【從毒撚變成浪子 – 陪我走過的一些女性們】

【從毒撚變成浪子 – 陪我走過的一些女性們】

【第一百一十八章】

「好耐冇打邊爐啦正啊喂。」我同joseph3個人一齊食野，同左SASA一齊後我冇時間搵幾個兄弟，依家冇左我有返時間又可以搵佢地。

同兄弟地一齊玩都唔錯。

「點啊你同空姐?」Joseph飯後問我。

「冇左啦….」提起SASA我又有少少在意，本身以為自己可以放低佢。「唉….」

「咩事啊?一邊飲野一邊傾啦。」Joseph同我去飲野，另外兩個兄弟兩個都話要交人冇一齊去。

「終於得返我同你兩個，唉…. 可以傾得盡興一D!」我同Joseph交代自己同SASA既野。

Joseph眉頭一皺:「家明…唔好介意，其實SASA 鬧得你啱架。你自己瞞住阿LING屌閪就得，SASA同第二個人扑嘢就係臭雞咁唔公平，唉…你地都係各取所需姐，算數啦。」

「唉….我都知自己PK，不過唔係話咁易就可以忘記既。」

「就好似JOEY咁講，你上一個上一課啦，灑脫啦。出黎玩就應該個態度要改變!」Joseph真係久經戰事所以心態咁高??

「吊你啦。 你講就易姐，傷果個又唔係你。」回想起SASA樣甜身材又好，真係好可惜。

「有幾傷呢? 上次你個Kristy傷定依個空姐傷?」Joseph竟然剌中我心深處。

「…..」

Joseph見我冇反應又講:「拿~ 你睇。」

我跟隨佢手指方向望:「家明你睇下依個世界幾多女~COME ON!! 目光放遠D啦! 你有樣有身型已經好有優勢啦。 黎啦，你信我。 只要你想，你就可以成為一個浪子。」

點解Joseph講到成為一個浪子一個人渣好似係一件好光榮既事一樣…..?

我冷笑一下:「希望我可以啦…. 唉。 有時會覺得同阿LING一齊都唔係壞事既….」

「唔…識欣賞人既好處優點係好事黎。 不過你Sure?」

「Sure咩?」我唔明佢咩意思。

「Sure…玩夠? 又或者應該問你。 你真係愛阿LING?」Joseph兩目好似睇穿我一樣。

我呆左未比到反應佢。

依家我問自己，到底對阿Ling係咩一回事? 真係鐘意? 我真係開心? 真係想同佢一齊?

「你要諗咁即係你自己都覺得你同阿LING有問題啦…係咪?」Joseph冷笑一下: 「佢幾大?」

「33A好似。」我話。

「吊… 我問你佢年齡啊，佢好似大過我地?」

「係。大過我地。」

「你話過佢係好想結婚，仲去左睇樓打算同佢一齊。 如果你諗真自己係想同佢一齊，覺得自己已經玩夠想停低求安穩生活，你就同佢結婚啦。」

Joseph既話重重打擊到我。

「家明，如果你個心係定左落黎依家就唔會同我係度飲野，而係同華少阿文兩個交人陪女朋友啦，係咪?」

「….」

Joseph講得岩，我似乎仲未定到。 我個心就好似湖面既漣漪一樣，不停迴盪。

「諗清楚啦。 如果真係仲想玩就唔好拖住阿LING啦，放手反而對佢係更好既決定。」Joseph講完依句就走左去對面同女仔傾計。

無音巴從來唔會令大家失望
浪子go go go

浪子=人渣？樓主你冇野？

從毒撚變成浪子
毒撚->中間好多轉變包括人渣->浪子
個故都未完, 做咩啫你

誰明浪子心=誰明人渣心？
其實你地知唔知咩叫浪子？
本來覺得幾好睇，但係愈睇愈覺得唔對路

個故完主角都未變過浪子你先嘈啦

【從毒撚變成浪子 – 陪我走過的一些女性們】

【第一百一十九章】

望住joseph可以自由自在鐘意做咩就做咩，我好想自己都可以咁做咩都唔理後果。

到底自己有咩唔可以拋低?

