【從毒撚變成浪子 – 陪我走過的一些女性們】
【第九十九章】
同LING去睇樓既下午,我已經開始同SASA傾WHATSAPP。
【個頭有少少痛…】SASA先同我講野。
我立即回:【因為飲左酒? 有都好似有少少。】
【係啊。 好辛苦… 一陣食完野就食藥再訓下。】
【我都要再訓下,你食咩啊? 】我問SASA,要延續個話題同佢傾計。
SASA冇幾耐就回我:【仲未知道食咩好,阿爸阿媽都食左野,可能叫外賣。 你食左野未?】
如果唔係要同阿LING去睇樓,我會約SASA出黎一齊食野。 【我已經食左啦,同家人人左。要唔要我買比你食?】不過都留條尾比自己好一D。
同預想一樣SASA叫我唔好去:【唔洗啦,你自己都頭痛仲過黎。
傻左咩? 我自己叫啦。】
【OK,咁你快D叫啦,食完野快D食藥再訓下啊。
】回應SASA時加一D關心同溫柔應該會加分吧?
【你都訓下啦。 BYE~】
有少少唔捨得同佢完結話題,不過要同LING出去,唔可以傾得太順利所以只好扮訓左。
同LING睇完樓後食飯前,襯有少少空檔就回SASA:【你有冇好少少冇頭痛?】 有實在有少少心急想同SASA傾WHATSAPP。
過左一陣差唔多食飯時間佢回我:【好左好多,不過仲有少少痛。 你好返未?】
【我OK啊,不過好似仲未休息夠啊。】
【咁今晚你要早少少訓啊,聽日又要返工。】SASA同我傾得好好,我FEEL到佢都好關心我。
【係啊,聰日要返工啦。 你要唔要返工?】
【聽日都唔洗返工,不過後日要飛啦。 唔想返工!】
邊同阿LING食野,另一邊係台底同SASA偷偷地通訊著,
「啊… 不過早少少返屋企,我好勊啦。」
阿LING對頭:「尋日你忙左成日今日辛苦你啦,快D返屋企。」
「BYE」同LING道別後我就可以大大方方喧回應SASA。
【岩岩食左晚飯,你食左未? 後日飛去邊啊?】同SASA傾計,我覺得好快樂。