【從毒撚變成浪子 – 陪我走過的一些女性們】

995 回覆
71 Like 8 Dislike
2020-06-30 18:58:14
謝謝支持
2020-06-30 20:35:40
支持響巴
2020-07-01 00:11:42
係 女神kristy係好pure好true
2020-07-02 17:59:04
【從毒撚變成浪子 – 陪我走過的一些女性們】

【第十八章】- 【主動】

「…唔…. Kristy今日有冇特別野做?」

「…. 你想約我?」

「係啊。」我想都唔想就回應。

「唔…. 本來就想約表姊出去,不過如果你依家約我,我就出黎啦。」Kristy總算肯比我約出黎。

------------------------

今日我約佢出黎睇戲,確實我唔太知可以同佢去邊好。 就睇下戲之後食飯傾下計,似乎都唔錯。

我比約定時間早左半個鐘到尖沙咀,先買左戲飛後就坐左係Cafe等佢。

「哦~ 你咁早到既。」

「HI…你都好早,早左10分鐘到!!」想唔到Kristy咁準時。

「係啊… 唔想你等太耐嘛….啊~ 我地好似第一之正式約出黎。」

我想一下:「好似係,之前都係放工出黎,仲有一次係咁岩係街見到。」

我地有1個鐘時間就睇戲,可以食少少野,於是我地就係cafe入面叫左咖啡同Cake食。

「唔~ 好好味啊個朱古力蛋糕~~~」Kristy食左一啖朱古力蛋糕,驚覺個蛋糕非常好食,露出一個如同小朋友食糖果一般可愛又天真既表情。

「唔~ 我個芝士蛋糕都好好食啊。」

「我想試下……」Kristy已經舉起支叉準備要食我件蛋糕。

OH~ 佢要食我食過既蛋糕,咁我地咪即係間接….KISS?!? 我將件芝士蛋糕推向Kristy:「可以~」

Kristy一吉,將我件芝士蛋糕一角輕輕切去了:「嘩~ 好濃既芝士味啊~」

「係啊好好食, 你好鐘意食芝士?」

「其實芝士同朱古力都好鐘意。 你要唔要試下我個牛古力?」Kristy反問我。

喂喂喂….個感覺真係好似情侶。

「好啊~」我立即回應。

Kristy用自己支叉切開件朱古力蛋糕,之後將件小小既蛋糕用叉送未我面前…

係唔係要餵我啦? 我係唔係要用口接…? 我當仁不讓地將口打開。

「….你做咩….?」Kristy呆左一下,將佢件朱古力蛋糕放到我隻碟上….

我立即面都紅晒,好大既誤會… 我太自作多情吧….。

「嘻…」Kristy偷笑一下:「我唔會亂咁餵人食野架WOR….你又唔係我邊個….」佢一臉輕鬆又帶點挑釁地對我講。

其實依段日子,我地兩個人一齊出街傾計whatsapp,我相信大家都已經feel到對方既心意,只係我地都唔做多一步。

當然依一步係要做男人既我主動去行。

無可否認,尋晚Dave同Kristy一齊返屋企,令我感到危機,加速左我既決心。

今日我要同Kristy示愛。
2020-07-02 19:25:19
依然好響巴style
2020-07-02 21:29:46
唔係無音個security就得
2020-07-03 22:57:39
家明應該可以certified
2020-07-04 08:41:28
好sweet呀
2020-07-05 13:02:28
文呢
2020-07-05 17:59:34
【從毒撚變成浪子 – 陪我走過的一些女性們】

