無音響子
2021-08-31 16:56:40
【從毒撚變成浪子 – 陪我走過的一些女性們】-【第二百零五章】
【Vivian視覺】
你我並肩而行,默不出聲的行。
仲有兩個街口就到我屋企,氣氛有點不自然的。 我內心有無盡既說話想同家明講,卻又唔敢對佢講。家明既表情告訴我佢有野想講但又欲言又止…
有D野,我好似feel到但又怕自己有誤會。
其實我好期待家明會拖住我,唔比我返上去。 好想佢會今晚同我表白… 但又好怕自己再次碰上壞男人。
「我到啦…」終於去到我屋企樓下,心裹雖然有萬般不捨得但還是要說出口來。
冇想到家明會突然的攬住我錫我一啖….
我面上露出了一絲漠然,呆滯了片刻後才有反應:「喂…你做咩野啊…」同時我將佢推開。
佢一面自然的說:「你知我對你有興趣架。」家明面上完完全全係一個理所當然既表情,佢同我講:「唔好返上去。」
一時間我好怕… 唔識點去反應:「點解啊? 唔返上去做咩事?」 佢突然錫我一下,我內心竟然冇嬲既感覺… 反而問佢點解唔返上去….
而我冇想到家明會咁回應:「我想同你搞野。」
我唔敢相信自己有冇聽錯?!
家明一直以來比我感覺都好好,佢好似一個好人,冇想到我再次遇上了一個壞男人。 原本我好期望家明會對我展開追求…
經過時間既沉澱,我覺得自己可以再次行出一步去試下拍拖。家明係一個令我再次有感覺既人。
但…不竟世上賤男何其多… 原本家明都係其中一個人渣,我真係好傷心…點解家明你可以講出口…? 竟然叫我同你搞野….佢突如其來的帶來了無盡失望。
「啪」家明被我打了一巴。
「賤格!!!」我望家明一眼轉身後,我面上已經露出萬般的懊惱同傷感,眼淚默默落下。
再次轉身已經係lift門關上之時,我冇望去大門外。 因為我唔知道家明會唔會仲企係大門外睇住我。
-------------------------
【家明視覺】
到底講咩好? 一時間自己唔知可以講咩好。 氣氛怪怪地… 自己對Vivian好似有D意思,但又怕自己再次傷到人。
係心裡最怕既係… 同佢係同事。
自從Kristy後我深深明白係果度食唔好係果度痾既道理! 拍拖時同事已經係背後指指點點單單打打的,分手後更加係有銳心之痛苦不堪言。 之後同前輩Zoe發生肉體關係後,佢更加因為唔想面對自己而選擇離開公司…
人生一切總係帶有氣限既遺憾….
Vivian…我唔知自己對你點。 好想同佢開始卻又擔心自己再次受傷…又或者係怕害左佢。
用情深自己會痛苦,但唔用真心去對女性就會變得如同玩物的看待佢。 雖然好極端,但我真係唔識點去平常心去看待愛情…
家庭背景影響我好深遠。 阿媽要我用情專一但結果係換黎痛苦… 我知道自己比太大壓力Kristy令佢怕左我。 更加重要既原因係我係窮L一個…
「我到啦…」Vivian對我說,原來不知不覺已經行到去佢屋企。
如果今日唔把握機會,我就冇籍口去約佢… 唔知點解突然生出依個念頭! 有佢電話又係同一間公司,大把籍口可以去搵佢啦。
但自己又偏偏搵左個最差既行為去處理。 我突然錫左佢一啖。
Vivian反應主然地將我推開問我做咩錫佢… 「我想同你搞野。」 自私既我好怕自己受傷,唔想去拍拖怕自己用情太深又會變得失去一切,就好似Kristy點….
我怕愛同樣得不到愛…緣緣份份我已覺無聊。
我已經係一個壞人,個心爛到冇可能再回復。我係好想對Vivian講叫佢同我一齊,但又怕會再次受傷…亦好唔想傷害到其他人。
或者我真係唔能夠再有資格去愛人去拍拖去擁有幸福… 總係覺得自己就係一個不幸既人,自己不幸同時會為身邊既人帶黎傷害…
望住Vivian,我好難去壓抑自己內心。 佢像天使般的出現係我面前,佢係一個好靚好吸引人既女性,Vivian越睇越似女神。 性格可愛同時又隱隱帶有挑逗男人既野性…
面對佢誘惑人既外表同野火既身材,令我難以去壓抑自己既欲望…. 但一想到亂來又會傷害到佢,我良心又在對我說唔好諗住做衰野…
所以最後選擇了直接對Vivian說出口,我係一個賤人但我係對你有意思,如果你情我願就成為SP吧。
「啪」 Vivian既回應明顯不過了。
我多少感覺到失望….但又同時好似解放了心結。 少一個女人因為我而受傷,唔係一件好事嗎???
呆呆的望住Vivian入左lift… 一個人企著係街上….
心裡想著:「家明啊… 算啦…真係唔好搞搞震啦…..」一個人回家去了…