【從毒撚變成浪子 – 陪我走過的一些女性們】

淫

【從毒撚變成浪子 – 陪我走過的一些女性們】

【第一百三十九章】

當日我加班左個幾鐘，同事都走光了。

打算離開時聽到會議室傳來「咯咯」既聲音… 心中不禁想起一個傳言 – 有唔少同事一個人加班時都會聽到辨公室某D地方傳來奇怪既聲，有時會有人聽到水流聲又有D人試過聽到打字聲。

當時人都肯定冇其他人係公司內，而慢慢都開始傳公司有污糟野。 當然冇人親眼見到有鬼，不過公司D人都開始唔敢一個人加班，尾二走既同事一般都會提一提仲工作梗既同事一齊走。

我心諗屌啊，點解全部人走晒冇人叫我走架?

正想拿拿林走人之際，我再次聽到有聲音，今次好明顯聽到係有人打呵欠聲仲要係一把女聲，仲好似見,到一個身影閃一閃過…. 當下我個心離左一離。 會議室大門玻璃門前突然出現一個身影!!!

我被嚇得彈後左一步。 門打開了係Vivian…

我地對望而視… 我先開口: 「岩岩聽到有聲，所以走過黎睇下。點解你唔開燈?」 會議室冇開燈，我又唔醒起Vivian係入面做野，所以嚇到了。

「哈…我對左成日數對眼好攰所以熄左燈休息左一陣…. SORRY啊，你唔好話比我老細先我岩岩偷懶啊…..」Vivian雙手合拾做出一個請求既樣。

唔知佢有冇發現我比佢嚇到… 「哦… 我走啦，你仲唔走?」

「嘩~ 原來成7點啦，要快D做野啦….」Vivian仲青算做落去。

「下? 你仲做? 得你一個人WOR…..」

「係啊，趕住星期五前要交啦，想唔加班都唔得啦….」Vivian雙手差腰拉根，胸部一挺一雙豪乳立即顯露出來。

我不自控地定眼望左下，好大下! 好似有D。

但Vivian好似注意到我望佢個波… 立即放下雙手再拎起水樽放胸前:「斟水再做多一陣先走啦。」

「唔係嚇你，不過我諗都要同你講聲… 我地Ofiice成日有人話自己加班時會聽到有怪聲….佢地…」我都未講完Vivian已經好驚。

「喂呀… 唔好講啦，我好驚架。」Vivian雙手放到耳邊要掩蓋耳朵。

「我走啦，你仲做?」我偷偷一笑問。

「走啦走啦…唔做啦。 唔好留我一個係度….. 」Vivian立即執野同我走人。

同佢兩人離開公司返到皇后大道東，我問佢行邊個方向佢答我去灣仔。於是我地兩個一齊行。

「你岩岩話公司有野係真架….?」Vivian講起公司既事:「係唔係話有個信差係依條街行黎行去派信果個啊……. 係真架…?」

鬼信差…. 的確係有人咁講過。「我唔知係唔係信差係我地公司派信啊，只係有同事話成日聽到有怪聲，不過冇人見過。 你唔洗驚，可能只係同事自己嚇自己又或者係唔想加班既藉口姐~~ 哈….」