原因係家人，家人覺得阿LING好好，希望自己同佢可以發展落去。阿媽一直灌輸我既係要專一，依個觀念植根係我腦內。

我覺得自己被飛後一直痛苦就係因為自己太專一，我唔可以冇左Kristy，因為同佢拍拖既目標就係為左要同佢結婚。 當自己一失去，就一無所有…

就好似阿媽當年發現阿爸係大陸包女人一樣，果一刻佢心碎左。 當時阿媽不停話比我知，告誡我一定要專一。

不過阿嫖冇同我講其實女人都會變心，女人都會好唔專一。 可能係時代唔同左，唔再係當年阿爸阿媽時代咁單純吧?

時代唔同左，我既思想係太守舊。

------------------------------------

第二日，我搵左阿LING出黎。

「今日唔洗OT既?」阿LING佢問我。

唔知點解，阿LING比我感覺好似對我有少少疏離感!?

「係啊，好耐冇見咪唔OT囉。」要講分夫係要勇氣。 自己未層主動講分手，以往都係比女飛，開始自己真係全心全意咁去愛另一半同時自己又好怕傷到人。

但今日我要主動講，因為我唔希望再拖落去，只會傷阿LING更深。

「我地去邊好食咩好?」LING問。

「你想呢?」我冇諗過今日同阿LING出黎做咩好，只係一心打算同佢講分手。

食飯期間我地都好少對話，我實在唔知應該點去面對佢。

飯後阿LING撓住我手:「我地好耐冇咩咩啦….」佢係我耳邊講。

「哦…」我唔知仲應唔應該同佢做愛。

最後我都係同佢去左時鐘，因為我唔知道自己如果拒絕同佢做愛，佢會唔會好HURT…

完事後，我地訓係床上，阿LING問我:「家明… 你係唔係唔再愛我啦?」

想唔到佢會問我…

我冇答佢亦冇望住佢，我怕望住佢對眼，我怕….

「我知道你唔愛我…」阿LING講。

「…..」

「唉… 你係唔係出面有第二個?」佢問我。

唔通佢見到我同SASA一齊?

「做咩唔出聲? 有?冇?都係一個字，咁難開口咩?」我FEEL到阿LING則住頭望住我。

我唔知點講口去講，最後我都係開唔到口。

「你走啦… 我OK。你走先啦。」阿LING講。

「SORRY… 你唔好咁啦…」本身下定決心，但最後我又唔識開口….

「你走啦，我OK!」

我唔知點面對佢，我真係走左人。 留低阿LING自己一個係時鐘內…

最後，我SEND左個text比佢:【阿LING對唔住，我覺得自己配唔上你。】 我諗左好耐先打到依句比佢…

咁咪好囉，可以專心去玩

好sad 不過長痛不如短痛

【從毒撚變成浪子 – 陪我走過的一些女性們】

【第一百二十章】

係社交媒體上，我留意到阿LING去左club玩，似乎佢一唔開心就會去玩。

我知道自己做得好錯，但只怪阿LING唔好彩，係唔岩既時間同我相識。

自己既心態上有好多改變。 突然間我覺得好輕鬆好自由，自己做咩都可以唔需要交代比任何人。

而依一刻我好想搵SASA，同佢講自己已經分左手。 Text打到一半，我冇send出去，因為覺得自己同SASA好難再一齊，唔知自己可以點同佢一齊。 特別係知道佢同鬼佬機師有路，自己一諗到佢食洋腸又會怕佢會背住自己偷食。

不自覺間，覺得自己對Kristy既心痛感減少左好多。 係時間既關係? 定係Sasa既出現呢? 可能兩個原因都有影響。

可惜係SASA同我冇可能… 為左減少傷痛感，我係咁出去玩。 當然同Joseph一齊去玩。

依一刻我內心想法係玩。 不停去YO女，留精不留情。 夜生活好豐富五光十危，每個周未係中環都會有我。

放縱自己，好似搵到一個新天地一樣。 果一刻我驚醒了，原來自由自在係咁好。 唔需要同另一半交代。

當然，同緊家人住既我仲係要同阿爸阿媽交代自己夜晚去左邊。 為左可以自由到底，我決定搬出去住。

係旺角租左一間有廳有房有Lift搭既大劏房住，大約$9000蚊一個月，用左多個人工一半去租，錢冇咁多，不過換取左更大既自由度，鐘意做D咩玩D咩都唔需要同任何人交代。

