【從毒撚變成浪子 – 陪我走過的一些女性們】

星期四都有文，未睇先加速

咁快加速到大學嘅

岩岩睇緊 開頭主角真係成個毒撚格出晒你 條女唔中意你咪放手

點撚解 同人扑完野要內疚 我真係唔撚明 扑野就要同人做人世？

初戀就輸俾個男人都幾hurt

【從毒撚變成浪子 – 陪我走過的一些女性們】

【第一百九十章】【Vivian視覺】

自從知道Johnson 一直鐘意Nelson後，打擊好大。 自己輸左比個男人。 我好冇自信，將自己收埋冇出街。

返學放學之後自己一個留係屋企對住本書發呆，陪住自己既就只有傷痛。 一邊叫自己唔好將Johnson既事放係心上，另一邊叫自己比心機讀書，但人係做唔到。

一路想Johnson會回心轉意，但一直都等唔到佢有任何通信。 直到知道佢同Nelson兩人一齊去左美國就如同宣佈我死刑一樣。 我真正地放下…

入到大學比自己一個新開始。

加入左劇社，係入面識到Winson 佢大我兩年，係一個好愛戲劇既人。 佢主動追我， 我好輕易就同左佢一齊。 基於我真係冇信心同好希望有個新開始，我就同左佢一齊。

雖然入左大學有好多人都想去認識我，但我選擇左Winson係因為我被佢既熱誠吸引到，佢對演戲好有熱誠。 係佢身上我見到有Miss Pun既影子，佢同我講要做好戲要觀察多D同自己代入唔同既身份角色之中。

我地拍拖時經常會睇戲，又會經常做一D低能野做角色扮演等等。 同佢一齊就好似好低能，唔洗點擔心佢係基，因為同佢會成日搞野，係佢主動。

試過幾次我屈蛇去佢房度住，全日唔出房只係留係房內做足一日愛。

可以講同Winson一齊既感覺比同Johnson唔同，Winson明顯地係對我有興趣好多，對性既需求明顯地高。 佢追我時對我好好，請我食飯同我四圍去。 外表雖然唔係特別吸引既Winson對我好好，令我感覺到真係想追求我痛錫我。

拍拖初時佢都好好，我地只係一齊左一個星期我就應承去佢宿舍過夜。 順理成章地我同佢上左床。同佢既第一次佢好溫柔好努力去令我享受。 同佢做愛，我感到興奮! 同Johnson唔同。雖然Winson比較上冇Johnson咁長時間，不過係享受過同Johnson做。

果時我開始真正享受到性愛，亦都第一次嚐到拍拖既滋味。

依一次先真正試係我既初戀吧? 而初戀都係痛苦既…

Winson雖然唔係靚仔，但佢既健談同熱情造就到佢識左好多人︿包括男人同女人。

我地拍拖大半年後，開始同佢冇以前果種熱情。 約佢見面拍拖，佢好多時會話自己唔得閒。 起初我以為佢真係好忙，一時又話自己好多劇要排一時又話要去睇話劇或者係返part time等等。 陪我既時間越來越少…

大學幾個同學有同我講，見到Winson係出面有第二個，佢呃梗我話自己去做野去排劇好多都係同女仔出去。

但我選擇去信佢去比機會佢… 係情感上佢係我初戀加上經過Johnson既事件，令我真係對自己失去信心….

可能自己真係好傻好蠢….