「下… 但我岩岩見到你係會議室門口個樣真係好驚下WOR…..」Vivian好似暗示梗我細膽。

我不甘示弱:「你唔信依個世界有鬼咩? 你望下上面….」我手指向我地右方既石梯:「依條就係好有名既船街啦，上面有間叫南固台既地方……. 」

「啊…. 唔聽啊…. 唔好講!!! 」Vivian被我嚇到再次雙手掩耳，雙乳被佢一夾我又唔小心被吸引住。

「哈~~~ 好好，唔講啦。 你咁驚~~~ 」為左唔比佢再次發現我偷望佢個胸，我扮望後面既家具店。

「你要買家俱?」Vivian觀察力好強。

「睇下姐，張茶几好似幾好咁。」我望住店內一張茶几說。

推

【從毒撚變成浪子 – 陪我走過的一些女性們】

【第一百四十章】

「真係幾好睇咁，不過會唔會太細張呢?」Vivian認真地研究。

想不到佢唔係hea答我就算:「我一個人住間房又細依張差唔多啦。」

Vivian雙瞳擴大表現得有點驚訝:「你一個人住架?」

我行近店舖玻璃窗細心地看茶几:「係啊，一個人住旺角。」望下價錢一D都唔平。

「要唔要入去睇?」Vivian見我正用心望住所以問我。

「唔啦，睇真D又唔係真係咁襯我間屋。」其實係真係太貴，一張金屬懷舊款式茶几要成3千蚊。

「你屋企係咩風格架?」Vivian用手輕輕的將長髮撓到耳後。

漫不經心的動作配上佢精緻容貌的確令人着迷，實在太有吸引力。

「咩風格? 亂囉。 一個男人住就係得個亂字，冇風格可言。哈~~」我雙手攤開示意無奈。

佢眉頭一皺沒好氣的說:「咁你知道亂又唔執下野? 亂糟糟住得好唔舒服。」Vivian年齡應該大概23-4左右，外表生得後生但化妝及穿上斯文既返工衣物後外表可愛中又帶一點成熟。

「哈…. 你好似阿媽咁叫人執野….. 係呢你幾多歲?」我突然想知道佢幾大就問佢。

「下……」Vivian表情由一面厭棄變成生氣的樣子:「你意思係我話你唔執野似你阿媽啊?我依家好老咩?」

沒想到佢會咁諗，一樣生氣既佢都好可愛。當然我知道佢只係扮嬲: 「唔係啊。 你好後生啊……」 停一停我故意激佢: 「媽咪~~」

「喂呀! 衰人!!」Vivian左手一拍打向我手臂上，傳來沉實既回響。 「依~ 你係唔係有做尖架? 好硬啊你。」

佢講起好硬時嘴角上揚一臉讚嘆的模樣。 一個女人讚自己硬當然係好高興既事啦! 我隨便揚手將上臂二頭肌谷出老鼠仔來:「有做下咁啦，不過唔夠大隻啊，冇D健美先生咁爆!」

「依…. 果D太大隻好肉酸。」Vivian意思係我依個身型係最好吧?

其實我都唔鐘意做到咁大隻，操到太大會好似好遲鈍咁。

話題又轉返去年紀上:「咁你到底幾大?年齡係女人秘密唔講得?」

「嘻… 我23啊，畢左業之後做左1年野之後轉黎依度。你又幾大?」Vivian反問我。

怎麼總係覺得佢問我幾大係問梗我巨龍有幾大咁? 「我大你3年啊，畢業就入黎依度做。」

Vivian覺得好神奇:「做左3年? 點解唔轉工既?」

「都有諗過走既….曾經…」之前同Kristy分左手後真係好想離開，不過最後冇走係因為自己總係好想留係Kristy身邊，好想自己同佢仲有機會一齊。 就算佢個心唔係我度，都仲希望佢個人會係自己身邊出現。

但到左今日，我其實已經唔記得同Kristy一齊既日子。 時間果然係醫治失戀既良藥。

不過，今日同Vivian一齊行皇后大道，我發現我對Vivian既感覺同當年同Kristy一齊離開公司既情況交接起來…

去到合和大廈的馬路，我同vivian都停下來準備過馬路。 「咁夜，你返屋企食飯定同朋友食飯啊?」

「我冇叫屋企留飯比我啊，」Vivian半怪責我的說:「唔係你岩岩嚇我，我會買野返公司食完再OT架。」

我打消了做gym既念頭:「咁岩我都一個人食食，陪我一齊食飯啦。」

Vivian沉思著…

我好想佢可以應承同我食晚餐，因為我想同佢相處多一陣。

食埋晚餐再食埋Vivian

【從毒撚變成浪子 – 陪我走過的一些女性們】

【第一百四十二章】

Vivan同我搭地鐵返九龍。 9點多既車廂內乘客唔多，但我地選擇左企係車內。 列車發出支支聲音，車卡在微微搖晃著，我地身體亦隨著車身擺動。

Vivian身上幽幽的香甜香水氣味飄來，是否剛剛佢係餐廳補上了香水? 怎麼可以保留咁長時間?