一至五返工，放工做gym或者同朋友同事食傻玩，周未就去中環玩仲可以同D女返屋企過夜。

我同D女既關係就係只有一夜情。 因為我唔想有手尾跟，唔想將感情投放係女人身上。 係夜店認識完，個樣岩既就一齊返屋企做愛，搞完野第二朝最多就會同條女一齊食個早餐就會講BYEBYE。

我過左1年多好開心好精彩好自由既生活。

一年後既我，突然有一日好失落…

Kristy派帖？

突然就跳咗一年嘅

因為就完
利申9估

【從毒撚變成浪子 – 陪我走過的一些女性們】

【第一百二十一章】

原來女人可以咁易上到，係夜場既女人面上就好似印左【搞我啦】一樣。 基本上我上前同佢傾兩句，飲幾杯跳下舞就有下場。

「家明。 依排個樣做咩咁殘?」肥QUIT問。

「係啊，打機打到好夜啊。」我無可能同同事講自己個個星期五,六都玩到夜一夜之後同女返屋企。

「哈~ 快D搵返個女朋友啦，咪咁宅。」肥QUIT續講「要唔要我介紹朋友比你? 朋友岩岩分左手啊。」

以我經驗好多肥婆既朋友都會係靚女，靚女都鐘意同一D唔得既女性做朋友，好有機心!

「係~ 睇下咩樣先啦喂~」我只係出於八卦唔係真係有心去識女朋友，因為我自覺自己鐘意玩女。

「拿~ 睇下啦。」肥QUIT將佢電話交比我。

「OOH~ 幾純下。」我睇左一眼將電話交返比肥QUIT。

「點啊，要唔要幫你約出黎啊，食個飯啦。」

「啊。 唔好啦，好尷尬啊。」我是但講下野去推。

「怕咩姐，佢好女仔黎架。」

「啊。 睇得出佢好純，我就怕我會誤左佢啊，一個咁純品既女仔我配唔上。」我再推。

肥QUIT都似乎明白自己SELL唔到自己個朋友比我。

不過，依一刻我真係諗自己有冇需要拍返拖。 個個星期唔同女，真係好正。但我發現自己內心就好唔充裕，我好似想要返女朋友去陪下我，同我傾計。

但你叫我再搵女朋友，自己又好擔心自己會被出賣。 Kristy, Zoe, Sasa 同Kimmy既故事都令我對男女關係好有保留，加上自己依一年時間同過大大話話三四十個唔同既女人搞過野，真心覺得D女好順便。

「你係唔係玩厭啦?」Joseph同我食飯傾計。

「唔!? 點解咁講呢?」

「你係。 似乎你真係玩夠啦。 哈~~~ 好事。」

「下?」

「之前你同果個Kristy分手要生要死咁，你依家咪就係變到冇晒事，係咪?」

的確係，曾經我真係以為自己生存唔到落去，Kristy就好似我個心臟一樣，失去左就冇左心跳。 但時間同經歷都慢慢令自己心態改變左。 我唔再係睇得愛情好緊要既地位，或者應該係話自己對男男女女之愛睇通左唔少，唔係你背叛我就係我背叛你。