【第二十章】- 【如同幻象般的快樂】

「好啊!」kristy冇甩開我既手,簡單的一句就應承了做我女朋友。

我係唔係發梗夢? 就係咁我地就一齊左。

「啊…」我傻笑左一下。

「行得啦傻佬…..」Kristy同我一樣傻笑左一下就拉住我渡過廣東道。

你我兩人漫步著尖沙咀,走過繁華既彌敦道,人與車間左右穿插,你同我手一直的拖著。

步往那滿佈人群而嘈雜的加連威老道,遊客混集著行李喼既雜亂行上,你與我就如同存在於兩人既獨立空間之內。

你共我進入潮流集中地利時,每走一層樓每進入一間鋪,我都可以見到路人都在為你我祝福。

甜在心頭Kristy同我一齊既每一刻都被這感覺所包圍,我就似活在幸福之中。

往後一年時間,我每日都活係幸福之中。

----------------------------------------------

「家明哥~ 你就HAPPY啦。」華少同阿文約我出黎打邊爐:「約極都約你唔到。」

「啊… 岩岩拍拖就一定見我密D架啦….哈….」我甜笑著回答,我個腦時時刻刻都係諗住kristy,邊食飯都電話不離手的同Kristy對話。

--------------------------

「喂~ 家明今日又唔同我地食?」Zoe問我。

「約左kristy一齊食公司食。」公司既人都知道我同Kirsty一齊左,我地可以話冇保留地公開我地關係。

「哈…. OKOK! 儲下錢都好既,快D買樓結婚!」Zoe邊笑邊離開座位出去食。

同時公司內有好多唔太熟既人,特別係秘書們都會撩我傾計,了解一下我同Kirsty拍拖既事。

-------------------------------

「阿媽,過一排同女朋友一齊返黎食。」

「下…. Connie?」阿媽聽得明我句中提及既人唔係Connie

「係啊。 同Connie冇左一段時間啦。 岩岩同左同事一齊啊。」

「哦…. 咁….好啦。 同事都好既… 幾時黎?」阿媽反應冇咩特別。

「轉左女朋友?」食完飯後阿爸係廚房問我。

「係啊阿爸。」

「哦…. 好啊。 你比Connie飛?」

「啊… 算係啦。」

「唔… 真係? 定識左新女朋友所以飛人?」阿爸有點唔信我。

「咩啊? 你都唔係唔知我對愛情幾認真既人。」我半帶暗串地回阿爸。

「唔! 對愛情認真係好既。 咁下星期我地出街同你女朋友食啦。」阿爸走左出去。

-------------------------

【同左阿爸阿媽講下星期六一齊食,我地出去食你想食咩?】我whatsapp Kristy

【好緊張啊…. Uncle Auntie鐘意食咩架? 中菜家日本野?】

【不如食中菜,老人家唔多食西餐。】 我阿爸阿媽都係只食中餐既人。

【唔洗擔心,我家人好隨和架。係呢…. 再過幾星期就係你媽咪生日,你係唔係話想果日介紹我比你媽咪識?】同時我都想可以快一D見Kristy家人。
2020-07-05 22:47:04
Nani?!?!
2020-07-06 18:11:10
【從毒撚變成浪子 – 陪我走過的一些女性們】