列車一個急停，Vivian企唔穩，正好我一手將Vivian撐扶著:「啊… Sorry…..」Vivian尷尬地向我道謝。

「要唔要坐下?」我提出。

「啊…好啊。 你就到啦WOR…」Vivian輕撥自己頭髮，雙眼靈巧而極富有吸引力。佢雙目異常的吸引著我，令我不鹿自拔地唔去定眼去細望佢。

「係啊。 」我不自覺到望左一下列車顯示版:「我同你一齊深水埗落車啦，我想返一返去阿爸阿媽屋企。」

其實自己根本冇需要返阿爸阿媽度，只係咁見多Vivian一陣。我補充:「我本身住長沙灣，係深水埗一齊落啦。」

「噢…好啊。」Vivian甜笑左一下，佢似乎意識到我會送佢返屋企，而佢既反應似乎唔介意比我去送佢。

Vivian問:「點解你一個人搬出去住既?」列車已去到太子站。

「一個人住自由D啊。」唔知點解太子站好怪總係傳來陣陣難以形容既怪氣味，幸好Vivian既香水味將其實臭氣都蓋過了。

「一個人住好似好開心，不過好貴又比租又要做家務…」Vivian看似好似有自由既生活。

「家務? 要做既咩?」我開玩笑地說。

「哈~ 你就唔洗做，我先唔會啊，由得自己間屋亂晒，住都住得唔舒服。」

我鬆一鬆膊一臉輕鬆地說:「唔執野都冇野啊，我屋企好舒服。」

「呵… 唔會囉。 唔執屋一定住得唔舒服!」Vivian面上帶有少少厭棄的說。

我不甘被看不起挑釁佢說:「你唔信? 咁你敢唔敢膽上黎我屋企睇下?」

上屋企!上屋企!

坐過夜！坐過夜！
今晚扑嘢夜唔夜！！

【從毒撚變成浪子 – 陪我走過的一些女性們】

【第一百四十三章】

「好啊! 怕你啊上咪上囉，依家行啦。」我幻想Vivian會咁對我講。

當然實際佢係答:「哼，你就想啦。 平時你都係咁呃女仔返屋企架?」 Vivian撓起身對我作出防範。

「哈… 你講咩啊痴線。」我係有咁諗過叫Vivian上黎，如果佢上左黎我就一定會同佢發生關係，只不過事實往往得理想係唔一樣。不過我冇講大話，我真係叫女人上黎參觀而係直接問D女上唔上我屋企搞野。

「哈~ 唔信你。」

我地已經到左深水埗站，我同佢一齊行送佢返屋企。 Vivian家庭背景同我應該差唔多，都係住單幢樓。

「我到啦~ 多謝晒你送我返黎。」Vivian走到自己屋企大門前轉身面向我，雙手放係背後Vivian看似一個小女孩般可愛地望住我向我道別。

「唔….」我有少少唔想佢咁快走:「咁聽日見啦~」但我又可以點? 唔通拉住佢唔比佢走?

Vivian甜美的一笑:「聽日見啦~~ BYEBYE」

佢既笑容好靚，如箭一般刺穿我心口一下。

Vivian比到我既感覺久違了既心動感，今日既相識就好似當時同Kristy認識時一樣。佢地兩個好似…

離開時我既心就一直諗住Vivian。

好想同佢一齊…

但又好怕… 可能佢感覺有少少似kristy。 唔係樣貌既似，而係佢比我既感覺好似。 同時我對佢既心情都一樣，極度似當日我對Kristy既愛意。

我既愛有如烈火般很難抑制住自己內心的激動之情，而另一方面我們害怕做出不合適的行為導致Vivian離我而去… 就好似當日Kristy認識另一個佢認為比我更好既人而選擇離開我。