「你好。」係學校內有一個女仔叫我，一個好靚又幾高既女仔。「好耐冇見啦Vivian。」

我唔知佢係邊個，但好似有少少面善。

「你唔認得我? 哈~~ 都難怪既…. 我係阿chris。 不過我依家改左名做Christy。」

「下…. 師姐….」係以前打排球既師姐阿CHRIS!! 但佢一身女性打扮，我完全認唔出。

「幾好嗎你? 哈~~ 」 估唔到會再次見返佢。

之後知道佢升左大學後就同返男仔拍拖。

佢真係完完全全女性化左，我地傾起計黎，知道大家都拍梗拖。我仲將之前同Johnson既事都同佢講左。

「咁你男朋友真係似有問題….. Vivian我諗你真係要正視一下。」Christy師姐講:「唉… 你比Johnson搞到咁冇自信，真係幾慘….」

「….我努力梗…叫自己有返自信架啦…. 不過我真係唔想唔信Winson…」

「但係佢咁怪，好明顯佢真係出面有第二個啦。 比著係我，有個咁靚咁好身材既女朋友，點會捨得唔理你。」Christy突然一手捏著發呆中既我個胸。

「喂…呀…」嚇左我一跳。「你做咩啊。」

「呵~~~ 如果你唔介意，我可以陪你架~~」Christy奸笑一下。

「下… 你唔係……有男朋友既咩…」雖然我同過基佬一齊，但唔代表我可以接受同個女人一齊。 我百份百只係鐘意男人。

「哈~~ 玩下姐。」Christy笑著:「Vivian我係想你知道依個世界真係有好多壞人好多人渣，我地讀女校既人有時真係太單純啦…. 依個世界唔係咁簡單。 總之，你唔好局限左自己。」

似乎Christy都經歷左唔少….. 「唔… 你岩既… 我諗我會正視下我既問題。」

「哈~ 係啦~~ 考慮下我。 男女我都OK架~」

「喂…」依一刻我完全Feel到佢係認真:「咪搞啦… 我唔得架。」一下拒絕左佢。

終於有update

【從毒撚變成浪子 – 陪我走過的一些女性們】

【第一百九十一章】【Vivian視覺】

我有同Winson講，叫佢可唔可以唔好成日唔理我，比多D時間係我身上。 而佢係會陪下我，但搵我都係愛理不理咁，見面時佢唔係訓覺就對我冷淡。

或者應該話佢對我時冷時熱，想搵我搞野時就會主動搵我。 但佢有事做既時候就好似失蹤一樣，好難先可以打到比佢。

幻得幻失既感覺侵蝕我思考，過往經歷局限我既情感。 慢慢我發現自己離開唔到Winson。

唔想失去，怕再一次失去。 唔想再一次被抱棄再次痛苦。

我變成隨傳隨到既女朋友。

朋友都話我處於下風，做得太cheap比佢食住。

「Vivian你咁靚女，點會同Winson一齊架?」

「你可以搵過靚仔D既男朋友啦。」

「其實你知唔知你比佢呃梗?」

「點解要自己中個頭去個衰人度?」

「佢唔理你，我可以陪你啊。」

一切一切既說話傳到我耳內，但我完全冇聽入耳放係心中。 所有所有唔如意既說話我都聽唔到…

直到一日認識到Samson。

Samson係同學師兄，佢係第一個唔會不停講Winson壞話既人，只係不停係我身邊陪伴我。係Winson唔陪我既時間裹，Samson會陪我傾電話同我食飯，一齊行街一齊消磨時間…

冇咩幾多人知道Samson同我既關係，我刻意係學校同佢保持距離。

Winson似乎唔太介意我咁對佢… 有時候我會感覺自己好衰，當佢只係一個比自己扞時間既人，一個同我傾心事既人。

我真係冇想過同佢會有任何關係，只係當佢係朋友知己。

但…

但係又會想搵人攝時間？

【從毒撚變成浪子 – 陪我走過的一些女性們】

【第一百九十二章】【Vivian視覺】

Samson佢唔介意我對佢愛理不理，一心就係留係我身邊，唔會越界亦唔會唔理我。

係佢身上其實我睇到少少自己既影子。當Winson唔理會我時我就搵Samson陪，當Winson要我見佢時就係應承左Samson出黎都會立即推左佢。

我難受時總有人比我更痛苦，自覺好衰格，但我真係需要關心我既人。

家庭已經得唔到愛同關懷，愛情路上亦經歷得慘酷。 我只求一個會關心我既人…

Samson係我既光。

但同佢就係去唔到戀人既地步，因為我心入面就只有Winson。

Christy, Tina同Jesscia等人都不停同我講要放棄Winson接受Samson。

「Samson幾好啊。 對你好好。 個樣起碼好過Winson先啦。」

「winson真係有古怪啊，你唔好傻啦。」

但點都好，我就係覺得Winson會改變….