【第二十一章】- 【美好的開始】

「買咩上去好? 死啦…. 餅乾又好似好行咁….家明點算?」Kristy同我正係SOGO係梗,人多到痴左。

「唉呀….」一個自由行用行李輾過我隻腳:「冇所謂架,我家人真係唔介意太多,是但買就OK。」

Kristy眉頭一皺:「點可以WOR,第一次見Uncle Auntie,唔可以咁亂黎。依個朱古力好唔好呢?」Kristy拎起Godiva禮盒:「好似好好食啊」

「我地買一盒自己食啦。」朱古力係Kristy最鐘意既食品之一。

「下….傻咩,依個好貴架。」kristy放低禮盒。

我頓感一絲安慰,kristy真係識諗。

「我地買櫥櫃入面果D啦,新鮮做又可以要鐘意既味道~~」Kristy目光已投到櫃內既朱古力上。

「想食邊隻啊?」見到Kristy望住朱古力既樣,我個心都熔化左。

走了幾圈都係諗唔到買咩比我阿爸阿媽好,但我地就買左9粒散裝朱古力同零食飲品。「差唔多夠鐘睇電影啦~」

「噢…係WOR!! 咁我地睇完先再買禮物。」kristy拖住我離開SOGO。

----------------------------

「死啦…. 買咩好? 最衰係你啦,尋晚睇玩電影又話要食野,食完都買唔到野啦。」Kristy係怪責我時都特別可愛。

「唔怕啦…. 」我地約左係尖沙咀食飯,我約左Kristy係天星碼頭等:「我地去海港城入面睇下super city有冇野岩啦。」

「City Super啊白痴仔。」Kristy比我引到笑左一下:「快D行啦,仲未怪完你啊。」

「係係~ 行啦…. 啊…係啊你今日好靚。」

Kristy今日著左一件連身及膝裙,上身一件薄冷衫,化上一個比淡妝,眼睛份外明亮的。完完全全係一個外表討老人家喜歡既樣同裝扮。

「哼? 咩我平時唔靚架咩?」Kirsty輕輕一拳打到我腹上。

我作勢份下痛:「哎呀….好痛啊…..唔敢啦。 你日日都係咁靚啊。」

「哼。」Kristy再輕力打我一下:「好假啊你….衰人!! 」

「唔係啊。」我舉高3個手指:「我發誓我冇呃你。」

「唔??? 真係冇???」

「係~ 一世都唔會講大話呃你!!」我認真地說。

「嘻….」Kristy望實我:「我都係唔會呃你。」

「我愛你~」

「我都係~」

Kirsty同我係上海港城既電梯上輕輕的擁吻著。

-------------------------------

飯後我送kristy坐船返港島。

「好緊張啊岩岩…Uncle Auntie會唔會唔鐘意我架?」

「下? 放心啦,岩岩一見到你我見阿爸阿媽都笑得好開心,你又送左D靚水果比佢地,佢地一定好錫你啦,就黎錫你多過錫我啦。」

「啊~~ 你有我錫咪夠囉!」Kristy用個半帶嬲怒既樣作勢要扭我耳仔:「你唔想Uncle Auntie錫我咩?」

「啊….痛啊。」我又扮下痛:「有你錫我就夠啦。」

「唔!!」Kristy一個可憐樣:「咁你唔錫我架?」

「錫錫錫~ 我錫晒你~~」 係開往港島既上層渡輪上,我輕輕親吻Kristy。

我真係好開心,只要係同Kristy一齊,我既世界就會變得幸福。
2020-07-06 20:32:58
甜到糖尿末期
2020-07-07 08:49:06
好鬼sweet
2020-07-07 08:52:03
好甜
2020-07-07 15:11:17
【從毒撚變成浪子 – 陪我走過的一些女性們】