我真係好怕失去，好怕認真去拍拖。

我叫自己唔想去愛上Vivian…

【從毒撚變成浪子 – 陪我走過的一些女性們】

【第一百四十四章】

當夜，回到了旺角自住的單位，我仍舊在想起Vivian，不自主的打了一個text給她。【岩岩返到旺角屋企啦。】

而Vivian亦好快地回應:【咁快既? 唔係要去你父母屋企咩?】

【對唔住我講左大話呃你，因為我見咁夜想送你返屋企，怕你一個人返去有危險。 又知道你會覺得唔好意思叫我唔洗送咪話要返娘家囉。】

【多謝。】Vivian回得相當的高明，一個笑笑口的公仔及一個簡短的回應，令我不禁更想知道她此刻心情如何。

到底依一刻Vivian又會唔會同我一樣期待我再同佢傾更多計?

第二天早上，我買左早餐返公司 – 一份三文治。 Vivian比我遲一D到，佢應該係先返自己辦公室再來。

佢冇特別同人打招呼就入左會議室。

為打開話題我text佢:【遲到?】

冇耐佢就回: 【我係自己office做完野先黎架。 】

【食左早餐未?我買多左半份三文治，你食?】

佢回我一個傻樣【邊度有得買半份三文治? 平時我都食唔晒。】

【有啊。 我買完比半份你咪有囉】我知道自己好似係追梗佢，但一邊又怕自己後悔。 追唔追佢都後悔…

【咁我唔係度你分比邊個食?】Vivian問。

我就拎起文件同半份三文治入會議室，當然係辦公室內我都唔太敢明目張膽就咁拎三文治入去。

「多謝啊… 喂… 你下次可以同Kirsty分啊。」

「下…」當然佢係講梗肥Quit啦:「我諗….半份佢應該好快會餓…」

「嘻… 我話比佢聽….」Vivian接過我手上”文件”:「不過佢都應該要減下肥…」

「我又話比佢聽先。」我一臉奸相的回應後走出去做野。

【】冇耐vivian又回我一個鬼臉。

【食完就認真做野啦，一陣你又要OT】我又嚇佢。

喂男人返屋企又叫娘家架咩

推,加速

【從毒撚變成浪子 – 陪我走過的一些女性們】

【第一百四十五章】

食Lunch時間，Vivian行黎我座位果面，微笑對住我Vivian越睇越耐看，佢既笑容像蜜甜般吸引著我。「行得啦。」Vivian說。

我當然知道Vivian唔係同我講。「OOK~」肥Quit回應。

佢兩個又約左食飯，我目送Vivian出門口。

Vivian同我似有密契的扮成唔熟對方，尋晚我地一齊放工食飯坐車都彷彿冇發生過一樣。 可能係自己想多左，又可能只係我強行將自己既想法代入Vivian之上。

Vivian會唔會同我一樣唔想比同事背著我地指指點點?

同幾男同事一齊食飯，席間話題拉到Vivian之上。

「黎做audit條女幾正咁!」同事甲講起「家明你就好啦可以同佢接觸!」

「做野姐…挑….傾得兩句計有幾正?」我回應。

同事乙一臉提子的說:「有得傾下都好啦……」

同事丙不滿:「家明你有得同靚女傾計就好啦，仲係度話咩做野…依家你攞正牌可以同靚女傾計啊….. 」

「….. 你地可以去同人傾計架~」我雙手放到後腦一臉招積地回應。

「屌你啦!」甲乙丙齊聲係茶仔內插我，引來附近食客注意我地。

「靜啦….你班友嘈住人食飯啊。」我細聲講:「係公司就唔好同同事搞關係啦….」 因為有Kristy既經歷，我對辦公室戀愛唔睇好。

而且我對愛情真係冇信心….

