能停下來….」

其實ZOE唔係都一樣會同同事出黎飲酒玩咩? 點解佢會話晒個男人衰,而唔諗自己都係出去同梗我飲野? 有時間男女就係咁唔公平….

「好啦。 我約左男友去睇結婚野啊,多謝你陪我飲野傾計….」Zoe同我傾吐完心情好轉了不少。

「OOK~ 有咩我地whataspp傾都我。」同佢分開前我同佢講。

Zoe回眸一笑:「好啦~ 聽日見~~」佢原來都可以咁可愛,依一刻我被佢打動左一下。

噢…. 打一打比阿Ling同佢講已經飲完野先,我將自己拉回現實。 正想打比佢時,我想起壞男人比好男人更吸引。

不如唔好打比阿LING睇下佢會點….
2020-09-11 23:13:56
家明成魔之路
想睇Kristy搵返家明 然後家明被報復
2020-09-11 23:29:12
家明成魔之路
想睇Kristy搵返家明 然後家明被被家明報復

2020-09-12 07:17:12
做壞男人都被報復 好慘
2020-09-12 10:49:32
好人就唔會被人報復啦
2020-09-12 11:14:02
好人帶綠帽only
2020-09-12 13:43:11
家明同Zoe 會否上床呢
2020-09-12 13:51:47
條伏線應該會鋪耐啲
2020-09-12 16:35:49
LM
2020-09-14 17:30:33
【從毒撚變成浪子 – 陪我走過的一些女性們】

【第五十四章】- 【仍然著緊】

【尋晚飲到好夜?】一早起身睇電話我見到阿LING既whatsapp

尋晚同Zoe分開後自己食左少少野就去做GYM,之後仲係運動埸跑左一個鐘步先返屋企,所以冇理會佢既Msg

我回:【唔係唔,飲左少少就走人。】如果係Kristy搵我,我一定會立即回覆,唔會拖到第二朝先回。

【哦… OK】佢就簡單一個回應,似乎佢有少少嬲左我。

我照樣的唔理會佢,換衫準備返工。 去到灣仔站落車,我就行皇后大道東一個人返工。

其實每日行依段路,我都會想起Kristy,越係叫自己唔應該再去想就越係難忘… 或者我祇有唔好再係度做,令自己可以早日忘記佢。

啊!?

前面有一個我非常熟悉既身影,我唔會忘記! 係Kristy…盲係我前面10米之內。

我要前越佢嗎? 定一直跟係佢身後?

沉思一陣之後,我決定打比阿:Ling

「早晨啊,出門口返工未啊?」我先主動關心阿Ling

「啊… 坐梗車。 冇諗過你會打比我….」可以聽我出佢係真心好出奇。

我加快步伐,已經行到去Kristy 1米左右並微微的將聲音提高:「係啊。 尋晚太攰冇搵到你啊,你點啊???」 我好有信心我既對話已傳到Kristy耳中。

阿LING:「唔?? 咩點?」

「下~」依個時候我已經過左Kristy頭,我唔可能又將我步速減慢,咁可能會比Kristy發覺我有心係佢面前出現。

係,我要比Kristy知道我同女仔傾電話。

「SORRY 啊尋晚我想打比你架,不過做完GYM唔記得左。」我相信依一句都被Kristy聽到。

「唔關我事,你冇必要打比我。 我冇怪你啊。」電話中傳來阿Ling有點不滿既聲。

「啊… 我地星期五出黎食晚飯? 你想食咩?」 剛好我轉入一間茶餐廳買早餐,我故意係面上露出甜笑,如果Kristy有望我,佢會留意到我面上既笑容。

「你想同我食咩?」阿Lint問。

「係啊。 SORRY 等一等。」 我向伙記落單後再同阿LING講:「等梗早餐,可以再傾啦。」

「啊。 買早餐? 」

「係啊。 你食左未?」我禮貌上問返佢。

「未食啊。 依家買。 」

「好啊。 咁我地不過返到公司再whatsapp啦,傾食咩。」

--------------

係公司做左一陣野後收到Kristy whatsapp

【HI 你點啊? 幾好嗎?】

佢問我點,分手後佢一直冇搵我。 一定係佢今朝見到我傾電話,想知我係唔係有新女。佢仲好著緊我架!!!!!

「OOK啦。 你幾好嗎?」 唔知佢點…. 冇左我,你生活成點? 慣唔慣啊? 我真係好唔慣你唔係我身邊….

我有千言萬語要同你講,你知道嗎?

我最想同你講既係:… 我仲好愛你,不如我地從頭黎過啊!!!!
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