但Winson多次為我帶黎失望… 好多時都係搵唔到佢。 到底你去左邊? 只要一搵唔到Winson 佢一唔係我身邊，我就會亂諗野…

我真係唔想再次失去男朋友。

直到有一日，Samson又陪住我時，佢突然攬住我對我講:「Vivian我知道你有男朋友，亦知道你好鐘意佢，不過可唔可以真係唔好再愛佢啦。 見住你咁痛苦我人係好唔開心。」

「…..」 聽到佢咁講，我泛起好怪既心情。

佢真係對我好好，關心我成日陪到我。 但我真係唔想對唔住Winson… 因為佢先真正算係我第一個男朋友。

「我唔介意做第三者…只要陪係你身邊就可以。 你接受我好嘛?」Samson見我冇反應就再問我可唔可以。

「SORRY…」原本仍沉醉係佢抱擁之下，但當下我仍然係決定唔接受佢。

拒絕Samson後我反覆多次想打比佢，但都冇做到。 因為唔想比假希望佢…

最後我仍然係死心塌地去等Winson去比機會佢… 當然都係一次又一次地失望…

令我同佢分手既係我親眼見到Winson拖住第二個女人!!!我地迎面見到，佢都見到我撞破佢。而我竟然冇當場話佢!

而係喊住咁走去搵Samson….

【從毒撚變成浪子 – 陪我走過的一些女性們】

【第一百九十三章】【Vivian視覺】

當晚Samson出左黎陪我，而我一見到佢就只係攬住佢不停大喊著。 我只係想要一個膊頭比我好好依靠住。

Samson冇講野，只係雙手抱住我。

點解明明係自己死心塌地去愛既人就會出賣自己? 反而對自己好既係一個平日對佢呼之即來揮之即去既人…

唔知過去幾耐，我喊到好攰… Samson開口問我:「喊完有冇好D?」

佢依一句深深的刺到我:「點鮮你可以咁好人陪住我咁耐架…..」 想到佢陪我咁耐一直係我身邊，我係有好感動。

「因為… 我怕你有危險，唔知你一個人夜麻麻會唔會做傻事。」

點解你唔可以老實一D? 又或者係我諗太多，佢真係唔鐘意我。 但依一刻我希望有個男人會講一D令我開心既說話。

家庭同愛情已經唔好，學業又因為Johnson既事而考入唔係自己心儀既大學。 所有不幸都落於我身上… 點解? 我好懷疑自己係係做左好多錯事而受罸。

「唔…. 我冇野。 點會有事。」我答:「我咁唔好既人就算死左都唔會可惜。」 冇可否認Johnson對我打擊係最深遠，而Winson比我既就最痛。

「Vivian…. 唔好咁講，你咁好又點會唔可惜。 起碼…. 你身邊有我!」Samson突如其來既一句令我如中了箭般。

「下…」 唔敢相信自己雙耳。

「你知道嗎? 你係好好既女仔，如果你唔開心受傷，我都會好唔開心。」Samson對我講。

「…..」 聽到後，我係好開心原來世界上係有人會咁緊張我。

「…….」Samson再次抱實我:「有咩野你同我講啦… 我會陪住你。」

我有一刻心動。

但係好快就冷靜下來，佢會唔會只係呃我? 依一D情情愛愛既說話我已經聽太多。 Johnson Winson追我時唔係都有對我講過嘛? 只係自己太易信人….

Samson慢慢地將頭靠近我… 望住佢慢慢移近我唔識反應。 心入面就只係想住係唔係應該接受佢?