Joseph再講:「D女係好易食到，依家感覺好空虛?」

「唔…好似係。」我想了一下:「唔知做咩事，去玩果時係好開心，又食到女搞野梗係正。 不過，一做完就會進入聖人MODE…. 好似差左少少野咁…」

「啊~ 咁你可能要返愛情。 不過拍拖後又可能會個心好想KEEP住玩~ 哈……….. 你玩開就好難收到架啦。除非….」

我問Joseph:「除非咩?」

「哈~ 好廢既答案! 除非你搵到個真心愛大家既人，而果一刻你真係覺得冇左佢唔得要結婚既人。」

要結婚既人…. 其實自己一直都係咁諗，想同人結婚組織一個家庭! 但經過咁多年，拍拖分手又拍返拖，不停被背叛被拋棄卻令我對拍拖愛情失去信心。

我好怕再被出賣再受傷。

所以我寧願自己去玩，玩完就算。

Live

【從毒撚變成浪子 – 陪我走過的一些女性們】

【第一百二十二章】

上天總算對我不薄。 不! 應該話厚待我。

【幾好嗎? 好耐冇見。】電話上傳來Kimmy既text。

我同佢傾談後約左佢出黎見面飲咖啡。同sasa仲係SL關係時自己都養成飲咖啡既習慣，所以約左Kimmy去cafe飲野。

見面後我幫Kimmy買左咖啡對視而坐。

平日既cafe冇咩人好悠閒:「咁好既今日放假約我出黎。」我意思係咁好放假唔搵男朋友陪。

Kimmy微笑回答:「係啊! 見咁耐冇見咪搵你傾下計囉~~~」穿上白色冷衫綠色格仔短裙長BOOT既佢依舊的美麗動人。 但笑臉上可能感到有點悲傷感。

「噢~係啊好耐冇見。 」見到佢情況我會想起佢感情出左問題:「近排都係返工放工做下GYM咁，你呢? 」我冇講自己既花花生活，因為對住Kimmy總係有少少保留，唔想比佢知道自己荒唐既生活。

Kimmy放下咖啡:「我都係咁，返工飛來飛去放工就冇野做咁。」

哦? 放工冇野做? 「哦? 放假唔去搵下朋友既?」

「啊… 都冇咩朋友好似我咁放平日架啦，哈~~ 點約? 係呢，你今日又會咁岩放假既?」Kimmy感覺同之前唔同，少左一入冷漠感多了一點悲哀的感覺。

從佢回應可以FEEL到佢同果個機師冇左。

「我? 我要返工架，不過知道你約我，立即同公司拎左假，係呢….」我提起杯:「Issac同你點?」我即時飲杯咖啡同時細心觀察對坐的Kimmy面上神情轉變。

果然係出左問題!!! 佢眼神微微的睜大點。「點解你知道佢叫Issac既……? …. 我地分左手啦…」

「唔…. 其實我都係估下，見到你social media入面有唔少相佢都有like，而你又有like佢咪去睇下佢。 果次係酒吧上我離遠望落去見到佢架車同個人，match返佢D相唔難估啊。」 好似早就諗定點答。

「哦… 唔…. 係啊。我地冇一齊啦。 我同佢分左手。」

「你主動同佢講?」希望知道佢點解分手。

「係啊。」Kimmy講起來明顯仲係好唔捨得:「我知道佢都係唔會同我係女朋友…」

即係當你係SP啦!!! 依個我一早知，只係你就係要比佢呃。

「唉…. 佢真係好賤。」依個時間當然要落井下石啦!

但想不到會係搬石頭砸自己的腳!!!

「係，男人都係衰人…..唉…」Kimmy想起往事眼淚就谷到眼眶。

「啊… 咁又唔係個個都衰既…哈…」我暗示自己唔係….我知道我自己一D都唔係一個好人啦當然。 自己往績都唔係好，背住阿LING同SASA發展，其實自己同仆街Issac一樣咁仆街。