【第二十二章】- 【熱戀中】

「家明,Kristy住係灣仔半山?」星期日阿爸問我。

「係啊,黃泥涌道果面啊。」 用電話睇梗越來越唔知想做咩既one piece既我答。

「你見過人地家人未架?」阿爸飲住啤酒問。

「未啊。」

「人地唔肯見你啊?」

「唔係,過兩個星期見啦,佢阿媽生日。」

「唔… 咁你記得買禮物比人阿媽啦。」阿爸入左房。

阿爸入左房冇耐,阿媽又出左黎,咁多年黎佢地都係貌合神離的「阿仔,Kristy幾靚女啊,拍左幾耐?」

又問Kristy野,我有點不耐煩:「大約兩個幾月啦。」

「哦… 同Connie分手係你飛人?」

「唔係啊。 和平分手。」算唔算和平呢? 分手原因係佢做保險我唔鐘意…之後就冇再搵大家。

「係就最好多。 如果比我知道你係因為Kristy靚女就飛人,你就知死。」

阿媽好唔鐘意人唔專一,更加唔會鐘意一D搶人老公男朋友既女仔:「真係架阿媽,係分左手個幾月先同Kristy一齊。」

「唔… 咁好啦。 尋日食飯聽你講佢住半山,好有錢既?」阿媽同阿爸問同一舍問題,佢地真係冇交流。

「係啊,住灣仔半山。」我hea答。

「有冇見過人地家人啊?」阿媽問。

「未啊,約左幾個星期後見佢阿媽。佢生日食飯。」

「哦。 咁出街食定屋企食?」媽好似幾關心喧。

「應該出去食。」我HEA答佢。

「記得買份好D既禮物比人。 啊…第一次見家長,你買多一份比人爸爸啊。」阿媽出於關心的提我。

「比佢阿媽得啦,佢阿爸唔係同佢地一齊住….」我唔太想講比阿媽知,不過遲早都係要講的。

「下? 唔係一齊? 佢地離左婚架?」阿媽既反應同我估既差唔多,都係好驚訝又不安。

「離左婚….」

「咩事離婚啊???Kristy阿爸玩女人啊?」依個話題觸動到阿媽神經同八卦既心態。

「下…我冇問咁多啊。」我只係知道佢地冇一齊,但唔敢問Kristy太多,此終我地都係岩岩拍拖,唔可以太快問咁深入既野。

「唔….佢媽咪本身好有錢? 住半山咁勁既???」媽不停地問一D我都未知既野,我真係覺得好煩擾。

「唔知啊,我真係冇問啊,下次有機會先再問佢啦好唔好?」我既回應足夠令阿媽唔再問落去。

「唔… 咁你好好地對人啦,阿媽見到你同kristy拍拖拍得好開心都好安慰….」阿媽準備去沖涼。

-------------------------------

同Kristy如常地拍拖返工,我地係公司附近都會拖手同一齊食飯,同事都有少少習以為常。

阿Dave可能係見到我同Kristy一齊,心中有剌,向公司請辭了。 Farewell就一家要搞啦,但由於唔同team關係,我避左冇同佢食。而Dave竟然大膽地約Kristy要兩人單獨食,仲要係Dinner。

當然Kristy先問準我,係依個時候我真係唔知比唔比佢地兩個去好。

比佢地兩個去,我又唔知佢地會做D咩。 我唔係唔信Kristy,只係唔信阿Dave。但唔比佢地去,又搞到我好似好小氣好唔信Kristy咁。

係依個時候我決定問一問女同事Zoe意見。

「唔。 咁就緊係比佢地食啦,點都好做個樣出黎要做到好似好大方咁。 唉~ 何況你同Kristy日日見lunch又一齊放工又一齊走,真係唔悶咩?」Zoe答。

「點會悶??? 可以日日見幾好。但係我好擔心啊…佢地兩個去食晚餐….」

「…..怕咩啊? 唔通Dave會食左佢咩? 定你唔信你女朋友?」Zoe冷笑一下:「有D信心啦!」

「…. 係…..」

「你叫Kristy食完飯打比你咪得囉,表現到好似好大方又唔會唔緊張Kristy咁。」Zoe好有信心咁同我講。

--------------------------------

Dave last day果日就同kristy食晚飯,而我就真係比佢地食,係佢地出去食前我whatsapp Kristy:【你同阿Dave食完飯就打比我啦~】

佢回應一句:【好啊。 會掛住你~】後面貼左一個錫我既公仔。

跟住果一晚我非常的食唔安坐唔落,係屋企就如熱鍋上的螞蟻般不停出入廳房。我開始又亂諗野,我都唔知道點解會喧,對比以前Connie,明顯地我係更緊張Kristy!!! 我覺得同Kristy拍拖日子好快樂好甜蜜,我深深感到自己好愛Kristy!