時間唔會停下，係腦海交戰時已經被佢吻下來。

心臟突然的大力跳動一下，將血液供給到我臉頰之上，一股火燙感襲到面上。

「唔好。」 我一手推開Samson: 「我有男朋友…..」 雖然Winson對我唔住，但我地一日未分手感覺上自己都係好衰。

因為自己曾經被傷害過一次，所以唔想自己會成為傷害人既衰人。 到依一刻我仲係想住Winson，唔想佢唔開心怕佢會受傷….期望佢會浪子回頭….

果晚我地咩事都冇發生過，而之後我仲有同Samson聯絡。 感覺上大家都係有隔模再唔同之前咁可以咩都傾咩都講。 我刻意地唔會再同佢講自己同Winson既事，怕佢又會再一次對我講一D會令我心動既說話….

最後…. 我都係未有同Winson分開，慢慢地samson好似係我生命中消失般冇再主動搵我。

我有偷偷去睇佢近況，佢識左女朋友，好似好開心。 自己見到佢開心，但我一D開心都冇，如果…. 當日我冇拒絕佢，可以幸福開心既人好可能就係自己….

始終都係fuck boy吸引過乖仔

【從毒撚變成浪子 – 陪我走過的一些女性們】

【第一百九十四章】【Vivian視覺】

Year 3 學期開始冇耐，Winson再次被我見到佢背住我做對唔住我既事。 足足一年時間… 我忍受咗一年!

佢唔理我，我都仲可以忍到。

但今次真係唔得…

本身係學校度佢話今日要去島大做少少野叫我唔洗陪佢，見佢個樣古古怪怪咁面上展示出一陣陰陰濕濕既笑容… 尾隨Winson同佢朋友3個人上左港鐵去港島方向。

係車上佢地3人有講有笑的，一邊互相研究電話上既野。 我唔知道佢地睇梗電話上既咩野，只可以見到佢地3個人個樣都衰衰格格咁。

從旺角轉乖荃灣線，我刻意地放慢腳步係兩度門距離位置上車。 想唔到自己會跟蹤自己….男朋友。 理論上佢地3個男仔出去，應該都唔會一齊去溝女吧??? 話晒自己係Winson女朋友，佢兩個朋友都知道，應該唔會有古怪既。

但唔知點解自己心血來潮，好想要知道佢背住我去邊… 或者係我想知道佢會唔會真係去見第三者。 但… 如果再次比我撞到佢同第三者一齊，我又係唔係可以恨心咁分手?

係金鐘，佢地落車!? 去島大唔係應該唔洗落車咩??? 唔係可以直接坐到去嗎?? 佢地去邊? 太古怪。

最後佢地係銅鑼灣落車上地面。 點會去銅鑼灣落車? 又話去島大? 仲唔係去搵第三者!!!!

自己不停在想，如果自己今次見到佢拖住第三者，我要當場去話佢。 要掌摑個賤女人!!! Winson都要掌摑! 我要狂摑佢個賤男人，就算佢跪地我都唔會停!! 比人拍片放上網都係咁話。 足足兩年多，同Winson拍拖時間越長，慢慢就發覺佢對我差。

以為情況會好轉，只要對佢好聽話就會有好回報…

恨已積聚好久，一切都忍夠… 見住Samson好開心咁拍拖，我認係自己心有不甘。 好想有好好既姻緣，開花結果! 我既訴求好簡單，只係想有人會疼錫自己!

尾隨佢地上到地面，3人唔係去銅鑼灣既商場行，反而走向灣仔方向… 點會去灣仔方向? 越諗越唔明白!

富士登頂團?

【從毒撚變成浪子 – 陪我走過的一些女性們】

【第一百九十五章】【Vivian視覺】

【日本山大廈】 位置灣仔銅鑼灣交界，樓高21層的日本山大廈，內裏一樓一單位林立，連日本旅遊書及網站都有介紹，一直是警方掃黃打擊對象。

【包膠】由22樓頂層開始「洗樓」，發現大部份未開工，去左食完個下午茶再上去就多返女睇….