Kimmy望住我:「…. 你唔洗陪你女朋友咩?」明顯佢係暗示我依家都係背住女朋友同佢出黎，暗示當時係酒吧中我同佢差一D就去左搞野既事。

反正我已經冇包袱在身就同佢老實講:「我一早已經冇拍拖啦。」

「下… 果時見你同女朋友好似仲好好，一陣去飲架點會….」Kimmy淚水未有落下來，面有泛起一分驚訝半分喜悅之色。

「唔… 你要聽我講事實?」

「唔。 當然!!」Kimmy點頭:「我唔鐘意人對我唔老實。」

「好….. 其實果日你走左之後，我就覺得自己對女朋友既感覺唔同左。 冇耐我就同佢分左手啦。」為左証明，我拎左當日同阿LING 既對話出黎。

「….. 對唔住啊…..」

「傻架咩… 講咩對唔住…? 」

「因為好似我搞到你地分左手咁…..」Kimmy有點歉意同內疚:「…. SORRY….」

「傻啦，係我自己既決定，我唔想呃佢。」我移一移身體將上身貼近一點:「我唔想再呃自己內心既感覺!」

「…..」Kimmy兩額一紅的移開視線望著自己隻杯。

「唔…. 其實你唔洗比回答我，依段時間我都係等梗你，我唔介意再等。」

「……」佢既面變得更紅。

【從毒撚變成浪子 – 陪我走過的一些女性們】

【第一百二十三章】

「係啊，不如我地出去行下啦，難得你放假出黎。」為改變一下氣氛我提議出去行下中上環半山。

漫步太平山街中，我地四處影相漫步傾計。 我已經好耐冇好似咁同異性行街傾計。 每次都係夜場入面跳完就直接去搞野，除左身體上既交流外就再冇其他交流。

依一刻我竟然有少少心動覺得心好甜，係久違了既感覺。

同Kimmy平排而行，距離保持著貼近的，時有手臂觸碰。 Kimmy冇刻意避開，我經常有意的擺動手去碰她。

行到PMQ時，我竟然將Kimmy同Kristy兩人串聯一起。 當年常會同Kristy黎拍拖，中環一帶係我地成日黎既地方。

如今同Kimmy一齊行，我看到了佢同Kristy身影重疊起來。

自己心知Kristy已經係過去，我亦已經放下佢。 但舊地重游思潮卻擁上心頸。

「做咩發呆?」Kimmy見我呆望PMQ內某一間店舖。

「呀….冇。 諗起以前一D野，記得之前依間舖好似唔係賣衫好似係賣精品架。」我記我自己係度買左一對耳環比Kristy。

「哦… 轉左手應該係生意差啦。 你睇今日平日都冇咩人行依度。」Kimmy手擺背後看來心情放鬆唔少。

「係啊。」我跟上佢:「陪你行走咁耐心情有冇好少少?」

「啊~ 行下街可以少D諗野既。」Kimmy反問:「你依家諗起你EX?」

佢既直覺同觀察力都好強，我亦無謂講大話。「哈… 你又知既? 我咁易睇穿?」

「呵~~~ 係啊 一眼睇穿你諗梗咩，驚唔驚?」Kimmy偷笑著。

「你知唔知你唔同左? 岩岩識你時覺得你好COOL好冷漠。 依家好似笑多左咁….」

「唔….」Kimmy轉身面向我倒後行:「今日見到你同你傾計好開心咪笑囉~ 嘻~~~~」

「下???」

「多謝你陪我啊~~~ 今日我放鬆左唔少。 」kimmy轉身背住我往前行。

即係佢覺得同我一齊好開心?

「今日出左黎好耐啊，聽日要早飛同唔到你食飯啦。」Kimmy別過頭來對我說。

「哦… 咁我地下次仲可唔可以出黎?」冇想到我會咁問佢。

「梗係可以啦~~ BYEBYE」Kimmy微笑一下就突然離開。

唔通係佢知我諗起EX所以唔開心就突然離開我?

心入面有少少唔開心。 唔開心Kimmy就咁走左去，亦唔開心自己仲會諗起Kristy。 但我似乎有少少記掛依一種感情上忐忑不安同心痛感。

我係唔係應該定下來再拍返拖呢?

食main course

等睇男主同Kimmy一齊，然後Sasa黎搞破壞

[url]毒L方面係真的[/url]

又比你估到，我咪又要改劇情

我亂估而已，不過其實前文已有跡可尋

【從毒撚變成浪子 – 陪我走過的一些女性們】

【第一百二十四章】

係某大社交媒體內見到Kimmy upload左張相，係一個男人既影子地點係太平山街內。

【輕鬆自在的一天，多謝你。】冇tag任何人，但我知道果個影係我，冇人會認唔到自己既影子吧? 加上我地今日就係去左果度。

女人特別咁提起自己，當然唔會冇野吧。 見到我係好開心，Kimmy似乎幾重視我。

只係自己未可以下定決心。

第一，Kimmy內心應該仲好鐘意Issac，如果唔係佢今日唔會約我出黎散心。第二，我自己都係好怕自己再受傷，因為Kimmy曾經背住Issac同我有曖昧仲差少少發生關係(當然係因為Issac仆街在先)。 最後，因為自己對自己都冇信心可唔可以乖乖地唔再玩，怕自己會重蹈Issac覆辙被帽。

點都好，我text佢問:【Happy that you post “me” in your fuckbook!】

佢只係回左一個魔鬼笑臉。

之後我冇再回佢。 無論係追佢定唔追，我都要忍下手唔好理佢住。

當然我有睇佢D野，upload左自己飛左去韓國既相。 唔知佢係唔係同Issac一齊飛呢…. 如果係又會唔會又搭上返?

係胡思亂想之時又竟然收到Sasa text我。 【你追梗Kimmy? 】

唔使改，睇住你寫出心目中嘅劇情走向，其實某程度上係好正