我好想好想日日夜夜都陪佢Kristy身邊,唔知道Kristy依家有冇諗住我呢? 好想打比佢或者Whatsapp佢,但係Zoe提左我,叫我食飯期間唔好搵Kristy。

依一刻既心情非常忐忑不安心亂如麻!!!
2020-07-08 08:50:58
有文
2020-07-10 04:30:01
支持響巴
2020-07-10 07:53:06
響巴返嚟啦
2020-07-10 19:16:31
依排好忙,出唔到文
2020-07-11 03:02:26
唔緊要
2020-07-11 16:21:52
【從毒撚變成浪子 – 陪我走過的一些女性們】

【第二十三章】- 【慶祝生日-小波折】

「喂! 我返屋企啦。」係kristy打比我。

「咁快食完既!!!」大約9點就收到Kristy電話,比預期早打比我。

「都食左個幾鐘,食完佢送我去車站就走人啦。 一上車即刻打比你啦。 係唔係好乖啊我?」Kristy好知我心意知道我掛住仍又好緊張佢同Dave食飯。

「好乖啊你。 唔…其實我岩岩好想打比你,不過又怕阻住你食飯…」

「嘻嘻… 你好好啊,肯比我同Dave食,你知道佢之前想追我都但我出去食,仲要叫我食完先搵你,令我覺得你好好,好信任我。」Kristy真係好似Zoe所講既一樣,好開心我咁信佢。

「係啊,咁我梗係要信你啦~~~ 不過我唔信阿Dave之嘛。」

「哈哈~~~傻瓜!!!」

之後我就用電話一邊傾一邊”送”Kristy返到屋企。

今次加強左我對Kristy既信心,同時我係Kristy心中成為左一個好信任佢既人。

---------------------------------

同Kristy收線後,就有一個意想不到既人打黎。

CONNIE

我諗左一陣,應唔應該聽呢?

「喂…」我用一把比較冷淡既聲去聽。

「HI 你幾好嗎?」Connie用以往既聲音同我講野,唔通想搵我同佢買保險?「幾個月冇見啦…」

「係啊,幾個月啦。 我都係咁過啦。你呢?」

「都幾好。 就放完假要返學啦…」

「咁要比心機讀書啦你。」再同仍傾,我會覺得好對唔住Kristy,所以想盡早收線。

「唔… 我會。 我就快生日啦…. 你….會唔會同我食飯?」係,就快到Connie生日,我仲記我。不過冇諗過佢會再搵我同問我約唔約佢食。

我已經有左女朋友,如果同EX出去食飯會好對唔住Kristy:「係…就快生日啦WOR! 不過你生日果日好忙,我應該要加班啦。」不過我又覺得直接同佢講已經有左新女朋友又好傷佢。

「係啊…. 唔….定係你怕你女朋友唔鐘意?」Connie語氣有點灰的話:「我有講你FB….知道你同個女同事一齊。」

突然醒起FB真係冇秘密!! 已經冇得好呃,反正Connie都知道就照直講:「係。 我有新女朋友啦….」

「…..」佢冇出聲,停左好一段時間。

電話聽筒中,我聽到幾下低聲忍泣。

「….」我好似都係傷害左Connie:「你冇事嘛?」

「嘶…」一下鼻酸抽搐既聲音:「你地一齊左幾…耐?」

「….唔….一齊左兩個月左右啦。」我如實同佢講。

「….即係…我地分左手冇耐….你就同左第二個…一齊…?」Connie有點不滿的問。

「係…」

「….」Kristy又一陣沉默。

「你點啊?」我唔知可以講咩,女人眼淚係我唔識應對既一樣野。

「下星期同我食飯!」Connie語言堅定的同我講:「夜晚我黎長沙灣搵你…」

「…. 但我有女朋友啦….」

「我生日啊….」

「….」今次到我冇聲出。

「….. 最後一次啦….我想有你同我過生日….」Connie有點軟弱地求我。

「….咁好啦….」我諗同Kristy講約左華少阿文應該冇問題….. 我當Connie只係朋友姐…..

我唔想Connie傷心,就同佢出最後一次慶祝生日啦。
2020-07-11 16:26:32
同佢出最後一次
2020-07-11 19:33:17
「….」Kristy又一陣沉默。


btw 男豬gg
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