「喂一陣我地不過叫茶飲問下Vivian飲唔飲啦。」同事甲提議。

「好啊。 一齊我去問佢先。」同事乙自動請纓去搵vivian

同事甲&丙「頂你啦，我去。」

「都話左唔好亂搞男女關係….」我說。

「喂我去啦。」「唔得…我去啦，你一陣要交報告啊。」「你兩個唔好去啦，比我去啦。」 三人冇理會過我。

「三個一齊去問啦…」最後3人達成共識。

「真係唔好搞男女關係….」我自個說…. 佢地3個仍舊興奮地討論著:「拿…一陣邊拎比佢先?」

又係一論討論… 我經已唔出聲，因為佢地3個人自High地討論，冇理會過我…

回想起黎，咁多個人去追女仔，就好似之前我同Kristy一樣，幾個同事都同時同佢有意思。

見住佢地3個係度講自己想追Vivian，心入面又有少少拿住拿住。

返到公司後佢地3個真係去問Vivian飲唔飲野，之後又真係買左返黎。 仲要係3條友一齊走出去買返黎，唔係做野一樣。

最離譜係佢地見肥Quit同Vivian熟就幫肥Quit都有份飲，但3條友仔冇問我飲咩…. 真係PK!

【你冇叫野飲既?】Vivian text我。

【冇啊…. 我鐘意飲咖啡多D!】我又冇理由話佢地唔叫比我。

【噢… 我好鐘意飲珍珠奶茶架。】Vivian加個公仔上黎非常開心咁。

【Enjoy~ 快D飲完快D做野，今晚唔好OT啦~ 我會準時走人。】

【下…. 得我一個人…. 唔好啊……… 我好驚架衰人…..】Vivian好似真係好驚。

我係位見到會議室之中既佢，佢雙眼怒目望住我。

正呀, 支持樓主

【從毒撚變成浪子 – 陪我走過的一些女性們】

【第一百四十六章】

甲乙丙3人久唔久又會借D易入去會議室搵Vivian，我都看在眼裹。 Vivian同佢地傾得好似幾高興。

內心不禁有點怒火，總覺得Vivian同其實男人傾計傾得咁開心! 唔通佢都係D花心既人? 佢好鐘意收兵?

「呵呵~~ 果3隻狼狗真係呢….」肥Quit同我都望住入會議室內:「係公司都咁揚真係大膽啊….」

話口未完我地部門一個高層經過甲乙丙3人附近時刻意清一清喉嚨，3人立即烏獸散。

我同肥Quit互望偷偷恥笑甲乙丙3人。 「抵死~~」肥quit竟然將我內心既想法講左出黎。

「家明你覺得Vivian點啊?」肥 Quit問我。

我先係呆左半拍:「下?」

肥Quit奸笑左下:「問你覺得Vivian點。」

「幾靚女啊。」其實我對佢幾有興趣。

「哈~ 咁你會唔會追佢啊? 人地咁靚女，一陣比人追左就冇架啦。」

「下，你傻左?」我其實真係對Vivian幾有興趣，只係我唔係太識去控制自己既思緒。

「哈…考慮下啦。」

話題結束，我眼睛雖然望住電腦，但個心又諗住Vivian…

【今晚你真係唔OT?】Vivian係近收工時text我。

【我唔OT你又唔OT?】

【好忙啊….】佢回答我，似乎係想我留係度陪佢。

【留係度我冇野做。】

【咁我拎返屋企做啦..】Vivian比左個喊樣黎。

【今晚我陪你做一陣，你陪我食飯。】反正冇飯食，同Vivian食都好。

【DEAL~ 】Vivian比左一個甜笑公仔我。

當晚我放工時間我扮忙留係公司做野，同事都走得七七八八。 會議室可以望到我個位，Vivian久唔久會睇下我係唔係度。我見辦公室既人都走光晒，去左pantry沖野飲。