見住Winson上去依個日本山大廈，我上網睇到既資料係…. 我當埸跪左係地上喊。 想不到會係自己先跪低… 人都未見到就跪低左。

一切都唔需要解釋! 諗都諗到上面係咩地方。 進進出出既都只有男人…

「小姐….你冇事下話?」街上既途人慰問我:「係唔係唔舒服?」

「冇事…. 冇事….」我唔想比人睇到我係街上爆喊，一個人行到附近喊….

冇想到自己男朋友係咁既人! 佢去偷食同其他女人一齊都叫乾淨D，但佢係去叫雞…. 你叫我點接受? 我比雞更唔吸引嗎?雞都不如?

再想到Winson叫完雞又同我上床，一陣嘔心感覺。 我覺得自己都好污糟。 點解Winson係咁既人… 佢唔係話好愛我咩? 點解愛我又要去溝其他女仔? 依家仲要去叫雞!!!!!!!

我企係街角呆望大廈大門，等待佢落黎。 要當場問佢點解要上去叫雞。

唔能夠好似之前見到佢拖住第二個女仔咁，而自己冇當場問佢咩事。

佢咁鐘意叫雞嗎?? 哼。 我一陣見到你一定會當街話你! 咁鐘意叫雞嗎?? 哼。 我一陣就上去大廈做雞!!!

當下我只有一肚火，怒不可遏!!!

等下等，Winson係第一個落返黎既人!!!

一見到佢我就好嬲好嬲!!!

但冇上前去責問佢上去做咩…. 一個人渣，上去問去又有咩意思呢??? 佢要去叫雞嘛? 就由得佢啦。 我已經無謂係街上同佢嘈。

偷偷影左佢係大廈門口既相後我就走了。

的確，自己好冇用。 點解咁都可以忍到佢?!? 點解唔當面話佢? 而選擇係Msg佢問佢去左邊….

我唔可以問朋友意見，因為唔想好似唱Winson去叫雞咁。 最後我想到去問Christy師姐。 佢只係叫我分手:「Vivian咁你都仲忍? 唔好咁傻啦，男人好多都係賤人，諗下我啦…..」

「….. 唔好玩啦….」心諗佢唔係直左既咩? 「我收線啦….」

「好啦。 要我陪你就打比我啦。」Christy好好人地對我說。

我send msg問Winson去左邊:【你係邊?】

【咪話要去島大囉。】 佢好快就回我。

【係咩? 依家係島大? 我想黎搵你啊。】唔知點鮮會咁問，佢已經係講梗大話呃我，點解我仲要去試佢呢???

【下? 黎咩啊，我開梗會啊。】佢回我。

【有人話見到你係銅鑼灣啊。】

【??? 邊會? 一定係認錯人啦。】 佢仍然死頂。

最後我send左相比佢睇，佢就打比我。 我冇聽… 一個人行! 關上電話一直行… 行下行下我行到去灣仔碼頭，就想坐船過海，吹下海風….

一個人呆坐係由灣仔開往尖沙咀既船上。 船程上我見到一個男仔，佢一臉傷心地發呆，同我一樣地呆坐船上。 佢外表一面俊俏的，望住電話上既社交媒體不停看著一個叫Kristy既女仔既近況，從佢眼神我見到佢同我一樣傷心….

同我一樣係情傷吧? 雖然佢坐我左前方，但佢既傷感之情我仍然可以見到，亦感受得到….

或者天下間係有好人，只係我未相遇上吧? …. 對我好既人…. 會錫我既人唔係一直都係自己身邊嗎?

Samson…. 我自私地打比佢。 雖然知道佢經已有左女朋友。

人兄，識D野WOR

你鋪排得好，唔難估到

又學到野

追到Live

【從毒撚變成浪子 – 陪我走過的一些女性們】

【第一百九十六章】【Vivian視覺】

「喂….?」Samson把聲唔似以前。

「唔得閒?」似乎我打比佢唔夾時間，相信佢同梗女朋友一齊。

「唔係…. 咁耐冇搵我咁突然打黎既? 幾好嗎?」

Samson以一種同朋友傾計既語氣同我講野，聽到後我有少少失落。 係突然之間既感覺… 我失戀好想有人陪自己，但係連會陪我既人依家都對我冷淡，有咩辦法唔失落!?

「冇… 你唔得閒就算啦。 冇咩事…」我唔想阻到佢影響到佢同女朋友既關係。

「啊…. 唔係啊。 我OK!!」過左一陣我聽到佢好似走左去另一個地方，我聽到背景聲音唔同左，佢再講:「你係唔係有D咩事? 話比我知啦….」

突然佢又用返之前果份溫暖柔情既音調慰問我:「我聽得出你好似唔開心….」

「唔… 唔係啊。」點解Samson可以咁細心聽得出我唔開心? 點解對我好又了解我既人係你唔係Winson…..

「下? 要唔要我出黎陪你? 不如我依家出黎啦…」

「下? 你…. 得咩?」佢唔係陪梗女朋友咩? 同我出黎你女朋友會唔開心架…

「…. 咁你唔開心，我梗係要陪你啦。 你而家係邊度啊? 我黎搵你。」

雖然我唔知佢係唔係陪梗佢女朋友，亦唔知同佢出黎岩唔岩，不過我決定左同佢見面。 因為依一刻我好需要人陪我。

結果帶咗去爆房

Vivian帶Samson去爆房

一爆就爆咗四日

【從毒撚變成浪子 – 陪我走過的一些女性們】

【第一百九十七章】【Vivian視覺】

「Vivian… 你點啊?」

同Samson約左出黎見面，一見到佢我已經咩都冇講一下攬住佢。 攬左好耐好耐…佢都有攬住我。

慢慢我發覺佢對手慢慢移到我屁股對上既腰部，有意無意之間更將雙手放到輕輕地掃。

我冇出聱去拒絕佢，可能佢只係唔小心。

但我發現佢竟然將左手放到我屁股之上，右手就向上掃到我腰部，同時將頭靠近我想吻下來。

我同佢四目交頭，淚眼盈眶既我一時間方吋大亂如像一個失去思考既人般迎下Samson既吻…

當時我的身心其實都感到特別的冷，然後Samson一路抱我一邊親吻下來，我可以感覺到Samson的溫暖，就一下子傳遞到我的全身。

我被佢打動了，身心一下子放鬆下來，任由自己去接受Samson肆意的觸碰自己。

「Vivian…不如去….酒店啦。」

突如其來的一句，將我拉回來現實中。

回過神來既我意思到自己正在做梗傷害人既第三者。 我唔係好恨Winson溯女咩? 唔係好恨佢去叫雞咩? 如果自己應承Samson去酒店，咁佢女朋友會好慘….

「你…唔係有女朋友架咩….?」雙手輕輕的發力壓住Samson胸口，將我地距離拉開一點。 「你咁樣做，會唔會對唔住你女朋友….?」

「…..」Samson遲疑了一下說:「唔會。 我同佢其實冇咩感情可言… 我…. 一直都係鐘意你….」

「….」當下我係高興左一下，雖然一直都估到佢對自己有意思，但Samson親口對自己講又另有一層意味。 不過… 我都係過唔到界線，佢唔可以越過我依條紅線。

我情楚地講出底線:「SORRY… 我真係唔得。 被出賣既心情一D都唔好受。 你都係好好對你女朋友啦…….」

但Samson冇放開手，反而更用力地攬住我: 「Vivian…我其實唔鐘意佢，你先係我心中既第一位。」samson情深的對我講。

我差一點就心軟應承佢….我想叫佢立即同佢女朋友講分手，說到口邊卻冇說出口:「唔得… 我仲未放低Winson…. 而且，我唔想你背叛你女朋友啊。 你明唔明? 自己被傷害過，唔想自己去傷人…….你都係好好地對你女朋友啦…..」

終於將佢推開:「Samson多謝你肯出黎陪我啊…. 不過你好好對人啦，唔好做衰人…. Byebye啦….」

之後我就一個人離開左…..

Pish