電話響起係Vivian打比我:「你係邊啊?」

「Pantry飲野啊。」

「嚇死啦以為你走左人啊…. 行開又唔話比我知。」

依個時候我竟然衝口而出:「我又點會離開你WOR…」講完之後我發現自己講錯野。

大家都停左一下冇出聲。

最後都係我先開口:「我就出黎啦，你放心啦。」

之後我拎住兩杯熱飲入去會議室: 「沖左杯朱古力比你啊。」

本身做野做到好攰既Vivian感動地說「多謝啊… 你點知我鐘意飲朱古力架!」

「我留意到你台面放左幾款朱古力而且尋晚食野都係飲朱古力，所以我估你應該鐘意。 而且朱古力可以減壓，飲左會開心少少。 見你OT咁耐好似好大壓力咁….」

「嘻… 你都幾細心WOR。」Vivian拎起朱古力飲左一啖:「唔~ 好好味道。」

其實果杯只係普通三朵花牌朱古力沖濟，不過Vivian都飲得一面滿足的樣子。

「唔~~ 有得飲朱古力感覺好幸福啊~~」Vivian坐係位望住我講。

到底佢係真係覺得飲朱古力好幸福定係感覺有我沖比佢好幸福?

依一刻我同佢兩人共處一室，大家都放下係辦公室內扮工既情緒同表情，Vivian同我對望而坐，一邊望住佢工作一邊欣賞佢因為一杯朱古力而幸福高興既笑臉。 我冷靜既內心不期然的泛起了微微的漣漪…

加多d 速

【從毒撚變成浪子 – 陪我走過的一些女性們】

【第一百四十七章】

已經唔知等左幾耐時間，我邊坐著玩手機邊偷望著工作中既Vivian。

「做完晒啦~~~ YEAH!!!! 」Vivian終於做完audit。

「咁快做晒?」我有點驚訝:「兩日就搞掂晒幾年既數???」

「係啊。 嘩~ 9點架啦，快D走啦。」Vivian望一望時間。

「係WOR我都唔知原來已經9點。」掛住睇佢肚餓都唔記得左。「 一齊走去食野啦。」

由於已經9點，冇幾多餐廳好選舉，我同Vivian去左公司附近仲開梗既茶餐廳快快食完就離開。

「一齊坐地鐵?」我問佢。

「唔。」Vivian輕輕的點頭。

「你好攰啦。」從佢臉上既神情可以得知佢好需要休息。「送你返屋企啦。」

「下…唔洗啦… 我自己返OK啊。」Vivian似係客套地回應我:。

「見你個樣好似好冇精神，怕你行行下暈左係街啊。」同Vivian並排而行既我對佢講:「你做完晒audit既野，之後咪冇得見你….咁多囉，送你返去可以見多你一陣啊。」

「…. 哦…好啦。」Vivian輕巧的走到我面前靈巧地轉身說:「比你送我啦~」

Vivian轉身行之前我見到佢咀角微微向上的笑著。

我急步跟上佢步伐行去金鐘方向坐車，上到車有座位坐，佢一坐下已經訓著左。

列車行駛著，Vivian的頭緩緩的向我傾下來，我輕柔地用肩膀將佢既頭托住，秀髮隨風漂蕩於我面前，陣陣香氣都傳到我身心處。

依一刻我就彷彿擁有著Vivian，像世間一切都像停止了只淨下我們二人。

喜歡朱古力、一齊收工、一齊坐車、一齊食飯… 一切都同Kristy好似… 到底Vivian既出現係上天要我不停的回憶Kristy定係代替Kristy?

我好想好想攬住Vivian…因為我已經失去左Kristy…一個令我對愛情失去信心既人。 但我又好怕再一次的痛… 我唔敢去愛一個人，就好似Zoe、Sasa同Kimmy咁背住自己另一半偷偷的去同其他男性有過經歷…

我怕自己受傷，亦好怕自己會傷到人。 Connie同阿Ling都比我傷害過… 因為自己痛過所以更了解對方受傷會有幾難受…

我似乎失去了對愛情的期望… 我知道一開始時兩人有幾熱戀著，都有變淡既一刻，只係時間問題。 就好似煙花一樣，任你如何的煙花催燦美麗，最後都會燒完一切都歸於平淡，原本火紅的天空終會回復黑暗平靜，留於空氣間的煙火氣味都會被風吹散。

反正結局都係一樣，我又何需期待愛情?

推

響巴加油

繼續加速

今個星期好忙，下星期再出